PARTORDING NI ACARA

ADVENT I
Di HKBP Palembang
Minggu, 29 November 2020

TEMA: ”PanurirangonTaringot Tu
Haroro Ni Raja Ni Hamuliaon”
Pukul 10.00 WIB
1
I. PERSIAPAN
II. PROSESI :
Parhalado memasuki ruangan, laos marende ma Song Leader
mangendehon BE. No. 594 : 1 “Sai ro ma Ho Immanuel”
(Mamboan Lilin Advent )
III. JOUJOU TU PARMINGGUON :
U : Paboa hamu ma tu boru Sion: Ida ma, nunga ro hatuaonmi.
Ida ma, ihut tu Ibana do upa silehononNa, jala pamalosonna
di joloNa.
R : Ho do ale Jahowa dihalungunhon rohangku, ale
Debatangku, marhaposan tu Ho do ahu.
U : Endehon hamu ma Debata, puji hamu ma GoarNa, palendes
hamu ma dalan di Ibana.
R : Ho do ale Jahowa dihalungunhon rohangku, ale
Debatangku, marhaposan tu Ho do ahu.
U : Marolopolop jala marlasniroha ma hita manomunomu Raja
hamuliaon i. (Pagalak Lilin huhut mandok) Hupagalak ma lilin
on songon partanda haradeon ni rohanta managam haroro ni
Raja hamaulion i na mamboan hatiuron tu portibion, tahobasi
ma rohanta marsaor tumangihon HataNa, ro be ma hita
mardongan las ni roha mamuji Ibana. Marende ma hita!
1. Marende BE. No. 38 : 1 – 3, “Paruak Ma Harbangan”
 Paruak ma harbangan i, ai nunga ro Rajanta i.
Sigomgom raja sasude, sitobus hajolmaon pe,
Siboan hatuaon i, pasuang hasonangan i.
Ipe tapuji ma, Tuhanta Debata.

 Na sun tigor do roha ni na ro tumopot jolma i.

Ai Raja na badia do huhut parasi roha do.
Pabalion-Na do sude na mangarsahi hita be.
Ipe tapuji ma, Tuhanta Debata.
2
 ---Jongjong---
 Martua luat, huta pe dung jinangkonna Raja i.
Rohanta pe sai sonang do dung masuk Raja i naung ro.
Ai tiur do matanta i, dung ro Panondang i tusi.
Ipe tapuji ma, Tuhanta Debata.
3. Votum – Introitus
U: Marhitehite goar ni Debata Ama, dohot goar ni AnakNa Tuhan
Jesus Kristus dohot goar ni Tondi Parbadia na tumompa langit
dohot tano on. Amen Marolopolop ma ho jala marlas ni roha,
ale boru Sion, ai ida ma, na ro ma Ahu maringanan di
tongatongam i, ninna Jahowa. Haleluya

U+R: (Mangendehon) Haleluya, Haleluya, Haleluya

U : Martangiang ma hita! Ale Tuhan Debata, Pargogo na so

hatudosan, na tumompa langit dohot tano, hinorhon ni asi ni
rohaM do umbahen sahat hami tu taon Huria na imbaru on.
Lehon ma tu HuriaM TondiM na badia i dohot hamaloon sian Ho,
asa lam rarat jala ganda harajaonMu di tongatonga ni hami on.
Sai lehon ma hiras ni roha tu naposoM mangkatahon HataM, asa
lam denggan HuriaM marhite sian i. Pargogoi ma hami mangoloi
Ho di bagasan haporseaon na tongtong, asa manahan hami
sahat ro di ujungna marhitehite AnakMu Jesus Kristus
Tuhannami. Amen.
(Hundul)

2. Marende BE. No. 581 : 1, “Sangap Di Jahowa”

 Sangap di Jahowa na sun timbul I,
balga ni holongNa ndang tarasam i
Balga ni holongNa ndang tarasam I,
dilehon AnakNa na sasada i Manobus hita jolma pardosa i
Puji ma, Debata ale manisia,
las roham las roham somba ma Debata
3
 Dapothon Jahowa na sun timbul I, Marhite AnakNa Tuhan Jesus I

3. PATIK : Pangungkapon 3 : 10 - 11
U : Tangihon hamu ma Patik ni Debata di Minggu ADVENT I on, i ma
na tarsurat di Pangungkapon 3: 10 – 11, Ai diradoti ho do hata
habengeton na sian Ahu; Ahu pe, ramotanku ma ho di ari
pangunjunan na naeng ro tu liat portibi on, mangunjuni angka
na mangingani tano on. Magira ma Ahu ro. Tiop ma na di ho,
unang adong na mambuat tumpalmi! (Antong rap mangido gogo
ma hita tu adopan ni Debata).
U&R: Ale Tuhan Debata, sai pargogoi ma hami mangulahon na
hombar tu PatikMi. Amen.

