HKBP KRAMAT JATI RESORT KRAMAT JATI

MINGGU, 10 JULI 2022, Pkl. 10.00 WIB

 Ev: 5 Musa 30: 11 – 14  Ep: Kolosse 1: 1 – 14

TOPIK:
MAMARITAHON HUHUT MANGULAHON HATA NI DEBATA

1. MARENDE BE. No. 559: 1 – 2 “DEBATA NA SONGKAL JALA NA BADIA”

♫ Debata na songkal Sitolu sada, di sogot ni ari hupuji GoarMi; Debata na
songkal Siparasi roha Sitolu sada, Na badia i.
(Jongjong)
♫ Debata na songkal, surusuruanMu, saluhut marsomba pasahat tumpalMi. Angka
na badia ro tu adopanMu, Mamujimuji salelengna i. Amen.

2. VOTUM – TANGIANG : A.XV/A.6 – D.XIII/42

3. MARENDE BE. No. 557 : 1 - 2 “DAO DUMENGGAN” BL.557
♫ Dao dumenggan asi ni roham. Dao ummarga sian ngolungkon. Sai pujionku ma
Ho Tuhanku. Dao ummarga asi ni roham.
♫ Ala goarMu ro do au tu Ho, Herbang tanganhu, lao mamuji Ho. Dao ummarga
sian ngolungku, Dao dumenggan asi ni rohaM.

4. Patik :
1
 U : Tatangihon ma Patik ni Debata di Minggu IV dung Trinitatis sadari on, ima na
tarsurat di 2 Timoteus 4: 2. Jamitahon hata i, hajongjongkon di tingki na une
nang so une; pinsang, paingot, apoi marhitehite nasa lambas ni roha dohot
pamodaion. I do sahatna. Antong rap mangido gogo ma hita sian Tuhan
Debata!
U&H : Ale Tuhan Debata! Sai pargogoi ma hami mangulahon na hombar tu
PatikMi. Amen.

5. MARENDE BE. No. 416: 2 + 4 “TU JOLOM O DEBATANGKU“ BL. 403

♫ Husolsoli do rohangku na gok dosa i tongtong; Ai godang ariaringku na hubahen
ambolong.
(Jongjong)
♫ Ala nii tungki rohangku jongjong di adopanMi; Sai asi rohaM, Tuhanku, sesa
nasa dosangki!

6. TANGIANG MANOPOTI DOSA : (B.4 – C.11)

7. MARENDE BE. No. 194: 1 - 2 “AUT SO ASI ROHAM” BL. 62
♫ Aut so asi rohaM aut so godang basaM, tu dia au? Alai dibaen basaM dohot asi
rohaM, tu surgo au.
♫ Mauliate ma di Ho, O Debata ala basaM. Sibahen dalan i, marhite AnakMi, tu
banuaM.

8. Epistel:
U: Hata ni Debata Epistel di minggunta sadari on tarsurat di Kolosse 1: 1 – 14,
tajaha ma marsorinsorin! Ahu surat ni si Paulus, apostel ni Kristus Jesus, sian
lomo ni roha ni Debata, dohot Timoteus, dongan i,
H: mandapothon angka na badia na di Kolosse, angka dongan na porsea, na
di bagasan Kristus: Asi ni roha ma di hamu dohot dame sian Debata,
Amanta i!
U: Mandok mauliate do hami, laho tumangianghon hamu tongtong tu Debata,
Ama ni Tuhanta Jesus Kristus.
H: Ai hubege hami do barita ni haporseaonmuna di Kristus Jesus, nang
holong ni rohamuna mida saluhut na badia,
U: ala ni sihirimon i, naung diparade di hamu di banua ginjang i; nunga dibege
hamu hian i marhitehite hata hasintongan i, i ma barita na uli i.

