PARTONDING NI ACARA

PARPUNGUAN BODARI
PARNINGOTAN HATUTUBU NI TUHAN JESUS

 Ev: Psalmen 147 : 1 - 11  Ep: Mateus 1 : 18 - 23

TOPIK:
ENDEHON MA JAHOWA

JUMAT, 24 DESEMBER 2021

1. Joujou marsomba tu Debata: U = Uluan R = Ruas

1
 U : Amang, inang,Naposo bulung, remaja dakdanak sikkola Mingu, sude tahe
hita na pungu di bagas joro on. Jumolo ma pinasahat ma, Selamat Ari
Natal!
R : Selamat Ari Natal ma tong di hamu parhalado ni Tuhan i.
U : Marolopolop ma tondinta, di na marningot ari hatutubu ni sipalua i. Las ni
roha bolon do borngin on di tongatonga ni saluhut halak Kristen. Beta ma
hita marsomba di adopanNa, taendehon ma GoarNa, ai nunga dipatongon
Kristus na gabe partanobatoan ni hatuaonta.
R : Marolopolop do rohanami mandapothon Jesus naung tubu i, taolophon
ma Ibana marhite pujipujian dohot unduk ni rohanta. Beta ma,
taendehon ma pujipujian, ai nunga dipalua hita sian nasa dosa dohot
pangalaosionta.
U: Antong ale angka dongan, taparade ma dirinta tasomba ma Tuhanta i di
bagasan las ni roha. Tabaritahon ma: “Nunga tubu Kristus, nunga songgop
hadameon, asa saluhut jolma taruli di las ni roha naung pinarade ni Kristus.
Marende ma hita!
2. Marende BE. No. 598 : 1- 3 “Bege Ende Ni Suruan” BL.598
♫ Bege ende ni suruan, sangap ma di Tuhan i
Nunga tubu Sipalua Raja Sipardame i
Dipadame Debatanta do diriNa tu pardosa
Nunga tubu Kristus i di huta Betlehem i
Ende ni suruan i, sangap ma di Tuhan i
♫ Kristus Raja sian surgo tuat tu portibi on
Tubu sian si Maria lao manobus hita on
Debata na so tarida gabe daging songon hita
Nunga raphon hita be Jesus i, Immanuel
Ende ni suruan i, sangap ma di Tuhan i
---Musik---
♫ (Jongjong) Jesus Raja Hadameon sondang hatigoran i
Panondang ni hangoluan di saluhut jolma i
Dirumari do diriNa lao manobus manisia
Asa unang mate be ala ni dosana be
Ende ni suruan i, sangap ma di Tuhan i
3. Votum
2
 U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia na tumompa langit dohot tano
on. Amen. Nunga patar hangoluan i, jala nunga huida hami jala
nunga huhatindanghon hami dohot hubaritahon hami tu hamu
hangoluan na saleleng ni lelengna, na di lambung ni Ama i hian jala
naung patar di hami. Haleluya!
U&R : Mangendehon: HALELUYA, HALELUYA, HALELUYA.
U : Martangiang ma hita! Ale Debata, Ama na di banua ginjang!
Pujipujian, hasangapon dohot hamauliateon husombahon hami tu Ho,
marningot silehonlehonMi na balga i tu hami jolma na di pardangolan
on, i ma AnakMu, Jesus Kristus, na sinuruM sian banua ginjang ala ni
hami. Gabe na dangol do Ibana jala na pogos, pola tubu Ibana di bara ni
pinahan di Betlehem, asa mamora hami. Sai rajai jala togutogu hami
marhitehite TondiM, asa lam huida hami godang ni holong ni rohaM na
pinapatar ni AnakMi. Amen.
-Hundul-
4. Marende BE. No. 62 : 1 “Halalas ni roha godang” BL. 172
♫ Halalas ni roha godang, na hubaritahon on.
Nunga tubu Sipalua di hita jolma on.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.
5. Liturgi I
6. Marende BE. No. 16 : 1-2 “Ria ma hita sasude” BL. 48
♫ Ria ma hita sasude mamuji Debata Girgir ma parendenta be Ai i do na
tama Ai i do na tama
♫ Diungkap Debatanta i Banuaginjang i Disuru do AnakNa i
Hangoluanta i Hangoluanta i
7. Liturgi II
8. Marende BE. No. 194 :1-2 “Aut so asi rohaM”
♫ Aut so asi rohaM Aut so godang basaM Tu dia au? Alai dibaen basaM
Dohot asi rohaM Tu surgo au
♫ Mauliate ma Di Ho o Debata Ala basaM Sibahen dalan i Marhite
AnakMi Tu banuaM
9. Liturgi III

