Partording Ni Parmingguon

PESTA GOTILON, ULANG TAHUN KE-15

&
PESTA PARHEHEON SINGKOLA
MINGGU

HKBP SEI BAHAR RESORT JAMBI

MINGGU, 05 Nopember 2023
Pkl. 10.00 WIB
Minggu XXII Dung TRINITATIS

Topik:

PASANGAP MA JAHOWA MARHITE HAMORAON

DOHOT DAGINGMU
“MULIAKANLAH TUHAN DENGAN HARTA DAN TUBUHMU”
Ev: PODA 3 : 9 - 10 EP : ROM 12 : 1 - 2
I. PROSESI (Parhalado ditomutomu team tortor, jongjong ma ruas ni Huria)
II. IBADAH

1. Joujou Marsomba tu Debata: (U = Uluan; H= Huria, S= Sude)

U: Huria ni Debata na hinaholongan ni Tuhanta Jesus Kristus, dibagasan
sadarion, tung tama do hita mandok mauliate tu Debata, disaluhut
pandonganion dohot pangaramotion ni Debata, di sude pardalanan ni
ngolunta. Di ari sadarion dipaloas Debata huriaNa HKBP Sei Bahar Resort
Jambi, patupahon Pesta Gotilon, pesta ulang tahun, huhut parheheon Singkola
Minggu, manghalashon pasupasu dohot denggan basa ni Jahowa dibagasan
ngolunta. Tung na so marpansohotan do asi ni roha ni Debata dibagasan
ngolunta marsadasada. Alani tanda ni las ni rohanta, di parbue ni tanganta
naung di pasupasu Tuhanta, marende ma hita sian BE. No. 6 : 1 + 3 + 4 “Puji
Jahowa Na Sangap”.
H: Mangendehon BE No. 6 : 1 + 3 + 4 “ Puji Jahowa Na Sangap”
♫♪♫
Puji Jahowa na sangap huhut marmulia
Hamu sude na parroha na ringgas na ria
Marpungu be, marolopolop sude, hamu sude manisia
♫♪♫
Puji Jahowa naung tipak manompa dagingmu
Jala na tongtong manumpak hisar pamatangmu Jotjot do ro
pangurupiNa tu ho, uju na ro hagogotan
musik....
♫♪♫
Puji Jahowa situmpak sude ulaonmu
Ai ditumpakhon tu ho tongtong hangoluanmu
Ingot ma i, denggan basaNa do i, tomutomuNa sambing do

(jongjong)
2. VOTUM – INTROITUS – TANGIANG :
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano
on.
H: Amen!

1
U: Olophon ma Jahowa, ale sandok tano on! Oloi hamu ma Jahowa
marhitehite lasni roha, ro be ma hamu tu joloNa marhitehite olopolop.
H: Boto hamu ma on: Jahowa do Debatanta; Ibana jumadihon hita , jala Ibana
nampuna hita , bahen bangsona dohot biru-biru pinarmahanNa.’
U: Bongoti hamu ma angka bahalNa marhitehite hamauliateon, angka
alamanNa marhitehite pujipujian, mauliate ma roha muna tu Debata,
puji ma goarNa. Haleluya!
S: Mangendehon: Haleluya. . .Haleluya. . .Haleluya. . .
U: Martangiang ma hita:
Ale Jahowa Debatanami, sitompa jala siramoti hami, tama do hami
pasahathon pujipujian dohot hamauliateon tu Ho. Na marpungu do hami
huriaM sadari on patupahon Pesta Gotilon, songon dalan nami laho mandok
mauliate disude pasu-pasu naung dilehon Ho di hami. Diparmudumudu Ho
hami na tinompaM, asa unang rapar, diapuli Ho hami uju marsak, jala dilehon
Ho gogo tu hami uju gale. Nasa na denggan tu daging na tondi nami nunga
hujalo hami sian Ho
H: Mauliate ma ale Tuhannami!
U: Sai pasupasu ma ruas ni huriaM sian dakdanak sahat ro di na magodang,
ruas nang Parhalado na pe. Asa gabe ruas nang Parhalado na burju hami
tau laho mandok mauliate tu Ho. Lehon ma TondiM tu hami, na
mamuhai dohot patiurhon mata ni roha nami, asa lam huida hami sude
na denggan, sude na uli na pinatongonMi tu hami, asa lam ringgas
rohanami mamuji dohot pasangaphon Ho marhitehite Jesus Kristus
Tuhan nami.
H: Amen! (hundul)
3. Marende: BE. No. 467 : 1 + 4 “Asi ni RohaM Hupuji”
♫♪♫
Asi ni rohaM hupuji ala Ho manobus au.
Dipaias Ho rohangku, gabe soranganMu au.
IngananMu rohanami, TondiMi manggohi i.
Pangke dohot ngolunami gabe ulaulaMi.
♫♪♫
Sai papulik rohanami, gabe pangoloi di Ho.
Asa marsahala hami, lao mangkatindangkon Ho.
IngananMu rohanami, TondiMi manggohi i.
2
 Pangke dohot ngolunami gabe ulaulaMi.