2
 H: Ima naung sahat, nang tu hamu, nang tu liat portibi on; na marparbue
do i jala lam ganda, suang songon na di hamu, olat ni dung dibege jala
ditanda hamu asi ni roha ni Debata di bagasan hasintongan.
U: Songon i do diguruhon hamu sian si Epapras, dongan saulaon i, na
hinaholongan; ai parhalado ni Kristus na haposan do ibana humophop hamu.
H: Laos ibana do pajojorhon tu hami holong ni rohamuna di bagasan tondi.
U: Dibahen i, dung hubege hami i, ndang mansohot nang hami tumangianghon
hamu, jala mangido, asa digohi di hamu pantas ni roha, mananda lomo ni
rohana, marhitehite nasa hapistaran dohot habisuhon partondion,
H: asa marparange na tama di Tuhan i hamu, gabe halomoan situtu jala
marparbuehon nasa ulaon na denggan;
U: laos ganda di hamu panandaon di Debata, gabe margogo situtu hamu hombar
tu gogo ni hasangaponNa i, manghorhon nasa habengeton dohot lambas ni
roha, mardongan las ni roha.
H: Mandok mauliate ma hamu di Ama i, naung patauhon hamu, manjalo
tohap na di bagasan hatiuron i, siteanon ni angka na badia i!
U: Ai nunga diroro hita sian gomgoman haholomon i, jala dipaunsat hita tu
bagasan harajaon ni Anak, haholongan ni rohaNa.
H: Di bagasan Ibana do adong di hita haluaon i, i ma hasesaan ni angka
dosa.
U: I ma sahatna: Martua do angka na tumangihon hata ni Debata jala na
umpeopsa.
H: Amen.

09. KOOR : SEKSI LANSIA

10. MARENDE BE. No. 25 : 1 – 2 “HATAMI ALA TUHANKU” BL. 181
♫ HataM i, ale Tuhanku, arta na ummarga i. Sai paian di rohangku, unang so
hutiop i. Molo so be sitiopan hata na badia i, aha nama haojahan ni haporseaon
i?
(Jongjong)
♫ Ale Jesus sai matahon, sai ramoti ma au on. Asa hot haporseaon di bagasan
rohangkon; Sai paringgas ma rohangku mangoloi di hataMi. Asa mauas di
podaMu songon si Maria i.

3
11. MANGHATINDANGHON HAPORSEAON:
U : Tahatindanghon ma haporseaonta i, songon na hinatindanghon ni donganta
sahaporseaon di sandok portibi on. Rap ma hita mandok!
H: Ahu porsea di Debata Jahowa……
12. KOOR : PUNGGUAN INA HANNA
13. TINGTING
14. a. PENERIMAAN ULOS 70 TAHUN ( Ny. Pardede Rostiana br. Silalahi )
b. KOOR : PUNGGUAN INA
15. MARENDE BE. No. 232: 1 ….. “JESUS URUPI“ BL. 116
(Papunggu Pelean Ia,Ib)
♫ Sian sude parulian na arga, sada huboto hutiop tongtong.
Jesus Tuhanku Ho arta na arga, na mangatasi sudena antong.
Tangkup Tuhanmu tung tiop hataNa, sai pangasahon ma bagabagaNa.
---Musik---
♫ Naeng ho pistar ? Sai dapothon Tuhanmu, nasa na hurang sai boan tusi.
Tu pamodaiNa paunduk rohaMu, asa tiur sasude bogasMi.
Tangkup Tuhanmu tung tiop hataNa, sai pangasahon ma bagabagaNa.
---Musik---
♫ Naeng ho tigor? Pangasahon Tuhanmu, na maninggalhon sangapNa sude.
Na gabe jolma pasaehon dosamu, golom ma, aithon panghophopNa i.
Tangkup Tuhanmu tung tiop hataNa, sai pangasahon ma bagabagaNa.
---Musik---
♫ Naeng ho mangolu salelenglelengna? Di Tuhan Jesus do jumpang ho i.
Nunga torang ditaluhon sibolis, nang hamatean sigomgom sude.
Tangkup Tuhanmu tung tiop hataNa, sai pangasahon ma bagabagaNa.
16. JAMITA: 5 MUSA 30: 11 – 14.
17. MARENDE BE. No. 28 : 1…. “HATA NI JAHOWA” BL.203
(Pelean II + Pelean tu Diakonia Sosial Huria HKBP Kramat Jati ).
♫ Hata ni Jahowa, sipadame jolma, hangoluan i! Halalas ni roha, siapuli roha ni
na marsak i! Gogo ni Debatangki, paluahon na porsea sian nasa jea.
---Musik---
♫ Nasa tinahiNa, tagan so ditompa tano on dope. Nang na tinuduan ni sude pelean,
jumpang do muse. Sangkap ni AmaNa i dipatulus Jesus Kristus; Jolma i ditobus.
---Musik---

4
 ♫ Na rade di hita asi hi rohaNa nang basaNa pe. Nunga mate Kristus, nunga sun
ditobus hita on sude. Sangap ma di Debata, na porsea di hataNa do
pangoluonNa.
---Musik---
♫ Hata hangoluan do nuaeng diboan parjamita i. Na lambok begeon i nuaeng
dilehon tu rohanta i. Hita on dijamitai, ai didokhon be do hita paubahon roha.
18. TANGIANG PELEAN + ALE AMANAMI + PASUPASU (AMEN3X)