 Ev: Jakobus 1 : 22-25  Ep: Jesaya 58 : 1-9a

TOPIK:
GABE SIULAHON HATA I

MINGGU, 05 PEBRUARI 2023

1. Marende BE. HKBP No. 5:1-3 “Sai tapuji ma Jahowa” BL. 83

1
 ♫ Sai tapuji ma Jahowa, Debatanta na tutu. Tapatimbul ma Amanta, na bonar
huhut burju. Binsan hosangki disi, Pujionku Tuhanki.
♫ Ndang haposan ni rohanta dongan na di tano on; Ai jotjot do mubauba tahi
ni rohaninon. Dung i, molo mate i, pesan ma tahina i.
……….Musik……….
♫ Sai martua manang ise siasahon Debata. Ai dison pe dohot muse
dipasonang Debata. Ala ni haposi ma holan Tuhan Debata.

2. Votum :
U: Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia na tumompa langit dohot tano on.
Amen! Beta ma hita manungkap marsomba, marsinggang ma hita tu
adopan ni Jahowa, Sitompa hita. Ai Ibana do Debatanta, jala hita
bangso pinarmahanNa jala birubiru niiringiring ni tanganNa. Haleluya!

U&H : Mangendehon: BE.HKBP No. 852: 1 “HALELUYA (3x) HKBP”

♫ Haleluya, Haleluya, Haleluya.

U : Martangiang ma hita! Ale Amanami na di banua ginjang! Disuru

Ho do AnakMu Tuhan Jesus Kristus tu portibi on, asa disegai angka
ulaon ni sibolis i. Sai padungo ma hami marhitehite TondiM na badia i,
asa unang tarpedem hami dibagasan dosa, alai asa monang hami sahat
ro di ujung, jala asa mardame hami saleleng di tano on, paima sahat
hami tu hangoluan na so ra suda marhitehite AnakMu, Tuhan Jesus
Kristus, Tuhannami. Amen.
Hundul!.

3. Marende B.E HKBP No. 733:1-2 “Dulo ma au on O Tuhan” BL.733

♫ Dulo ma au on, O, Tuhan, bege anggukhon. Ro do Ho tu angka dongan,
topot nang au on. Ref: Jesus Tuhan, bege anggukhon. Ro do Ho tu angka
dongan, topot nang au on.
♫ Tu adopanMi, o Tuhan, marsomba au on. Sai asi rohaM, o Tuhan, jangkon
ma au on. Ref. Jesus Tuhan ...

2
4. Patik :
U : Tangihon hamu (Tatangihon) ma Patik ni Debata di Minggu
Septuagesima sadari on, ima Patik V-X. Patik palimahon : Ingkon
pasangaponmu do natorasmu asa martua ho jala leleng mangolu di tano
na nilehon ni Jahowa Debatam di ho.
H : Patik paonomhon : Unang ho mamunu!
U: Patik papituhon : Unag ho mangalangkup!
H: Patik paualuhon : Unang ho manangko!
U: Patik pasiahon : Unang ho olo manghatindanghon hata na so tutu
maralohon dongan jolma.
H: Patik pasampuluhon: Ndang jadi haliangan ni roham bagas ni
donganmu, ndang jadi haliangan ni roham dongan saripe ni
donganmu, manang naposona baoa manang naposona boruboru
manang lombuna manang hodana, manang dia pe ugasan ni
donganmu.
U: Ima sahatna, antong rap mangido gogo ma hita sian Tuhan Debata
laho mangulahon patikNa i.
U&H: Ale Tuhan Debata, sai pargogoi ma hami mangulahon na hombar
tu PatikMi. Amen.

5. Marende B.E HKBP No. 421:1+4 “Marsomba au dijoloMon“ BL.281

♫ Marsomba au di joloMon, ponjot, targogot rohangkon, dibaen godang ni
dosangkon, sai jangkon dohot au. Ref: Sai jangkon ma au on, na ramun
diringkon, tung pos do rohangki di Ho, dijangkon Ho au on.
♫ (Jongjong…) Ndang boi denggan be diringki, sai baen imbaru rohangki,
Tung tuk Ho patupahon i, umbaen tu Ho au ro. Ref: Sai jangkon...