4. Marende BE. No. 167 : 1 – 2, “Martua Do Na Marhaposan”

 Dijangkon Jesus do pardosa Na mangarsakkon dosa i
Na mangundukkon hinaroa, Ni pambaenanNa sasude
Alai ditangkup hata on, dijangkon Jesus nang au on
---Berdiri---
 Pardosa na tarsolsol bagi Na ponjot roha situtu
Huhut na olo manopoti dosana i mansai burju
I do dijangkon Jesus i asa paluahonna i

5. Manopoti Dosa
U : Huria ni Tuhanta, ro ma hita manjonok tu adopan ni Debata,
taokuhon ma angka dosanta jala tapangido ma hasesaan ni dosa
di bagasan Goar ni Tuhan Jesus Kristus.
(. . tingki na hohom . . : Musik mengalunkan BE No.683)

U : Ale Tuhan Debata, na badia jala na bonar. Ho do Jahowa, na

gogo jala Ulubalang, Jahowa Ulubalang di hamusuon. Na

4
 mangondihon hami sian hamusuon dohot sian nasa hasusaan.
Nuaeng di Advent I ro hami tu adopanMu mangido asi dohot
holong ni rohaM. Asi ma rohaM di hami. Tatap ma parsorion ni
bangsonami na sai tongtong dope mangalului dalan laho
pamagohon sahit Covid-19 on. Asi ma rohaM nang di hami ala
sahat tu tingki on mansai godang dope na hona sahit HIV/AIDS.
Ala ni i ma di Parningotan “Hari AIDS Sedunia 2020” na dipatupa
ganup ari 1 Desember dihirim asa sude ruas ni HKBP marpadan
laho mangotapi HIV/AIDS sian dirina sandiri, keluarga, ruas ni
huria nang masyarakat pe. Ganup ma ruas mangalehon roha jala
parbinoto angka ise do na hona HIV/AIDS jala na dumenggan
ndang manghasogohon angka dongan naung hona ODHA di
lingkunganna, ai ruas ni Tuhanta do nang nasida. Alani Tuhan,
tongon di ari panomunomuon on, Ho ma na mandongani hami
asa rap hami mangalehon roha laho mangurupi nasida,
pahinsathon panghobasion dohot mangotapi HIV/AIDS.
R : Ale Tuhan Debata, na badia jala na bonar. Patupa ma hami
gabe Pangurupi laho mangotapi HIV/AIDS di portibi on.
(. . tingki na hohom . . : Musik mengalunkan BE No.683)

U : Martangiang ma hita: Ale Tuhan Debata, na badia jala na bonar.

Parasi jala Partalup ni Roha jala na basar do Ho ! Sai marpangulahi
ma rohaM mida hami. Dibahen i sai sesa ma sude dosanami ! Ndang
adong na hupangasahon hami dungkon ni asi ni rohaM; hatigoran na
pinatupa ni AnakMu do na hupangasahon hami tu joloM. Dibahen i
pasonang jala apuli ma hami angka na hinophop ni Tuhan Jesus
Kristus, Tuhannami. Amen.

R : (Mangendehon) BE.No.683 : 3 “DI ADOPANMU JESUS” BL.683

♫♪♫
Di adopanMu Jesus tarsolsol bagi rohangkon,
Muba ma au tu jolo on di adopanMu Jesus.
5
U : Tabege ma bagabaga ni Debata, taringot tu hasesaan ni dosa:
Songon on do hata ni Tuhan Jesus: Ala ni pangalaosionta do
umbahen na tartullang Kristus, jala binahen ni hajahatonta do
Ibana mabugang. Ampe tu Ibana pinsangpinsang parhitean ni
hasonanganta, jala binahen ni bugangNa malum itahilala.
Hasangapon ma di Debata na di ginjang !
R : Amen

6. Marende BE No. 41: 2+6, “PARRIPE NI TUHANTA”

 Hamu na marsak roha jonok do Raja i.
Na ro mangapul roha ni nasa na tungki.
Torop nuaeng tahe inganan hasonangan,
i ma partangiangan ni na porsea i.

