HKBP ADIANNANGKA

PESTA ARI HANANAEK NI TUHAN JESUS

dohot
PESTA GOTILON
Kamis, 18 Mei 2023
Tema : MANGHAPORSEAI JESUS NA MANAEK TU SURGO
MENGIMANI YESUS YANG NAIK KE SURGA
JOUJOU MAMUJI TUHAN I;
P: Ari las ni roha do sadari on di hurianta di sandok portibi on, ima ari Parningotan di
ari Hananaek ni Tuhan Jesus Kristus tu Banua Ginjang. Nunga sun ulaonNa, ima
ulaon na sinuru ni AmaNa tu Ibana. Nunga dipasahat tu Ibana nasa huaso di
banua ginjang dohot na di tano on. Nuaeng manaek ma Ibana tu siamun ni
Debata Amana i, paradehon inganan tu angka na porsea di Ibana. Jala marlas ni
roha do hita di Minggu sadari on, marningot denggan basa ni Debata na
mangaramoti ngolunta marhite na mar Pesta Gotilon sadari on. Antong sian nasa
rohanta tasombahon jala tajouhon ma pujipujianta tu Ibana, taendehon ma
“Patimbul Tuhan i”
1. Marende BE. HKBP No. 581 : 1 – 2 “Sangap di Jahowa”
♫
Sangap di jahowa na sun timbul I, Balga ni holongNa ndang tarasam I, Di lehon
AnaklNa na sasada I, manobus hita jolma pardosa I. Puji ma Debata ale manisia,
Las roham las roham, somba ma Debata. Dapothon Jahowa na sun timbul I,
Marhite AnakNa Tuhan Jesus I
♫
(Jongjong) Tung so hasuhatan do basaNa I, Marhite AnakNa ni lehonna i. MudarNa
durus do di hau silang I, Rara pe dosanta ias dibaen i. Puji ma Debata ………
2. VOTUM – INTROITUS – TANGIANG:
U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Parbadia na tumompa langit dohot tano on. Amen.
Songon on do didok Tuhan i: BahenonHu do sogot na monang i rap dohot
Ahu hundul di habangsangKi, songon Ahu na monang i jala hundul rap dohot
Damang di habangsaNa i. Haleluya!
H : (Mangendehon) Haleluya, Haleluya, Haleluya.
U : Martangiang ma hita. Ale Tuhan Debata, Pargogo na so hatudosan! Sai
pargogoi ma hami manghaporseai AnakMu na sasada i, Sipangolu hami, na
manaek tu surgo, asa huparrohahon hami roha banua ginjang marhitehite
 Anak haholongan ni rohaM, Tuhan Jesus Kristus, Tuhannami. Amen.
(Hundul)
3. Marende BE. HKBP No. 99 : 3 “O Tondi Parbadia i bongoti”
♫
O Jesus, Ho do ulu ni luhutna na porsea i, ruasMu anggo hami. Ho hangoluannami
on, Ho hasonangannami on, Ho hagogoonnami. Suru, togu, rohanami asa hami
mangalehon, tu Ho nasa hasangapon.
4. P A T I K :
U: Tatangihon ma (Tangihon hamu ma) Patik ni Debata di Pesta ari Hananaek ni Tuhan
Jesus sadari on, i ma sian Hosea 6: 3 “Sai mananda ma hita, sai ringgas ma hita
mangeahi parbinotoan di Jahowa, tudoshon buhasiang ari do sintong ni
habibinsarNa, jala sai na ro do Ibana songon udan tu hita songon udan nene na
mamornohi tano i”. Ima sahatna. Antong, rap mangido gogo ma hita sian Tuhan
Debata!
S: Ale Tuhan Debata sai pargogoi ma hami mangulahon na hombar tu PatikMi.
Amen.
5. Koor Ama Imanuel
6. Marende BE. HKBP No. 182 : 2 + 3 “Tu JoloM o Debatangku”
♫
Husolsoli do rohangku na gok dosa i tongtong; Ai godang ariaringku, na hubahen
ambolong.
♫
(Jongjong) Sai jotjot do hutadingkon, dalanMi na tigor i; Kristen au, hape
hutondong, dalan hamagoan i.
7. MANOPOTI DOSA:
U: Tatopoti ma dosanta martangiang ma hita! Ale Tuhan Debata, Ama ni
Tuhannami Jesus Kristus, Ho do Debata pargogo na so hatudosan, sitompa nasa
na adong, paruhum na tigor, na manguhumi jolma manisia! Na ro do hami tu
joloM manopoti dosanami, angka na huula hami marhite sian pangalaosionnami
di PatikMu, ima marhite sian tubutubu ni rohanami. Na tama situtu do hona
uhum hami ala ni dosanami i, alai na tarsolsol bagi do hami nuaeng ala ni i. Asi ma
rohaM di hami, ale Debatanami. Pardengganbasa jala Parasiroha do Ho ala ni
Anak haholongan ni rohaM, Tuhan Jesus Kristus Tuhannami.
Sai sesa ma dosanami saluhutna, jala suru ma Tondi Parbadia tu rohanami be, asa
tarbahen hami mangoloi Ho di bagasan hatigoran dohot habadiaon, gabe sahat
hami tu hangoluan na so ra suda, na pinarbagabagaM di angka na porsea di
AnakMu, Tuhan Jesus Kristus, Tuhannami. Amen.
