A. Pangaradeon di inganan na tinontuhon ni huria.

(Parhobas – Pangoli,
Oroan dohot Keluarga)

B. Prosesi Pengantin - Keluarga

St : Huria ni Tuhanta naung ro hita tu bagas joro on laho marnida dohot
manaksihon Pamasumasuon Pardongan Saripeon ni anak dohot boru ni
hurianta, ima: Pangoli Maju Manurung dohot oroanna Laurenta br.
Sitorus. Naeng ro ma nasida manjalo Pasupasu sian Debata, ala ni i
jongjong ma hita saluhutna laho manomunomu haroro nasida:

----------- Prosesi memasuki Gereja ----------

C. Kebaktian
Pdt : Huria ni Tuhanta, tapungka ma acara Pamasumasuon ni anak- dohot
boru ni hurianta, tapuji ma Tuhanta, marende ma hita sian BE. 565 : 1 +
4 “Las Rohangku Lao Mamuji”

1. Marende BE. No. 565 : 1 + 4 “Las Rohangku Lao Mamuji”

♫ Las rohangku lao mamuji, Debata parholongi
Songon bunga na mangerbang, di na binsar ari i
Arsak dosa haporsuhon mago dibaen asiMi
Las ni roha namanongtong lehon di au Tuhanki.
-----jongjong----
♫ Rap ma hita mangendehon, sangap di GoarNa i
Tapangiar soaranta lao mamuji Tuhan i
Sun do holong ni rohaNa, na so marnamontok i

1
 I do pasadahon hita salelenglelengna i.
2. VOTUM – INTROITUS (Jongjong sude)
P: Marhitehite goar ni Debata Ama dohot goar ni AnakNa Tuhan Jesus
Kristus dohot goar ni Tondi Parbadia na manompa langit dohot tano on,
P+H: A m e n.
P: Oloi hamu ma Jahowa marhitehite las ni roha, ro be ma hamu tu jolona
marhitehite olopolop. Ai pardengganbasa do Jahowa, ro di saleleng ni
lelengna do asi ni rohana, jala marsundutsundut do hasintonganna.
Haleluya.
Martangiang ma hita : Ale Tuhan Debata Amanami na di banua ginjang!
Ho do namangaturhon Pardongan Saripeon i. Diida Ho do dongannami
on na marsangkap naeng marbagas. Jala na ro do nasida mangido
PasupasuM. Antong sai tatap ma nasida di bagasan asi ni rohaM,
Pasupasu jala ramoti ma nasida marhitehite pangkaholongiM. Rajai ma
nasida marhitehite Tondi Parbadia asa mamungka jala marujung di
bagasan dame Pardongansaripeon nasida i. Tangihon ma tangiangnami
on ala ni asi dohot holong ni rohaM. Amen.
( Hundul )

3. KOOR :

4. Marende BE. No. 158 : 1 - 2 “Jesus Debata” BL. 59

♫ Jesus Debata sai uluhon ma Hami angka siseanMu
Na tinobus ni mudarMu. Tiop ma tongtong tangannami on.

♫ Ia masa pe na bernit muse, sai patogu rohanami

Asa unang gangu hami. Haporsuhon do Lapang lao tu Ho.

5. JAMITA

6. KOOR :
7. Marende BE. No. 160 : 1 - 2 “O Tondi Parbadia i” BL. 206
2
 ♫ Au dohot na saripengkon, O Jesus na di joloMon, Ho naeng
oloannami, Ho ma nampuna hami on, saleleng hosanami on Sai
pasupasu hami, Ho ma Raja Sioloan pausoan, sisungkunon Di
patikMu ale Tuhan.

------ ro ma tu jolo mangadop pandita pangoli dohot oroan---

♫ Sai pasupasu hami be, pasingkop bohalnami pe, padao ma

hapogosan, Horasi dohot daging i, sai tuk ma baen gogona i
Manahan di ulaon, Tolong, tolong , ganup hami, asa hami
mangkaposi, Rohami na sai marasi.

8. Padan Pardongan Saripeon :

Pdt: Hamu angka dongan na pinarhamaol ni Debata. Ditahi rohamuna do

nuaeng naeng marbagas, antong tangihon hamu ma jolo hata ni Debata
taringot tu ruhut pardongan saripeon ni halak Kristen. Dung ditompa
Debata jolma i, didok Ibana ma: Ndang denggan sasada bawa i punjung
hubahen ma di Ibana sada boru-boru pangurupi di ibana bahen
angkupna.

Angkup ni i didok Tuhan Jesus: Ganup na paulakhon na niolina, ia so ala

ni na marmainan, na pangalangkuphonsa do. Pangalangkup do nang na
mambuat na sirang i. Antong na pinadomu ni Debata ndang jadi
sirangon ni jolma.

Songon on do didok Debata tu bawa i: Hamu angka bawa haholongi

hamu ma pardihutamuna be songon Kristus na manghahlongi huria i jala
na mangalehon dirina humonghopsa. Unang Muruk hamu dompak
nasida, ingkon marroha hamu mandongani nasida, sangap bahen hamu
nasida songon dongan panean di hangoluan na so ra suda.

3
Dung i, songon on do didok Hata ni Debata tu angka boruboru: Dioloi
angka parompuan ma baoana be songon pangoloi onna di Tuhan i. Ai
bawa i do ulu ni pardihutana songon Kristus ulu ni huria i. Ingkon
bontor, porman, toman, mardongan halambohon dohot hamenahon ni
Tondi parange ni boruboru i. i ma na arga di jolo ni Debata dohot di jolo
ni jolma.

Antong songon angka na marparangehon hata ni Debata ma hamu.

Sumolokhon parasinirohahon dohot habasaron dohot haserepon ni roha
ma hamu. Masipauneunean ma hamu dohot masiasiasian. Saluhut riting
ni roha, muruk, rimas, panonggahion dohot panginsahion i dao ma sian
hamu. Alai diginjang ni saluhutna i masihaholongan ma hamu, ai i do
rahutrahut ni na sun denggan. Dung i dame na sian Debata, i ma
mangarajai dibagasan rohamu. Jala saluhut nabinahen muna
marhitehite hata manang pambahenan tongtong mai marhitehite goar
ni Tuhanta Jesus Kristus, asa Ibana mangarajai rohamuna dohot
ulaonmuna.

Antong nungga dibege hamu hata ni Debata taringot tu pardongan

saripeon i.

Na manungkun ma ahu nuaeng jumolo di ho, ale pangoli si Maju

Manurung.
Olo do ho manghajongjongkon di jolo ni Debata, na umboto saluhut,
dohot di jolo ni angka dongan na pungu dison, na dipangido roham do si
Laurenta br. Sitorus, na niriritmon gabe donganmu saripe ? Olo do ho
mangkaholongi ibana sian nasa roham dohot mangulahon sian nasa
gogom, huhut marparangehon parange na badia rap dohot ibana; na olo
do ho manganjuanju dohot hagaleonna, tung sura humurang parangena,
4
 jala na so tupa paulahonmu manang tadingkononmu ibana paima
disirang hamatean hamu sogot ?

Molo naung sada roham mangoloi saluhutna i dok ma : Olo !

Pangoli : Olo

Na manungkun ma ahu dohot di ho, ale inang si Laurenta br. Sitorus,

niririt ni si Maju Manurung on bahen donganna saripe: Na olo do ho
manghajongjongkon di jolo ni Debata na umboto saluhut, dohot di jolo
ni dongan na pungu dison na dipangido roham do si Maju Manurung
on, gabe sinondukmu ? Olo do ho mangkaholongi ibana sian nasa roham
dohot marpangalaho na ture maradophon ibana dohot marparangehon
parange na badia, paboa halak Kristen ho; jala na so tupa mahilolong ho
manang tadingkononmu ibana, paima disirang hamatean hamu sogot ?

Molo naung sada roham mangoloi saluhutna i, dok ma: Olo !

Oroan : Olo

Pdt: Antong masilehonan tangan siamun ma hamu paboa hot ni padanmuna:

Naposo ni Debata do ahu, na mamboan HataNa tu hamu. Marhitehite
Goar ni Debata Ama, Anak dohot Tondi Parbadia do ahu mandok: Na
pinadomu ni Debata ndang jadi sirangon ni jolma.

9. Pasahathon Pasupasu

10. Pangoli dohot Oroan : Pasahathon mauliate tu natoras

11. Parhalado ni huria pasahathon Tanda Holong sian Huria

5
12. Marende BE. 159 : 1 - 2 “Martua dongan na sabagas” BL. 201
( Papungu Pelean )

♫ Martua dongan angka na sabagas

Na mardonganhon Tuhan Jesus i
Namangoloi Ibana mansai ringgas
Na so marholang tangiangna i
Tongtong holong rohaNa di Ibana
Manungkun lomo ni rohana i
Huhut tongtong marguru tu hata-Na
Dibaen sandok pangalahona i.

------ Musik -----

♫ Martua baoa dohot inaina

Sisada roha mida Jesus i
Na rap marholong roha di Tuhanna
Marsaulihon hatuaon i
Na sahat sian asi ni rohaNa
Tu halak na porsea sasude
I do dibaen nasida haposanna
Manang beha parsorionna pe.

13. Tangiang Ale Amanami – Pasupasu (Jongjong ma hita saluhutna)

6
D. Acara Mandok hata
1. Hata tioptiop sian Hasuhuton Paranak
2. Hata tioptiop sian Hasuhuton Parboru

E. Marende huhut Masijalangan :

BE. No. 141 : 1 “Sai tiurma langkamuna” BL. 222

Sai tiur ma langkamuna Sai Debata ma donganmuna Nang surusuruanNa
pe, Molo diramoti Jesus,hamuna ndang tarbaen so bulus Do
langkamuna sasude,Antong Tuhanta i, ma donganmuna i ganup ari
Hamu sude sai ingot be Tumangiangkon hami pe.

F. Dokumentasi – Photo – Video