ACARA PARNINGOTAN

DI ARI HAMAMATE NI TUHAN JESUS

EV.Lukas 23 : 44 - 48 EP. Psalmen 22 : 2 - 12

TOPIK:

DISEAHON JESUS DO HOSANA

HKBP PADANG SUMATERA BARAT

Jumat, 2 April 2021

01. Marende huria No. 81 : 1 – 3 “Aha ma endehononku”
Jesus mual ni ngolungku, Sipangolu tondingki
Ai dibunu Ho musungku, i ma hamatean i
Ho manaoni hamagoan, patupahon hangoluan
Alani hupuji Ho, tung marribu hali do
Jongjong
Haleaon, insak insak, rehe rehe, tijur pe
Tali dohot pastap pastap, tung ditaonhon Ho sude
Paluahon au na pogos, sian tangan ni sibolis
Alani hupuji Ho, tung marribu hali do
02. Votum-Introitus
L : Marhitehite Goar ni Debata dohot Goar ni AnakNa, Tuhan Jesus Kristus dohot
Goar ni Tondi Parbadia, na tumompa langit dohot tano on. Amen. Na gabe
pangoloi do Kristus paima mate, pola tung mate tarsilang. Di dia angka
soropmi,   ale hamatean ? Di dia pangagoonmu, ale banua toru?
H : Singkat ni las ni roha, tohapna i hian, so dietong i hailaon, gabe hundul di
siamun ni habangsa ni Debata.
L : Paingotingot hamu ma Ibana, na pataontaon paraloan sisongon i dompak Ibana
sian si pardosa, asa unang marnaloja hamu, unang mandate tondimuna. On do
birubiru ni Debata na mamorsan dosa ni portibi on, Haleluya.
H : (mangendehon): Haleluya…….Haleluya……..Haleluya…….
L : Martangiang ma hita. O Tuhan Jesus, Birubiru ni Debata, na mamorsan dosanami
! Na jongjong do hami di joloM, marningot Ho, na targantung i. Tangkas do
huantusi hami habebernit ni na tinaonMu di dolok Golgatha. Tungki do hami
marningot dosanami na mangkorhon hamamateM i. Asi ma rohaM, urupi ma
hami, asa gabe upa ni halojaonMu hami. Amen.
Hundul
03. Marende huria No. 622 : 1 “Mansai nalnal di angka partingkian”
Mansai nalnal di angka partingkian. Sinondang ni silangMu Tuhanki
Sian hatiuron na marsinondang. HolongNa na so halampoan i
Sudena bangso do marpanghirimon. Tu sondang ni asi ni roha i
Songon parluga na manghalungunhon. Parbinsar ni mataniari i

04. Patik :
1
 L : Patik ni Debata di hita di Parningotan Ari Hamamate ni Tuhan Jesus sadarion, i
ma na tarsurat di Rom 6 : 11 : Suman tusi ma rajumi hamu dirimuna songon
naung mate di dosa i, alai mangolu di Debata di bagasan Kristus Jesus!Antong
rap mangido gogo ma hita sian Tuhan Debata!
H : Ale Tuhan Debata, sai pargogoi ma hami mangulahon na hombar tu
PatikMi! Amen.
05. Marende huria No. 79 : 1 “Di na ponjot rohangku” (Jongjong)
Di na ponjot rohangku binaen ni dosangki
Paingot au Tuhanku di hamamateMi
Di hau na pinarsilang i digarar Ho utangku marhite mudarMi
06. Manopoti dosa/bagabaga ni Debata taringot tu hasesaan ni dosa.
L : Tatopoti ma dosanta na godang i tu jolo ni Debata, jala tapaunduk ma rohanta
martangiang. Ale Tuhan Debata, Ama ni Tuhannami Jesus Kristus, Ho do
Debata pargogo na so hatudosan, sitompa nasa na adong, paruhum na tigor, na
manguhumi jolma manisia ! Na ro do hami tu joloM manopoti dosanami, angka
na huula hami marhite sian pangalaosionnami di PatikMu, i ma marhite sian
tubutubu ni rohanami na roa i, nang sian pangkataionnami na so ture, ro di
pangoloionnami di hisaphisap ni rohanami. Na tama situtu do hona uhum hami
ala ni dosanami i, alai na tarsolsolbagi do hami nuaeng ala ni i. Asi ma rohaM di
hami, ale Debatanami. Pardengganbasa jala Parasi roha do Ho ala ni Anak
haholongan ni rohaM, Tuhan Jesus Kristus Tuhannami. Sai sesa ma dosanami
saluhutna, jala suru ma Tondi Parbadia tu rohanami be, asa tarbahen hami
mangoloi Ho di bagasan hatigoran dohot habadiaon, gabe sahat hami tu
hangoluan na so ra suda, na pinarbagabagaM di angka na porsea di AnakMu,
Tuhan Jesus Kristus, Tuhannami.
H : (mangendehon BE. 681 : 1) Ale Amang asi rohaM
Ale Amang asi rohaM di au pardosa on,
         Unduk do rohangkon nuaeng marsomba di joloM.
         Unang jujur unang jujur angka dosangki.
         Sai salpuhon sai salpuhon sian rohaMi. 

