ACARA MINGGU DOHOT PESTA GOTILON

HKBP BAKARAN BATU

MINGGU, 10 MARET 2019
TOPIK MINGGU : HATAI DO HANGOLUAN
1. PANGARADEON DIRI
 Prosesi

2. PANGGILAN BERIBADAH:
U : Huria ni Debata na dihaholongan ni Tuhanta Yesus Kristus, hami saluhut
Parhalado, pasahathon tabe ma tu sude hamu ruas ni huria: Asi ni roha ma di
hamu, jala dame na sian Tuhanta, ima na mangaramoti hita saluhutna.
Dibagasan sadarion tung tama do hita mandok mauliate tu Debata, disaluhut
pandonganion dohot pangaramotion ni Debata di sude pardalan ni ngolunta.
Di ari sadarion dipaloas Debata huria-Na, patupahon PESTA GOTILON,
manghalashon pasu-pasu dohot denggan basa ni Jahowa dibagasan ngolunta.
Saluhutna i tung asi ni roha ni Debata do i tu hita. Ala ni tapuji ma Tuhanta
jala tasomba ma Ibana, taendehon ma “Sangap Di Debata Ama”
R : (mangendehon BE 15 :1 “Aut na saribu hali ganda”)
Aut na saribu hali ganda saringar ni soarangki
Naeng nasa gogo bahenonhu mamuji Debatanta i
Paboa las ni rohangki hinorhon ni pambaenNa i
U : Tung so tarasam hita do balga ni holong ni roha ni Debata, dibagasan
pardalan ni ngolunta, jala tung so hasuhatan do denggan ni basaNa. Antong
haholongi ma Debata sian nasa roham, sian nasa ateatem dohot sian nasa
pingkiranmu. Ro be ma hamu tu adopanNa jala somba ma Ibana.
R : (mangendehon BE 15 :2 “Aut na saribu hali ganda”)
Tung sura sahat soarangku tu ujung ni portibi on
Naeng nasa jolma haraonhu mamuji Debata tongtong
Tama do nasa hosangki hubaen pasangap Tuhan i
(Jongjong)
U : Pillit ma sadarion, manang na ise do sioloanmu: hagogoon portibion do
manang Debata si lehon hangoluan? Pillit ma sadarion manang na ise si
sombaonmu: debata sileban do manang Debata sitompa langit dohot tano.
R : Alai anggo au dohot donganhu sajabu, Debata do sioloan dohot sisombaon
nami. (”mangendehon BE 15 : 3 “Aut na saribu hali ganda”)
Unang ma modom ho tondingku, sai ngot ma ho sai hehe ma
Radot ma ho di ulaonmu sai puji Tuhan Debata
Sai pangke nasa malomi mamujimuji Tuhan I

3. VOTUM – INTROITUS – TANGIANG

U: Marhitehite goar ni Debata Ama dohot goar ni AnakNa Tuhan Yesus Kristus
dohot Goar ni Tondi Parbadia na manompa langit dohot Tano on.
R: Amen.
U: Sai paeleng ma pinggolMu tu ahu, hapogani paluahon ahu. Sai ho ma gabe
dolok batu partano batoan di ahu, gabe huta na gonting laho pangoluhon ahu.
Ai Ho do partano batoanku hian, dohot pangondinganku, jala ala ni goarMu
sai iringiringonMu jala toguonMu ahu. Tu Ho do, ale Jahowa, ahu
marhaposan, sai unang ma paurak ahu saleleng ni leleng na, sai palua ma ahu
marhite hite hatigoranMu. Haleluya
R: Haleluya…haleluya….haleluya… (Rap mangendehon)
U: Martangiang ma hita: Ale Amanami parasi roha nasumurung, Debata ni
hatuaon name ! Huingot hami do di angka arion panaonan dohot hamamate ni
Tuhan Jesus Kristus, Tuhan nami. Pahibulma roha nami, jala parbadiai
mamikiri sude na tinaonNa I, patandahon ma tuhami dosa name, asa
diarsakhon roha nami, asa hupompomi hami hisap hisap dohot sangkap
sangkap ni roha nami jala asa hupasaut hami lomo ni roha ni namanobus
hami, asa martua hami, marhite sian i rodi salelenglelengna. Sai patupa mai di
hami marhitehite Jesus Kristus, Anak Haholongan ni RohaM. Amen.

