HKBP RESSORT ADIANNANGKA

PESTA PARJOLO
PARNINGOTAN ARI HAHEHEON NI TUHAN JESUS
9 April 2023
Tema : RAPHON JESUS DIPAHEHE
DIBANGKITKAN BERSAMA YESUS
1. JOUJOU PARSOMBAON TU DEBATA
U : Hamu dongan sahuria, na marlas ni roha do hita sadari on, ala nunga
monang Tuhan Jesus maralohon huaso ni hamatean i. Hamonangan ni
Jesus gabe hamonangan nang di hita, ima na tapestahon di ari Minggu
sadari on. Alani i hupasahat hami ma tu hamu: SELAMAT PASKAH ma di
hita sude.
R : "Selamat Paska ma tutu"
U : Raphon Tuhan Jesus do hita dipahehe, i ma topik ni Minggu sadari on di
hita. Nunga hehe Kristus i, hehe ma nang dohot hita laho marsomba tu
Tuhanta. Tapangiar ma soaranta mamuji Debata marhite na marende sian
BE. No. 96 : 1-3.
2. Marende BE HKBP No. 96 : 1 - 3 “Nunga talu hamatean”
♫ Nunga talu hamatean, dibaen Tuhan Jesus i; Ai na hehe do Ibana, songon na
nidokNa i. Haleluya, haleluya! Nunga hehe Jesus i. Haleluya, haleluya!
Nunga hehe Jesus i.
♫ Ia angka boruboru, lao do tu tanoman i; Ndang disi be Tuhan Jesus, nunga
hehe sian i. Haleluya, haleluya! Nunga hehe Jesus i. Haleluya, haleluya!
Nunga hehe Jesus i. (Musik)
♫ (Jongjong) Marlasroha be ma hita ala hehe Jesus i; Ai malua sude hita sian
hamagoan i. Haleluya, haleluya! Nunga hehe Jesus i. Haleluya, haleluya!
Nunga hehe Jesus i.
3. VOTUM – INTROITUS – TANGIANG :
U: Marhitehite Goar ni Debata Ama, dohot Goar ni AnakNa Tuhan Jesus
Kristus, dohot Goar ni Tondi Parbadia na tumompa langit dohot tano on.
Amen. Nunga hehe Tuhan i, nunga tutu hehe Ibana. Ari on do na jinadihon
ni Jahowa, marolopolop jala marlas ni roha ma hita disi. Batu naung
binolongkon ni angka pande bagas, i ma gabe batu parsuhi. Pinamasa ni
Jahowa do i, halongangan do i anggo di matanta. Haleluya!
H: (Mangendehon): Haleluya, Haleluya, Haleluya.
U: Martangiang ma hita! Ale Tuhan Jesus, Tuhannami! Na mandok mauliate
do hami tu Ho, ala ditaluhon Ho do dosa dohot hamatean marhitehite
 hamamateMi, ala disondangi Ho tanomannami, asa marpanghirimon na
mangolu hami ala ni haheheonMi. Ndang pola be mabiar hami mida
hamatean, ai Ho do ulunami, ruasMu do hami. Dipaunsat Ho do hami sian
haholomon tu hatiuron, sian hamatean tu hangoluan. Antong pargogoi
ma hami mamuji dohot mangoloi Ho ariari, pasangaphon Ho dibagasan
haporseaon na mangolu, paima sahat hami tu lambungMu. Amen.
(Hundul)
4. Marende BE No. 89 : 1 + 4 “Ate di dia soropmi”
♫ Ate di dia soropmi nuaeng, o hamatean? Di dia hamonanganmi nuaeng,
banua toru? Na talu do hamu sude, na talu do sibolis pe, Ai ditaluhon Jesus.
♫ Mangolu do Tuhanta i, na hehe do Ibana; Ditaiti do ruasNa i, mangihut tu
Ibana. Ndang tinggal di tanoman i, saluhut na porsea i, di hata ni Tuhanta.
5.P A T I K :
U: Tangihon hamu ma Patik ni Debata na tarsurat di Rom. 10 : 9. “Ai malua ma
ho, molo diparhatopot pamanganmi Tuhan Jesus i, huhut dihaporseai
roham, naung dipahehe Debata Ibana sian angka na mate”. I ma sahatna.
Antong, rap mangido gogo ma hita sian Debata!.
H: Ale Tuhan Debata sai pargogoi ma hami mangulahon na hombar tu
patikMi. Amen.
6. Marende BE No. 620 : 1 - 2 “HolongMi ale Tuhanku”
♫ HolongMi ale Tuhanku ise tuk mandodo i, Diusehon Ho mudarMu di hau
pinarsilang i. Golgata, Golgata, Golgata, pamajalan i. Golgata, sangap ma
di Ho Tuhan.
♫ (Jongjong) HolongMi ale Tuhanku tung so hasuhatan i, Jala puji-pujianku, i
ma las ni rohangki. Golgata ……
7. TANGIANG MANOPOTI DOSA:
U: Tatopoti ma dosanta, martangiang ma hita: Ale Tuhan Debata, Amanami,
Parasiroha na sumurung! Na pungu do hami di joloM martangiang tu Ho;
ndada mangasahon hatigorannami, na mangasahon asi ni rohaM na
godang i do. Sai asi ma rohaM mida sandok bangsonami, sesa ma dosanami
saluhutna. Sai sungguli ma rohanami, asa muba roha dohot
pangalahonami, ala ni Tuhan Jesus Kristus Tuhannami, Sipangolu hami.
Amen.
Bagabaga ni Debata taringot tu hasesaan ni dosa: Ise be mangaluhon
angka na pinillit ni Debata? Debata do na mamintori. Ise do na mandabu
uhum hamagoan? Kristus Jesus do naung mate; alai ndada holan i, naung
mulak mangolu do, jala di siamun ni Debata do Ibana mangondihon hita.
Hasangapon ma di Debata na di ginjang!
 S: Amen (Hundul…..)
8.Marende BE HKBP No. 92 : 1 + 7 “Puji ma na manaluhon”
♫ Puji ma na manaluhon, dosa hamatean i; Puji ma na pangoluhon, saluhut
pardosa i. Jesus na dung mate i, las roham o huriaNa, Ala na mamillit ho,
Jesus i mangolu do.
♫ Ala ni sai las rohangku, nang pardagang au dope; Ho tinatap ni matangku,
atik pe na dao dope. Mian do TondiM di au asa tong togu
rohangku,Mangeahi surgoMi, paima sahat au tusi.