4. P A T I K :
U: Tatangihon ma Hata ni Debata na gabe Patik di Pestanta sadari on, i ima na
tarsurat di Lukas 21 : 36, songon on ma didok disi : Alai dungo ma hamu
tongtong mardongan tangiang, asa margogo hamu, pasiding saluhut na naeng
masa i, laho jongjong di jolo ni Anak ni jolma i!
I do sahatna, Antong rap mangido gogo ma hita sian Tuhan Debata!

U+H : Ale Tuhan Debata, Sai Pargogo i ma hami mangulahon na hombar tu

PatikMi. Amin
5. Marende Be No. 424 : 1 - 2 ”Soara Ni Tondi”
♫♪♫
Soara ni Tondi ni Tuhanta i, Jot-jot dilaosi, ditulak ho i.
Sai tanda jeamu, pauba roham, Dapothon Tuhanmu, sisesa dosam.
. (Jongjong)
♫♪♫
Marunduk ni roha topoti sude, Pambaenmu na torbang, jengkelmu sude,
Pasahat tu Jesus sandok dirimi. Sai tong pasunggulhon pangkophopNa i
6. TANGIANG MANOPOTI DOSA:
U: Tatopoti ma dosanta, martangiang ma hita! Ale Tuhan Debata,
Amanami na di banua ginjang! Ho do na patupahon hasesaan ni dosa di
hami halak na dangol on marhitehite Anak haholongan ni rohaM.
H: Sai asi ma rohaM di hami, angka na mangarsakhon dosanami.
U: Sai sahapi ma tu bagasan rohanami hasesaan ni dosanami i. Lehon ma
tu hami TondiM na badia i, asa unang ganggu rohanami di asi ni
rohaM, alai asa hot rohanami marhaporseaon laho manggotaphon nasa
dosa dohot roha portibi on, asa hupasahat hami dirinami tu Ho, gabe
pelean na mangolu jala na badia marhitehite Tuhan Jesus Kristus
Tuhannami. Amen.
S: Manghuling musik angonangon : BE. No. 683 : 1 “Di adopanMu Jesus”
U: Tabege ma bagabaga taringot tu hasesaan ni dosa: Ise be mangaluhon
angka na pinilit ni Debata? Debata do mamintori. Ise do na mandabu uhum
hamagoan? Kristus Jesus do naung mate; alai ndada holan i, naung mulak
mangolu do, jala di siamun ni Debata do Ibana mangondihon hita.
Hasangapon ma di Debata na di ginjang !
U + H : Amen (Hundul)

3
7. Marende BE No. 443 : 1 “DUNG TUHAN JESUS”
♫♪♫
Dung Tuhan Jesus nampuna au, songgop dameNa, biarhu lao,
Taripar gogo ngoluNa i, nasa dosangku naung sae do i.
Tabaritahon holongNa i. Didia Tuhan, tudoshon i?
Tuk manumpahi tarlobi da? Sasada Jesus, pinuji ma!
8. E P I S T E L:
U : Tatangihon ma hata ni Debata Turpuk Epistel di ari Minggu on, tarsurat di
Rom 12 : 1 - 2.
“Na huapoi ma hamu, ale angka dongan, marhitehite asi ni roha ni Debata:
Pasahat hamu ma dagingmuna bahen pelean na mangolu, na badia, na
hinalomohon ni Debata; i ma hadaulaton ni na marroha.”
H : Jala unang gabe sarombang hamu dohot portibi on; alai gabe imbaru
ma hamu, dung muba pingkiranmuna, asa tau hamu manimbangi lomo
ni roha ni Debata, i ma na uli, na hinalashonna dohot na sun denggan
U : I do sahat na. Martua ma halak na tumangihon Hata ni Debata jala na
umpeopsa. Amen.
9. Marende BE HKBP No. 466 : 1 – 2 “NUNGA RO AU”
♫♪♫
Nunga ro au. O Tuhanku tu hau pinarsilangMi
Hu pelehon ma diringku upa halojaonMi
Hatuaon i las ni rohangki, ai hibul do hupelehon nasa diringki
. . (Jongjong)
♫♪♫
Ndang adong naeng tioponku, saluhut tu tanganMi.
Maradian do tondingku di bagasan lomoMi.
Hatuaon i las ni rohangki, ai hibul do hupelehon nasa diringki

10. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni donganta
sahaporseaon di sandok portibi on. Rap ma hita mandok:
H : Ahu Porsea di Debata Jahowa….. d.u. (Hundul)
11. Koor : Ina
12. Tingting :
13. Koor : Remaja Naposobulung
14. Marende BE HKBP No. 470 : 1…“JESUS HO NAMPUNA AU” (huhut
pasahat Pelean Ia, Ib)

4
 ♫♪♫
Jesus Ho nampuna au, dohot na adong di au
Gogo dohot hosangki, sahat ma tu tanganMi
♫♪♫
Sai rajai ma matangki, manangkasi dalanMi
Sai patinggil pinggolhi, tumangihon hataMi

----------Musik----------
♫♪♫
Dohot tanganki tahe, naeng manjama na ture:
Dohot pat sai naeng tongtong, mandalani dalanMon
♫♪♫
Hata nang soarangki, sai rajai ma dohoti,
Sai denggan huhut sintong, baen hatangku sai tongtong.

15. J A M I T A: Poda 3 : 9 - 10
16. Marende BE No. 694 : 1.. “JESUS HO NAMPUNA AU” (Pasahat Pelean
II)
♫♪♫
Jesus Ho nampuna au, dohot na adong di au
Gogo dohot hosangki, sahat ma tu tanganMi, sahat ma tu tanganMi.
♫♪♫
Sai rajai ma matangki, manangkasi dalanMi
Sai patinggil pinggolhi, tumangihon hataMi, tumangihon hataMi

----------Musik----------
♫♪♫
Dohot tanganki tahe, naeng manjama na ture:
Dohot pat sai naeng tongtong, mandalani dalanMon, mandalani
dalanMon
♫♪♫
Hata nang soarangki, sai rajai ma dohoti,
Sai denggan huhut sintong, baen hatangku sai sintong. Baen hatangku
sai sintong

5
17. PASAHATHON SILUA DOHOT AMPLOP PESTA GOTILON
(Parhalado menyambut Jemaat di depan Altar)

U : Huria ni Tuhanta, nahinaholongan di bagasan Tuhan Jesus Kristus!

