Acara Parmingguon

Parningotan Hamamate ni Tuhan Jesus

Jumat, 10 april 2020
Di HKBP Ressort Dame Cengkering
Ev: Mateus 27:45-56 Ep: Heber 10:19-29
Topik: “Panghophopon ni Jesus na paluahon”

1. Joujou Marsomba tu Debata

U: Huria ni Tuhanta, molo pe nuaeng on marminggu di bagasta dope hita, alani situasi
na mangarsahi pikkiranta, di na merebak virus Corona, tung tahamauliatehon ma I
tu Tuhan, tung tapahibul ma rohanta marsomba tu Debata jala tapasahat ma
saluhutna I dibagasan parsombaonta tu Debata, asa Ibana na paturehon angka na
masa di ngolunta. Alanii ro ma hita tu adopanNa, disituasi dohot kondisi dia pe I
tongtong ma pujionta Ibana, na Marmulia i.
H: (Mangendehon BE No. 677:1 “mansai lambok” mansai lambok Tuhan
Jesus manjouhon, manjou Ho dohot au, ida Ibana paima haroromu,
mulak ma ho dohot au, antong sai ro ma ho, angka na sorat sai romaho,
mansai lambok Tuhan Jesus manjou pardosa mulak ma ho”).
U: Songon pangkalungunhon ni ursa di angka guluan, songoni do pangkalungunhon ni
tondita tu Debata, ai na mauas do tondita marsaor dohot Ibana, antong tangihon
ma soaraNa na joujou, na manjouhon hita asa pujionta ma Tuhani di bagasan
minggu parningotan ari HamamateNa, asa tarimangi ma pambahenan ni Tuhan na
mansai balga di ngolunta ganup. Marende ma hita:
Marende BE No 77:1-2 “hamu saluhut halak”
Hamu saluhut halak ro ma hamu manatap hangoluanmu on.
Na gantung di parsilang tumahan hamatean, naeng ingotonmui tongtong.
Patangkas ma luhutna sap mudar do dagingNa, sai hir hodokNa i. Buas
huhut hosaNa hinorhon ni bernitNa, modar sude dagingNa.
2. Tangiang Pamuhai:
U: Ale Amanami jala Debatanami, Parasiroha na sumurung do Ho di sude jolma
manisia, tung asi ni roham do na manghophop ngolunami halak pardosa. Alanii
tung tama do pujionnami Ho, naung mangalehon AnakMu Tuhan Jesus Kristus
mamorsan dosanami. Antong Tuhan jalo ma pujiannami gabe pelan na hushus
dijoloM.
S: Asi ma roham di hami ale Jahowa, sai paeleng ma pinggolMu tumangihon soara
pamujionnami, ai holan tu Ho do hami marsomba.
U: Antong Tuhan ro ma Ho tu tongatonganami, mamasumasu punguannami on, asa sian
na mamungka sahat tu na mangujungi parmingguon nami on tu Ho do hupasahat
hami, asi ma rohaM di hami jolma na joujou tu Ho Debata Hatuaonnami. Amin
 Marende BE. No. 84:3 “Aut na ginorga tu rohangku”
Mauliate ma rohangku di Ho o Jesus Tuhanki,
Ho naeng tongtong haholonganhu marningot denggan
basaMi Antong sai tiop ma tanganhu manogu au tu
lambungMi Dijalo Ho do tangianghu, sai pos do
rohangki disi.

