PARTORDING NI PARMINGGUON

DI MINGGU I DUNG EPIPHANIAS

HKBP MAKASSAR RESSORT SULAWESI SELATAN

EV. Psalmen 29 : 1 – 11 EP. Markus 1: 4 – 11

TOPIK:
PASANGAP MA DEBATA DI BAGASAN HABADIAON

HURIA KRISTEN BATAK PROTESTAN

Minggu, 10 Januari 2021
01. PAMUHAI :
U : Horas ma di hita saluhutna ruas ni huria ni Tuhanta na hinaholongan. Na
marpungu do hita sadarion di Minggu - I Dung Epiphanias. Nunga Patar
dihita Debatanta i, Ibana do Tuhan na marhabangsa, jala Ibana do Raja
ro di saleleng ni lelengna.
R : Tapuji jala tapasangap ma Debata dibagasan habadiaonNa.
Lehonon ni Jahowa do sogot pargogo tu bangsoNa, Tumpahan ni
Jahowa do sogot bangsoNa mardamedame.
U : Ditogihon Topik minggu sadari on do hita ta PASANGAP DEBATANTA
DIBAGASAN HABADIAONNA, Lehon ma tu Jahowa hamuliaon dohot
hagogoon, pangiar ma soaram laho mangendehon habadiaonNa i.
02. Marende BE No. 74 : 1,2 SAI MARLAS NI ROHA HITA Bl. 175
 Sai marlas ni roha hita ale dongan Kristen i
Sai tapuji ma Tuhanta napasaehon dosa i
Ditogihon Jesus i hita tu huria i
Naung dijangkon Debatanta hita on baen anakkonNa.
 Tuhan Jesus do Rajanta na manggomgom sasude (Jongjong)
Niramotan ni tanganNa do luhut parhosa pe
Molo lao hataNa i ndang tarbaen so saut be i
Sai na tulus do nidokNa di saluhut manisia.
03. VOTUM – INTROITUS – TANGIANG:
U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia, na tumompa langit dohot tano
on. Amen. Songon on do ninna Tuhan Jahowa: Hehe ma ho!
Marsinondang ma ho! Ai na ro ma na manondangi ho, jala hamuliaon ni
Jahowa binsar di atasmu. Haleluya
R : (Mangendehon): Haleluya, Haleluya, Haleluya!
U : Martangiang ma hita : Ale Tuhan Debata, Ama na marasiroha! Hudok
hami mauliate tu Ho, sian nasa rohanami, ala dijou Ho hami sian
haholomon tu hatiuron, marhitehite AnakMu Tuhan Jesus Kristus. Sai di
rajai TondiM na badia i ma hami asa lam ganda haporseaonnami, jala
asa lam badia parangenami, unang marlindang binahen ni portibi on,
asa sahat hami rap dohot angka na porsea di GoarMu tu hangoluan na so
ra suda, marhitehite Anak haholongan ni rohaM, Tuhan Jesus Kristus,
Tuhannami. Amen. (Hundul)

1
04. Marende BE No. 72 : 2 HEHE MA HAMU PARBEGU Bl. 218
 Na buni do nasailaon sangkap ni Tuhanta i
Ndang diboto hajolmaon dalan hangoluan i
Tung na lilu do sude di pardalananna be
05. PATIK:
U : Tangihon hamu ma Patik ni Debata di Minggu I dung Epiphanias on i ma
na tarsurat di 1 Petrus 1: 13 “Dibahen i, hohosi hamu ma rohamuna;
torang ma rohamuna; sandok mangkirim ma hamu di asi ni roha na
tarboan tu hamu, di hapataron ni Jesus Kristus” (Antong rap mangido
gogo ma hita sian Tuhan Debata)
R : Ale Tuhan Debata, sai pargogoi ma hami mangulahon na hombar tu
PatikMi. Amen.
06. Marende BN No. 169 : 1 Ya Juruselamatku
Ya Jurus’lamatku, kunjungilah hambamu
Janganlah Kau berlalu, jauh dari hidupku
Refrein:
Tuhan datanglah padaku, jadikan aku anak-Mu
Dengan darah-Mu yang kudus, ‘ku bagaikan salju bersih
Sungguh bersih, sungguh bersih
Dengan darah-Mu yang kudus, ‘ku bagaikan salju bersih