Halashononta ma sadarion denggan basa ni Debata na mamasumasu
naniula ni tanganta marhite; PESTA GOTILON. Ndang sian portibion
na tagotil i, manang alani gogo ni tanganta sandiri, manang alani na
jinou ni tua, alai tung denggan basa dohot asi ni roha ni Jahowa do i,
manumpak dohot sumarihon hita. Antong dibagasan roha na serep
tadok ma mauliate tu Debata, tapuji ma Ibana, sian BE No. 373
“Mangula hita jolma”
H : (mangendehon BE, No. 373:1-2, “Mangula hita jolma”)
Mangula hita jolma manabur boni i, alai anggo jadina di Debata
do i, Dilehon las ni ari, nang nambur udan pe, Tongtong di
panumpakNa marguru sasude, Nasa ulibasa ro sian Debata, i pe
Ibana puji ma huhut haposi da.
Sai sian Debatanta do nasa na adong, Nang rihit sangkamata,
nang laut,nang tano on. Tinompa ni hataNa, do hau nang bulung
i, Nang nasa parbuena, nang bungabunga i, Nasa ulibasa ro sian
Debata, i pe Ibana puji ma huhut haposi da.
U : Hamu dongan sahuria! Nunga taboan be tu tongatonga ni bagasta,
parbue ni angka nataula i, jala sadarion ro hita mamboan i tu jolo ni
Debata marhite huriana. Taokuhon do, saluhutna silehonlehon na
denggan, nasa ulibasa na mauliutus, ima na ro sian ginjang. Dilehon
do di hita parbueni tano, parbueni suansuanan dohot parbue ni angka
ulaonta.
H : Mauliate ma di Ho Tuhan, naung mangalehon parbue ni angka
ulaonnami.
U : Didok hata ni Debata: Ingkon buatonmu ma sian patumonaan ni
sandok parbue ni tano i, na dapot ho sian tanomi, naung nilehon ni
Jahowa, Debatam tu ho, jala pamasuhonmu do i tu bagasan ampang,
jala boanonmu do i tu inganan sipilliton ni Jahowa, Debatam bahen
6
 inganan di Goarna. Ingkon burju do lehononmu parpuluan sian nasa
gogo ni tano, boni sinaburhonmi, sian saluhut na tubu di tanomi ganup
taon. (5 Musa 26:2).
H : Mauliate ma di Ho Tuhan, naung mangalehon parbue ni angka
naniulanami. Hupasahat hami ma i bahen pelean na hushus di
joloM.
U : Antong! Taruhon hamu ma sintong parsampuluan i tu bagas
parpeopan, asa adong bohal di bagasan jabungku, jala unjuni hamu
ahu taringot tusi, ninna Jahowa Zebaot, manang so ungkaponku di
hamu angka pandiloan ni langit, jala mangusehon tu hamu gabe
maradu marlobilobi. (Maleakhi 3:10)

PASAHATHON SILUA:
(Ro ma sude ruas pasahathon Pelean Pesta Gotilonna tu jolo
huhut Marende BE. No. 720:1…. “Naeng Marsinondang Ngolungku”

Naeng marsinondang ngolungku, diigil Jesus i, manang didia pe ahu

tongtong huingot i, Ref. Tiur marsinondang, ido niigil ni Jesus, tongtong
marsinondang, panondang do au tutu.
Ingkon hobas mangurupi angka na gale i, jala burju manghobasi
songon Tuhanta i, Ref. Tiur marsinondang….
Tuhan urupi ma ahu, sai jaga rohangki, asa marsinondang ahu, Ho naeng
tiruongki, Ref. Tiur marsinondang…………
Naeng oloangku Tuhanku, saleleng ngolungki, sogot di surgo
endengku pasangap Tuhan i, Ref. Tiur marsinondang…..

U : Puji ma Jahowa, ale tondingku, jala nasa rohangku di bagasan mamuji

goarna na badia i.
H : Puji ma Jahowa, ale tondingku, jala unang tung halupahon
denggan ni basana sudena.
U : Ibana do manesa dosam sudena, Ibana pamalum angka sahitmu
sudena.
H : Ibana paluahon ngolum sian hamagoan, Ibana martumpalhon tu
ho denggan basa dohot asi ni roha.

7
U : Ibana pamahap roham marhitehite denggan basa, asa mulak poso ho,
songon pidong raja wali.
H : Jahowa do patupahon angka pambahenan hatigoran, jala
dipatingkos uhum tu sude angka na nirupa.
U : Ibana do pabotohon angka dalanna tu si Musa, tu angka anak ni Israel
angka pambahenna i.
H : Parasi roha jala pardengganbasa do Jahowa, lambat tarrimas jala
parasi roha godang.
U : Ndang tongtong Ibana manorui, jala ndang gotos rohana saleleng ni
lelengna.
H : Ndang dibahen tu hita hombar tu angka dosanta, jala ndang
dibaloshon tu hita hombar tu angka hajahatonta.
U : Ai songon dao ni langit sian tano on do gogo ni asi ni rohana di angka
na mangkabiari Ibana.
H : Songon dao ni habinsaran sian hasundutan dipadao Ibana sian
hita angka pangalaosintai.
U : Songon asi ni amaama tu angka anakna asi ni roha ni Jahowa di angka
na mangkabiari Ibana. Antong! haposi hamu ma hata ni Debata na
mandok: Alai marhuaso do Debata, mangusehon saluhut asiasi tu
hamu, asa sandok tuk situtu di hamu jala marlobilobi hamu, laho
patupahon saluhut ulaon na denggan. Antong taharinggashon ma
manghobasi huriaNa dibagasan dame, sada ni roha dohot holong ni
roha. AMEN.