3
10. Marende BE. No. 608 : 1 - 2 “O Betlehem Na Metmet I” BL.608
♫ O Betlehem na metmet i, boasa modom ho,
Humirdophirdop bintang i, hohom marnida ho.
Alai ro sian ho do, panondang na tongtong
Na pinarsinta nasailaon, sorang di borngin on.
11. Liturgi IV
12. Marende BE. No. 605 : 1-2 “Las ma roham”
♫ Las ma roham Tuhanta ro, gumomgom sasude
Ungkap roham, jangkon rajam
Marende ma sude, marende ma sude, marende, marende ma sude.
♫ Tano nang laut, harangan i, nang awang-awang i,
Hauma i, nang sunge i, olophon Raja i,
Olophon Raja i, olophon, olophon Raja i.
13. Liturgi V
14. Marende BE. No. 54 : 1-2 “Sonang Ni Borngin Nai” KJ 92
♫ ………….Organ ….. BE 54…………
Penyalaan Lilin Oleh :
1. Mewakili Anak Sekolah Minggu Gandro Simamora
2. Mewakili Remaja/Naposo Welfri Nainggolan
3. Mewakili Ina Op Putri Br Pasaribu
4. Mewakili Ama Pak Berkat Simamora
5. Mewakili Majelis St. T. Siahaan
6. Mewakili Lansia
7. Perwakilan Anak Rantau
(Jongjong)
♫ Malam kudus, sunyi senyap; dunia terlelap.
Hanya dua berjaga terus ayah bunda mesra dan kudus;
Anak tidur tenang, Anak tidur tenang.
♫ Sonang ni Borngin Nai, Uju Ro Jesus i
Sonang Modom Halak sude, holan dua na dungo dope;
Mangingani Anak na, Jesus Tuhan ta i.
…….Musik……
……Berdoa Masing-masing……
♫ Denggan ni bornginna i Uju ro Jesus i . Tu parmahan di Betlehem
i.Dipaboa na di surgo i Nunga ro Sipangolu Jesus Tuhanta i
15. TANGIANG MANOPOTI DOSA DOHOT BAGABAGA NI DEBATA

4
 U : Martangiang ma hita! Ale Tuhan Debata, Ama ni Tuhannami Jesus
Kristus, Ho do Debata pargogo na so hatudosan, sitompa nasa na adong,
paruhum na tigor, na manguhumi jolma manisia!
R : Na ro do hami tu joloM manopoti dosanami, angka na huula hami
marhite sian pangalaosionnami di PatikMu, i ma marhite sian
tubutubu ni rohanami.
U : Na tama situtu do hona uhum hami ala ni dosanami i, alai na tarsolsol
bagi do hami nuaeng ala ni i. Asi ma rohaM di hami, ale Debatanami.
R : Pardengganbasa jala Parasiroha do Ho ala ni Anak haholongan ni
rohaM, Tuhan Jesus Kristus Tuhannami. Sai sesa ma dosanami
saluhutna, jala suru ma Tondi Parbadia tu rohanami be, asa
tarbahen hami mangoloi Ho di bagasan hatigoran dohot habadiaon,
gabe sahat hami tu hangoluan naso ra suda, na pinarbagabagaM di
angka na porsea di AnakMu, Tuhan Jesus Kristus, Tuhannami.
U +R: Amen.
U: Bagabaga ni Debata taringot tu hasesaan ni dosanta: Songon on do Hata
ni Tuhan Jahowa: Nunga diarsahi ho Ahu marhite sian angka dosam, jala
nunga dilojai ho Ahu marhite sian angka hajahatonmu. Ahu tutu, Ahu
sandiri manalesei angka pangalaosim ala ni hadirionKu, jala ndang be
Hupaingotingot angka dosam. Hasangapon ma di Debata na di ginjang!
R : Amen.
(Hundul)
16. Vocal Grup Remaja/Pemuda
17. Marende KJ. No. 375 :1 & BE 698 : 1 “Saya mau ikut Yesus”
♫ Saya mau ikut Yesus, saya mau ikut Yesus; sampai s’lama-lamanya.
Meskipun saya susah, menderita dalam dunia, saya mau ikut Yesus
sampai s’lama-lamanya
(Jongjong”
♫ Sai ihuthononku Jesus, Sai ihuthononku Jesus, saleleng-lelengna i.
Nang godang haporsuhon, sai benget do au manaon,
Sai ihuthononku Jesus, saleleng-lelengna i.

