PARTORDING NI ULAON IBADAH SUKU

PMT HKI STT ABDI SABDA MEDAN

JUMAT, 11 November 2022

I. PANGARADEON
Shalom.. Horas ma dihita saluhutna. Tama hita mandok mauliate tu Amanta
pardenggan basa, na sai mangalehon hahipason tu hita sahat tu partikkian on, boi
hita hita rap marpungu na laho mamuji dohot pasangap Debata di inganan on. Puji
hamu ma ibana mardongan soara ni sarune, puji hamu ma ibana mardongan arbab
dohot sordam (Psalmen 150:3). Alani menyambut barisan prosesi, rap jongjong ma
hita.

II. KEBAKTIAN (Jonjong Huria)

1. VOTUM
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na manompa langit dohot tano on,
dipasaor ma dame Na tu tondita. Amen.
H : Ale Jesus Tuhan nami, bereng hami na di son. PinarmahanMi do hami
saluhutna na di son. Sai asi rohaM di hami, sai pangolu hami on. Amen
(Hundul Huria)

2. MARENDE BE. No. 2: 1-2. “Naeng Pujionhu Ho Jahowa”

Naeng pujionhu Ho Jahowa, ai Ho do Debata na tutui
Sai suru tondi Parbadia, tu au asa hupuji goarMi
Marhitehite Jesus, AnakMi asa lomo rohaM di endengki
Togihon ma au tu AnakMu, asa tu ho ditogu au muse
TondiM pasaorhon tu tondingku, manogu au di dalan na ture
Asa tongtong gok dame rohangki, huhut girgir mamuji goarMi

3. AYAT / TANGIANG
U : Sai lului hamu ma Jahowa, binsan tarbaen dope jumpang ibana, jou
hamu ma Ibana, binsan jonok dope ibana. Martangiang ma hita: Ale
Tuhan Debata. asi ma rohaM di hami, ai ndang tarbaen hami patupahon
na denggan molo so Ho dongannami. Dibaen i, sai lehon ma di hami
roha sian banua ginjang, asa malo hami manimbangi dohot mangulahon
lomo ni rohaM. Sai dongani ma hami, asa mian hami di bagasan HataM,
 marhitehite AnakMu Tuhan Jesus Kristus Tuhannami. Amen. Didongani
Tuhan Debata ma hita saluhutna, Amen ! Haleluya Haleluya Haleluya
(Mangendehon) Haleluya . . . . . Haleluya . . . . . Haleluya . . . . . !!!
U : Tatangihon ma na gabe singkat Patik ni Debata di hita sadari on, ima na
tarsurat Jeremia 23: 6. Di angka arina dapotan tua ma Juda, jala Israel
marsonangsonang di ingananna; jala on do goarna dohonon ni halak:
Jahowa parpintoranta. Rap ma hita mangido :
U+H : Ale Tuhan Debata, sai pargogoi ma hami, mangulahon na hombar tu
hataMi, Amen!

4. MARENDE BE. No. 25: 1. “Hatami Ale Tuhanhu”

hataMi ale Tuhanhu arta na umarga i
sai paian di rohangku unang so hutiop i
molo so be si tiopan hata na badia i; aha nama haojahan ni haporseaon i?
(Jongjong Huria)

5. MANOPOTI DOSA
U : Martangiang ma hita manopoti dosanta tu adopan ni Debata. Ale
Tuhan Debata parasi roha na sumurung jala na manongtong ro di
saleleng ni lelengna. Na ro do hami tu jolom dibagasan unduk ni roha
marhatopothon dosanami. Jotjot do hami manimbil sian HataM jala
ndang huhaposi hami Ho. Ndang huhaporseai hami HataM alai sian
dirinami, gogonami dohot pingkirannami sandiri do na huhaposi jala na
hupangasahon hami di ngolunami on. Ndang hutangihon hami soara ni
TondiM jala ndang huulahon hami na nidok ni hataMi/. Tumangi do
hami tu soara ni portibion sian na tumangihon Hatam. Na tama situtu do
nian hami hona uhumMu ala ni i. Alai mangasahon Asi ni roham na
sumurung i, ro hami tu jolom manopoti dohot manolsoli saluhut dosa
nang pambahenannami nasohombar tu HataMi. Ale Tuhan Debata, sesa
ma saluhut dosanami asa tama hami dapotan hatigoran dohot haluaon di
adopanMu, ala ni AnakMu Tuhan Jesus Kristus sitobus hami. Amen.
U : Tabege ma bagabaga ni Debata taringot tu hasesaan ni dosa. “Parasi roha
jala pardenggan basa do Jahowa, lambat tarrimas jala parasi roha godang.
Ndang dibahen tu hita hombar tu angka hajahatonta. Songon asi ni roha
ni ama-ama mida angka anakna, asi ni roha ni Jahowa di angka na
manghabiari Ibana”. Hasangapon ma di Debata na di ginjang.
U+H : Amen! (Hundul Huria)
6. MARENDE BE. No. 683: 1-2 “Di AdopanMu Jesus”
 Diadopan Mu Jesus lea tutu do diringkon
Dibaen godang ni dosangkon di adopan mu Jesus

DiadopanMu Jesus, marsomba au huhut tungki

Lao manopoti dosangki, diadopan mu Jesus

7. EPISTEL: Lukas 21: 7-19 (Martua ma angka na umbege jala na umpeop

Hata ni Debata ! Amen

8. MARENDE BE. No. 211: 1+3. “Tuhan Jesus Siparmahan”

Tuhan Jesus siparmahan au birubiru na do
Jesus gok di Ho rohangku, sai ihuthononku Ho
Sai ihuthononku Ho, sai ihuthononku Ho
Jesus gok di Ho rohangku, sai ihuthononku Ho
Dokhon au suruanMu, ai hataM so magopo
Dungi Ho huhut manogu donganhi manopot Ho
Taiti ma muse tu ho, taiti ma muse tu ho
Sai asi rohaM sai togu, sahat ma sude tu Ho (Jongjong Huria)

9. MANGHATINDANGHON HAPORSEAON
U : Rap ma hita manghatindangkon haporseaon i.
Ahu porsea di Debata Jahowa, i do Ama pargogo na so hatudosan, na
tumompa langit dohot tano on.
Ahu Porsea di Jesus Kristus, Anak ni Debata Jahowa na sasada i. i ma
na tinubuhon ni si Maria, na gabegabean sian Tondi Porbadia, andorang
so habubuhan. i do Tuhanta na tumaon na bernit, dipanguhuman ni si
Latus. Na mate tarpajal do Ibana di hau na pinarsilang. Na tuat tu banua
toru dung di tanom, na mulak mangolu di ari patoluhon, na manaek tu
surgo laho hundul tu siamun ni Debata Jahowa, Amana i, pargogo na so
hatudosan i, disi ma Ibana paima mulak sogot tu tano on, manguhumi
halak mangolu dohot na mate.
Ahu porsea di Tondi Porbadia. jala adong sada Huria na badia, Huria
hatopan ni halak Kristen angka na badia. Dohot di hasesaan ni dosa
dohot di Hata i na mandok; mulak mangolu sogot daging ni halak naung
mate, dohot di hangoluan na so ra suda. Amen. (Hundul Huria)
10. Koor PMT-HKI
11. MARENDE BE. No. 826:1-2 “Gohi Au Tuhan”
Gohi Au Tuhan Marhite HataMi
Gohi Au Tuhan Marhite HataMi
Songon Hudon na Rumar do au Tuhan di sumurMi
Gohi au Tuhan Marhite hataMi
 Gohi Au Tuhan Marhite HataMi
Gohi Au Tuhan Marhite HataMi
Na Mauas do tondingku, o Tuhan di HataM i
Gohi Au Tuhan Marhite HataMi
12. JAMITA, Pdt. Dr. Tony Hutagalung
Marende Sebelum Kotbah : “Hangoluan Do Hatam”
Hangoluan do HataM, sibegeonnami
Ala asi ni roham, o Debatanami
HataMi na rade, bahen bohalnami
Sai patorang ma sude, gabe ngolunami
Marende Sesudah Kotbah :“Pasupasu Hata-Mi”
Pasupasu hataMi, sai suan tu rohangki
Asa marparbue i, ale Jesus Tuhanki
Sai martua jolma i, naumpeop hataMi
Tangiangku nama i, sahat ma tu tanganMi
13. MARENDE BE. No. 214: 1 “Sonang Di Lambung Jesus”
Sonang di lambung Jesus, sonang na ro tusi
Unang be ho mabiar, laho mandapothon i
Tongtong di jouhon Jesus, sai ro ma ho tu au
Tadinghon haholomon jala haposi au
Sonang di lambung Jesus, sonang na ro tusi
Unang be Ho mabiar laho mandapothon i

