ACARA PARNINGOTAN

ARI HAHEHEON NI TUHAN JESUS

Tema:
KUASA KEBANGKITAN YESUS

Sub-Tema:
Dengan Kuasa Kebangkitan Yesus,
Kita Bangkitkan Semangat dan Bangun Kebersamaan Hidup
di Tengah Ancaman Pandemik Virus Corona
(Matius 28 : 1 – 10)

Minggu, 12 April 2020

HKBP NOMMENSEN PANANG JAYA RESSORT PLAJU
01. P A N G A R A D E O N ... Martangiang na hohom ...

02. JOUJOU TU PARSAORAN

U : Selamat Ari Paskah ma nang di hamu ama dohot inanami Parhalado ni
huria on. Dipasupasu Tuhan i ma parsaoranta sadari on. Tarlumobi
panghobasionmuna di parmingguon on, bahen sangap di Goar ni Tuhanta
i.
Antong tapungka ma Parmingguonta di Pesta Bolon Parningotan Ari Haheheon
ni Tuhan Jesus sadari on, marende ma hita:

03. Marende BE. No. 93 : 1 -2 “Pesta Paskah”

Pesta Paskah hatuaon, pesta Paskah haluaon .
Sian hamatean i, sian hamatean i.
Tuhan Jesus do pasuang, hangoluan, hasonangan, tu saluhut jolma i.
Talu ho banua toru, ndang tarbahen tioponmu.
Raja Siparngolu i, Raja Siparngolu i.
Hamatean, hamonangan, na so pola habiaran, nunga talu i sude.

04. VOTUM – INTORITUS – TANGIANG

U : Marhitehite Goar ni Debata Ama, Debata sitompa nasa parluhutan, laos sitompa
ngolu na imbaru dibagasan Kristus Jesus naung hehe i. Debata na sian na robi
sahat ro di salelenglelengna, Bonana laos Ujungna. Dohot Goar ni AnakNa
Tuhan Jesus Kristus. Debata na tuat sian banua ginjang, tubu di bagasan daging
sian siubeon ni sada na marbaju. Mate di hau pinarsilang jala mulak mangolu di
ari patoluhon humophop jolma pardosa.
H : Sombanami ma di Ho Tuhan! Dohot Goar ni Tondi Parbadia, Debata na
tongtong mian jala maringanan di ngolu ni angka na porsea. Ibana do Tondi
Sipardame jala Pangapul tu sude na marsak. Sombanami ma di Ho, Ale Tuhan! P
U : Unang Ho mabiar, Ahu do bonana dohot ujungna. Na mangolu do jala naung
mate do Ahu najolo, jala ida ma: Ahu do na mangolu ro di salelelng ni lelengna,
jala di Ahu do anak hinsu ni banua toru dohot hamatean, Haleluya !
H : (mangendehon) Haleluya, Haleluya , Haleluya.
U : Martangiang ma hita:
2
 “Ale Tuhan Jesus, Tuhannami ! Na mandok mauliate do hami tu Ho, ala
ditaluhon Ho do dosa dohot hamatean marhitehite hamamateMi, ala
disondangi Ho tanomannami, asa marpanghirimon na mangolu hami ala
haheheonMi. Alani unang be mabiar hami, nang pe di na tongon mangadopi
hamaolon ala sahit virus korona portibi on. Ai nunga dipaunsat Ho do hami
sian haholomon tu hatiuron, sian hamatean tu hangoluan. Antong, pargogoi ma
hami mamuji dohot mangoloi Ho jala pasangaphon Ho di bagasan haporseaon
na mangolu, paima sahat hami tu lambungMu, Amen !”
… Hundul …

05. Marende BE. No. 96: “Nunga talu hamatean”

Nunga talu hamatean dibaen Tuhan Jesus i.
Ai na hehe do Ibana songon na nidokNa i.
Haleluya, Haleluya, nunga hehe Jesus i
Haleluya, Haleluya, nunga hehe Jesus i

06. PATIK NI DEBATA

U : Patik ni Debata di minggunta sadari on, tongon di ari Haheheon Ni Tuhanta
Jesus sian Hamatean, tarsurat di 1 Korint 15 : 13 - 14, songon on ma hataNa:
Alai anggo so adong haheheon ni angka na mate, ndang na hehe nang
Kristus.
H : Ai anggo so hehe Kristus sian angka na mate, rumar ma jamitanami, laos
rumar ma nang haporseaonmuna ?
U : Ido sahatna. Antong rap mangido gogo ma hita tu adopan ni Debata.
S: Ale Tuhan Debata, sai pargogoi ma hami, mangulahon na hombar tu
patikMi, Amen !