4. Marende BE No. 582: 1 “Sangap di Debata Amanta”

Sangap ma di Debata Amanta , Amen Haleluya
Sangap ma di AnakNa Tuhan Jesus Kristus, Amen Haleluya
Hasangapon ma di Tondi parbadia, Amen Haleluya
Sangap di Tuhan Debata sitolusada, Amen Haleluya
Endehon Amen Haleluya, Endehon Amen Haleluya
Endehon Amen Haleluya, endehon Amen Haleluya, Endehon Amen Haleluya
 5. MANJAHA PATIK
U: Tangihon hamu ma patik ni Debata. Patik Pasiahon, Unang ho olo
manghatindanghon hata na so tutu maralohon dongan jolma! Ima sahatna.
Antong rap mangido gogo ma hita tu adopan ni Debata.
R: Ale Tuhan Debata sai pargogo I ma hami, mangulahon na hombar tu
patikmi. Amin.

6. K O O R : Sektor II
7. Marende BE.No. 167: 1-2 “Dijangkon Jesus do Pardosa”
Dijangkon Jesus do pardosa , Na mangarsakkon dosa i
Na mangundukkon hinaroa, Ni pambaenanna sasude
Alai ditangkup hata on , Dijangkon Jesus nang au on
Pardosa na tarsolsol bagi , Na ponjot roha situtu
Huhut na olo manopoti , Dosana i mansai burju
I do dijangkon Jesus I, Asa paluaonNa i

8. PANOPOTION NI DOSA DOHOT HASESAAN NI DOSA

U: Huria ni Debata na nihaholongan ni Kristus. Dibagasan unduk dohot serep ni
roha, ro ma hita tu adopan ni Debata. Tatopoti ma dosanta tu Amanta Debata,
jala tapangido ma hasesaan ni dosanta, dibagasan goar ni Tuhan Jesus Kristus
Parasi roha i. Martangiang ma hita dibagasan rohanta be.
(… tingki na hohom… Song Leader mangendehon BE. 686: 1-2)
Ramun do au di joloMi, gok dosangki urasi au
O, Jesus, birubiru I, dison do au patau ma au.
Na ro do au tu joloMi, Gale do au urupi au
O, Jesus, ala mudarMi. Dison do au patau ma au.
U: Martangiang ma hita : Ale Tuhan Debata, pargogo na so hatudosan, parasi
roha nasumurung amani Tuhan Jesus Kristus sipangolu hami ! hami, halak
pardosa na dangol on rot u jolo ni habangsa habadiaonMi, manopoti jala
manganggukhon dosa nami, mansai jotjot huarsahi hami, Ho marhitehite
pikiran dohot hata dohot pambahenan nami na roa i, dang huhaholongi hami
Ho, sian nasa roha nami, dohot nasa ateate name, dohot nasa tondi nami
dohot nasa ggo nami. Nang dongan nami dang doshon diri nami hu bahen
 hami. Dibahen i tama do rimas Mu jala uhumanMu hami tu
hamatean saleleng ni leleng na i. Alai na maporus ma hami nuaeng tu asi ni
rohaM, na godang i mangido sian nasa roha nami hasesaaan ni dosa nami
saluhutna.
R: Sai urupi ma hami paubahon roha nami, ala ni Tuha Jesus Kristus, anak
haholongan ni rohaM, sipangolu hami, dohot ala ni goarMu nabadia i. Ale
Tuhan sai asi ma rohaM di hami halak na dangol on. Amen
U: Tabegema bagabaga ni Debata taringot tu hasesaan ni dosanta :
Satongkin do hutadingkon Ho, alai papungupunguonHu ma ho muse.
Marhitehite angka asi ni roha godang ! Tagan di parpiar ni murukHu,
hutabunihon bohingKu satongkin maradophon ho, alai marhitehite denggan
basa saleleng ni leleng na asianKu ho. Ninna jahowa sipaluaHo. Hasangapon
ma di Debata na diginjang.
U+R: Amen. (Hundul)

9. Koor GABUNGAN
10. Marende, BE No. 211: 1+3 “ Tuhan Jesus Siparmahan”
Tuhan Jesus Siparmahan, Au birubiruNa do
Jesus gok di Ho rohangku, Sai ihuthononku Ho
Sai ihuthononku Ho, Sai ihuthononku Ho
Jesus gok di Ho rohangku, Sai ihuthononku Ho

Dokkon ahu suruanmu Ai hatam so magopo

Dung i Ho huhut manogu Donganki manopot Ho
Taiti ma sude tu Ho Taiti ma sude tu Ho
Sai asi rohaM sai togu Sahat ma sude tu Ho