14. TINGTING (Warta Kebaktian Kampus) + TANGIANG TINGTING

15. MARENDE BE. No. 443: 1-2 “Dung Tuhan Jesus” (Papungu Pelean)
Dung Tuhan Jesus nampuna au, songgop dameNa biar hu lao
Taripar gogo ngolunai, nasa dosangku naung sae doni
Reff: Tabaritahon holong na i, didia Tuhan tudoshon i?
Tung manumpahi tarlobi da, sasada Jesus pinuji ma
Di Ho ngolungku las rohangki, jumolo Jesus siluaMi
pangiringonMu, tolongMu i, mangalo dosa nang rohangki
reff: Tabaritahon ….
Hibul ma ahu Jesus di Ho, sonang rohangku tarapul do
Mian di au baen hataMi, paima ro au tu lambungMi
Reff: Tabaritahon ….
16. TANGIANG PANIMPULI (TANGIANG PELEAN+ ALE AMA NAMI+
PASU-PASU
P: Rap Jongjong ma hita martangiang pasahathon peleanta tu Debata!
Ale Tuhan Debata, Amanami na di banua ginjang ! Ho do haroroan ni
pasupasu dohot silehonlehon ro di angka na mauliutus. Mauliate ma hu
sombahon hami tu Ho, ala di pasupasu Ho do ngolunami. Hu pasahat hami
ma tu Ho dirinami nang sian na nilehonMi tu hami. Sai jalo mai gabe
pelean na hushus di adopanMu. Asi ma rohaM, sai pasupasu ma pelean na
hupasahat hami ma tuho, asa huparhaseang hami i laho patimbulhon
harajaonMu di tongatonga ni huriaM dohot di portibi on. Buhai ma
rohanami marhitehite tondiM na badia i, asa lam patar huida jala huboto
hami godang ni silehonlehonMu di hami, sai ajari ma hami, asa lam girgir
hami mandok mauliate tu Ho, huhut pasahathon pelean nami dalan laho
pasangaphon Ho, marhitehite Jesus Kristus Tuhannami. Amen.
Rap ma hita mandok di tangiang hatopan ta i …
Ale amanami na dibanua ginjang ! sai pinarbadia ma goarMu ! sai ro ma
harajaonMu ! sai sautma lomo ni rohaM di banua tonga on songon na di
banua ginjang ! Lehon ma tu hami sadarion hangoluan siapari ! sesa ma
dosanami songon panesanami di dosa na mardosa tu hami ! Unang hami
togihon tu pangunjunan ! palua ma hami sian pangango ! ai Ho do
nampuna harajaon, dohot hagogoon, ro di hasangapon saleleng ni
lelengna ! Amen.
Tangiang Pasupasu
Dipasupasu jala diramoti Tuhan Debata ma hamu, disondangkon Tuhan
Debata ma bohina tu hamu jala sai asi ma rohana mida hamu.
Didompakhon Tuhan Debata ma bohiNa tu hamu, jala dipasaor ma
dameNa tu tondimuna! Amen.

AMEN…AMEN…AMEN