 O Jesus sai bongoti ma dohot rohangkon.

Asi rohaM ingani ma tondingki tongtong.
Patiur langkangki lao tu banua ginjang,
ai naeng marsonangsonang hupuji Ho disi.

7. Epistel : LUKAS 12 : 35 - 40
U : Tabege ma Hata ni Debata turpuk ni ari Minggu Advent I on I ma
na tarsurat di Lukas 12 : 35 – 40, sai hohos ma gontingmuna, jala
galak ma palitomuna!
R : "Jala suman ma hamu ti jolma na paipaimahon indukna, di na
ro muli ibana sian parunjuhan, asa mamintor diungkap di
ibana, di harorona manuktuhi ”
U : martua ma angka anak somang I, na dungo dapoton ni indukna di
harorona i! na sintong do hatangKon tu hamu: hohoshononna ma
ulosna, pajuguhonna ma nasida: ibana ma jongjong marhobasi di
nasida
R : martua ma nasida, anggo songon I nasida didapot, manang na
ro ibana di paduanghaebornginhon manang di
patolunghaebornginhon
6
U : Alai tanda hamu ma on: Aut diboto nampuna jabu, manang di
pungkul piga tagamon ro panangko, dungo ma ibana, ndang
loasonna ibana manursari ugasanna
R : hamu pe, gabe hobas ma, ai na ro do Anak ni Jolma I di tingki
na so panagamanmuna!

U : I do sahatna: martua ma angka na tumangihon Hata ni Debata

jala na umpeopsa. Amen.

8. Marende BE. No. 43:1-2, “Padiri Rohamuna”

 Padiri rohamuna, hamu parroha i,
naung ro do tuamu na pasaehon dosa i
ro sian ginjang do maningkir sidangolon
ni nasa hajolmaon naeng buatonNa do
---Jongjong ---
 Pauli di Ibana ma rohamuna be
Alai na so lomoNa padao ma sasude
DalanNa naeng ture lao bongot tu rohanta
Ipe na tau sabatNa pabali ma sude

9. MANGHATINDANGHON HAPORSEAON
U : Tahatindanghon ma haporseaonta I, songon na hinatindanghon ni
donganta sahaporseaon di sandok portibi on. Rap ma hita
mandok:
U+R: Ahu porsea… ---hundul---
10. WARTA JEMAAT
11. Marende BE. No. 453: 1... “Sada Goar Na Umuli”
( Persembahan Ia,Ib )
 Sada goar na umuli sian nasa goar I,
Goar ni Tuhanta Jesus, I do na umuli i
7
 GoarMi, Tuhanhi, holan I do endengki
GoarMi, Jesuski do pamalum rohangki
---Musik---
 Tung na malum do rohangku, nunga sonang tondingki
GoarMi do sinjatangku dompak angka musu i.. GoarMi…
---Musik---
 Sipalua do goarMu, saut malua tondingki
Nasa rante ni sibolis ingkon sega baenon nii.. GoarMi

12. JAMITA: PSALMEN 24 : 7 - 10

13. Marende BE. No. 45: 1... “Hosianna Anak Ni Raja David””
(Pel. II tu Ulaon Komite HIV/AIDS)
 Hosianna Anak ni, Raja David ro tu hita
Baen ture dalanNa i, asa bongot tu rohanta
Baen ma gabagaba i, di Tuhanta na ro i
 Hosianna ro ma Ho, tu bagasan rohanami;
Na manomunomu Ho, ale Jesus Tuhannami
Las do rohanami i, molo bongot Ho tusi
---Musik---
 Hosianna Raja ni hadameon ulubalang
Nasa na binoanMi dame dohot hasonangan
Hami na hinophopMi do nampuna i sude
 Hosianna tatap ma hami na nirajaanMu
Togu ma tu Debata hami angka siseanMu
Sai sungguli hami on mangoloi hataM tongtong
---Berdiri---

14. TANGIANG PANUTUP : PELEAN – ADVENT – ALE AMANAMI –

PASUPASU (AMEN 3X)

..