PARTORDING NI PARMINGGUON

MINGGU SEXAGESIMA

 Ev: Psalmen 119 : 1 - 8  Ep: 1 Korint 3 : 1 - 9

TOPIK:
“TUA NI HALAK NA DAULAT MARROHA”

HURIA KRISTEN BATAK PROTESTAN

MINGGU, 12 PEBRUARI 2023

1
1. Marende BE. HKBP No. 18 : 1 - 3 “UNGKAP BAHAL NA UMMULI”
BL. 84

♫♪♫
Ungkap bahal na ummuli bagas ni Debatangki.
Ai tu si do au naeng muli ganup jumpang Minggu i.
Hulului do di si bohi ni Debatangki.
♫♪♫
Nunga ro au, o Tuhanku, ro ma Ho tu au muse.
Ai di bagas ingananMu, las ni roha do sude.
Sai bongoti rohangkon, baen ma joroMi dison.

….Musik….
♫♪♫
(Jongjong) Sai pantun pangalahongku Maradophon bohiMi
Sai suruhon tu rohangku Tondi Porbadia i
Asa sai tongtong ture tangiangku ende pe.

2. VOTUM – INTROITUS – TANGIANG:

U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano on.
Amen. Sai paeleng ma pinggolMu tu ahu, hapogani paluahon ahu. Sai
Ho ma gabe dolok batu partanobatoan di ahu, gabe huta na gonting laho
pangoluhon ahu. Ai Ho do partanobatoanku hian dohot pangondinganku,
jala ala ni GoarMu sai iringiringonMu jala toguomu ahu. Tu Ho do, ale
Jahowa, ahu marhaposan, sai unang ma paurak ahu saleleng ni lelengna;
sai palua ma ahu marhitehite hatigoranMu! Haleluya!
H : (Mangendehon): BE. HKBP No. 852 : 1 ”HALELUYA HKBP (3x)
BL. 852
Haleluya, Haleluya, Haleluya.
U : Martangiang ma hita. Ale Tuhan Debata, Ama ni saluhut
parasinirohaon! Nunga ditatap Ho hami bangsoMon, ai ndang manjua Ho
mangalehon AnakMu na sasada i, Tuhan Jesus Kristus tu tangan ni
pardosa, asa taononNa haleaon dohot siak ni bagi sahat ro di hau na
pinarsilang. Sai tumpahi hami marhitehite asi ni rohaM, asa margogo
hami jala marbenget ni roha songon anak haholongan ni rohaMi di angka
sitaonon, asa marsangap GoarMu dohot AnakMu, Tuhan Jesus Kristus,
dohot Tondi Parbadia marhitehite hami. Amen.
2
 ( Hundul )
3. Marende BE. HKBP No. 467 : 1 + 4 “ASI NI ROHAM HUPUJI”
BL. 315

♫♪♫
Asi ni rohaM hupuji ala Ho manobus au.
Dipaias Ho rohangku gabe soranganMu au.
IngananMu rohanami TondiMi manggohi i.
Pangke dohot ngolunami gabe ulaulaMi.
♫♪♫
Sai papulik rohanami, gabe pangoloi di Ho.
Asa marsahala hami lao manghatindangkon Ho.
IngananMu rohanami TondiMi manggohi i.
Pangke dohot ngolunami gabe ulaulaMi.

4. PATIK:
U : Tatangihon ma Patik ni Debata di Minggu Sexagesima i ma 3 Musa 19 :
37 “Dibahen i radoti hamu ma saluhut parentangKu dohot uhumHu, jala
ulahon hamu angka i; ai Ahu do Jahowa.” Ima sahatna. Antong, rap
mangido gogo ma hita sian Tuhan Debata!

U+H : Ale Tuhan Debata sai pargogoi ma hami mangulahon na hombar tu

PatikMi. Amen.
5. Marende BE. HKBP No. 180 : 1 - 2 “RO TU JESUS HO NA LOJA”
BL. 228
♫♪♫
Ro tu Jesus ho na loja, na maheu i
Lam lumbang do di lambungNa, rohami.
♫♪♫
(Jongjong) Bereng di hau pinarsilang, daon ni sahitMi
Tuhanmi na hona uhum, singkatMi.

