PARTURE NI PARTANGIANGAN PASSION

(sipaheon di ganup jabu)

TOPIK:
Panghophopon Ni Jesus Na Paluahon
(Mateus 27: 45 – 56)

HURIA KRISTEN BATAK PROTESTAN

 Senin, 6 April 2020
(Ari Parningotan di na di Paias Jesus Bagas Joro)

1. Marende BE No. 30: 2,4 “Jesus Lehon hatorangan”

 Ganup ari ma ajari, hami na di haotoon i dope
Asa lam porsea hami, Ho sambing do hangoluannami i
Lam lumeleng, lam pasolhot, tu rohaM ma rohanami
Hombar tu HataM ma pangalahonami.
 Sai tangihon ale Tuhan, molo martangiang hami be tu Ho.
Pasupasu marlobian, lehononMu tu na ro manopot Ho.
Sai dongani na ma hami, asa hot di parpadanan;
Mian hami sahat ro di hasonangan.
2. Pamuhai: (U = Uluan ; K = Keluarga)
U: Mulak ma hamu tu Tuhan Debatam,
K: ai parasi jala parholong ni roha do Ibana.
U: Di tingki ari hagogotanki joujou do ahu tu Ho,
K: Ala huboto alusanMu do ahu.
U: Na tama do Birubiru naung tarbunu I, manjalo hagogoon dohot hamoraon
dohot hapistaran,
K : dohot sahala dohot hamuliaon dohot hasangapon dohot pujipujian.
Amen.
3. Tangiang: Psalmen 103: 1 – 5
4. Turpuk:
“Dung i dibongoti Jesus ma bagas joro ni Debata, dipabali ma sian i
saluhut angka na manggadisi dohot na manuhori disi, ditunggalingkon do
meja ni angka situngkari hepeng ro di bangku ni angka sigadis darapati.
Laos didok ma tu nasida: "Bagas partangiangan do goar ni bagashu"
ninna Surat i; alai gabe liang ni pandobo do i dibahen hamu!
(Mateus 21: 12 – 13)
5. Tangiang Pangondianon:
U : Ale Jesus Tuhannami. Nunga joujou Ho tu Ama i, jala ditangihon do Ho.
Naeng dohot do hami mangihuthon Ho di sitaononMi, laho manjouhon tu
Ho angka sitaononnami,
K : Ale Jesus silehon hamalumon i, tangihon ma hami
U : Huingot hami do bugangMi, ala ni i huboan hami ma bugang natinaon ni
torop bangso di portibi on, ala ni sorimago Covid-19 na hona tu nasida,
K : Ale Jesus silehon hamalumon i, tangihon ma hami.
1
 U : Huingot hami do bugangMi, ala ni i huboan hami ma bugang na tinaon ni
bangsonami Indonesia, na manaon ala ni sorimago Covid-19 na hona tu
bangsonami on,
K : Ale Jesus silehon hamalumon i, tangihon ma hami.
U : Huingot hami do bugangMi, ala ni i huboan hami ma bugang na tinaon ni
keluarga naung torop agoan hosa ala ni sorimago Covid-19 na hona tu
nasida,
K : Ale Jesus silehon hamalumon i, tangihon ma hami.
U : Huingot hami do bugangMi, ala ni i huboan hami ma bugang na tinaon ni
paramedis naung torop agoan hosa ala ni sorimago Covid-19 na hona tu
nasida,
K : Ale Jesus silehon hamalumon i, tangihon ma hami.
U : Huingot hami do bugangMi, ala ni i huboan hami ma bugang na tinaon ni
halak na tongon manaon parsahiton ala ni sorimago Covid-19, pamalum
ma nasida,
K : Ale Jesus silehon hamalumon i, tangihon ma hami.
U : Ale Tuhan, urupi ma sandok panggomgomi ni portibi on nang
panggomgomi ni Indonesia on, asa margogo muse pataridahon
hasadaonna laho mangotapi sorimago Covid-19 on,
K : Sai pasada ma nasida, asa tibu marujung sorimago Covid-19 on.
U : Ale Tuhan, urupi ma sandok halak na di portibi on nang na di Indonesia
on, asa margogo muse pataridahon hasadaonna laho mangotapi sorimago
Covid-19 on,
K : Sai pasada ma hami, asa tibu marujung sorimago Covid-19 on.
U : Ale Debata Amanami, haroroan ni hamalumon dohot pasupasu nang uli
basa na mauliutus. Basabasahon ma tu hami hamalumon i, i ma
hamalumon na holan sian Ho sambing haroroanna, jala loas ma marurat
hami di bagasan haholongon i. Palua ma hami sian biar, asa dapot hami
hasonangan di bagasan Ho, na mangolu jala na manggomgomi rap dohot
Anak i dohot Tondi Parbadia, nuaeng, tongtong sahat ro di salelengna.
K : Amen.
6. Marende BE. No. 211 : 2 “Tuhan Jesus Siparmahan”
 Jumpa masa sorimago, tung pangapul Ho gogo
Ia bogasMi huida, sai ihuthononhu Ho
Sai ihuthononhu Ho, sai ihuthononhu Ho
Ia bogasMi huida, sai ihuthononku Ho
7. (Rap Mandok): Tangiang Ale Amanami + (Mangendehon): Amen,
Amen, Amen.
2
 Selasa, 7 April 2020
(Ari Parningotan di Hadungoon Martangiang)