L : Tabege ma bagabaga ni Debata, taringot tu hasesaan ni dosanta. Parasi roha jala

pardengganbasa do Jahowa, lambat tarrimas jala Parasiroha godang. Ndang
2
 dibahen tu hita hombar tu angka dosanta, jela ndang dibaloshon tu hita hombar
tu angka hajahatonta. Songon asi ni roha ni amaama mida angka anakna, asi ni
roha ni Jahowa di angka na manghabiari Ibana. Hasangapon ma di Debata na di
ginjang !
L+H : Amen
Hundul
07. Marende huria No. 84 : 1 “Aut na ginorga tu rohangku”
Aut na ginorga tu rohangku, bohiM di na lao mate Ho
Aut na huingot o Tuhanku, tongtong panghophopMi di au
Ai Ho do paluahon ahu, dosangku do pinorsanMi
Didaoni Ho parsahitonku, martua au binahen ni i
08. Manjaha Epistel :
L : Hata ni Debata turpuk Epistel di ari parningotan hamamate ni Tuhan Jesus
sadarion, tarsurat di Psalmen 22 : 2 - 12 “Ale Debatangku, Debatangku!
Boasa tung tadingkononmu ahu? Sai mandaodao do angka hata ni
anggukkon sian hatuaonku.
H : Ale Debatangku, sai joujou do ahu arian, alai ndang mangalusi Ho, jala
borngin pe ndang jumpang ahu hasonangan.
L : Alai nabadia do anggo Ho, marhabangsahon angka pujipujian ni Israel.
H : Marhaposan tu Ho do angka ompunami, pos do rohanasida, jadi dipalua Ho
do nasida.
L : Tu Ho do nasida mangangguhi, jadi malua ma nasida, marhaposan tu Ho do
nasida, jadi ndang tarurak.
H : Alai gea nama ianggo ahu, ndada jolma, haeleson ni halak jala parbilean ni
natorop.
L : Sude angka na marnida ahu marengkelengkelihon ahu, dipangangang do
babana huhut mangupirupir.
H : "Tu Jahowa ma nian dipasahat, asa dipalua ibana, dipangolu ma nian ibana,
ai lomo do rohana mida ibana.
L : Ho do tongon na manait ahu sian ampuan, sipapos rohangku, mangonsop
bagot ni dainang.
H : Dung tubu ahu, sai Ho do parsigantunganku, sian butuha ni dainang dope sai
Ho do Debatangku.

3
 L : Unang mandaodao Ho sian ahu, ai donok nama parmaraan, ai soadong
sipartumpak
Ima sahatna. Martua do angka na tumangihon Hata ni Debata jala na
umpeopsa. Amen.
09. Marende huria No. 83 : 1 “Na lao do birubiru i” (jongjong)
Na lao do Birubiru i, mamorsan angka dosa.
Ni nasa hajolmaon i, di benget ni rohaNa
Diporsan do sahitta i, dilehon do diriNa i
Tu tangan ni pamunu, ditaoni do na bernit i
Rodi na tos hosaNa i, didok : naeng porsanonku
10. Manghatindanghon Haporseaon
11. Boaboa
12. Marende huria No. 86 : 1 – 3 “Silang na badia i” (P.P. 1a + 1b)
Silang na badia i Ho do lombulombungki
Maralohon dosa i dohot pandelean i
Di sude sitaonon i Ho ma lombulombungki
Nasa na huula i ndang tau hasonanganki
Nang ringkot pe rohangki pola ro nang ilungki
Holan asi ni rohaM, pangurupi o Tuhan
Ro do au nuaeng tu Ho, sai palambas ma rohaM
Nunga pola mate Ho, ala asi ni rohaM
Jangkon au na dangol on sai ulosi tondingkon
13. Jamita : Lukas 23 : 44 – 48
14. Marende huria No. 88 : 1 – 3 “Di surgo do alealenta” (P. P. 2)
Jesusku naung manobus ahu sai naeng haholonganku Ho
Tu dolok Golgata Ho laho Nionjar ni holongMu do
Hupuji nasa asiMi Alai gumodang holongMi

Tarsolsol bagi do rohangku Paidaida dangolMi

Marningot sasude dosangku Ai i do na tinaonMi
Hupuji nasa asiMi Alai gumodang holongMi
4
 Jotjot nai husoadahon Ho Sipangolu tondingkon
Mabiar lao manghatindangkon Ho na manghophop au tongon
Hupuji nasa asiMi Alai gumodang holongMi
15. Tangiang Pelean- Ale Amanami/tangiang ari hamamate-Pasupasu-Amen