6. TANGIANG MANOPOTI DOSA :

U : Tatopoti ma dosanta! Martangiang ma hita! Ale Amanami jala
Debatanami na di banua ginjang. Parasiroha na sumurung mida hami!
Huparhatutu jala hutopoti hami do dosa dohot pangalaosionnami na
godang i. Tatap hami marhitehite asi ni rohaM, jala sesa ma dosanami

3
 saluhutna, ala ni panghophop ni Anak haholongan ni rohaM, Tuhan
Jesus Kristus, Sipangolu hami. Amen.
Bagabaga ni Debata taringot tu hasesaan ni dosa: Ro ma hamu tu Ahu,
asa mangolu tondimuna, ninna Tuhan Jahowa. Tung sura rara dosamuna
songon abit bunga dapdap, bontar do bahenonHu songon itak; nang pe
rara songon abit hasumba, gabe songon hapas do muse. Hasangapon ma
di Debata na di ginjang!

H = Amen. -Hundul-

7. Marende BE.HKBP No. 417:1 “Rade situtu haluaon” BL. 278

♫ Rade situtu haluaon, na naeng tangkuponmu antong. Rade nang di ho
hatuaon, sihalashononmu tongtong. Bernit do ditaon Tuhanmu pasaehon
dosam sasude. Tung unang paujat Ibana, sai jangkon panghophopNa i.

8. Epistel:
U: Tangihon hamu (Tatangihon) ma Hata ni Debata Epistel di Minggu
Septuagesima sadari on, tarsurat di Jesaya 58 : 1-9a; Mangasa gogo
ma ho joujou, unang paontok! Pangiar ma soaram songon sarune jala
pabotohon tu bangsongKu pangalaosionnasida dohot tu pinompar ni si
Jakkob dosanasida i.

H: Sai dilului nasida do Ahu nian ariari, jala dihalomohon

parbinotoan di angka dalanHu, hira bangso na mangulahon
hatigoran, jala na so dung tumadinghon uhum ni Debatana, lam
dipangido nasida muse sian Ahu angka uhum hatigoran, jala
dihalomohon hajojonok ni Debata.

U: Ninna do: “Boasa tung marpuasa hami, hape ndang diida Ho?
Hupasipal hami dagingnami, hape ndang dipardulihon rohaM?” Ida
ma di ari parpuasaonmuna, apala disi ma disubut hamu rohamu, jala
disosaksosak hamu do pangulamuna.

4
 H: Ida ma, marpuasa pe hamu asa mambahen bada dohot parsalisian
huhut mamastapi mangasahon gostong ni botohon. Unang datdati
hamu marpuasa songon nuaeng, ai ndang tarbahen sahat
soaramuna tu banua ginjang.

U: Tung parpuasaon na tarhalomohon Ahu ma i, sadari dionsit jolma i

rohana, dipatungki uluna songon arung, marpeahan di hori dohot di
sirabun? Tung parpuasaon ma i goaron, jala ari lomo ni roha ni
Jahowa?

H: Nda on do parpuasaon na huhalomohon: Harhari angka ihotihot

ni hajahaton, palua angka tali ni auga; jala palua halak na nirupa,
jala ropuhi nasa auga?

U: Nda on do, molo diponggoli ho rotim tu halak na male, jala ditogihon

ho tu jabum halak na dangol dohot panangkarnangkar? Molo diida ho
halak na marsaemara, gabe diabiti ho ibana, jala ndang martabuni ho
maradophon sibukmu.

H: Jadi tompu ma binsar hatiuronmu songon buha siang ari, jala

hatop martumbur hahisaronmu, jala mardalan di jolom
hatigoranmu, hamuliaon ni Jahowa manimpuli sian pudim.

U: Dung i joujou ma ho, jadi alusan ni Jahowa ma ho; molo

angguhangguk ho, gabe dohononNa ma: Ida ma, dison do Ahu! I ma
sahatna: Martua do angka na tumangihon hata ni Debata jala na
umpeopsa.

H: Amen.

09. Marende BE.HKBP No. 716:1+3 “Di na mamolus sandok ngolu on” BL.
716
5
 ♫ Di na mamolus sandok ngolu on, gok do na marsak gale. Boan sinondang
tu na holom i, asa margogo muse. Ref: Bahen ma ahu parhiteanMu,
pasupasuM mabaor ma i. Ale Tuhanku patupa ma au, baen pasupasu tu
dongan sude.
♫ (Jongjong…) Ula na denggan tu halak sude, songon binaenNa tu ho. Ingot
urupi luhut na gale, gabe parholong ma ho. Ref: Bahen ma ...

10. Manghatindanghon Haporseaon:

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!