 Bagabaga ni Debata taringot tu hasesaan ni dosa! Adong do di hita sintua ni
malim na songon i, na hundul di siamun ni habangsa ni hatongamon di banua
ginjang. Dibahen i tarbahen Ibana do pangoluhon ro di ujungna angka na sandok
ro tu Debata marhitehite Ibana; na mangolu do Ibana tongtong, asa
ditangianghon nasida. Hasangapon ma di Debata na di ginjang!
S: Amen (Hundul.)
8. Koor Ama Dame
9. Marende BE. HKBP No. 100: 2 “Mardongan olopolop manaek Tuhanta i”
♫
Na mulak do Tuhanta tu habangsana i. Tu lambung ni Amana, di siamunNa i.
Disomba sasude na di banua ginjang, Tuhanta i na monang, ro sian tano i.
10. E P I S T E L (Responsoria) :
U : Turpuk Epistel di Pesta ari hananaek ni Tuhan Jesus sadari on, ima na tarsurat
di Heber 12: 1 – 6, Dibahen i nang hita pe…….
H: (Manjaha Responsoria) …….
U: I do sahatna. Martua do angka na tumangihon Hata ni Debata jala na umpeopsa.
S: Amen.
11. Koor Ina Selasa
12. Marende BE. HKBP No. 657 : 1 – 2 “Ulina i huriaMi”
♫
Ulina i huriaMi na pinapungupunguMi. Marpungu do sudena i mamuji Ho Tuhan na
sangap i. Tangiang nang endena i na pasangaphon GoarMi. Sai topot ma huriaMi
na pinapungupunguMi, tumpahi ma huriaMi, tumpahi ma huriaMi.
♫
(Jongjong) Huria ni Tuhanta i, hinophop ni mudarNa i. Pahot tongtong
pingkiranmi maniop Tuhanmi parholong i. Sai unang olo talu ho, bahenon ni sibolis
i; Sai pangidohon ma gogo tu Raja ni Huria i; Tumpahi ma HuriaMi, tumpahi ma
HuriaMi.
13. MANGHATINDANGHON HAPORSEAON:
U: Tahatindanghon ma haporseaonta i, songon na hinatindanghon ni donganta
sahaporseaon di sandok portibi on. Rap ma hita mandok!
H: Ahu porsea di Debata Jahowa.. d.u (Hundul)
14. Koor Ina Kamis
15. TINGTING:
16. Koor Parende Baoa
17. Marende BE. HKBP No. 97 : 1 .... “Patimbul be ma sangap” (Pelean Ia, Ib)
 ♫
Ingoton ma sadari on parnaek ni Tuhan Jesus. Tu habangsana na tongtong, na so
tarbaen be meret. Tasomba ma Tuhanta i, naung mulak tu Amana i; Tapuji ma
Ibana.
♫
Ai nunga mungkap dalan i, di angka na porsea. Lao mamongoti surgo i malua sian
jea. Naung mangonai tu sasude, na mangulahon dosa i. Pinuji maTuhanta.
…………Musik…………
♫
Ianggo las roham tutu, di Jesus i Tuhanta. Pauba ma roham burju, ihuthon ma
Ibana. Oloi hataNa sasude, sai tiru pambaenanNa pe, saleleng ho mangolu.
18. JAMITA: Johannes 6: 60 – 63
19. Marende BE. HKBP No. 636: 1.... “Jesus do Raja bolon i” (Pelean IIa & IIb))
♫
Jesus do raja bolon i, Sigomgom nasa na adong. Hot do harajaonNa i, nang pe
marujung tano on.
♫
Tangiang nang pujian i, manaek tu habangsaNa i. Mansai hushus GoarNa i,
binahen ni pelean i. …………Musik…………
♫
Saluhut manisia i, mian do di holongNa i. Soara ni dakdanak i, manghatindanghon
sangap ni_i.
20. Manaruhon Gotilon dohot Silua Pesta Gotilon :
L: Nuaeng sahat ma hita tu na pasahathon Gotilon dohot Silua Pesta Gotilon, na
gabe peleanta tu Debata marhite hurianta HKBP Adiannangka on. I ma parbue ni
panandaonta di pasupasu ni Debata naung tajalo di ngolunta. Taingot ma hata ni
Tuhanta: di Poda 3 : 9 “Pasangap ma Jahowa marhite sian hamoraonmu, dohot
marhite sian patumonaan ni sandok pangomoanmu.
H: I do tutu. Hupasangap hami ma Jahowa marhite basabasaNa na hujalo hami. Sai
pasupasu ma hami, ale Tuhan.
S: (Mangendehon “Dison Adong Huboan Tuhan” BE 848:1-...)
 Dison adong huboan Tuhan, parbue ni ngolungku na so tardok nian. Sadia ma
argana Tuhan molo sai ni rajuman sude denggan basaM. Jalo ma Tuhan sai las
ma rohaM.
 Dison adong huboan Tuhan tondingku na girigir mangoloi di HataM.
Pasaorhon ma HataM da Tuhan manogu tondingki mangihuthon lomoM. Jalo
ma Tuhan sai las ma rohaM. --- Musik---
 Dison adong huboan Tuhan pamatang na hipas baen pelean di joloM. Sai
pangke ma au on da Tuhan, na tau ulaulaM na hasea di joloM. Jalo ma Tuhan,
sai las ma rohaM.
21. ( Jongjong ) Tangiang Pelean – Tangiang Ale Amanami - Pasupasu: