PARTORDING NI PESTA

PARNINGOTAN ARI HANANAEK NI JESUS

HKI RESORT KHUSUS BATUAJI BARU
Kamis, 18 Mei 2023
Thema: Manghaporseai Jesus Naung Manaek Tu Banua Ginjang

1.PARMINGGUON “Rap Jongjong ”

U : Huria na hinaholongan ni Tuhan Jesus Kristus, sadarion marpungu do hita lao
manghalashon Pesta parningotan di Hananaek ni Tuhan Jesus tu banua
ginjang. Didok Tuhan Jesus do di Johannes 14:1-3 : “Unang ma bonsa
rohamuna! Porsea ma hamu di Debata, jala porsea ma hamu di Ahu! Torop
do inganan di bagas ni Damang. Aut so i, dohononHu ma tu hamu: Na laho
do Ahu mangarade inganan di hamu? Jala laho pe Ahu mangarade inganan
di hamu, sai mulak do Ahu mangalap hamu, asa rap hamu dohot Ahu!”
Antong dibagasan las ni roha beta ma hita sumombahon pujipujian tu Debata,
Marende ma hita sian BE. No. 99:1+3 “O Ulubalang Na Gogo”
U+H : (Marende BE. No. 99:1+3)
 ulubalang na gogo, songon sadari on do Ho manaek tu hasangapon.
Naung sidung do ulaonMi, na ringkot patupaonMi humophop hajolmaon
Sabam, tongam do Ho muli tu na uli marhabangsa di siamun ni Jahowa.
 Jesus Ho do ulu ni saluhut na porsea i, ruasMu anggo hami
Ho hangoluannami on, Ho hasonangannami on, Ho hagogoonnami.
Suru, togu rohanami, asa hami mangalehon tu Ho nasa hasangapon.
2. VOTUM – INTROITUS
U : Marhitehite Goar ni Debata Ama dohot Goar ni AnakNa Tuhan Jesus Kristus
dohot Goar ni Tondi Parbadia, na tumompa langit dohot tano on. Amen. Rap
ma hita mandok ditangiangta i:
U+H : Ale Jesus Tuhan Nami, bereng hami na dison, pinarmahanMi do hami
saluhutna na dison, sai asi rohaM di hami, sai pangolu hami on. Amen.
“Hundul Huria”
3. Marende: BE. No. 98:1 – 3 “Naung Manaek do Ho”
 Naung manaek do Ho, lao tu surgo do, ale Jesus Rajanami,
Ho do ihuthononnami, Ho partogi i, lao tu surgo i.
 Maol do dalan on, togu hami on, asa tung malua hami
Sian angka musunami, na di tano on, togu hami on
 Suru ma TondiM singkat ni bohiM Tu bagasan rohanami
Manogihon tondinami Lao tu Surgo i Tu adopanMi
4. Ayat – Tangiang
U : Nunga didok Jahowa Tuhanku; hundul ma ho tu siamunHon, paima hubahen
angka musum sidegedegean ni patmu. Tongosan ni Jahowa ma sian Sion
tungkot harajaon ni huasoMi; antong mangarajai ma Ho ditongatonga ni
 musum! (Psalm. 110:1-2) Martangiang ma hita: Ale Tuhan Debata, sitompa
jala na pangoluhon hami! Mauliate ma di Ho, ala dilehon Ho hamonangan jala
ditubuhon Ho panghirimon na imbaru di hami marhitehite haheheon ni
AnakMu Jesus Kristus Tuhannami. Suru ma TondiM I, asa dipaingot jala
dipapos rohanami, paboa na hehe do hami muse sian na mate songon Tuhan
Jesus Kristus Tuhannami naung hehe I, Amen. Didongani Tuhan Debata ma
hita on saluhutna, Amen. Haleluya, Haleluya, Haleluya.
U+H : (mangendehon) Haleluya, Haleluya, Haleluya..
U : Tatangihon ma Patik ni Debata sihangoluanta di pesta parningotan
Hananaek ni Tuhan Jesus sadarion, ima na tarsurat di Pilippi 2:10-11:, “asa
somba tu Goar ni Jesus nasa ulu ni tot, na di banua ginjang i dohot na di
tano, nang na ditoru ni tano, jala asa nasa na marsoara marhatopothon:
Jesus Kristus do Tuhan, bahen hasangapon ni Debata Ama!”
Rap ma hita mangido di tangiangtai:
U+H : Ale Tuhan Debata! Sai pargogoi ma hami mangulahon na hombar tu
PatikMi. Amen
5. Marende: BE. No. 167:1+5 “Dijangkon Jesus Do Pardosa”
 Dijangkon Jesus do pardosa, Na mangarsakkon dosa i
Na mangundukkon hinaroa, Ni pambaenanna sasude
Alai ditangkup hata on, Dijangkon Jesus nang au on “Rap
Jongjong”
 Antong hamu na marsak roha, Tangihon ma hataNa i
Hatop ma ro hamu paboa, Ditangkup rohamuna i
Barita ni Tuhanta I, Naung ro pasaehon dosa i
6. Manopoti Dosa
U : Rap jongjong ma hita martangiang manopoti dosanta:
…… martangiang na hohom (musik BE. No. 171:2)……
Ale Tuhan Debata, Amanami na di banua ginjang! Ho do na patupahon
hasesaan ni dosa di hami halak na dangol on, marhitehite Anak haholongan ni
rohaM, Tuhan Jesus Kristus Tuhannami. Asi ma rohaM di hami, angka na
mangarsakhon dosanami nuaeng tu Ho. Sai sahaphon ma tu bagasan rohanami
hasesaan ni dosanami na pinatupaMi. Lehon ma tuhami TondiM na badia I,
asa hot haporseaonnami di asi ni rohaM. Pargogoi jala urupi ma hami laho
manggotaphon nasa dosa dohot roha portibi on, asa hupasahat hami dirinami, I
ma daging dohot tondinami, gabe pelean na mangolu, jala na badia tu Ho,
marhitehite Tuhan Jesus Kristus Tuhannami, Amen.
U+H : (Marende: BE. No. 171:2 “Tandai ma au”
Asi ma rohaM, taringot tu pangalahongku. /Olo tutu, jotjot do na lilu
dalanku. /Sesa dosangku, sude Debata.
U : Tabege ma bagabaga ni Debata taringot tu hasesaan ni dosa.
 Songon sintongna mangolu Ahu, ninna Tuhan Jahowa, tung na so lomo
rohangKu mida hamatean ni halak parjahat, alai na lomo do rohangKu mida
hamumulak ni parjahat I tumadingkon dalanna, asa mangolu ibana (Hes.
33:11). Hasangapon ma di Debata na di ginjang.
U+H : Amen. “Hundul Huria”
7. Marende: BE. No. 541: 1 – 2 “Na Mulak Jesus i”
 Na mulak Jesus i di hasangapon I, Mangalap na badia i tu hasonangan i
Hutundalhon ma na di pudingki, Jesus ma haposanki di haroroNa i
 So tung na tading au di haroroNa I, So tung ditiop rohangkon na olo sega i
Hutundalhon ma na di pudingki, Jesus ma haposanki di haroroNa i
8. Epistel : Heber 12 : 1 – 6
U : Dibahen i nang hita pe, ala na sai torop ni sitindangi humaliang hita,
tapeakkon ma nasa na pasorathon ro di dosa na girgir mangkaliangi, jala
marbenget ni roha ma hita marlojong tu bagasan paraloan, na sonson di
jolonta!
H : Tabereng ma induk ni haporseaon i jala na paujungkonsa, i ma Jesus, na
manaonhon parsilangon i, singkat ni las ni roha, tohapna i hian, so dietong i
hailaon, gabe hundul di siamun ni habangsa ni Debata!
U : Paingotingot hamu ma Ibana, na pataontaonhon paraloan sisongon i dompak
Ibana sian angka sipardosa asa unang marnaloja hamu, unang mandate
tondimuna!
H : Ndang adong dope pola tiris mudarmuna, laho mangalo di parungkilon
maralohon dosa i.
U : Nunga lupa hamu di pangapulon na hinatahonna tu hamu, ala anak hamu, ai
ninna do: “Ale anaha, unang tois roham di pangajarion ni Tuhan i, jala unang
ho mandele, jumpa dipinsang ho!”
H : Ai diajar Tuhan i do na hinaholongan ni rohana, jala dilinsingi do ganup anak
na jinangkonna.
U : Martua ma angka na umbege jala na umpeop Hata ni Debata!
U+H : Amen.
9. Marende: BE. 130:1 + 3 “Parohon HarajaonMi”
 Parohon harajaonMi, sahalaMi do I /Dibahen i, o Jesuski, ndang jadi sundat i.
Alai ianggo eme i, ndang olo marparbue i, /Ianggo so na mate i, di na buni di tano i;
Denggan do i, dibaen na mate i. “Rap Jongjong”
 Naung mate Ho di tano on, sobokon eme I /Sondangi ma portibi on, na sahat di Ho i
Sai suru angka naposoM, mangaliati tano on /Mamaritahon hataMi, sai naeng
tumpahannami i.
Manumpak be do hami on sude.