6. MANOPOTI DOSA:
U : Tatopoti ma dosanta martangiang ma hita! Ale Tuhan Debata,
Pargogo na so hatudosan jala Ama Parasiroha! Ndang lomo rohaM mida
hamatean ni pardosa; mulak ma nian parjahat i tumadingkon dalanna, asa
mangolu ibana, i do dipangido rohaM. Ala ni i umbahen dipangido hami;
sai sundati ma torutoruM asa unang mangonai be tu hami. Sai sesa sude
3
 dosanami, asa mangolu hami di bagasan asi ni rohaM. Sai pargogoi ma
hami, asa margogo hami, marhitehite Tuhan Jesus Kristus, Tuhannami.
Amen.

Bagabaga ni Debata taringot tu hasesaan ni dosa! Humophop hita,

gabe dosa do Ibana na so tumanda dosa dibahen Debata, asa gabe
hatigoran ni Debata hita, marhitehite Ibana. Hasangapon ma di Debata
na di ginjang!

U+H : Amen

7. Marende BE. HKBP No. 177 : 1 + 3 “NDADA TARHATAHON” BL. 147

♫♪♫
Ndada tarhatahon hahoholong ni
roha ni Tuhanta di pardosa i.
Marsak do rohaNa mida jolma i,
na so olo unduk di hataNa i.
♫♪♫
Jesus do manaoni dosa ni sude
Nunga digarari do utangta be.
Nunga pola mate Tuhan Jesus i
paluahon hita sian dosa i.

8. E P I S T E L:
U : Turpuk Epistel di Minggu Sexagesima sadari on i ma na tarsurat di 1
Korint 3: 1 – 9: Ahu pe, ale angka dongan, ndang tarbahen ahu
manghatai tu hamu uju i songon na tu angka partondi, sandok songon na
tu angka pardaging do jala posoposo di bagasan Kristus.
H : Susu do hupainumhon tu hamu, ndada sipanganon hian, ai ndang
tarjalo hamu i uju i; gari nuaeng, gari so tarjalo hamu dope!
U : Ai tong dope hamu pardaging. Ai anggo masa di hamu pangiburuon
dohot parsalisian, nda pardaging hamu jala mamarangehon ruhut
hajolmaon?
H : Ai nda parroha hajolmaon hamu, molo adong na mandok: Sisean ni
Paulus do ahu, jala na sada an: Sisean ni Apollos do anggo ahu?
U : Ai ise Apollos; ise Paulus? Parhalado do nasida, parhiteanmuna gabe
porsea, jala ganup hombar tu pangalehon ni Tuhan i di ibana.

4
 H : Ahu do manuan, Apollos do pabornokhon; alai Debata do
patubuhon.
U : Asa ndada rajuman na manuan manang na pabornokhon; Debata na
patubuhon, i do!
H : Dos do na manuan dohot na pabornokhonsa; alai ganup do manjalo
upana, hombar tu pangulaonna be.
U : Ai dongan pangula ni Debata do hami; hauma ni Debata, bagas ni Debata
do anggo hamu.
I do sahatna. Martua do angka na tumangihon Hata ni Debata jala na
umpeopsa.

U+H : Amen.

9. Marende BE. HKBP No. 123 : 1 + 3 “ALE DONGAN NA SAROHA”

BL. 180

♫♪♫
Ale dongan na saroha manjalahi dame i
Dompak Jesus tapasada holong ni rohanta i
Ai Ibana do Ulunta hita do ruasNa i.
Tuhan Jesus do Gurunta hita siseanNa i.
♫♪♫
(Jongjong) Sai pasada ale Tuhan angka na porsea i
Asa masihaholongan songon na pinatikMi
Dibagasan hasintongan i do pinangidoMi
Sai padomu angka dongan na tutu sinondangMi

10. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
H : Ahu porsea di Debata Jahowa…. d.u
(Hundul)
11. TINGTING:

