ACARA IBADAH

PARNINGOTAN ARI HAHEHEON NI TUHAN JESUS KRISTUS

[ PESTA PASKAH 2 ]

TOPIK:
JESUS KRISTUS DO BIRUBIRU PASKAH
YESUS KRISTUS ANAK DOMBA PASKAH

Ev. 1 Korint 5:6-8 Ep. Psalmen 114:1-8

PKL. 10.00 WIB – SELESAI

1
1. MARENDE BE HKBP No. 95 : 1, 3 – 4 “NGOT MA HO DIJOU SOARA”
 Haleluya taendehon nuaeng di ari haheheon Tuhanta Siparmonang i
Ai malua do Ibana haruar sian tanomanNa, natalu hamatean i.
Sun ulaonNa i dibaen Tuhanta i, Haleluya
Naung sahat di Tuhanta i upaNa na sumurung i.
 Na so pola habiaran ni hita on be hamatean, ai hita pe sai hehe do.
Molo burju taihuthon Tuhanta i, di parungkilon sai ingkon tu lambungNa ro.
Diboan Jesus i do hita on muse, tu lambungNa Parmonang i sai saut ma i
binaen ni hagogoonMi. ---Musik---
 Ale ari haheheon beha ulaning hilalaon ni rohangkon di tingkimi? Ndang
hapalang las ni roha di hasosohot ni na roa ro di sude na hansit i
O Jesus togu ma bangsoM tu Debata, tu na sonang
O Rajangki naung hehe i pasahat au tu lambungMi.
2. VOTUM – INTROITUS – TANGIANG :
U : Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano on.
Amen. Pinuji ma Debata jala Ama ni Tuhanta Jesus Kristus, na tumubuhon
hita paduahalihon sian godang ni asi ni rohaNa tu pangkirimon na mangolu
marhitehite haheheon ni Tuhan Jesus Kristus sian na mate. Haleluya !
H : (Mangendehon): BE. HKBP No. 852 : 1 HALELUYA HKBP (3x)
Haleluya, Haleluya, Haleluya.
U : Martangiang ma hita! Ale Tuhan Debata ! Suru ma Tondi Parbadia tu
rohanami, asa tarapul situtu rohanami marhitehite haheheon ni AnakMu,
Tuhan Jesus Kristus, jala asa lam ganda haporseaonnami marhitehite
pangkirimon na mangolu, asa tongtong huingot hami, na hehe do hami
muse sian na mate songon Tuhan Jesus Kristus, Tuhannami, naung hehe
sian na mate i. Amen. (Hundul)
3. MARENDE BE No. 89 : 5 “ATE DIDIA SOROPMI”
 Ai manang ise na burju paubahon rohana
Na mangalehon situtu di Jesus i rohana
I do dongan ni Jesus i tumean hangoluan i saleleng ni lelengna.
4. PATIK:
U : Tangihon Hamu (Tatangihon ma) Patik ni Debata di Pesta Paskah II, i ma na
tarsurat di Efesus 4 : 24, “Jala solukhon hamu ma jolma na imbaru, na
tinompa suman tu Debata, di bagasan hatigoran dohot hapolinon na
marhasintongan!” Ido sahatna. Antong, rap mangido gogo ma hita sian
Tuhan Debata!
U+H : Ale Tuhan Debata, sai pargogoi ma hami mangulahon na hombar tu
PatikMi. Amen

