PARTORDING NI ACARA PESTA PARJOLO

PARNINGOTAN HASASAOR NI TONDI PARBADIA

RESSORT BETHESDA

MINGGU 23 MEI 2021

TOPIK :
TONDI PANGAPUL DOHOT HASINTONGAN
 ROH PENGHIBUR DAN KEBENARAN
HURIA KRISTEN BATAK PROTESTAN
PESTA PARJOLO PARNINGOTAN HASASAOR NI TONDI PARBADIA
HKBP RESSORT BETHESDA
MINGGU 23 Mei 2021

0I. PRELIDIUM - JOUJOU MAMUJI DEBATA

U: Dihamu amanami dohot inanami nang di hita saluhutna ta puji ma
Debata pardenggan basa i ala boi hita pungu dibagas gareja on
mamestahon Ari Parningotan Hasasaor ni Tondi Parbadia.
H: I do tutu ale Tuhan ndang tarasam asi dohot denggan ni basaM, las
rohanami di naung saor Tondi Parbadia i.
U: Andorang so bongot hita tu parsaoran na badia rap dohot Debata di
tongatonga ni huria martangiang na hohom ma hita pahibulhon roha
dohot pingkiranta........
Alani i ta patuduhon ma las ni rohanta mamuji Tuhan i, jala ta ungkap
rohanta jala taloas Tondi Parbadia mangaraja i roha dohot pingkiran ta
asa gok dame dohot sonang ni roha laho mamuji Tuhan i. Taparade
ma rohanta, antong Marende ma hita BE No 640 :1-3 Haholongan
sian ginjang
♫ Haholongan sian ginjang las ni roha na hot I
Tumpal ni asi ni roha sai bongoti rohangki,
Jesus na gok asi roha dohot haholongon I
Baen malua baen martua hami natahutan i.
♫ Lehon tondi haholongon tu parroha na bojok
Baga-baga hadameon sahat baen tu hami on
Jesus Alpha nang Omega bona ni haporseaon
Sai padao ma angka dosa, sai palua hami on.
-------------Organ----------- ---------Jongjong--------
♫ Sipalua na sun gogo lehon tu au ngoluMi
Ro ma Ho sai marsihohot mangingani joroMi
Asa Ho husomba hami raphon pardisurgo I
Rap mamuji mangoloi, Ho di hasangaponMi.

02. VOTUM – INTROITUS – TANGIANG ( U=Uluan, H= Huria )

U : Marhite-hite Goar ni Debata Ama dohot Goar ni AnakNa Tuhan Jesus Kristus
dohot Goar ni Tondi Parbadia na tumompa langit dohot tano on.
H : Amen.

2
U :Songon on ninna Tuhan Jahowa: Lehononku tu hamu roha na imbaru dohot
Tondi Na imbaru tu bagasan ateatemuna, jala unsatonku do roha batu sian
dagingmuna, jala lehononku tu hamu roha na marpangkilalaan.
H: Jala lehononKu ma tondiKu tu bagasan ateatemuna, Ahu do mambahensa,
asa marparange hamu dibagasan angka patikHu, angka uhumHu pe
radaotanmuna jala patupaonmuna do.
U: Sian Sion, situan ni hinadenggan marsinondang Debata. Sai na ro
Debatanta, jala ndang tagamon hohom Ibana, ai songon on do di dok
Jahowa: usehononku ma aek tu angka na mauas dohot angka sunge tu na
mahiang . Usehononku ma tutu Tondingku tu pinomparmu sogot. Jahowa do
Debata jala Ibana manondangi hita. Haleluya.

H :Haleluya, Haleluya, Haleluya

U : Martangiang ma hita : Ale Tuhan Debata, Amanami! Ho do manondangi jala

mangajari roha ni angka na porsea di hataM marhitehite Tondi Parbadia. Sai
buha i ma rohanami asa ture parrohaonnami marhitehite TondiM i, asa
tongtong gok dame rohanami manghalashon hagogoonNa i marhitehite
Tuhan Jesus Kristus Tuhannami. ---------Hundul---------

03. Marende BE.462:1 - 2 BL 311. : Ale Tondi Parbadia.

♫ Ale Tondi Porbadia, sai songgopi hami on.
Rohanami ma paria lao mamuji Ho tongtong.
Ho tongtong, Ho tongtong, lao mamuji Ho tongtong.
♫ Debata ni hangoluan, lehon hangoluan i.
Sunggul sian partangisan saluhut na mate i. Saluhut, saluhut.