1. Marende BE No. 249: 1,5 “Ngot Ma Ho O Tondingki”

 Ngot ma Ho, o tondingki, dungo martangiang.
Asa unang musu i tole so tinagam.
Bisuk ni setan i do manait tu dosa, lan na bonar roha.
 Martangiang ho huhut asa saut malua.
Sian jea saluhut gabe ho martua.
Jesus do na gogo jala tau mangalo saluhut pangago.
2. Pamuhai: (U = Uluan ; K = Keluarga)
U : Mulak ma hamu tu Tuhan Debatam,
K : ai parasi jala parholong ni roha do Ibana.
U : Di tingki ari hagogotanki joujou do ahu tu Ho,
K : Ala huboto alusanMu do ahu.
U : Na tama do Birubiru naung tarbunu I, manjalo hagogoon dohot hamoraon
dohot hapistaran,
K : dohot sahala dohot hamuliaon dohot hasangapon dohot pujipujian.
Amen.
3. Tangiang: Psalmen 60: 3 – 7
4. Turpuk :
“Mateus 24: 1 – 25: 46
5. Tangiang Pangondianon:
U : Ale Tuhan, tompa ma di Ho marhite huaso ni holongMi, sada punguan na
boi mangintopi angka ulaon hakorason na masa di angka bagasnami be,
K : Ale Jesus na pamalum portibi on, tangihon ma hami!
U : Ale Tuhan, tompa ma di Ho marhite huaso ni holongMi, sada punguan na
boi mangintopi angka ulaon hakorason na binahen ni angka ama tu
pardihutana, nang pardihuta tu sinondukna,
K : Ale Jesus na pamalum portibi on, tangihon ma hami!
U : Ale Tuhan, tompa ma di Ho marhite huaso ni holongMi, sada punguan na
boi mangintopi angka ulaon hakorason na binahen ni angka natuatua tu
angka dakdanakna,
K : Ale Jesus na pamalum portibi on, tangihon ma hami!
U : Ale Tuhan, tompa ma di Ho marhite huaso ni holongMi, sada punguan na
boi mangintopi angka ulaon hakorason na masa tu angka sundut na poso,
di tongatonga ni keluarga nang di masyarakat pe,
3
 K : Ale Jesus na pamalum portibi on, tangihon ma hami!
U : Ale Tuhan, urupi ma sandok halak Kristen, asa margogo muse
pataridahon hasadaonna,
K : Sai pasada ma nasida, asa gabe porsea portibi on.
U : Ale Debata, Amanami, paloas ma hami marurat di bagasan holong ni roha
ni AnakMu. Ai nunga disolukhon Ibana rupa ni hatoban, asa hobasanNa
Ho di bagasan pujian dohot unduk ni roha na singkop. Paloas ma parbue
ni asi ni roha dohot dame haruar sian ngolunami, marhitehite Jesus,
AnakMi, na mangolu jala na manggomgomi rap dohot Ho dohot Tondi
Parbadia, nuaeng, tongtong sahat ro di salelengna.
K : Amen.
6. Marende BE. No. 487 : 1,3 “Tung Halak Na Margogo”
 Tung halak na margogo si partangiang i.
Dokdok pe sitaonon ndang olo talu i.
Pos situtu rohana di Debatana i.
Tuhan na manaluhon sude pangalo i.
 Imbaru panghirimon nang hagogoon i.
Margogo marsahala do partangiang i.
Togu muse langkana lao marjamita i.
Ai Kristus do donganna di ulaonna i.
7. (Rap Mandok): Tangiang Ale Amanami + (Mangendehon): Amen, Amen,
Amen.

Rabu, 8 April 2020

(Taringot tu Partuptupan ni si Judas)

1. Marende BE No. 249: 4,6 “Ngot Ma Ho O Tondingki”

 Dungo jaga rohami unang dililuhon.
Hisap ni dagingmu i jala ditaluhon.
Ginjang ni roha i do jumotjot ala pangalapan sala.
 Ala ni saijouhon ma goar ni Tuhanta.
Na binaen ni Debata parsigantunganta.
Meleng do dompak ho pinggol ni Jesusmu mangoloi sangkapmu.
2. Pamuhai: (U = Uluan ; K = Keluarga)
U : Mulak ma hamu tu Tuhan Debatam,
K : ai parasi jala parholong ni roha do Ibana.
U : Di tingki ari hagogotanki joujou do ahu tu Ho,
4
 K : Ala huboto alusanMu do ahu.
U : Na tama do Birubiru naung tarbunu I, manjalo hagogoon dohot hamoraon
dohot hapistaran,
K : dohot sahala dohot hamuliaon dohot hasangapon dohot pujipujian.
Amen.
3. Tangiang: Psalmen 143
4. Turpuk:
“Dung i laho ma sada sian na sampuludua i, na margoar Judas Iskariot,
manopot angka sintua ni malim, mandok: Sadia ma lehononmuna tu
ahu, asa hupasahat Ibana tu hamu? Gabe tolupulu rupia ma dibilang
nasida tu jolona. Olat ni i ma dilului rohana tingki halehetanna laho
pasahathon. (Mateus 26: 14 – 16)
5. Tangiang Pangondianon:
U : Ale Amang na gok asi ni roha, Debata haroroan ni nasa apulapul, pargogoi
ma hami asa satia hami tu joujou na tu hami, i ma asa sai gabe
sipartangiang hami,
K : Ale Kristus, silehon hamalumon, palua ma hami ala ni holong ni
rohaM!
U : Parbadiai ma hami marhitehite hataM, asa boi hami manangianghon
dirinami sandiri nang angka dongannami, na gabe marpogos ala ni
hamaolon di bagian ekonomi, di Indonesia nang di negara na asing pe,
K : Ale Kristus, silehon hamalumon, palua ma hami ala ni holong ni
rohaM!
U : Parbadiai ma hami marhitehite hataM, asa boi hami manangianghon
dirinami sandiri nang angka dongannami, na gabe malua sian ulaonna
hian, angka dakdanak na hurang sipanganon, angka na marsahit na so boi
be mandapot pangubation, ala ni hamaolon na masa di Indonesia nang di
negara na asing pe,
K : Ale Kristus, silehon hamalumon, palua ma hami ala ni holong ni
rohaM!
U : Ale Tuhan, urupi ma sandok halak Kristen, asa margogo muse
pataridahon hasadaonna,
K : Sai pasada ma nasida, asa gabe porsea portibi on.
U : Ale Tuhan Debatanami, dipangido rohaM do, asa sai masitangiangan
hami. Di bagasan huria hatopan ni angka na badia, hupangido hami tu Ho,
sai togutogu ma sude angka halak na hutangianghon hami i, asa boi
nasida bongot tu halalas ni roha ni harajaonMu, marhitehite Kristus

5
 Tuhannami, na mangolu jala na manggomgomi rap dohot Ho dohot Tondi
Parbadia, nuaeng, tongtong sahat ro di salelengna.
K : Amen.
6. Marende BE. No. 246 : 4 “Jesus Urupi”
 Jesus pamonang au jala intopi api ni hisap ni daging di au.
Togang ma au molo naeng manolopi tahi ni roha na jahat i au.
Ho ma o Jesus manggohi rohangku, asa malua au sian musungku.
7. (Rap Mandok): Tangiang Ale Amanami + (Mangendehon): Amen, Amen,
Amen.