12. Marende BE. HKBP No. 831 : 1 .... “TUNG JOTJOT AU”
BL. 831 (Pelean Ia, Ib)
♫♪♫
Tung jotjot au songon boru Samaria, mangalap aek tu sumur i,
5
 Hape so boi sombu uasna, mulahulak pe mangalap i.
Tung tuani ma ro Jesus manjouhon “Au do aek hangoluan i,
Pangido ma asa Hulehon aek na pasombu uasMi.”
Ale Jesus aek hangoluan gohi dohot panginumanhi,
Asa sombu uas na di rohangki asa sonang gok dame tondingki.
♫♪♫
Tung torop do jolma i na tarlalap lao mangoloi dagingna i
Suda gogona mamingkiri holan ngolu sisatongkin i,
Di ujungna pe ingkon sai tarhirim molo so ro tu Jesus i,
Ai holan marhite Ibana, jumpang hita hangoluan i.
Ale Jesus aek hangoluan gohi dohot panginumanhi,
Asa sombu uas na di rohangki asa sonang gok dame tondingki.
---Musik---
♫♪♫
Molo mauas tondimu ale dongan, hatop ma ro tu Jesus i
Ibana do aek hangoluan, sai tangihon ma hataNa i
Di Ibana dapot ho hasonangan, pasahat ma dirim tusi
Mardame ho jala martua, ro di salelenglelengna i.
Ale Jesus aek hangoluan gohi dohot panginumanhi,
Asa sombu uas na di rohangki asa sonang gok dame tondingki.

13. J A M I T A: PSALMEN 119 : 1 – 8 “Tua ni halak na daulat marroha”

14. Marende BE. HKBP No. 140 : 1.... “GIRGIR MA HAMU”
BL. 141 (Pelean II)
♫♪♫
Girgir ma hamu manogu sude, na hum na begu,
Manjua dope. Di hata ni Jesus, na sangap tongtong
SangkapNa patulus, di portibi on.
♫♪♫
Ndang jadi hamu mabiar ale,
sai pangke burju gogom sasude
Nang hehe sibolis, mamolgak hamu
Sai tatap ma Jesus pargogo tutu
---Musik---
♫♪♫
Radoti burju hataNa sude,
sai monang hamu, baenonNa muse
Ibana do Raja, na tong monang i
6
 Torop pe alona sumurut do i.
♫♪♫
Asi ma rohaM ale Debata.
Pasaut ma hataM, tumpahi nama
sude na niula ni naposoMi
Sai baen ma martua sude jolma pe.
---Musik---

15. Tangiang Pelean – Tangiang Ale Amanami - Tangiang Pasupasu:

(Jongjong)
U : Tatangianghon ma peleanta! Ale Debata, Amanami na di banua ginjang!
Ho do haroroan ni saluhut silehonlehon na denggan dohot nasa ulibasa na
mauliutus. Hupasahat hami ma sian na nilehonMi tu hami, peleannami tu
Ho. Sai jalo ma i gabe uap na hushus di joloM. Pasupasu ma i jala ramoti
asa huparhaseang hami pelean on, patimbulhon harajaonMu di
tongatonga ni huriaM dohot di portibi on. Buhai ma rohanami
marhitehite TondiM, asa lam hutanda hami godang ni silehonlehonMi tu
hami, asa lam girgir hami mandok mauliate tu Ho, marhitehite Jesus
Kristus Tuhannami. Amen.
H : (Mangendehon) BE. HKBP No. 204 : 2 “NDANG TADINGHONONHU
HO” BL. 73
♫♪♫
Nasa na nilehonMi, tondi ro di pamatanghu. Hosa dohot gogongki,
ro di saluhut artangku. Hupasahat i tu Ho, na so unsatonhu do.
U : Ale Amanami na di banua ginjang! Sai pinarbadia ma GoarMu! Sai ro ma
harajaonMu! Sai saut ma lomo ni rohaM di banua tonga on songon na di
banua ginjang! Lehon ma tu hami sadari on hangoluan siapari! Sesa ma
dosanami songon panesanami di dosa ni dongan na mardosa tu hami!
Unang hami togihon tu pangunjunan! Palua ma hami sian pangago!
H : (Mangendehon): BE. HKBP No. 841 : 1 “Ai Ho Do Nampuna
Harajaon” BL. 841
♫♪♫
Ai Ho do nampuna harajaon, dohot hagogoon, ro di hasangapon,
saleleng ni lelengna. Amen
U : Pasupasu.
H : (Mangendehon ) BE. No. 845 : 1 “Amen (3x) HKBP” BL. 845
Amen, Amen, Amen.