04. Patik ni Debata

U :Patik di mingguta sadarion i ma na tarsurat sian Epesus 4:24 jala solukkon
hamu ma jolma na imbaru, na tinompa suman tu Debata, dibagasan
hatigoran dohot hapolinon na marhasintongan! I do sahatna, antong rap
mangido gogo ma hita sian Debata.
H :Ale Tuhan Debata, sai pargogoi ma hami mangulahon na hombar tu patikMi.
Amen.

05. Marende B.E No. 105:1-2 DEBATA DO MANGGOMGOMI BL. 86

♫ Ro ma Tondi Parbadia Debatangku situtu, Rohanami ma paria mangoloi
hataM burju, Sai sondangi ma tongtong Rohanami na holom.
----------Jongjong----------

3
 ♫ Lehon ma di rohanami Hapistaran na sintong, Asa tung huboto hami
Marparange di joloM, Sian haliluon pe Sai palua hami be.

06. TANGIANG MANOPOTI DOSA –BAGABAGA HASESAAN NI DOSA

U: Hita ruas ni Tuhanta. na jongjong do hita nuaeng di jolo ni Debata na
umboto saluhut. Antong ta patedek ma tu adopanNa nasa pangalaosionta.
Tatopoti ma dosanta tu adopan ni Debata martangiang ma hita : Ale Tuhan
Debata na badia jala na bonar.ndang lomo rohaM mida hamatean ni
pardosa, mulak ma nian parjahat i tumadingkon dalanna, asa mangolu
ibana, i do dipangido rohaM. Na ro do hami tu joloM manopoti dosa nami,
angka na hu ula hami marhite sian pangalaosion nami di PatikMu, i ma
marhite sian tubutubu ni rohanami na roa i, nang sian panghataion nami na
so ture ro di pangoloion nami di hisaphisap ni rohanami.

H :Mangendehon BE.681: 1 Ale amang asi rohaM

♫ Ale Amang asi rohaM di au pardosa on,
Unduk do rohangkon nuaeng marsomba di joloM.
Unang jujur unang jujur angka dosangki.
Sai salpuhon sai saluphon sian rohaMi.

U : Nunga mardosa hami dompak Ho, ale Tuhan ai holan di tingki lomo do
rohanami huulahon hami na denggan tu dongannami. Jotjot hami ndang
parduli di hataM, gabe sai humasusa hami pasarisari na ringkot di
ngolunami. Lupa hami mangalualu tu Ho. Ale Tuhan, sai asi ma rohaM,
marpamuati ma rohaM mida dosanami i.
Na tama situtu do hona uhum hami ala ni dosanami, alai na tarsolsol bagi
do hami nuaeng alani i. Asi ma roham di hami ale Debatanami, pardenggan
basa jala parasi roha do Ho alani Anak haholongan ni rohaM Tuhan Jesus
Kristus Tuhan nami.

H : Mangendehon BE BE.681: 2 Ale amang asi rohaM

♫ Amang sai pargogoi ma au di hasiangan on,
TondiM pasaor tu tondingkon pamalum rohangkon.
Sai usehon, sai usehon TondiMi tu au,
Asa monang maralohon parungkilon au.

U: Na maporus ma hami nuaeng tu asi ni rohaM na godang i, mangido sian

nasa rohanami hasesaan ni dosanami saluhutna. Sai urupi ma hami,
paubahon rohanami, asa imbaru parange dohot parulannami saleleng di

4
 tano on do pe hami. Tung marungkil situtu do ngolunami di tingki on alani
dosa na hu ulahon hami. Masa parmusuon na marluat di bangsonami on
hinorhon ni na so masiantusan, masa bencana alam, banjir, lalo dohot tano
na marrobung, hinorhon ni tangan na marlomout lomo mangahut
paruntungan, lam godang do halak, masyarakat di negaranta songoni nang
di portibion na terpapar Pandemi Virus covid 19, na mambahen hami
tahuton, mabiar, bobonosan laho mandalani ngolunami. Ale Tuhan
Debata, Sai sesa ma dosanami saluhutna jala suru ma Tondi Parbadia tu
roha nami be, asa tarbahen hami mangoloi Ho dibagasan hatigoran,
hasintongan dohot habadiaon gabe sahat hami tu hangoluan na so ra suda
na pinarbagabagaM di angka na porsea di AnakMu Tuhan Jesus Kristus,
Tuhan nami.

H : Mangendehon BE BE.681: 3 Ale amang asi rohaM

♫ Mauliate ma di Ho O Tuhan Debata,

Sai jalo ma au on muse tu surgo banuaM.
Asa sonang, asa sonang raphon Ho disi,
Pujionku ma goarMu salelenglelengna i.

U: Bagabaga ni Debata taringot tu dosanta na godang i. Ala ni pangalaosionta

do umbahen na tartullang Kristus, jala binahen ni hajahatonta do Ibana
mabugang. Ampe tu Ibana pinsangpisang parhitean ni hasonanganta, jala
binahen ni bugangNa malum itahilala. Hasangapon ma di Debata na di
ginjang.

