1.

Martangiang Nahohom

2. Marende No. 449 : 1, 4 “SAI SOLHOT TU SILANGMI”

Sai solhot tu SilangMi, Jesus ingananku./ Mual na mabaor disi, i ma inumonku./ SilangMi, Tuhanki,
i ma pujionku./
Paima sogot sahat au, i endehononku.
(.......jongjong di angka na boi jongjong.........)
Laos maniop silangMi, sai paimaonku./ GokkonMi tu surgo i,
tu siteanonku./ SilangMi.......!

3. VOTUM – INTROITUS – TANGIANG

U : Marhitehite Goar ni Debata Ama, AnakNa Tuhan Jesus Kristus,
dohot Tondi Parbadia, na manompa langit dohot tano on. Amen. Songon
on do Hata ni Tuhan Jesus: Na monang i do siparulosan dohot angka ulos
na saksak, jala ndang sesaongKu goarna sian pustaha hangoluan, jala
parhatopotongKu do goarna di jolo ni Damang dohot di jolo ni angka
surusuruanNa. Sai burju ma ho rasi rasa mate, dungi lehononKu ma tu ho
tumpal hangoluan i. Taendehon ma Haleluya.
H : (mangendehon) “Haleluya - Haleluya – Haleluya”
U : Martangiang ma hita : Ale Tuhan Jesus, Tuhan ni angka na mate dohot
angka na mangolu! Ho do nampuna hami, mangolu manang mate pe hami.
Nang pe mardalan hami di rura ni linggoman ni hamatean, ndang huhabiari
hami be hamatean i, ai Ho do dongannami. Ndang tartiop hamatean
manang tanoman i be hami, ai Ho do Tuhannami naung humophop hami,
jala Ho do nampuna hami. Ro do hami nuaeng mangido tu Ho sian nasa
rohanami: Sahat tu Ho ma daging dohot tondinami, asa di Ho hami,
mangolu manang na mate pe. Sai tiop ma tangannami, urupi ma hami
marhitehite panghophopMi, asa sahat hami tu hangoluan na so ra suda i.
Amen. ~~~~ h u n d u l ~~~~

4. Marende BE No. 298 : 4 “DI LAMBUNGMI O, JESUSKI”

Di ajalhi, O Jesuski, momos ma tiop tanganki.
Pasahat au tu surgoMi, marnida hasangaponMi.
Endehononku ma disi holong nang denggan basaMi.

1
5. PATIK NI DEBATA : Galatia 6 : 9 - 10
U: Patik di minggunta on tarsurat di Roma 6 : 23, Ai upa tinuhor ni dosa
do hamatean; alai basa basa ni Debata do hangoluan
salelenglelengna marite Kristus Jesus Tuhanta
Antong, rap mangido gogo ma hita tu Tuhan Debata laho mangulahonsa.
U,H: Ale Tuhan Debata, sai pargogoi ma hami mangulahon na hombar tu
PatikMi. Amen.

6. Marende BE No. 171 : 1 - 2 “TANDAI MA AU”

Tandai ma au sungkapi ma dohot rohangku
Uji ma au pamanat huhut ma dalanhu
Olo di tanda Ho au Debata.
Asi ma rohaM taringot tu pangalahoku
Olo tutu jotjot do na lilu dalanku
Sesa dosangku sude Debata

7. TANGIANG MANOPOTI DOSA / BAGABAGA NI DEBATA

U: Ale Amanami jala Debatanami, na di Banua ginjang, pargogo na so hatudosan
pardenggan basa do Ho, jala ro di salelenglelengna do asi ni rohaM. Sai
marpamuati ma rohaM di hajahatonnami, jala sai unang be ingot angka
dosanami, ai jotjot do hami mardosa maradaphon Ho, jala jotjot do husungguli
hami imasMu marhite sian pangalaosionnami di hataM. Ale Tuhan Jahowa sai
unang paingotingot pangalaosionnami, unang alang asi ni rohaM, sai urupi ma
hami. Ho ale Tuhan Debata hatuaonnami palua hami, jala sesa dosanami ala ni
AnakMu Tuhan Jesus Kristus Tuhannami Amen.
Bagabaga ni Debata taringot tu hasesaan ni dosanta: Songon sintong na
mangolu Ahu, ninna Tuhan Jahowa, tung na so lomo do rohangku mida
hamatean ni parjahat, na lomo do rohangKu mida hamumulak ni parjahat i,
tumadingkon dalanna, asa mangolu ibana. Hasangapon ma di Debata na
di banua ginjang.
U,H: Amen. ~~~~ h u n d u l ~~~~