3. Tangiang Manopoto Dosa:

U: Ale Tuhan Debata, Ho do Debata pargogo na so hatudosan. Na ro do hami tu
joloM manopoti dosanami, angka na hula hami marhite sian pangalaosionnami di
PatikMu. Ima marhite sian tubutubu ni rohanami na roa I, nang sian
panghataionnami na so ture, ro di pangoloionnami dihisaphisap ni rohanami. Na
tarsolsol bagi do hami nuaeng alani i.Asi Roham di hami, ale Debatanami
H: (Mangendehon BE No 171:2 “Tandai ma au”
Asi ma rohaM taringot tu pangalahongku.
Olo tutu jotjot do na lilu dalanhu, sesa dosangku sude Debata.
U: Sai sesa ma dosanami saluhutna,jala suru ma Tondi Parbadia tu rohanami be, asa
tarbahen hami mangoloi Ho, dibagasan hatigoran dohot habadiaon, gabe sahat hami
tu hangoluan na so ra suda, na pinarbagabagaM di angka na porsea tu AnakMu
Jesus Kristus Tuhannami, Sipalua ngolunami.
H: (Mangendehon: BE NO. 86 : 2 "Silang Na Badia i" Nasa
na huula i, ndang tau hasonanganki.
Nang ringkot pe rohangki, pola ro nang ilungki.
Holan asi ni rohaM, pangurupi o, Tuhan.
U: TABEGE MA BAGABAGA TARINGOT TU HASESAAN NI DOSATA:
“Alani pangalaosionta do umbahen na tartullang Kristus, jala binahen ni
hajahatonta Ibana mabugang. Ampe tu Ibana pinsangpinsang parhitean ni
hasonanganta, jala binahen ni bugangNa malum itahilala.” Hasangapon ma di
Debata na di ginjang. Amen.
MANGENDEHON: BE. No. 81:1 Jesus mual ni ngolungku
Jesus mual ni ngolungku, sipangolu tondingki; ai dibunu Ho musungku,
Ima hamatean i. Ho manaoni hamagoan, patupahon hangoluan; alani
hupuji Ho, Tung marribu hali do.

4. Epistel :
U: Hata ni Debata na gabe epistel di hita ima sian Heber 10:19-29. Marsingkat
sorin ma hita manjahasa……... Dung sae dijaha dohonon ni na manguluhon ma:
“Ido sahatna.
Martua ma angka na tumangihon Hata ni Debata jala na umpeopsa. Amen”
 Marende BE. No. 622:1 “Mansai nalnal di angka partingkian”
Mansai nalnal di angka partingkian, Sinondang ni silangMu Tuhanki, Sian
hatiuron na marsinondang. HolongNa na so halampoan I. Sude na bangso do
marpanghirimon tu sondang ni asi ni roha I, songon parluga na
manghalungunhon parbinsar ni mata ni arii 5. Renungan :
“PANGHOPHOPON NI JESUS NA PALUAHON” (Mat. 27:45-56)

(PENGORBANAN YESUS YANG MENYELAMATKAN)