MANDOK HATA MAULIATE

Marende BE No 435 : 3 “Morolopolop Tondingki”

Tu Jesus sahat ngolungki, saleleng ni leleng na i, Rap dohot au
endehon ma, endengku na imbaru da, Sonang ni tingki i, dung
jumpang Jesus Tuhanki, Tondi na mangajari au, tarbaen marlas
ni roha au, Sonang ni tingki i, dung jumpang Jesus Tuhanki.

18. Tangiang Panutup + Tangiang Pesta Gotilon + Tangiang Pasupasu

8
III. TINGTING NAMARRAGAM
1. GOAR NI MINGGU DOHOT TOPIK MINGGU
a. Goar ni Minggu: Minggunta sadarion ima Minggu XXII Setelah Trinitatis
Topik Minggu : PASANGAP MA JAHOWA MARHITE HAMORAON DOHOT
DAGINGMU

b. Tutup Langgatan : Ratarata (Hijau) warna kehidupan dan

pertumbuhan, lambang praktek kehidupan orang kristen Kristen
dalam kuasa penebusan dan keselamatan dari Allah.
c. Di Minggunta sadarion dipatupa hurianta do pesta Gotilon,pesta ulang
tahun dohot parheheon ni singkola Minggu.Na niuluhon ni inang
Pdt.Pesta br.Silaen,S.Th.
d. Dung simpul minggunta annon,Unang ma jo pittor mulak hita siala
dipatuppa ianakhonta singkola minggu dohoy Remaja Naposo do
acara hiburan ima tortor jala rap marsipanganon do hita annon dung
simpul minggunta.
e. Tahamuliatehon ma saluhut denggan basa ni Jahowa na tu hita suang
songoni nang pardalanan ni huriaNa sahat tu sadarion boho 15
taon,sudena i ala asi dohot holong ni roha ni Debata siala ni
tapasangap jala tapuji ma goar ni Debata marhitehite Pesta Gotilonta
sadarion,marsiurupan jala marsitogutoguan ma hita,laho paulihon
huriaNa.
f. Celengan diakonia huria naung dipasahat tu hita saluhutna,asa taingotma
mangisi di bagas ta be,
1. Torop ni namandohoti Parmingguan

Sektor Parh Ama Ina Nps SKM Pungu

Minggu,29 6 8 20 27 12 73 halak
Okt. 2023

9
 2. Namarulang Tahun dibagasan samingguon.
3. Goar Tanggal Lahir Hadiah
1.Johannes Pasaribu 30-10-2001 (22 thn ) Sai parrohai ma hami mamilangi
2.Rimson Situmorang 1-11-1995 (28 thn ) angka ariarinami, asa dapotan roha
3.R.Munthe 3-11-1978 ( 45 thn ) na bisuk hami.
4.H.br.Lumbangaol 4 -11-1996 ( 27 thn ) (Psalmen 90: 12)
5.Melyani br Tambunan 4 – 11-2012 ( 11 thn )

PARHEPENGON
1 PELEAN MINGGU
N URAIAN RP HURIA 45 % Sentralisasi
o PENERIMAAN (BPSK) 55
%
MASUK KELUAR
1. Saldo Kas 29 Okt, 16.109.943 -
2023
2.

Sikola Minggu 40.000 18.000 22.000

Minggu Namagodang
1. Pelean 1a 175.000 78.750 96.250
2. Pelean 1b 175.000 78.750 96.250
3. Pelean II/ 176.000 79.200 96.800
Namarboho

3. PELEAN KATEGORIAL
Pelean Ina
Pelean R/N 77.000 34.650 42.350
4. PELEAN PARTANGIANGAN LINGKUNGAN

5. PELEAN TAON/ BULANAN

1.Kel.P.Manurung 200.000 90.000 110.000
6. NATURA
7. HAMULIATEON
10
 1.Kel.S.Sitorus 100.000 45.000 55.000

PENGELUARAN
1.Foto Copy Acara dan Print 48.000
2.Batre ABC 1 box 60.000
3.Perbaikan motor Inv.(turun 1.899.100
mesin )

Total 424.350 2.007.100

Kas huria per 5 Nov,..2023 Rp. 16.534.293 – Rp. 2.007.100=Rp.14.527.193
Jadi, Rp. 14.527.193

*SELAMAT HARI MINGGU*

11