8. Marende BE No. 435 : 2 “MAROLOPOLOP TONDINGKI”

Dihaol holongNa rohangki, tung na so boi be mago i.
MataNa do manatap au, pinggolNa tumangihon au
Sonang ni tingki i, dung jumpang Jesus Tuhanki!
TondiNa mangajari au, tarbahen marlas ni roha au!
Sonang ni tingki i dung jumpang Jesus Tuhanki.
9. EPISTEL :
U: Tangihon hamu (Tatangihon) ma Hata ni Debata turpuk Epistel di Minggunta sadari
on, tarsurat Psalmen 80 : 1 - 8, Ende sian si Asap. Ale siparmahan Israel, sai

2
 manangi ma Ho! Ai Ho do siadu Josep, songon birubiru; sai pataridahon ma Ho, ale
na marhabangsahon herubim.
H: Sai sungguli ma hagogoanMu di jolo ni Epraim dohot Benyamin dohot
Manasse, jala sai ro ma Ho mangurupi hami.
U: Ale Debata, sai pasuang ma hami, jala pasihar bohiM asa malua hami.
H: Ale Jahowa, Debata Zebaot, sadia leleng on marmusu tihus Ho mida tangiang
ni bangsoM.
U: Dipanganhon Ho do tu nasida roti iluilu, jala dipainumhon Ho do tu nasida iluilu
martahutahu.
H: Dibahen Ho do hami ripe badaan ni hombar hundulnami, jala sai dielesi angka
musunami do hami.
U: Ale Debata Zebaot, sai pasuang ma hami, jala pasihar ma bohiM asa malua hami. I
do sahatna. Martua do angka na tumangihon Hata ni Debata jala na umpeopsa.
Amen.

10. Marende BE No. 213 : 1, 4 ”DUNG SONANG ROHANGKU“

Dung sonang rohangku dibaen Jesus i, porsuk pe hutaon dison,
na pos do rohangku di Tuhanta i, di pasonang tongtong rohangkon.
Sonang do, sonang do dipasonang tongtong rohangkon.
~~~~ j o n g j o n g ~~~~
Mangolu nang mate, di Jesus do au, Ibana haporusanki.
HataNa sambing do partogi di au, ai na tau haposanku do i.
Sonang do, sonang do dipasonang tongtong rohangkon.

11. MANGHATINDANGHON HAPORSEAON

U : Tahatindangkon ma haporseaonta i, songon na hinatindangkon ni
donganta sahaporseaon di sandok portibi on. Rap ma hita mandok:
U,H: Ahu porsea......! ~~~~ h u n d u l ~~~~

12. Tingting na masa di Huria

13. Marende No. 474 : 1 - .... ”INGKON JESUS DO DONGANKU”

(Pasahathon Pelean Ia & Ib)
Ingkon Jesus do donganku, sahalangku lilu do./ Raphon Jesus boi au monang, talu musu i na ro./ Ndang
mabiar au disi, Tuhan Jesus donganki.
Sai ihuthononku Jesus oloanku nama i.
Ingkon Jesus do donganku, molo marsitaonon au./ Tu Ibana hutinggangkon, nasa na pasorat au.
Ndang mabiar au ...!
Ingkon Jesus do donganku, molo na tarunjun au./ Tuhan Jesus do parmonang, di parmonang dohot au./
Ndang mabiar au.....!

14. JAMITA: Markus 13 : 24 - 37

15. Marende BE No. 522 : 1 -... ”SURGO I SAMBULONTA DO I”

3
 (Pasahathon Pelean II)
Surgo i sambulonta do i, ndang adong be siaeon disi,/ na mamuji tongtong na disi, pinalua ni Tuhanta i./
Surgo i, surgo i, ndang adong be siaeon disi,/
Surgo i, surgo i, surgo i, ndang adong be siaeon disi.
Na marloksa naung sahat tusi, tu inganan nasai denggan i,
Aut naung domu ma au dohot i, gok ma las ni rohangku di si. Surgo i..!
Na manghirim rohangku dison, paima sahat tusi nang au on.
Taiti au, ale Tuhan tusi, asa rap dohot Ho au disi. Surgo i.....!

16. TANGIANG PELEAN – Ale Amanami – Pasupasu – Amen 3X (diendehon)