Hita na hinaholongan ni Tuhan Jesus Kristus! Sadarion Ari Parningotan Hamamate ni
Tuhan Jesus di hau na pinarsilang I manjouhon tu hita saluhutna; nunga dihophop
Tuhan Jesus saluhutna jolma pardosa, songon I nang keluarganta. Dilehon do gogo
naimbaru tu hita laho mangadopi ragam ni angka na masa tabolus nuaeng ima sahit
Covid 19 na mewabah di sandok portibion dohot di bangsonta. Marhite na masa I
hatindangkononta ma mansai arga do hape hahipasonta di jolo ni Debata, jala marhite
na masa I lam marsangap do Debata. Marhite parningotan on didok Endeta I, “Nasa
jolma ingkon mate”. Hamatean I parhitean do I laho manopot Tuhan Jesus i. Manang
ise halak na naeng pajumpang dohot Tuhan Jesus ingkon jumolo pamatehon
hagiothagiot ni roha portibion. Marhite panghophopon ni Jesus na paluahon hita
pataridahon tu hita dohot tu portibion ima :
Parjolo, Ndang ditadingkon Debata angka na porsea di Ibana.
Unduk do tu pangomgomion ni Debata nasa na masa di portibion; partingkian pe dohot
manghatindangkon na Anak ni Debata do Tuhan Jesus I. Dungi dipangiar Jesus ma
soaraNa jala dianggukhon : “Ale Debatangku, Debatangku, boasa tung
tadingkononmu Ahu” (Eli, Eli, lama sabachtani)? Manggombarhon na so tarsirang
Debata Ama dohot AnakNa Tuhan Jesus I; na so ditadingkon Debata Ama sitaonon na
tinuhuk ni Tuhan Jesus di hau na pinarsilang, alani dosa ni portibion (pat.Joh.3:16).
Alani molo mangadopi sitaonon hita angka na porsea di Ibana, ndang tadingkonna
hita, ai Ibana nampuna hita, jala ruasNa do hita. Na ringkot molo marsitaonon hita asa
mangalualu tu Ibana ma hita di parsorion na tabolus nuaeng dohot na naeng ro ai
sarihononna do hita. Marragam do pangalaho/sikap ni donganta jolma molo ro
sitaonon ima; adong do I tu horong na jongjong mainondur (menonton) na masa I,
songon na masa diturpuk on mandok: Na manjou si Elia do. Sian dia jouonna si Elia, ai
nunga tarhinsat ibana tu banua ginjang. Adong na simpati naeng mangurupi alai ndang
sintong carana, songon na masa di turpuk on pintor marlojong mangalap limut,
dibutongi ma i tu na asom, dipalohot ma tu tolong painumhon Ibana. Sian ma boi hita
marsiajar, sai na ro angka na mangurupi molo marsitaonon hita, alai parsatongkinan do
I jala holan Debata sambing do na boi mangurupi dohot marmudumuduhon hita.
Paduahon, Marujung do saluhutna nasa na masa di portibion
Marsoara na gogo ma Tuhan Jesus, dungi tos ma hosaNa; manggombarhon naung
marujung panghophoponNa di portibion, parungkilonta pe marujung do muse di
tingkina molo so pargale hita.Sude do hita madabu tu bagasan dosa (Rom.3:23).
Ndang adong hita na lias sian dosa. Sasintongna marhite na mangulahon dosa
hita nunga ingkon tu hamatean hita, ai upa tinuhor ni dosa do hamatean
(Rom.6:23). Ndang hamatean pardagingon na nidokna, ai sude do hita mate
muse, na jahat nang na burju, angka dagingta ingkon mate jala gabe bangke do
muse, alai hamatean na saleleng ni leleng na do na nidokna disi. ima na ginarar
ni tuhan jesus, ibana ma mate di hau pinarsilang asa dapotan haluaon jala
hangoluan hita. Ia hamateanna ima patuduhon holong ni roha ni debata di hita
jolma na tinompana jala hamateanna ido dalanna patuduhon balga ni
panghophopna di hita asa dapotan hangoluan hita. Diangka ariari hasusaan
ditonga ni ngolunta na tadalani sinuaengon alani virus corona, tontu tung
masihol do hita jala manghirim di sada tingki boi hita menikmati ngolunta,
malua sian roha biar dohot kekhawatiran jala malua sian hamaolon alani virus
na masa nueng on. Pos ma rohanta “ndang adong persoalan na so terselesaihon
di portibion (tidak ada nasalah yang tidak selesai), Badai pasti berlalu. On do
tingki na tapaimaima dibagasan haporseaon na mangolu Tu Jesus Kristus
Sipalua hita. Jesus do jawaban di saluhut angka na masa di ngolunta, ai
dibagasan Ibana persoalan nunga diselesaihon be. Pos ma rohanta, di parningotan
hamamate ni Tuhanta Jesus sadarion, paboa marujung do nang sorop ni Covid 19 I, ai
tuk do huaso ni Debata paujunghon I sian portibion. Amen.
Marende BE.No. 88:1 “Di surgo do alealenta” (P.Pelean) Jesusku
naung manobus ahu sai naeng haholonganku Ho. Tu dolok
Golgata Ho laho Nionjar ni holongMu do, Hupuji nasa asiMi
Alai gumodang holongMi
6. Tangiang Panutup: Ale Amanami…. Mangendehon: “Amen… Amen…Amen”

Pelean Parmingguon di bagasnami tu Huria :

Sian Keluarga :……………………………………………………………..
Godangna : Rp..…………………… (dipasahat melalui Sintua Lingkungan)
“Selamat Jumat Agung, Pengorbanan Yesus telah menyelamatkan kita”

Pdt.Elly Situmorang, STh

 Acara Parpunguan Parningotan Di Panaonon ni Tuhan Jesus
(Ulaon Na Hohom di bagasta be) Pukul 14.00 WIB

