HKI DAERAH III TOBA SAMOSIR Kamis, 18 Mei 2023= Warna ibadah, altar suasana Minggu na bontar
PORSEA NAUNG MANAEK TUHAN JESUS TU BANUA GINJANG
(Percaya Bahwa Yesus Naik Ke Sorga) I. PANGARADEON (L: Liturgist : R : Ruas; S : sude) a) Manghuling giringgiring…martangiang hohom di bagas rohana be b) Instrumen (musik) pengantar… BE. 792 C=do 4/2)
II. ULAON MINGGU
1. Votum L : Marhitehite goar ni Debata Ama, dohot goar ni Anakna Tuhan Jesus Kristus, dohot goar ni Tondi Porbadia na tumompa langit dohot tano on, dipasaor ma damena tu tondinta! Amen.” L+R: Ale Jesus Tuhannami bereng hami na dison! PinarmahanMi do hami saluhutna na dison, sai asi rohaM di hami sai pangolu hami on. Amen.”
2. Marende BE no. 97: 1 – 3 INGOTON MA SADARI ON 3/4 F=do
Ingoton ma sadari on parnaek ni Tuhan Jesus. Tu habangsaNa na tongtong, na so tarbaen be meret. Tasomba ma Tuhanta i, naung mulak tu AmaNa i; tapuji ma Ibana. Ai nunga mungkap dalan i di angka na porsea. Lao mamongoti surgo i, malua sian jea; naung mangonai tu sasude na mangulahon dosa i; pinuji ma Tuhanta Ianggo las roham tutu di Jesus i Tuhanta; pauba ma roham burju, ihuthon ma Ibana. Oloi hataNa sasude, sai tiru pambaenanNa pe saleleng ho mangolu.
3. INTROITUS (AYAT & TANGIANG)
L : Di siamun ni Debata do Ibana, dung laho tu banuaginjang, gabe marunduk do tu Ibana angka surusuruan, angka gomgoman dohot angka hagogoon. R : Tuhan, tudia ma hami laho ? Songon dia nama hami? L : Didok Tuhanta Jesus: “Ahu do dalan i dohot hasintongan dohot hangoluan. Ndang adong na sahat tu Ama i, ia so marhite sian Ahu.” R : Tuhan, Ise ma dongannami? Tudia do hami maringan ! J : Torop do inganan di bagas ni Damang. Aut so i dohononKu ma tu hamu. Na laho do Ahu mangarade inganan di hamu…? Martangiang ma hita ! Ale Tuhan Debata, Amanami na di banuaginjang, marpungu do hami nuaeng di huriaM on manghalashon hananaek ni Anakmu Tuhan Jesus Kristus Tuhannami. Nunga mulak Ibana tu hasangaponNa i, jala hundul di siamunMu, manggomgomi dohot mangondihon angka na porsea i. Alani i, pargogoi ma hami marhite TondiM, asa hot haporseaonnami di Ho, jala tongtong hami manghirim huhut manatap tu inganan hasonangan na pinatupaM di angka na porsea di Ho marhitehite Anakmu, Jesus Kristus Tuhannami. Amen. Didongani Tuhan Debata ma hita on saluhutna. Amen. Haleluya, laos taendehon !” S : (Mangendehon “Haleluya, haleluya, haleluya !” 4 ketuk Es=do) 1 . 1 / 3 3 0 3 . 3 / 5 5 0 5 . 5 / 6 . 5 4 / 3 . . // Ha - le-lu - ya, ha - le-lu – ya, ha - le- lu – ya ! 4. SINGKAT NI PATIK : Yesaya 40: 9 L : On do parsuruon di hita sadari on sian Yesaya 40: 9, didok: Tu dolok na timbo ma ho nangkok, ale Sion parbarita nauli i! Pangiar ma soaram ale Jerusalem parbarita nauli i, sai pangiar ma, unang ho mabiar! Dok ma tu angka huta ni Juda: Ida ma, disi do Debatamuna i. Ido sahatna, antong rap m hita mangido gogo! L+R: Ale Tuhan, sai urupi jala pargogoi ma hami mangulahon parsuruonMu! Amen
5. Marende BE. 99 : 3 + 5 “O, Ulu Balang na gogo”
O Jesus Ho do ulu ni Luhutna na porsea i RuasMu anggo hami Ho hangoluannami on Ho hasonangannami on Ho hagogoonnami. Suru, togu Rohanami, asa hami mangalehon Tu Ho nasa hasangapon. (jongjong) Pabulus langkanami be Patigor dalannami pe Lao tu banuaginjang O Jesus tatap hami on Na so tarbaen di tano on Mardame manang sonang Sonang, monang Di lambungMu bahenonMu hami sogot Dung tu surgo hami bongot.