H: Ahu porsea di Debata Jahowa…… (Hundul)

11. Tingting

12. Marende BE. HKBP No. 826:1 – 3 “Gohi au Tuhan” BL. 826 (P.Pelean
Ia,Ib)
♫ Gohi au Tuhan marhite HataMi, gohi au Tuhan marhite HataMi. Songon
hudon na rumar do au Tuhan di sumurMi, Gohi au Tuhan marhite HataMi.
♫ Gohi au Tuhan marhite HataMi, gohi au Tuhan marhite HataMi. Na mauas
do tondingku, O, Tuhan di HataMi. Gohi au Tuhan marhite HataMi.
…….Musik………
♫ Gohi au Tuhan marhite HataMi, gohi au Tuhan marhite HataMi. Asa tang
jala matoras au, marhite HataMi, Gohi au Tuhan marhite HataMi.

13. JAMITA: Jakobus 1 : 22-25

14. Marende BE.HKBP No. 28:1 – 7 “Hata ni Jahowa” BL.203 (Pelean
II )
♫ Hata ni Jahowa, Sipadame jolma Hangoluan i! Halalas ni roha, siapuli
roha ni na marsak i! Gogo ni Debatangki, paluahon na porsea sian nasa
jea.

6
 ♫ Nasa tinahiNa, tagan so ditompa tano on dope, Nang na tinuduan ni sude
pelean, jumpang do muse. Sangkap ni AmaNa i dipatulus Jesus Kristus;
Jolma i ditobus.
……..Musik……..
♫ Na rade di hita asi hi rohaNa nang basaNa pe. Nunga mate Kristus, nunga
sun ditobus hita on sude, Sangap ma di Debata! Na porsea di hataNa do
pangoluonNa.
♫ Hata hangoluan do nuaeng diboan Parjamita i. Na lambok begeon i nuaeng
dilehon tu rohanta i. Hita on dijamitai, ai didokkon be do hita paubahon
roha.
……….Musik………
♫ Ro ma ho na marsak molo naung marosak roham i, ale! Ro ma tu Jahowa
pasesahon dosa, ala mudar ni. Jesus i, AnakNa i I do gabe haluaon sian
nasa utang.
♫ I do haojahan na tongtong manahan salelengna i. I hajongjonganhu ido
haposanhu, hangoluanhi; Gogongki tongtong ma i mangihuthon tu
hataMu, lao mambaen lomoNa.
……….Musik………..
♫ Jesus, sai tangihon na hupangidohon, sai asi rohaM. Lehon sipargogo, asa
lao tu surgo au tu banuaM. Unang so tu Ho au ro i pe molo tos hosangku,
tiur baen dalanku.

15. PANGUJUNGI: Tangiang Pelean

U: Tatangianghon ma peleanta! Ale Debata, Amanami na di banua
ginjang! Ho do haroroan ni saluhut silehonlehon na denggan dohot nasa
ulibasa na mauliutus. Hupasahat hami ma sian na nilehonMi tu hami,
peleannami tu Ho. Sai jalo ma i gabe uap na hushus di joloM. Pasupasu
ma i jala ramoti asa huparhaseang hami pelean on, patimbulhon
harajaonMu di tongatonga ni huriaM dohot di portibi on. Buhai ma
rohanami marhitehite TondiM, asa lam hutanda hami godang ni
silehonlehonMi tu hami, asa lam girgir hami mandok mauliate tu Ho,
marhitehite Jesus Kristus Tuhannami. Amen.

7
H: (Mangendehon) BE.HKBP No. 204 : 2 “Ndang Tadingkononhu Ho”
BL.73
♫♪♫ Nasa na nilehonMi, tondi ro di pamatanghu
Hosa dohot gogongki, ro di saluhut artangku
Hupasahat i tu Ho, na so unsatonhu do.

U: Ale Amanami na di banua ginjang! Sai pinarbadia ma GoarMu! Sai ro

ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa tu
hami! Unang hami togihon tu pangunjunan! Palua ma hami sian
pangago!

H : (Mangendehon) BE.HKBP No. 841: 1 Ai Ho do Nampuna Harajaon

BL. 841
♫♪♫ Ai Ho do nampuna harajaon dohot hagogoon ro di hasangapon
saleleng ni lelengna. Amen!

U : Pasupasu:

H : (Mangendehon) BE. HKBP No. 845 : 1 “Amen (3x) HKBP” BL. 845
♫ Amen, Amen, Amen.