07. Marende BE. No. 90: 1 “Sai Marlas Ni Roha Hita”

Sai tapuji ma Tuhanta, ale hajolmaon i
Ai naung hehe do Tuhanta, sian hamatean i
Dipasidung Jesus i, ulaonNa sasude
Patupahon haluaon, di saluhut hajolmaon
08. MANOPOTI DOSA

3
U : Hamu angka dongan sahaporseaon di bagasan Goar Ni Tuhanta Jesus Kristus!
Na jongjong do hita di adopan ni Debata, tongon di Minggu Parningotan Di
Haheheon ni Tuhan Jesus sadari on. Ndang tagamon so sonson angka dosanta i
manosak sahat tu ateate, pusupusu dohot ringring ni pingkiranta; mangkarati,
manghilhili jala manegai ngolu ni haporseaonta. Ala ni i, tungki ma rohanta di
jolo ni Debata na sun Timbul i, mangido hasesaan ni dosanta, anggiat
marasiroha Debata tu hita manalpuhon sude hamaolon ni bangsonta na sonson
diadopanta nuaeng.
SL : (Mangendehon BE. No. 686:1)
Ramun do au di joloMi, gok dosangki urasi au.
O Jesus Birubiru i, dison do au, patau ma au.
U : Ale Jahowa, huparhatopot hami do angka dosanami na sai laon, tongon di Ari
parningotan HaheheonMi sadari on. Hami do na ‘pasahat’ Ho tu angka soldadu
i gabe tarsilang di hau pinarsilang i. Dosanami dohot ianakhonnami do
manggadehon Ho, umbahen manaon ho di na bernit i. Huparhatopot hami ma i
nuaeng di joloM. Nunga las rohanami ala dihamonanghon Ho do sitaononMi
marhite haheheonMu sian na mate. Jala mauliate ma di Ho, sai dohot ma hami
dapotan upa ni hamonanganMi, malua ma hami sian angka panahit na sonson
di adopannami dihasiangan on, pinuji ma GoarMu na Badia i , asi ma rohaM!
H : (Mangendehon BE. No, 686: 2)
Na ro do au tu joloMi, gale do au, urupi au.
O Jesus ala mudarMi, dison do au, patau ma au.
U : Ale Jahowa! Jotjot do ngolunami songon na ‘bersandiwara’: anggo mamereng
ringgasnami nian marminggu, markoor, mangihuthon angka punguan ni huria
dohot partangiangan, nunga tardok nian hami angka parhaporseaon naung
tang. Alai di pudi ni angka ibadah seremonial na huihuthon hami i, godang do
pangansion di hami. Hata ndang sadalan dohot pambahenan, Ibadah ndang
marsaor dohot parange na denggan, tangiang ndang mardalan rap dohot
kejujuran di ulaon siganup ari. Ala ni i Ale Tuhan, Asi rohaM, sai sesa dosanami
jala paimbaru roha na marhaporseaon tu Ho, marhite Jesus Kristus Anak
haholongan ni rohaM.
H : (Mangendehon BE. No, 686: 3)
Ala denggan ni basaMi, ro au tu Ho, O Jesuski.

4
 Parbadia ma rohangki, dison do au, patau ma au !
U : Antong tapangke ma jolo tingki satongkin, hohom ma hita di adopan ni Debata
mangido asi ni rohaNa, asa disalpuhon angka hamaolon di tonga ni bangsonta
nuaeng.
Martangiang ma hita di bagasan rohanta be :
H : (Diuduti ma muse mangendehon BE. No. 686: 1. Satonga soara)
Ramun do au di joloMi, gok dosangki urasi au.
O Jesus birubiru i, dison do au patau ma au !

U : Bagabaga ni Debata, taringot tu hasesaan ni dosa :

Holong do roha di Debata di angka na marhaposan tu Ibana. Disesa do angka
dosanta sudena jala dipamalum do angka sahitmu sudena. Durus do mudarna
di hau pinarsilang laho humongkop hita be. Hasangapon ma di Debata na di
ginjang,
S : Amen!