11. MANJAHA EPISTEL: GALATIA 1: 11-18

U: Epistel di mingguta sadarion tarsurat di Josua 5 : 13-15, tajama marsingkat
sorin : Alai hupabotohon ma tu hamu, angka dongan: Ndada mangihuthon
hajolmaon barita na uli i na hubaritahon i.
R: Ai ndada hujalo manang huguruhon i sian jolma, tung marhite sian
pangungkapon ni Jesus Kristus, i do.
U: Ai nunga dibege hamu pangalahongku, uju di bagasan hajahudion dope ahu:
I ma na gasagasaon i ahu, mangalelei jala mangarotongkon huria ni Debata.
R: Sumurung do ahu sian torop dongan torbangku di bangsongku mangulahon
hajahudion, ai na tarlobi do pangkamuruhonku, mangaradoti tona na sian
angka ompunami.
U: Alai dipapulik Debata do ahu, andorang so topak dope ahu, jala dijou do ahu
sian asi ni rohana.
R: Gabe lomo rohana papatarhon Anakna i tu ahu, laho mamaritahon Ibana tu
angka sipelebegu; ndang jolo huparguru disi sibuk dohot mudar.
U: Jala ndada nangkok ahu tu Jerusalem, manopot angka apostel, naung jumolo
sian ahu; alai tu tano Arab do ahu laho. Dung sian i, mulak ahu muse tu
Damaskus.
R: Jadi dung salpu tolu taon, nangkok ma ahu tu Jerusalem, laho mananda si
Kepas, jala sampululima borngin ma ahu sorang di ibana.
U: Ido sahatna: Martua ma halak na tumangihon hata ni Debata jala na
umpeopsa.
Sude: Amin
12. KOOR: Seksi Parompuan
13. Marende BE.No. 690: 1-2 “Hibul Rohangku”
Hibul rohangku tu Tuhan Jesus , Sude ngolungku di Tuhan Jesus
Ihuthononku do Tuhan Jesus , Ndang olo au sumurut be
Sai hutundalhon haportibion, Silang ni Kristus ma hudapothon
Sai hutundalhon haportibion, Ndang olo au sumurut be
14. MANGHATINDANGKON HAPORSEAON
U: Hamu angka dongan ! Rap dohot angka donganta sahaporseaon di sandok
portibion, hatindangkon ma hata haporseaonta i, rap ma hita mandok:
R: Ahu porsea … dst.
— hundul —
15. Koor Ama
16. TINGTING + TANGIANG PANGONDIANON.
17. Marende BE.No. 760: 1… “Jesus do alealeku”
Jesus do alealengku soada tudos
ni aleale na sumurung i di au
hasoloanni rohangku Tuhan haposanki
 Sipalua na mamorsan dosangki
Na mangapuli au di sitaononki
mangurupi au di hagogotan i
Jesus do alealengku soada tudos Mi
Aleale na sumurung i di au
Na mangapuli au di sitaononki
mangurupi au di hagogotan i
Musik……………………………..
Tuhan Jesus do mamorsan sude na dosangki
Napalua au sian pangago i
Hutanggali ma luhutna, jolma na buruk i
Hupelehon ngolungki tu Tuhan i
Molo pajumpang sogot au dohot Tuhan i
Idaonku ma hamuliaon na i
Jesus ma hamuliaon na i
Jesus do alealengku soada tudos Mi
Aleale na sumurung i di au
Musik…………………………….
Tung na so tadingkononNa di hapunjungan au
Jesus do haposanki di ngolungki
Nang ro api habahaba, manahop ngolungki
RamotanNa ndang marmara au disi
Nang pe di pangunjunan, punjung sasada au
Tuhan Jesus do na margogoihon au
Jesus do alealengku soada tudos Mi
Aleale na sumurung i di au