6. TANGIANG HASESAAN NI DOSA & BAGA-BAGA HALUAON:
L : Huria ni Tuhanta, ro ma hita manjonok tu adopan ni Debata, tapaunduk ma rohanta, taokuhon ma angka dosanta dohot saluhut angka pangalahonta na so ture maradophon Debata nang maradophon donganta jolma jala tapangido ma hasesaan ni dosa di bagasan Goar ni Tuhan Jesus Kristus. (. . tingki na hohom . . : SL manang musik mangendehon angon-angon, BE No. 686) L : Martangiang ma hita: Ale Debatanami, na marasiroha jala na badia, Amanami na badia jala na songkal. Manang piga hali hami ro tu joloM, huhilala hami, ringkot situtu do asi ni rohaM di saluhut hami halak pardosa. Ala ni i do umbahen na hupaserep hami dirinami sadari on di joloM, jala huparhatopot hami, tung jotjot do hami manimbil sian angka dalanMu na badia songon birubiru na lilu. Sai unang tulak hami sian joloM ala ni dosanami i, ai ndang dihalomohon rohaM hamatean ni angka pardosa, alai hamubaon ni rohana do lomo ni rohaM, asa mangolu. Sesa ma saluhut hageduhonnami dohot pangalaosionnami marhitehite pangulunami na sasada i, AnakMu Tuhan Jesus Kristus. Sai pahot ma asi ni rohaM di hami marhitehite panindangion dohot hagogoon ni Tondi Parbadia asa tarapul situtu rohanami manjou Ho, asa pantun, tigor jala daulat hami marpangalaho, bahen hasangapon di GoarMu na badia i. Amen. R : Mangendehon BE. No. 421 : 1 ”MARSOMBA AU DIJOLOMON” (BL. 281) ♫ Marsomba au dijoloMon, ponjot, targogot rohangkon, Dibaen godang ni dosangkon, sai jangkon dohot au. Sai jangkon ma au on, na ramun diringkon, Tung pos do rohangki di ho, dijangkon Ho au on. L : Tabege ma Hata bagabaga taringot tu hasesaan ni dosa. Ise be mangaluhon angka na pinillit ni Debata? Debata do na mamintori angka angka bangsoNa i? Ise do na mandabu uhum hamagoan? Kristus Jesus do naung mate; alai ndada holan i, naung mulak mangolu do, jala di siamun ni Debata do Ibana mangondihon hita. Hasangapon ma di Debata na di ginjang! R : Amen! (Hundul)
7. Marende BE No 183 : 1 + 3 Na Jumpang au 4/4 F =do
Na jumpang au na asi roha di au naung mago i hian. Tuhan Jesus parasi roha di au na lilu nahinan. Nuaeng hutanda Tuhanki, Parasi roha bolon i, Parasi roha bolon i On pe holan asi ni roha, sipangasahononhon i. Sipujionku do Jahowa, dung ro na pamanathon i. Unduk huhut las rohangki mamuji asiroha i, mamuji asiroha i
8. EPISTEL : Heber / Ibrani 12: 1 – 6