2
5. MARENDE BE No. 433 : 1 + 4 “O TUHANHI SAI TOPOT AU”
 Tuhanhi sai topot au, paias ma nang rohangki
MudarMu mangurasi parjahat i, mudarMu mangurasi nang na jumahat i
Dihophop Ho au on, dihophop Ho au on, dihophop Ho au on.
----Jonjong----
 Porsea au nuaeng di Ho, dihaholongi Ho nang au.
MudarMu mangurasi parjahat i, mudarMu mangurasi nang na jumahat i
Dihophop Ho au on, dihophop Ho au on, dihophop Ho au on.
6. TANGIANG MANOPOTI DOSA :
U : Tatopoti ma dosanta martangiang ma hita! ---Musik---
Ale Tuhan Debata, Pargogo na so hatudosan jala Amanami ! Hujou hami do
GoarMu na badia i, ala na targogot hami marningot dosanami. Sai marasi ni
roha ma Ho mida hami on. O Tuhan Jesus Kristus, Anak ni Debata na gabe
jolma ala ni hami, na mate jala na hehe sian na mate, na manaek tu banua
ginjang do Ho mangondihon hami ! Asi rohaM di hami, sai patongtong ma di
hami roha hamauliateon tu Ho. O Tondi Parbadia, pangapul di na marsak
roha, pamalum ma saluhut na bernit, binahen ni dosanami ! Ro ma Ho
mangingani hami, asa marlas ni roha hami mangulahon lomo ni rohaM. Ho
do parhitean ni nasa asi ni roha, sai unang tulak hami. Sai tangihon ma
hami, Ho ale Debata, Ama, Anak dohot Tondi Parbadia ! Amen.
Tabege ma bagabaga ni Debata taringot tu hasesaan ni dosa: Molo
tung adong manang ise na mardosa, adong do pangondianta di Ama i, i ma
Tuhan Jesus Kristus na tigor roha i. Jala Ibana do pardengganan taringot tu
dosanta, alai ndada holan taringot tu dosanta, dohot do taringot tu dosa ni
saluhut portibi on. Hasangapon ma di Debata na di ginjang !
U + H : Amen. (Hundul)
7. MARENDE BE HKBP No. 632 : 1 “NUNGA HEHE KRISTUS”
 Nunga hehe Kristus marsihohot ma hamu.
Lam sumurung hita di ulaon ni Tuhanta
Lam sumurung hita di ulaon ni Tuhanta
Radot ma hita lao mangula tu Tuhanta
Radot ma hita lao mangula tu Tuhanta, Amen.
8. E P I S T E L:
U : Tatangihon ma Hata ni Debata turpuk Epistel di Pesta Paska na paduahon
on, tarsurat di Psalmen 114 : 1 – 8 “Uju na ruar i Israel sian Misir,
pinompar ni si Jakob sian bangso parhata bobang:
H : Jadi Juda gabe habadiaonNa, Israel gomgomanNa.
U : Diida laut i ma i, gabe tolak, jala sumurut tu pudi ia Jordan.
H : Marhajingjang ma angka dolok songon birubiru tunggal, angka
robean songon anak ni birubiru.

3
 U : Aha di ho, ale laut, umbahen maporus ho? Ale Jordan umbahen sumurut tu
pudi ho?
H : Hamu ale angka dolok, umbahen marhajingjang hamu songon
birubiru tunggal, hamu ale robean, songon anak ni birubiru?
U : Maradophon bohi ni Tuhan i humuturhutur ma ho, ale tano on,
maradophon Debata ni si Jakob.
H : Na paubahon dolok batu gabe ambar aek, batu ping gabe mual.
U : I do sahatna. Martua do angka na tumangihon Hata ni Debata jala na
umpeopsa. Amen.
9. MARENDE BE HKBP No. 90 : 1 – 2 “SAI TAPUJI DEBATANTA”
 Sai tapuji Debatanta, ale hajolmaon i, Ai naung hehe do Tuhanta, sian hamatean i
Dipasidung Jesus i ulaonNa sasude Patupahon haluaon di saluhut hajolmaon.
---Jongjong---
 Anggo utang ni dosangku digarari Jesus i, I do haporseaonhu di na tinaonNa i
Nunga tulus patik i nunga mintop rimas i, Di na hehe i Ibana ro di au
hangoluanNa.
10. MANGHATINDANGHON HAPORSEAON:
11. TINGTING
12. MARENDE BE HKBP No. 91 : 1… “HATUAON DO” (Pelean Ia, Ib)
 Hatuaon do, las ni roha do Hangongot ni Tuhanta i
Mago do hita ngot ma Tuhanta las be, las be ma rohanta i.
Mago do hita ngot ma Tuhanta las be, las be ma rohanta i.
 Hatuaon do, las ni roha do Hangongot ni Tuhanta i
Monang do Jesus talu sibolis las be, las be ma rohanta i.
Monang do Jesus talu sibolis las be, las be ma rohanta i. -----Musik------
 Hatuaon do, las ni roha do Hangongot ni Tuhanta i
Mungkap do dalan tu hangoluan las be, las be ma rohanta i.
Mungkap do dalan tu hangoluan las be, las be ma rohanta i.

13. J A M I T A: 1 KORINT 5 : 6 – 8
14. MARENDE BE. HKBP No. 633 : 1… “NUNGA HEHE KRISTUS I” (Pelean II)
 Nunga hehe Kristus i, haleluya, Sian hamatean i, haleluya
Parlangitan jouhon ma, haleluya. Tano on alusi ma haleluya.
 Singkop panghophopNa i, Haleluya, Gok hamonanganNa i, Haleluya
Sondang haluaon i, Haleluya. Patiur dalanta i, Haleluya.---Musik---
 Tartaban naroko i, Haleluya, Di baen Tuhan Jesus i, Haleluya
Nunga mungkap surgo i, Haleluya, Di na tinobusNa i, Haleluya
 Monang do Tuhanta i, Haleluya, Talu hamatean i, Haleluya
Mago do sorop na i, Haleluya, Ala monang Tuhan i, Haleluya.
18. TANGIANG PELEAN + ALE AMANAMI + PASUPASU + AMEN.