09. Marende BE. No. 699 : 1 “Singkop Do Asi Ni RohaM”

Singkop do asi ni rohaM tu au na dangol on
Na lilu ahu nahinan, nuaeng jumpang do

10. EPISTEL
U : Epistel di Pesta Ari Haheheon ni Tuhanta sadari on, i ma na tarsurat di
Johannes 11 : 25 – 27, Tajaha ma marsingkat soring :  Dung i ninna Jesus ma
mandok ibana: Ahu do haheheon dohot hangoluan; na mangolu do na porsea di
Ahu, nang pe mate ibana!
H : Jala ganup na mangolu jala na porsea di Ahu, na so tupa mate ibana
salelenglelengna! Porsea do ho disi?
U : Dung i didok ma tu Ibana: Olo, Tuhan, na porsea do ahu: Ho do Kristus, Anak ni
Debata, na naeng ro tu portibi on. Ido sahatna ! Martua do angka na
tumangihon Hata ni Debata, jala na umpeopsa.
S : Amen.

11. Marende BE. No. 89 : 3 “Ate Di Dia Soropmi?”

Mangolu do na mate i, hurungan di lohahon.
Dirante do musuNa i, tabanNa diarahon.
Tung ise na mangate be, mangalo ulubalang i.
Na so tarbaen so monang

5
12. MANGHATINDANGHON HAPORSEAON
U : Di na tongon masa nuaeng sonson sitaonon di sandok portibion ima sahit Virus
Corona, ingkon pos do rohanta tu Tuhan Debata na sai ramotanNa do hita.
Alani i tahatindanghon ma Haporseonta i, songon panghatindangion ni
donganta sahaporseaon di sandok portibi on, rap ma hita mandok:

S : Ahu porsea di Debata Jahowa…du…

13. TINGTING

14. Marende BE. No.94 : 1 “ALE TONDINGKU NAUNG HEHE”

(Pasahat Pelean Ia & Ib)
Ale tonding ku naung hehe TUHAN mu
Nungnga di taban do banua toru
Las ma roham ai martua ma ho
Rap dohot JESUS mangolu ma ho
Rap dohot JESUS mangolu ma ho

15. JAMITA : MATIUS 28 : 1 – 10

Hamu angka dongan sahaporseaon di bagasan Goar ni Tuhanta Jesus
Kristus di sandok portibion. Ari na balga do sadari on di sandok halak Kristen na
adong di liat portibi on. Ai marningot hita di Peristiwa Agung Haheheon Ni
Tuhanta Jesus Kristus sian na mate. Jotjot do tagoari: “Ari Paskah”. Hata Paskah,
na ro do i sian hata Heber na mandok: “Pasyah”, lapatanna Lewat, salpu, disalpui.
Pesta Paskah i ma parningotan di haluaon na pinatupa ni Debata tu halak Israel
na di parhatobanan ni Mesir. Di borngin na parpudi, tagan so ruar nasida, sude
bagas ni bangso i ingkon disapuhon dohot mudar ni birubiru hombar tu tona ni
Debata. Ganup bagas na ‘sap mudar’ di baba ni pintu ni bagas i, boluson ni
surusuruan i ma, alai ganup bagas na binereng ni surusuruan i ndang marsap
mudar, mate ma anak buha baju sian tongatonga nasida. Marhite i ma boi ruar
bangso i sian parhatobanan i, mulak tu tano bagabaga di Kanaan, mamolus
parhorsihan dohot tingki na mansai leleng situtu. On ma na pinatupa ni Jesus
marhite hamamate dohot haheheonNa. Di na hehe Ibana sian hamatean i, ‘lewat’
manang ‘salpu’ ma uhum na tu halak na porsea di Ibana, jumpangsa ma
hangoluan na so ra suda, na pinarbagabaga ni Tuhan i di angka na porsea di Ibana.
Alani nang pe masa nuaeng di tonga-tonga ni portibion, secara khusus di
bangsonta wabah virus Corona, namambahen sude hita mabiar. Marhite ari
paskah sadarion paingothon hita saluhutna angka naporsea di Tuhan Jesus na tau
‘lewat’ manang ‘salpu’ do i bahenon ni Tuhan Jesus.