18. Manghatindanghon Haporseaon:

5
 U : Tahatindanghon ma haporseaonta i songon na hinatindanghon ni
donganta sahaporseaon di sandok portibi on. Rap ma hita mandok !
U/R: Ahu porsea di Debata Jahowa ….. du. Amen.
(Hundul)
19. Marende sian BE. 9 : 1-4 “Hupuji holong ni rohaMu”
(Papungu Pelean Ia,Ib)
♫ Hupuji holong ni rohaMu O Tuhan Jesus rajangki
Tu Ho hulehon ma tondingku Ai i do pinangidoMi
Huhalupahon ma diringku Mamingkir holong ni rohaMu
♫ Sai dilului Ho do ahu Au pe huhalungunhon Ho
Ditaiti rohaMi rohangku Dibahen i hulehon do
Dipillit Ho hian tondingku I pe hutodo Ho Tuhanku
---Musik---
♫ Huhilala ingkon martuhan Ingkon mangolu au di Ho
Ndang jumpang au be hangoluan Aut unang dipatupa Ho
Sai Ho do paradiananku Sai gok di Ho nama langkangku
♫ Di Ho saleleng ni lelengna Au on, o Jesus Tuhanki
Ho ma nampuna sasudena Gogongku ro di artangki
Ai naung dilehon Ho mudarMu Manggarar utang ni dosangku.
20. JAMITA: Psalmen 147 : 1 - 11
21. Marende BE. No. 615 : 1… “Tarbege Surusuruan Marende” BL.615
(Papungu Pelean tu STT/ Sikola Pandita HKBP)
♫ Tarbege surusuruan, marende mansai uli.
Angka dolok dohot rura, gok do saringar na i.
Ref: Sangap ma, sangap ma di Tuhan
sangap ma, sangap ma di Tuhan.
♫ Las roham ale parmahan, nunga tubu Kristus i
Rap marende ma hamuna, pasangaphon Raja i.
Ref: Sangap ma……
♫ Borhat ma hamu marnida, tu huta Betlehem i,
Somba Kristus Sipalua, na imbaru tubu i.
Ref: Sangap ma……
---Musik---

6
 ♫ Ida ma di panggagatan, Sipalua na ro i.
Sigomgomi parluhutan, langit dohot tano i.
Ref: Sangap ma……
22. PANGUJUNGI : Jongjong
U: Hamu angka haholongan! Tanda naung tubu Jesus i, endehon ma
Jahowa ai ibana do pardenggan basa na paluohon jala paulihon.
R: Tajanghon ma sipalua i di ngolunta, asa ro Ibana pasabam
rohanta jala pamalum mangalilit bugang ni rohanta asa dohot
hita manghatindanghon Debata do tama pujipujion.
U: Endehon ma Jahowa ai Ibana do panompa na marmuduhon na tinompa
na i.
R : Diatur Debata, langit, tano, laut nang angka hajanghajang dohot
sude angka na di bagasanna mansai uli. Saluhutna i ditanda
Debata. Ibana ma tama sipujipujion.
U : Endehon ma Jahowa di bagasan haserepon dohot olopolop.
R : Las ma rohanta, margogo jala monang ma hita, manang aha pe na
masa ai nunga ro sipalua manopot hita pardosa na dangol on, asa
sumuang parsaoranta dohot Debata panompa na burju i.
U: Nuaeng pe, tapasahat ma peleanta tu harajaon ni Debata, martangiang
ma hita! Ale Debata, Amanami na di banua ginjang, Ho do haroroan ni
saluhut silehonlehon na denggan dohot nasa ulibasa na mauliutus.
Hupasahat hami ma sian na nilehonMi tu hami, peleannami tu Ho. Sai
jalo ma i gabe uap na hushus di joloM. Pasupasu ma i jala ramoti asa
huparhaseang hami pelean on, patimbulhon harajaonMu di tongatonga
ni huriaM dohot di portibi on. Buhai ma rohanami marhitehite TondiM,
asa lam hutanda hami godang ni silehonlehonMi tu hami, asa lam girgir
hami mandok mauliate tu Ho, marhitehite Jesus Kristus Tuhannami.
Amen.
R : (Mangendehon) BE. No. 204 : 2 “Ndang Tadinghononhu Ho” BL.73
♫♪♫ Nasa na nilehonMi, tondi ro di pamatanghu.
Hosa dohot gogongki, ro di saluhut artangku.
Hupasahat i tu Ho, na so unsatonhu do.

7
U: (Agenda) ……Ale Amanami na di banua ginjang! Sai pinarbadia ma
goarMu! Sai ro ma harajaonMu! Sai saut ma lomo ni rohaM di banua
tonga on songon na di banua ginjang! Lehon ma tu hami sadari on
hangoluan siapari! Sesa ma dosanami songon panesanami di dosa ni
dongan na mardosa tu hami! Unang hami togihon tu pangunjunan!
Palua ma hami sian pangago!
R : (Mangendehon):
♫♪♫ Ai Ho do nampuna harajaon dohot hagogoon ro di hasangapon
saleleng ni lelengna. Amen!
U : Tangiang Pasupasu.
R : (Mangendehon) Amen, Amen, Amen.

MAJELIS HKBP SUNGAI TAMBANG

MENGUCAPKAN
“SELAMAT MALAM NATAL 2021 &
MENYAMBUT TAHUN BARU 2022”

Informasi

Ibadah Natal Umum Sabtu/25 Desember 2021 Masuk Pukul

11.00 WIB dilanjuthon Makan Bersama
Makan Bersama, Diboan be ma indahan na, ikkan disediahon
Huria.
Diboan Be Peralatan makan, dohot tikkar.