L : Hata ni Debata Epistel di minggunta sadarion sian Heber 12 : 1-6 didok: “Dibahen i nang hita pe, ala na sai torop ni sitindangi humaliang hita, tapeakkon ma nasa na pasorathon ro di dosa na girgir mangkaliangi, jala marbenget ni roha ma hita marlojong tu bagasan paraloan, na sonson di jolonta! R : Tabereng ma induk ni haporseaon i jala na paujungkonsa, i ma Jesus, na manaonhon parsilangon i, singkat ni las ni roha, tohapna i hian, so dietong i hailaon, gabe hundul di siamun ni habangsa ni Debata! L : Paingotingot hamu ma Ibana, na pataontaonhon paraloan sisongon i dompak Ibana sian angka sipardosa asa unang marnaloja hamu, unang mandate tondimuna! R : Ndang adong dope pola tiris mudarmuna, laho mangalo di parungkilon maralohon dosa i. L : Nunga lupa hamu di pangapulon na hinatahonna tu hamu, ala anak hamu, ai ninna do: "Ale anaha, unang tois roham di pangajarion ni Tuhan i, jala unang ho mandele, jumpa dipinsang ho!" Ai diajar Tuhan i do na hinaholongan ni rohana, jala dilinsingi do ganup anak na jinangkonna. Ido sahatna. Martuama ganup na girgir tumangihon hata ni Debata huhut mangulahonsa. Amen L+R: Amen
9. Marende BE No. 127 : 5 - 6 LAM GOGO C= do 4/4
Torus baen, torus baen, Sion torus baen rohaM. Mamingkiri hasonangan Na binaen ni DebataM. Unang tondong hamagoan Sion manimbangi dalanmi Torus baen rohami. (jongjong) Pangke ma, pangke ma, Pangke ma gogom sude, Patandahon haholongon Ni roham di Jesus i. Na mangoli ho, o Sion Mangoloi sude patikNa i Pangke ma gogomi
10. MANGHATINDANGKON HAPORSEAON
L : Antong rap ma hita manghatndanghon haporseaonta i ... L+R : Ahu porsea .... ( hundul) 11. Marende 697 : 1 .... (Pelean 1 & 2) Molo Ho do huihuthon dame sonang rohangki. Sai horas jala martua nasa na hinophopMi Ho tongtong ihuthononhu, Jesus na palua au. Ho sambing do oloanhu Ala ni i martua au Na rade do au manaon, mangasahon padanMi, Molo Ho na manggogoihon talu haholomon i. Ho tongtong ihuthononhu. Jesus na palua au .............. ---------------Musik ---------------- Hupelehon ma diringku mangihuthon lomoMi. Ndada be na olo salpu na manggohi rohangki. Ho tongtong ihuthononhu ............. Marparange na badia ma au di adopanMi, Sai patau ma au tiruan, songon pinangidoMi Ho tongtong ihuthononhu..................
12. JAMITA / EVANGELIUM : YOHANNES 6 : 60-63
13. Dibuat ma ende sada nari molo adong ulaon khusus, dibaen ma Tangiang pangondianon. (molo so adong dang pola be tangiang dison) 14. Marende : BE.672 : 1 .... “Tung godang situtu”4/4, C = do (Pelean 3 & 4) Tung godang situtu ulaonmu antong dipasahat Tuhanta tu ho Ndang adong be tingkim marnalemba tahe, ngolumi bahen tiruan tongtong Sai patupa ma i ala ni Tuhan i so mangkirim balosna tu ho. Debata do marnida na niulami Manang na adong parbue ni i. Ai lambok do soara ni Tuhanta i, Ro ma ho las ma nang rohami, Sai taingot tongtong hata ni Tuhan i, mangarahon jolma tu Tuhan i. Sai patupa ……… ------------------ Musik ---------------- Alanii boan ma, sondang na tiur i, Boan ma hata ni Tuhan i, Sai urupi na pogos na mardangol i, Asa ro tu Jesus Tuhanta i. Sai patupa ………