6
 Molo tapamanat turpuk jamita I, barita haheheon parjolo dipatudu tu angka
parompuan , didia angka bawa? , didia angka sisean ni Jesus i. barita na utama ,
barita halongangan bolon parjolo sahat tu angka parompuan ima barita
haheheon ni Jesus i. Hape mangihihut hon hasomalan di Jahudi parompuan ima
jolma nasopola siparetongkonon di hajolmaon (dang dianggap), alai haheheon ni
Jesus Tolhas tu nasida. Alani ni I Naeng lam tapaunduk rohanta tu huaso ni Jesus
lomobi ma dipartikian nuaeng on, asing do cara ni Jesus sian anggapan ni
hajolmaon lao pasidungkon sahit beguantuk namanisip nisip on manang covid-
19. Paunduk ma roham tu holong Na dohot tu huaso Na, dungi longang ma ho
patupaon Na.
Haheon ni Jesus, mandok Paubahon. Muba, berobah, marhosing, reposisi,
Syub (Saulus gabe Paulus) , sahat tu Zat boi do dipauba Jesus ( Aek gabe anggur),
kondisi/ hamamasa namarsahit gabe malum hipas (Yang buta di celikkan, sakit
lepra disembuhkan, bahkan dao sian pamikirion ni jolma, namate dipangolu).
Nang situasi, namale dipabosur, nasoadong gabe adong ( Lihat Kisah : Lima roti
dan dua Ikan). Nuaeng di haheheon ni Jesus, INGKON pos do rohanta boi do
paubaon ni Jesus nang namasa na di hita, Sian na mencekam perasaan ni sisean I
gabe hinca muse ai nungnga hehe Jesus na, Sian na martabuni di sada jabu si sean
I gabe borhat nasida mallojongi mamaritahon haheheon ni Jesus i. Alani I dihita
ruas ni HKBP Nommensen Panang Jaya na hinaholongan ni Jesus, Haheon ni Jesus
laos baga baga ni Debata do di hita, Pasahaton na do muse tikki di hita dao sian
sahit-sahit, pasahaton ni TUHAN ta do tu hita Tikki muse mallojongi sian na
mangkurungi lao mamaritahon asi ni roha ni Tuhanta. Pos roham baoron ni
Debata do COVID-19 (Begu antuk namanisip nisip ) on dao sian hita.
Ala ni i, jangkon hamu ma tabenami Parhalado ni huria on: Selamat Ari
Paskah ma di hita !

16. Marende BE. No.: 1 “HATUAON DO”

(Pasahat Pelean II. Tumpak tu Kategorial Parompuan)
Hatuaon do, Las ni roha do, hangongot ni TUHAN ta I
;; Mago do hita ngot ma TUHAN ta
Las be las be ma rohanta i

17. PARSURUON TU NGOLU SIAP ARI

U : Nunga Hehe Kristus ! I do proklamasi na mansai arga sian Pesta Parningotan
Haheheon ni Tuhanta Jesus sadari on. Lapatanna, ndang hot Jesus di udean,
ndang adong hagogoon dia pe na boi mangihoti Ibana di toru ni situmandok i.
Ndang adong na boi mambahen hita ganggu jala hurang porsea di ulaon
hahohomion i. Boha tarjalo roham do i ? Boha do alusmu tu na masa i ?
7
H : Porsea do ahu, nunga hehe Kristus Jesus sian hamatean. Ala ni i, ingkon
lam margogo au di tonga na masa wabah virus Corona on, laho
mangihuthon Ibana.
U : Songon Jesus naung hehe sian na mate. Ibana do gabe patumonaan ni
haheheonku rap dohot angka na porsea i, di ari sogot.
H : Ndang be huhabiari hamatean, uhum sogot dohot banua toru. Ala nunga
tardidi ahu tu bagasan Goar ni Ama, Anak dohot Tondi Parbadia. Nunga
dohot au mate di bagasan Hamatean ni Kristus i jala dohot do nang ahu
dipahehe, di bagasan Haheheon ni Jesus i. Ala ni i, nunga parjambar au di
hangoluan sogot. Jala naeng marsitutu au mangihuthon Ibana. Amen.

H+U,: (mangendehon)……….. Nasa na ni lehon Mi I, tondi ro di pamatang ku,

hupasahat I tu Ho, na so unsatonku do.

U: Ale ama nami,,,,,,,,,,,,,,,,,,,,,,du (tangian hatopan)

H: (mangndehon )………………Ai ho do nampuna Harajaon, dohot hagogoon ro

di hasanagapon, saleleng ni leleng na Amen
H+U : AMEN …AMEN…AMEN…