H : Amen. ----------Hundul---------

07. Marende No 108: 2 – 3 HATA NI JAHOWA BL. 203

♫ Jangkon ma Ibana Ai asi rohaNa Ro tu hita on
Asa sondangonNa Tiur bahenonNa Parohaon tongtong.
Jangkon ma Ibana da Asa lao sude arsakmu Nang pardangolanmu.
♫ Tondi pangapuli Sahap na ummuli Di sisean ni Tuhan Jesus Kristus
Ro ma Ho pabulus Tongtong langkangki Di na lao tu surgo au
Pargogoi ma au pamonang Sahat tu na sonang.

08. EPISTEL :

5
U :Turpuk Epistel di mingguta sadarion di Pesta Parjolo parningotan di Hasasaor
ni Tondi Parbadia, i ma na tarsurat di Hesekiel 37 : 11 – 14, marganti sorin
ma hita manjaha: Dung i ninna ibana muse tu ahu: Ale anak ni jolma, angka
holiholion sandok pinompar ni Israel do i; ida ma, angka nasida mandok:
Nunga tung masak holiholinami, jala pesan aroparop ni rohanami, naung
pidom do hami.
H: Dibahen i, manurirangi ma ho, jala dok ma tu nasida: Songon on do hata ni
Tuhan Jahowa: Ida ma, ahu mangungkap tanomanmuna, jala ahu mamboan
hamu nangkok sian tanomanmuna, hamu ale bangsongki jala ahu manogihon
hamu mulak tu tano Israel!
U: Jadi tandaonmuna ma, ahu do Jahowa, ia dung huungkap tanomanmuna, jala
huboan hamu nangkok ale bangsongki sian tanomanmuna.
H: Ahu huhut mangalehon Tondingku tu bagasan hamu, asa mangolu hamu, jala
ahu mambahen hamu marhasonangan di tanomuna, asa tung ditanda hamu,
ahu do Jahowa na mandok i, huhut mambahensa, ninna Tuhan Jahowa!
U : I ma sahat na. Martua ma angka na tumangihon hata ni Debata jala na
umpeopsa. Amen.

09. Marende BE No 695 : 1 + 4 Jesus Tuhanku di Ho ma au on

♫ Jesus Tuhanku di Ho ma au on, Asa mangihut tu Ho au tongtong
Gohi rohangku ingani au on. Sonang si Ho tongtong,
O Tuhan togu ma au. O Tuhan togu togu ma au,
Gohi rohangku ingani au on, Sonang di Ho tongtong.
------------Jongjong--------------
♫ Na marhaposan tu Jesus tahe sai na martua ibana muse,
Sonang ibana diportibion, nang di surgo inon,
Jolma na bonar burju. Jolma na bonar huhut burju,
Sonang ibana di portibion, nang di surgo inon.

10. MANGHATINDANGKON HAPORSEAON

U :Tahatindangkon ma haporseaonta i, songon na hinatindangkon ni
donganta sahaporseaon disandok Portibion, rap ma hita mandok :
U+H : Ahu porsea … du …. Amen ----------Hundul---------

11. Tingting/ Tangiang

12. Marende BE 644 : 1 – 3 Ro ma Ho parasiroha

( Papungu Pelean 1a + 1b )
♫ Ro ma Ho parasi roha sai pagirgir rohangkon
6
 Mangendehon denggan basa ni lehonMu di au on,
Tiruonhu ma suruan mangendehon sangapMi,
Pujionhu Ho Jahowa partanobatoanki.

♫ Na malua do tondingku, alal hagogoonMi

Pos rohangku boanonMu diringkon tu surgo I
Jesus sai lului au, atik tung na lilu au
Na dihophop Ho do au, na mambaen mangolu au.
---------------Organ-----------
♫ Ganup ari au marutang, na so hagararan au
Ndang tarasam denggan basa, na binaenMu na tu au
Sai tarunjun do rohangku maninggalhon holongMi
Sai sahapi ma rohangku, ngolungki di Ho ma i.

13. JAMITA : Johannes 16:4b – 15

14. Marende BE. 707: 1 - 3 Hagogoon dohot apulapul

Pelean tu Ulaon Pekabaran Injil (Zending)
♫ Hagogoon dohot apul-apul, do dilehon Tuhan I tu au,
Ganup ari au ditogu-togu, ganup tingki diondingi au.
Ai hombar tu lomo ni rohaNa, do dilehon Tuhan I tu au
Ro marsorin arsak las ni roha, haporseaon hu di patau.