1. Marende BE No 76:1+3 Sada nama sangkap ni rohangku

 Sada nama sangkap ni rohangku di sandok portibion. Ndang tagamon
So las rohangku molo jumpang au I non. Naeng ma sai ingoton ni
rohangku Na binahen ni Jesus tu tondingku. Uju pinorsanNa I saluhut
na dosangki.
 O Jesusku sai paingot au di dosangku di basaM. Ai andorang di na
holom
Ahu dipalambas Ho rohaM. Nunga leleng dilului Ho do au na lilu asa unang
mago
Ditaon Ho na bernit I lao manobus tondingki
U: Na tama do birubiru naung tarbunui manjalo hagogoon dohot hamoraon dohot
hapistaran dohot sahala dohot hamauliateon hasangapon dohot pujipujian. Amen.
Martangiang ma hita: Ale Amanami jala Debatanami; Parasiroha na sumurung do
Ho di sude jolma manisia. Nunga dilehon Ho AnakMu Tuhan Jesus Kristus
Tuhannami, manaon haleaon dohot siak ni bagi, pola mate tarsilang asa malua hami
sian gomgoman ni sibolis. Sai parrohai ma hami mamingkiri panaonon ni AnakMu,
asa maruli hami marhite sian I di hasesaan ni dosa dohot di haluaon sian hamatean
paduahalihon, asa dapot hami hangoluan salelenglelengna, marhitehite Tuhan Jesus
Kristus Tuhannami, Anak haholongan ni RohaM. Amen
2. Marende BE No 83:1 Na lao do birubiru i
Na lao do birubiru I mamorsan angka dosa, ni nasa hajolmaon I dibenget ni
rohana Diporsan do sahitta I, dilehon do diriNa I tu tangan ni pamunu.
Ditaoni do na bernit I, ro di na tos hosaNai, didok naeng porsanonku
U: Tung ise ma nuaeng porsea dijamitanami? Jala tangan ni Jahowa, tung ise ma
naung tumandasa? Ai simbur do Ibana tubu songon tumbur diadopan ni bohiNa, jala
songon tunas sian tano na mahiang. Ndang adong hinauli I rupaNa manang
hamuliaonNa; ai huida hami Ibana ndang adong rupaNa umbahen
sihalomohononhon Ibana. Dileai jala dipasiding jolma do Ibana, baoa na somal
mangae pardangalon dohot sahit Ibana, pola ditabunihon halak bohina maradophon
Ibana, dibahen leana, jadi ndang pola hurajumi hami Ibana. Tongon do angka
sahitta diusung Ibana, jala angka pardangolanta diporsan; alai anggo rohanta
mandok: Debata do maminsang, mamungkul dohot pasipal Ibana. Hape alani
pangalaosionta Ibana tartullang, binahen ni hajahatonta Ibana mabugang. Ampe tu
Ibana pinsangpinsang parhitean ni hasonanganta, jala binahen ni bugangNa malum
itahilala. Luhut do hita lilu songon birubiru, ganup masitondong dalanna be. Alai
hajahaton ni hita sudena dihonahon Jahowa tu Ibana. Dipasipal pe Ibana, sai
manaonnaon do anggo Ibana, ndang manang manghuling pamanganNa, songon
 birubiru do Ibana na tinogu tu pamotongan, jala songon anak ni birubiru na hohom
maradophon sigusting Ibana, tung na so dibuha do pamanganNa.
3. Marende BE No 152 Jesus na mamorsan
U: Dungi dipasahat ma Jesus tu nasida asa diparsilanghon. Jadi laos Jesus sandiri do
mamorsan hau pinarsilangi. Laho manogihon Ibana, disoro nasida ma sahalak, si
Simon sian Kirene goarna, na ro sian ladangna, tu ibana ma dipaporsanhon hau
pinarsilangi, paihutihut Jesus. Torop do halak na mangihuthon Ibana, nang angka
boruboru na manangisi jala na mangandungi Ibana jadi didompakhon Jesus ma
nasida, ninna ma: hamu angka boru Jerusalem, unang ma ahu tatangisi hamu,
dirimuna dohot anakhonmuna ma! Ai na ro ma angka ari sogot dohononna ma disi:
martua ma angka nahol, angka ina na so dung tubuan jala na so dung panarusan!
Disi ma pungkaon ni halak na mandok tu angka dolok: tinggangi ma hami! Dohot tu
angka tor: huphupi hami! Ai molo songoni pambahenan nasida tu hau rata, aha ma
tagamon masa tu hau naung masak?