07. MANOPOTI DOSA:

U : Tatopi ma dosanta na godang i tu adopan ni Debata, Martangiang ma
hita : Ale Tuhan Debata, mauliate ma rohanami di Ho naung papatarhon
huasoM na balga i tu hami huriaM. Di dongani Ho do hami ganup tingki
mamolus ragam ni angka na masa di portibi on. Di parmudu jala di
ramoti Ho do huriaM asa tarbahen mardalan hombar tu lomo ni rohaM.
Ipe ale Tuhannami, sai lam pasada ma huriaM marhaposan jala
marhaporusan holan tu Ho. Sai Ho ma dongannami mardalan mamolus
sude angka partingkian.
R : Ale Tuhan Debata, sai Ho ma na mandongani hami.
U : Ale Tuhan Debata, Ho do naung papatarhon tu hami balga ni huasoM di
bagasan Jesus Kristus anakMi. Naung ro do Ibana tu portibi on laho
mangungkap nasa haholomon, asa tung dibagasan hatiuron hami. Ale
Jesus sondang ni tondingku na patiur sasude. Sai palua ma rohanami
sian dosa sasude jala taiti ma roha nang pingkirannami tu na tiur i
tongtong.
2
 R : Ale Tuhan Debata, patiur ma roha nang pingkirannami.
U : Ale Tuhan Jahowa, Sai unang pabali hami sian joloM ala ni dosanami i.
Sesa ma saluhut hageduhonnami dohot pangalaosionnami marhitehite
pangulunami na sasada i, AnakMu Tuhan Jesus Kristus. Sai pahot ma asi
ni rohaM di hami marhitehite panindangion dohot hagogoon ni Tondi
Parbadia asa tarapul situtu rohanami manjou Ho, asa pantun, tigor jala
daulat hami marpangalaho, bahen hasangapon di GoarMu na badia i.
Amen.
R : (Mangendehon): BE No. 686: 2,3 RAMUN DO AU
 Na ro do au tu joloMi, gale do au urupi au
O Jesus ala mudarMi dison do au, patau ma au
 Ala denggan ni basaMi, ro au tu Ho o Jesuski
Parbadiai ma rohangki dison do au patau ma au.
U : Tabege ma hata bagabaga taringot tu hasesaan ni dosa: Munsat pe
angka dolok, jala humuntal angka robean, alai anggo parasi ni rohangKu
na so tupa munsat sian ho, jala padan ni hadameonKu na so tupa
humordit, ninna Jahowa Siasii ho. Hasangapon ma di Debata na di
ginjang!
R : Amen
08. Marende BE No. 458 : 3 BARITA NA UMULI I Bl. 309
 Ibana haporusanhi di godang ni dosangku
MudarNa do mamuri au, ditobus do hosangku
Tuhanku gabe singkathi, dibahen i, pujiongki basaNa i.
09. E P I S T E L :
U : Hata ni Debata turpuk Epistel di Minggu I Dung Epiphanias sadarion,
tarsurat di Markus 1: 4 – 11 “Di halongonan do si Johannes
mandidihon jala manjamitahon pandidion hamubaon ni roha, laho
pasesahon dosa.
R : Jadi ruar ma sude pangisi ni tano Judea ro di sude halak Jerusalem
manopot ibana jala dipandidihon do nasida di batang aek Jordan,
dung ditopoti be dosana.
U : Ianggo si Johannes i, imbulu ni unto do ulosna jala hulingkuling do
hohosna, angka sihapor dohot situak ni loba do sipanganonna.
R : On do jamitana; Na ro ma sian pudingku na gumogo sian ahu; na
hurang tama do ahu paunduk ahu mangkarhari tali ni sipatuna.

3
 U : Aek do hudidihon tu hamu; alai Tondi Parbadia do didihononna tu
hamu.
R : Uju i ma ro Jesus sian Nasaret, na di luat Galilea, jadi tardidi ma
Ibana di aek Jordan, dididi si Johannes.
U : Di na hehe Ibana sian aek i, pintor diida si Johannes ma mungkap langit,
jadi songgop ma Tondi i songon darapati tu Ibana.
R : Jala masa ma soara sian ginjang i, na mandok: Ho do Anak
haholongan ni rohangku; lomo do rohangku di Ho!
U : Ima sahatna. Martua ma angka na tumangihon Hata ni Debata jala na
umpeopsa. Amen.
10. Marende BE No. 149: 1 HO TONGTONG IHUTHONONKU Bl. 182
 Ho tongtong ihuthononku Jesus Sipangolu au
Tung na so tadingkononku Ho, na paluahon au
Sian sasude dosangku Dohot sian uhum i
Na tongtong habiaranku ala pardosaonki. (Jongjong)

11. MANGHATINDANGHON HAPORSEAON:

U : Tahatindangkon ma haporseaonta i, songon na hinatindangkon ni
donganta sahaporseaon di sandok portibi on. Rap ma hita mandok:
R : Ahu Porsea….. (Hundul
12. TINGTING
13. Marende BN No. 71: 1-2 Ya Raja Maha Tinggi Bl. 156
1 Ya Raja maha tinggi, Kau Yesus Tuhanku
Kuasa-Mu abadi di Surga tahta-Mu
Mulialah nama-Mu di alam semesta
Nyatakan kerajaan-Mu di s’luruh dunia

2 Ketika orang Majus melihat bintang-Mu

Mereka seg’ra datang, sujud menyembah-Mu
Serta mempersembahkan emas kepada-Mu
Kar’na Kau maha raja, ya Yesus Tuhanku

14. JAMITA: Psalmen 29: 1 – 11

4
15. Marende BE No. 75 : 1-- NAUNG BINSAR DO PANONDANG I Bl. 206
(Pel. Ia, Ib, II tu Pusat)
 Naung binsar do panondangi Na mangatasi sasude Na olo marsinondang
Sondangan ni do sasude na di na holom i dope malungun di na torang
Jesus tulus ma sangkapMu sondanganMu nasa jolma
Asa unduk di Debata.
 Ho do mangapul rohangkon O Raja ni portibi on saleleng au mangolu
Sai Ho ma parjambaranki ndang olo au lohotan ni sude na olo salpu
Tu Ho ro do au na lea na porsea di hataMu
Mangidohon panumpakMu
-----Musik-----
 Tung ise pasonangkon au? manang tu dia pe au lao sasada Ho huboto
Pangkilalahon holong ni rohaM di au na bojok i na pogos jala oto
Unang laos au be lilu hinophopMu do tondingku
Ingkon Ho do tioponku.
 Las do rohangku mida Ho O Jesus Kristus na dung ro mamboan hangoluan
Naeng pujionku Ho tongtong saleleng au di tano on Nang di banua
ginjang. Sangap, sangap di goarMu Ho Rajangku
Huendehon HamuliaonMu,.

16. TANGIANG PANGUJUNGI: Tangiang Pelean – Tangiang Ale Amanami –

Pasupasu – Amen, Amen, Amen.