Kamis, 9 April 2020

(Parningotan Hasasahat ni Ulaon na Badia)

1. Marende BE No. 543: 1,2 “Buni Bingkas Ni Holong”

 Buni bingkas ni holong ni Tuhanta i di au.
Ditobus dohot mudar i pardosa songon au.
Alai on do na huboto: Ditiop Jesus gomos tanganhu.
Tondingku do diramoti, ro di haroroNa i.
 Buni umbaen boi malum au dihorhon Debata.
Dibaen na huhaposi ho di dolok Golgata.
Alai on do na huboto.....
2. Tangiang: (U = Uluan ; K = Keluarga)
U : Sai mangan do sogot na dangol i jala butong, ingkon mamuji Jahowa do
angka na usouso di Ibana; sai tarhilas do rohamuna saleleng nilelengna.
K : Nunga dibahen Tuhan Jahowa sada parningotan di halongangan angka
na binahenNa i, pardenggan basa jala parasi roha do Ibana.
U : Martangiang ma hita: Ale Debata Amanami, dijou Ho do hami sadari on,
laho mamestahon Hasasahat ni Ulaon na Badia. Dibagasan ni i do tutu Anak
haholongan ni rohaM mangalehon tu HuriaM pelean na imbaru sian Padan
si saleleng ni lelengna. Loas ma hami manjalo sian Ulaon na Badia i holong,
asi ni roha dohort hangoluan. Pinuji ma Kristus na mangolu sian saleleng
nilelengna ro di saleleng ni lelengna.
3. Marende BE No. 210: 2 “O Tuhan Na Marasi Roha”
 Dibahen Ho do pardengganan, pasaehon dosa i sude.
I do manghorhon haluaon di hami na tarjea i.
I pe mauliate ma au on di Ho, o Debata.
6
4. Manjaha taringot tu Paska na Parjolo, sian Padan na Robi: II Musa 12: 1 –
15.
5. Manjaha taringot tu Ulaonna Badia sian Epistel: I Korint 11: 23 – 26.
6. Evanggelium taringot tu Hasasahat ni Ulaon na Badia: Lukas 22: 14 – 23.
7. Pujipujian ala ni Hasasahat ni Ulaon na Badia:
U : Pinuji ma Ho, ale Jahowa Zebaot, ai Ho do na mangalehon sagusagu,
parbue ni tano dohot na niula ni jolma, na di pasahat di meja tu Ulaon na
Badia; jala na binahenMu saluhutna i gabe roti hangoluan.
K : Pinuji ma Ho, olat ni on ro di salelengna.
U : Pinuji ma Ho, ale Jahowa Zebaot, ai Ho do na mangalehon anggur, parbue
ni hau anggur dohot na niula ni jolma; na di pasahat di meja tu Ulaon na
Badia, jala na binahenMu gabe anggur ni Harajaon na manongtong.
K : Pinuji ma Ho, olat ni on ro di salelengna.
U : Suang songon eme i, na marserak di hauma, suang songon parbue ni
anggur, na marserak hian di angka robean, dipapungu di atas ni meja
tingki Ulaon na Badia, di bagasan sagusagu dohot anggur, suang songon i
ma nian Huriami, ale Tuhan, rap dipaluhut sian sandok portibi on tu
bagasan harajaonMu.
K : Pinuji ma Ho, olat ni on ro di salelengna.
U : Sai mangan do sogot na dangol i jala butong, ingkon mamuji Jahowa do
angka na usosuso di Ibana: Sai tarhilas do rohamuna salelenglelengna.
K : Pinuji ma Ho, olat ni on ro di salelengna.
U : Nunga dibahen Tuhan Jahowa sada parningotan di halongangan angka na
binahenNa i, pardengganbasa jala parasiroha do Ibana. Songon
panghalungunhon ni ursa di angka batang aek, songon i do
panghalungunhon ni tondingku tu Ho, ale Debata. Mauas do tondingku di
Debata, di Debata na mangolu i.
K : Amen.
8. Marende BE. No. 539 : 1 “Sai Hutagam Do Tuhanhu”
 Sai hutagam do Tuhanhu, sai masihol rohangki.
Di haroro ni Tuhanhu songon na nidokNa i.
Sai mardongan olopolop HuriaM managam Ho.
Maranatha, ro o Tuhan, Amen, sai tibu ma ro.
9. (Rap Mandok): Tangiang Ale Amanami + (Mangendehon): Amen, Amen,
Amen.