4. Marende BE No 76:4 Sada nama sangkap ni rohangku

U: Ai ditogihon dope dua halak nari parjahat, sipamateon rap dohot Ibana. Asa dung
sahat nasida tu dolok na margoar GOLGOTHA, lapatanna Partangkurahan,
diparsilangkon ma Ibana disi rap dohot angka parjahat i. Na sada tu siamunNa, na
sada nari tu hambiranNa, jadi didok Jesus ma: “Ale Amang marpamuati ma rohaM
mida nasida, ai ndang diboto nasida na binahennasida I”. Alai disurat si Latus ma
sada boaboa, dipalohot ma tu hau i. On do hatana: Jesus halak Nasaret, Raja ni
Jahudi! Jadi torop ma halak Jahudi na manjaha boaboai, ai jonok tu huta I do
pamajalan ni Jesus, jala tarsurat do I di hata Heber, di hata Rom dohot di hata
Gorik. Dungi didok angka sintua ni Jahudi ma tu si Latus: unang surat I, Raja ni
Jahudi; alai na nidokNa I ma nian: ahu do raja ni Jahudi! Dungi dialusi si Latus ma:
na husurat I naung tarsurat do i. Asa dung diparsilangkon angka soldadu Ibana
dibuat nasida ma angka abitNa, diparopat ma I, diganup soldadu sabagian be
dungkon ni sampesampeNa. Anggo sampesampe I ndang marpanjaruman, na
ditonun sambing do i. Gabe masipandohan ma nasida: Unang ma taribahi on,
martondung ma hita taringot tusi manang diise i. jadi jumpang ma surat I na
mandok: dibagi nasida do abitHu, tondung do di dabu taringot tu sampesampengKu.

5. Marende BE No 77:1 Hamu Saluhut Halak

U: Alai dileai angka na mamolus I ma Ibana, dipaeleng uluna mandok: E, Ho, na
mangalohai Joro I jala pajongjonghonsa dibagasan tolu ari! Palua diriM. Molo na
tutu Ho Anak ni Debata: mijur ma Ho sian hau pinorsilangi! Suman tusi do
pangaleai ni angka sintua malim, sibotosurat dohot sintua ni bangso I, ai didok be:
ia na asing dipalua, diriNa so tarpaluasa, Raja ni Israel do Ibana, antong mijur ma
Ibana sian I asa porsea hami di Ibana. Molo tutu naung dihaposi Debata antong ima
paluahon Ibana nuaeng molo na lomo rohaNa, ai ninna do: Anak ni Debata do Ahu.
Laos songoni do pangaleai ni panamuni na rap diparsilangkon dohot Ibana: ai ndada
Kristus I Ho? Palua ma dirim nang hami antong! Alai dipinsang donganna I do
 ibana: ndang dihabiari ho hape Debata atik pe rap hona uhum hita? Uhum na tigor
do na tu hita, ai tajalo do upa ni pambahenanta; alai a Ibana, ndang adong diula na
so ture. Laos ninna ma: o Jesus, ingot ahu dung sahat Ho tu harajaonMi. Gabe ninna
Jesus ma: sadarion do ho rap dohot Ahu diparadeiso! Dungi jongjong ma dilambung
ni Jesus na di hau pinarsilangi, inaNa dohot paribanNa dohot si Maria ni si Kleopas
dohot si Maria Magdalena. Anggo Jesus dung diida disi inaNa I dohot sisean
haholongan ni rohaNa dilambungNa didok ma tu inaNai: ndi ma inang anakmi.
Dungi didok ma tu siseani: ndi ma inangmi.

6. Marende BE No 78:3 O Ulu na Sap Mudar

U: olat ni hos ni ari ro di pukul 3 holom ma sandok tano on. Alai tardipukul 3
dipangiar Jesus ma soaraNa: Eli, Eli Lama Sabachtani; Ale Debatangku,
Debatangku boasa tung tadinghononMu Ahu? Umbege I ninna na deba na jongjong
disi ma: na manjou si Elias do i. jadi dung diboto Jesus naung marujung saluhutna,
ninna ma: Mauas Ahu! Jadi adong ma disi isian ni tuak na asom, dibutongi nasida
ma limut tubagasan tuak na asomi, dipalohot ma I tu sada tolong laho manurdukkon
tu pamanganNa. Jadi dung dijalo Jesus na asom I ninna ma: Nunga marujung!
Dungi mangulahi marsoara na gogo ma Jesus, ninna: Amang! Tu bagasan tanganMu
ma Hupasahat tondingKu. Dung didok I, dipaunduk ma uluNa, tos ma hosaNa.
Tapahohom ma jala martangiang ma hita dibagasan rohanta be, jongjong ma hita
sude… (manghulin ma giringgring 7 hali marholangholang)