18. JAMITA: Poda 4 : 18-27

19. PASAHAT PELEAN DOHOT GOTILON (Ama = Amplop & Ina = mamboan
tandok)
U: Hamu ruas ni huria na nihaholongan ni Tuhanta Jesus Kristus! Nuaeng sahat
ma hita tu acara PESTA GOTILON ni hurianta, laho manghalashon dohot
manghamauliatehon denggan basa ni Jahowa. Antong dibagasan roha na
 mandok mauliate tu Debata, tapuji ma Ibana, taendehon ma BE No. 373
“Mangula Hita Jolma”
R: (mangendehon BE, No. 373: “Mangula Hita Jolma”)
Mangula hita jolma Manabur boni i, Alai anggo jadina Di Debata do i
Dilehon las ni ari, Nang nambur udan pe
Tongtong di panumpakNa Marguru sasude
Nasa ulibasa ro sian Debata, I pe Ibana puji ma Huhut haposi da.
Sai sian Debatanta do nasa na adong,
Nang rihit sangkamata, Nang laut,nang tano on.
Tinompa ni hataNa, Do hau nang bulung I,
Nang nasa parbuena, Nang bungabunga i
Nasa ulibasa ro sian Debata, I pe Ibana puji ma Huhut haposi da.
U: Hamu dongan sahuria! Nunga itajalo denggan basa dohot asi ni roha sian
Jahowa. Taokuhon do, saluhutna silehonlehon na denggan, nasa ulibasa na
mauliutus, ima na ro sian ginjang. Dilehon do di hita parbueni tano, parbueni
suansuanan dohot parbueni angka ulaonta. Saluhutna i nunga tajalo sian
Jahowa. Antong nda tama ma hita mandok maulite tu Debata?
R: Mauliate ma di Ho Tuhan, naung mangalehon parbue ni angka ulaonnami.
U: Didok hata ni Debata: Ingkon buatonmu ma sian patumonaan ni sandok
parbue ni tano i, na dapot ho sian tanomi, naung nilehon ni Jahowa, Debatam
tu ho, jala pamasuhonmu do i tu bagasan ampang, jala boanonmu do i tu
inganan sipilliton ni Jahowa, Debatam bahen inganan di Goarna. Ingkon
burju do lehononmu parpuluan sian nasa gogo ni tano, boni sinaburhonmi,
sian saluhut na tubu di tanomi ganup taon. (5Musa 26:2)
R: Mauliate ma di Ho Tuhan, naung mangalehon parbue ni angka ulaonnami.
Hupasahat hami ma i bahen pelean na hushus di joloM.
U: Antong! Taruhon hamu ma sintong parsampuluan i tu bagas parpeopan, asa
adong bohal di bagasan jabungku, jala unjuni hamu ahu taringot tusi, ninna
Jahowa Zebaot, manang so ungkaponku di hamu angka pandiloan ni langit,
jala mangusehon tu hamu gabe maradu marlobilobi. (Maleakhi 3:10)
Marende BE. 848: “Dison Adong Huboan Tuhan” laos ro ma hamu….
Dison adong huboan Tuhan, parbue ni ngolungku na so tardok nian
Sadia ma argana Tuhan, Molo sai ni rajuman sude denggan basaM
Jalo ma Tuhan, Sai las ma rohaM
 …musik …

Huingot do hataM da Tuhan, ingkon sarihononhon anggim na

metmetan
Ampehon ma tanganMu sangkan, itak na otik I unang suda nian
Jalo ma Tuhan, sai las ma rohaM.

Marende, BE. N0. 404 : 1-“Dapothon ma Jesus”

Unang ho sai di na holom, tu na tiur ho antong
Sulusulu i ma golom, ai holom portibi on
Naeng ma pasesahononmu dosa tu Tuhan Jesus i
Ipe asa hangoluhononmu na niomohonNa i
Musik…………………………
Unang ho di hagangguon, sai pasada rohami
Asa bali haliluon baenon ni sondangna i
Sai ungkapi ma rohamu, sai pasiat Tuhanmi
Pagomgomhon saluhut langkamu tu parholong roha i
Musik…………………………
Dame dohot hatiuron tu roham manongtong ro
Hot ni roha hatoguon, sai lam tu tambana do
Raphon Jesus parangehon sasude ulaonmi
Pos roham, Tuhanta mangalehon roha na imbaru i

U: Tadok ma mauliate tu Jahowa, ai pardenggan basa do Ibana, ro di saleleng ni

leleng na do asi ni rohaNa tu hita. Nunga tapasahat siluanta tu huria-Na,
songon parbueni angka na taula. Antong! Tangihon hamu ma hata ni Debata
na mandok: Alai marhuaso do Debata, mangusehon saluhut asiasi tu hamu,
asa sandok tuk situtu di hamu jala marlobilobi hamu, laho patupahon saluhut
ulaon na denggan.
—jongjong—

20. TANGIANG PANUTUP

PELEAN- PESTA GOTILON – ALE AMANAMI – PASUPASU