10.Manghatindanghon Haporseaon
 U : Rap ma hita manghantindangkon haporseaonta i:
U+H: Ahu porsea di Debata Jahowa…… Amen
“Hundul Huria”
11.Marende: BE. No. 669:1…”Ringgas Au Paboahon” (Pelean I & II)
 Ringgas au paboahon, barita na uli /Barita haholongon, ni Jesus Tuhanki,
Ringgas au paboahon, ai na sintong do I /Mambuat nasa holso, soada tudos nii
Ringgas au paboahon, barita na ummuli, /Barita haholongon, ni Jesus Tuhanki.
 Ringgas au paboahon barita na uli, Ai tung so tarpatudos tu na di tano i
Ringgas au paboahon tu sude donganki, Ai tung marhite i do malua tondingki
Ringgas au paboahon barita na umuli, Barita haholongon ni Jesus Tuhanki

 Ringgas au paboahon barita na uli, Ai lam binaritahon, lam ganda tonggi ni

Ringgas au paboahon hata na sintong I, Tu na dihaholomon, asa malua i
Ringgas au paboahon barita na umuli, Barita haholongon ni Jesus Tuhanki
 Ringgas au paboahon barita na uli, Ai angka naung manjalo, uasan do disi
Dungi di Surgo sogot endehononku I, Barita haholongon ni Jesus Tuhanki
Ringgas au paboahon barita na umuli, Barita haholongon ni Jesus Tuhanki
12.Jamita : Johannes 6 : 60 – 63
13.Marende: BE. No. 522:1… “Surgo I Sambulonta doi” (Pelean III)
 Surgo i sambulonta do i, ndang adong be siaeon disi,
Na mamuji tongtong na disi, pinalua ni Tuhanta i.
Surgo i, surgo i, ndang adong be siaeon di si, surgo i, surgo i, surgo i, ndang adong be
siaeon disi.
 Na marloksa naung sahat tusi, tu inganan na sai denggan i.
Aut naung domu ma au dohot i, gok ma las ni rohangku disi. /Surgo i, surgo i… d.u.
 Na mangkirim rohangku dison, paima sahat tusi nang au on.
Taiti au, ale Tuhan tusi, asa rap dohot Ho au disi. /Surgo i, surgo i… d.u..
 Holan sada nama holsongki: Unang tading haholonganki,
Na tu au pinalumenhonmi: Nang nasida sai togu tusi,/ Surgo i, surgo i…d.u.
14.Tangiang Pelean + Pasupasu