7. Marende BE No 449:1 Sai solhot tu silangMi

U: Ida ma laos di na satongkin I maribak ma hirehire na di bagas joro I sian ginjang
ro di toru, dungi humuntal ma tano, marigat ma dohot batu mamak, mungkap ma
angka tanoman, dungi hehe ma daging ni torop na badia angka na modom disi, gabe
ruar ma nasida sian angka tanomani. Ro do nasida tu huta na badia pataridahon tu
torop halak. Alai dung diida induk ni soldadui rap dohot angka donganna na jumaga
Jesusi, lalo I ro di angka na masa I, mabiar situru ma nasida, ninna ma: Tutu do on
Anak ni Debata. Jadi sude natoropi na marluhut mainondur, masitompuk andorana,
marnida na masai, laos mulak ma. Alai adong ma disi torop boruboru na
manatapnatap mandaodao, ima angka naung mangihuthon Jesus sian Galilea,
paturehon Ibana. Ala tongon ari parhobasan ni pesta nab alga naeng ma unang di
hau pinarsilang angka bangke di ari sabat, alanii dipangido angka Jahudi ma tu si
Latus asa disuru na mangarosak haehae nasida jala dipaijur. Gabe ro ma soldadu
dirosak ma haehae ni na parjoloi songoni do donganna na rap tarsilang dohot Jesus.
Alai dung sahat nasida tu Jesus, diida ma naung sanga mate Ibana gabe ndang
dirosak be haehaeNa, alai ditullanghon sada sian angka soldadi ima mundimundina
tu andora ni Jesus. Jadi manigor puas ma sian I mudra mardongan aek. Na
marnidasa I do na manghatindanghon I jala sintong do na hinatindanghonnai. Ibana
do na umboto sintong ni na niidanai asa anggiat dohot hamu porsea. Ai na masa doi,
asa jumpang na tarsuratna mandok: ndang jadi ponggolon holiholiNa.
8. Marende BE No 83:2 Na Lao do Birubiru i
 U: Jadi dung botari di ari parhobasani, ima patujolo ni ari Sabat, ro ma si Josep sian
Arimatia, halak na sangap, na maimaima di Harajaon ni Debata. Dipatomos ma
rohana laho bongot tu jolo ni si Latus mangido bangke ni Jesus. Longang ma roha ni
si Latus ala naung mate Jesus. Gabe dijou ma letnan, disungkun ma ibana manang
naung leleng mate. Asa dung ditangkasi dipasahat ma tu si Josef. Jadi dituhor si
Josef ma dagangan dipaijur ma Ibana. Alai ro ma si Nikodemus, ima naung ro
manopot Jesus bornginborngin najolo, diboan ma mir na marsaor “aloe” arga
saratus hati. Dungi dibuat nasida ma bangke ni Jesus, dibaluti ma tu dagangan rap
dohot na hushus I mangihuthon adat pananomon I Jahudi. Alai adong ma
mardonokhon hapajalanNa sada porlak, dibagasan porlaki sada tanoman na imbaru
na so dung hapeahan ni manang ise dope. Asa tusi nama dipeakhon nasida Jesus,
siala ari parhobasan ni Jahudi, ai jonok do tanomani. Dungi digulang ma batu bolon
tu baba ni tanomani, dungi laho ma nasida. Alai mangihut do angka parompuan
naung mandongani Ibana ro sian Galilea, dibereng nasida do tanomani ro di parpeak
ni bangke ni Jesus. Dungi mulak ma nasida paturehon angka na hushus ro di miak
mir. Jadi manipat ari Sabat I, so do nasida mangula, mangihuthon patik i.

9. Marende BE No 334:3 Nasa Jolma ingkon mate

U: Alai torang ni arina I, na mangihut tu ari parhobasani, marluhut ma angka sintua
ni malim ro di Parise tu jolo ni si Latus, angka ninna ma: huingothami tuannami
naung didok pangansii, dina mangolu dope Ibana “na hehe do Ahu di ari
patoluhon!” Antong dokhon ma manjaga tanoman I sahat ro di ari patoluhon, asa
unang ro angka siseanNa manangko Ibana. Jadi dohonon ni nasida ma tu na torop
naung hehe Ibana sian na mate, gabe rumoa maon sipaotooto parpudi sian na parjolo
i. jadi didok si Latus ma tu nasida:
togihon hamu ma parjaga mangaramoti tanoman I, huhut ma disahapi batu I”

10. Marende BE No 83: 4

11. Tangiang: Ale Amanami na di Banuaginjang………. Amen.