♫ Ganup tingki Tuhan raphon ahu, Jala sai dipasu-pasu au.

Sai di togu au molo madabu,Talu musu jala monang au.
Ai pargogo nasohatudosan, Debatangku salelengna I
Mangalehon dame dohot tua, Tu angka nabojok roha i.
-----------Organ----------
♫ Songon Ama do tu anakkonNa, Holong ni Tuhanta I tu au.
Ndang mansadi pangurupionNa, Hombar tu padanna na tu au.
Debata Amanta na di ginjang, I do haposanhu sai tongtong.
Dipangiringiring ni tanganNa, Dame, sonang do rohangkinon.

15. Parsuruon tu ngolu siganup ari --------Jongjong--------

U : Di hamu amanami, inanami nang hita saluhutna, di las ni rohanta sadarion
di naung saor Tondi Parbadia i, ndang ditadingkon Debata hita mandalani
ariari dibagasan ngolunta.

H: I do pos ni rohanami Tuhan, molo di dongani Ho hami marhite TondiM

tondi Parbadia i, rongom pe angka parungkilon, haporsuhon dohot angka

7
 sitaonon i na manosak ngolunnami, gabe manahan do hami mangadopi
saluhutna i.

U: Ale Tuhan Debata tongtong do hami manghirim di pandonganionMu,

mangadopi saluhut angka na masa di pardalanan ni ngolunami, ai ndang
margogo hami molo so TondiM i na mangalehon gogo tu hami, mian ma
Ho dibagasan rohanami.

H: Mangendehon BE No 461 : 1 Songgop tu hami

♫ Songgop tu hami na di joloMon, o tondi, ni
Debatangki. Uhir patikMu tu rohangkinon,
O Tondi ni Debatangki. Bereng siholhu di haroroMi,
Molo Ho ro, nda hisar tondingki. Didihon ma tu au on
apiMi. O Tondi ni Debatangki.

U: Mian jala songgop ma TondiMi tu hami Tuhan, i do mambahen hami

margogo, manghatindangkon hataM, barita na uli i tu saluhut bangso, jala
tondiMi na mangajari hami asa mangolu di bagasan hasintongan hombar
tu patikMu. Unang tandingkon hami laho mandalani ngolunami, togutogu
ma hami marhite Tondi Parbadia i. Pasupasu ma hami saluhutna.

16. TANGIANG PELEAN + TANGIANG PESTA HARORO NI TONDI

PARBADIA + PASUPASU.

8
Profil Pribadi
Nama : Tia Pebrianti Ulina Lubis
Jenis Kelamin : Perempuan
Tempat/Tanggal Lahir : Sarimatondang/22 Februari 2002
Agama : Kristen Protestan
Status : Belum menikah
Tinggi/Berat Badan : 158/56
Nomor Telepon : 085267464502
Email : tiafebriantilubis2002@gmail.com
Alamat Domisili : Jl.Nenas Sarimatondang, Kec. Sidamanik, Kab. Simalungun

Akun Media Sosial

Instagram : tiafebrianti_lubis
Facebook : Tia Pebrianti Lubis

Bakat/Keahlian yang Ditekuni

-Bernyanyi
-Menulis

Riwayat Pendidikan
2007-2013 : SD Negeri 095179 Bah Tangan Sarimatondang
2013-2016 : SMP Negeri 1 Sidamanik
2016-2019 : SMA Negeri 1 Sidamanik
2019-sekarang : Universitas Negeri Medan

Prestasi :
Juara 1 PESPARAWI (Pesta Paduan Suara Gerejawi) Kabupaten
Simalungun(2015)
Juara 3 Vocal Solo Lagu Perjuangan Kabupaten Simalungun (2019)
Peserta OSN Kabupaten Simalungun (2019)
Pengajar les privat tingkat SD/SMP (2017-sampai sekarang)
Juara 3 PESPARAWI (Pesta Paduan Suara Gerejawi) melalui Paduan Suara
Magnificum Et Bonum Universitas Negeri Medan (2019)

Pengalaman Organisasi

9
2016-2017 : OSIS SMA Negeri 1 Sidamanik, menjabat sebagai Bendahara
Umum
2017 : Kepanitiaan Natal Remaja HKBP Sarimatondang, menjabat sebagai
Bendahara Umum
2017 : Kepanitiaan Natal SMA Negeri 1 Sidamanik, menjabat sebagai Bendahara
Umum
2019-sekarang : Paduan Suara Magnificum Et Bonum Universitas Negeri Medan,
menjabat sebagai anggota aktif
2019-sekarang : Ikatan Keluarga Besar Kristen Fisika Universitas Negeri Medan,
menjabat sebagai anggota aktif.

10