9. E P I S T E L:
U: Tajahama marsingkat sorin, Turpuk Epistel di Minggunta sadari on,
tarsurat di Psalmen 118 : 14 – 21. Jahowa do pargogongku dohot
endengku, jadi gabe hatuaonhu Ibana.
H: (Manjaha responsoria) …..
U: I do sahatna. Martua ma angka na tumangihon Hata ni Debata jala na
umpeopsa. Amen.
10. Marende BE HKBP No. 633 : 1 + 5 “Nunga hehe Kristus i”
♫ Nunga hehe Kristus i, Haleluya, sian hamatean i, Haleluya Parlangitan jouhon
ma, Haleluya, tano on, alusi ma Haleluya.
♫ (Jongjong) Sangap ma di Tuhan i, Haleluya, puji ma GoarNa i, Haleluya. Baen
hamonanganNa i, Haleluya, manondangi ngolumi, Haleluya.
11.MANGHATINDANGHON HAPORSEAON:
U: Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
H: Ahu Porsea di Debata Jahowa….. d.u. (Hundul….)
12. Tingting
13. Marende BE. HKBP No. 627: 1…”Jesus naung hehe” (Pelean Ia, Ib)
♫ Jesus naung hehe Haleluya puji endehon Haleluya, Hamonangan ni Tuhanta i
na manaluhon sibolis i. Las ma roham puji ma Tuhan i, ala naung talu
hamatean i. Sesa dosanta Haleluya mangolu Jesus Haleluya.
♫ Di ari na patoluhon i, maloha do tanomanNa i.Jesus Raja hangoluan i, na
patundukhon sibolis i. Las ma roham …… ------ Musik -------
♫ Bege nidok ni suruan i, ida hamu ma ulosNa on. Ndang ditanoman be Tuhan i,
unang mabiar be hita on. Las ma roham ……
14. J A M I T A: Kolosse 3 : 1 – 4

15. Marende BE HKBP No. 635 : 1…“Ro Tuhan Jesus” (Pelean II A & II B)
 ♫ Ro Tuhan Jesus Anak sasada, Parasi roha, Parholong i. Mate Ibana humophop
hita, rumar tanoman i, ai hehe Jesus i. Ala hehe Jesus ro do ari sogot
mangolu au, ndang mabiar au. Huboto do sonang au raphon Jesus. Sonang
ma au ala naung hehe Jesus i.
♫ Di paraloan, au dongananNa, pos do rohangku di ngolungki. PamonangonNa
au anakhonNa, ala naung monang jala hehe Tuhanki. Ala hehe Jesus ……
----- Musik -----
♫ Molo marujung muse ngolungku, mansohot do nang sitaononki. Ai nunga
talu banua toru, di tomu Jesus au na tinobusNa i. Ala hehe Jesus ……
17. PARSURUON: ( Jongjong )
U : Nunga hehe Tuhan i, jala naung rap hamu dipahehe dohot Kristus, jalahi
hamu ma angka na di ginjang.
R : Ingkon hehe ma hami jala hobas ma hami tu ulaon na denggan, jala
hatindanghononnami ma haheheonNa i tu angka dongan na humaliang
hami.
U : Nunga hehe Tuhan Jesus sian na mate, ala ni borhat ma hita manopot
angka ulaontabe dibagasan las ni roha.
Laos taendehon ma ende No. 624 : 2
U+R : Mangendehon BE No. 624 : 2 “HALELUYA, HALELUYA”
♫ Haleluya, haleluya, nunga hehe Tuhanta i. Haleluya, haleluya, puji
GoarNa i. Boan Barita na Uli tu saluhut na tinompa i. Haleluya, haleluya,
nunga hehe Tuhanta i. Haleluya, haleluya, puji GoarNa i.
18. Tangiang Pelean – Tangiang Ari Pesta – Ale Amanami – Amen (3x)

Selamat Paskah
Tuhan Yesus Memberkati