PARTORDING NI PARMINGGUON

DI MINGGU PESTA NATAL II

Ev.Johannes 1: 14 - 18 Ep. Jesaya 52: 7 – 10

TOPIK:

GABE DAGING MA HATA I

HURIA KRISTEN BATAK PROTESTAN

Minggu, 26 DESEMBER 2021
01. PAMUHAI :
U : Huria na hinophop ni Tuhanta Jesus Kristus! Pinuji ma Debata ai
ditopot do bangsoNa ala holong ni rohaNa tu jolma na tinompaNa i.
Alan i i, mangasahon holong ni roha ni Tuhan i, hupasahat hami ma tu
hamu saluhutna: Selamat Hari Natal ma di. Dame ni Debata ma saor
tu hita saluhutna.
R : Ima tutu, Ai songon on do holong ni roha ni Debata di portibi on,
pola do Anakna na sasada i dilehon, asa unang mago ganup na
porsea di Ibana, asa hangoluan na saleleng ni lelengna di Ibana.
Alani i, hami pe dohononnami ma di Pesta Natal na paduahon
on: Selamat hari Natal ma di hamu parhaladonami.
U : Tung sumurung do las ni rohanta sadari on mamestahon ari Pesta
Natal paduahon on, ala tongon di ari Minggu nuaeng pesta paduahon
on tapestahon. Alani i sai digohi Tuhan i ma di hita asi ni rohaNa, ala
nunga gabe Daging Hata i, jala maringanan di tongatonga ni hita on
songon topik ni Minggunta sadari on: GABE DAGING MA HATA I.
R: Nunga huida hami hasangaponNa i, i ma hasangapon ni Anak sasada
na sian Ama i, gok asi ni roha dohot hasintongan.
U: Antong las ma rohanta, taungkap ma rohahanta be, marende ma hita
manjanghon Rajanta, marolopolop ma hita! Marende ma hita!
02. Marende BE No. 605 : 1 - 3 “LAS MA ROHAM” BL. 605
 Las ma roham! Tuhanta ro; Gumomgom sasude. Ungkap roham,
jangkon Rajam, marende ma sude, marende ma sude. Marende,
marende ma sude.
 Tano nang laut, harangan i; Nang awangawang i; Hauma i nang
sunge i, olophon Raja i, olophon Raja i. Olophon, olophon Raja i.
….Musik….
 (Jongjong) Bura binaen ni dosa i, marujung ma disi. Ai nunga ro
Mesias i, mamboan dame i, mamboan dame i. Mamboan, mamboan
dame i.

03. VOTUM – INTROITUS – TANGIANG: A II/ A.I – D.II/8

U : Marhitehite Goar ni Debata Ama dohot Goar ni AnakNa Tuhan Jesus
Kristus dohot Goar ni Tondi Parbadia, na tumompa langit dohot tano
1
 on. Amen. Dung i gabe daging ma Hata i, jala maringanan di
tongatonga ni hita on, jadi huida hami ma hasangaponNa songon
hasangapon ni anak sasada na sian Ama i, gok asi ni roha dohot
hatutuon. Haleluya!

R : (Mangendehon): BE No. 852: 1 “Haleluya (3x) HKBP”

BL 852
Haleluya, Haleluya, Haleluya!
U : Martangiang ma hita! Ale Amanami, Ama ni Jesus Kristus Tuhannami,
na tubu di huta Betlehem! Sai pinuji ma GoarMu na badia i, ala naung
ditingkir Ho hami bangsoM. Ditogutogu Ho do hami sian haholomon tu
hatiuron jala dipadomu Ho do hami, na holang hian sian Ho, gabe saor
muse dohot Ho. Gok halalas ni roha do hami ala ni i. sai jalo ma
hamauliateon ni rohanami, naung tinopotMu marhitehite AnakMi.
U+R: Amen.
(Hundul)

04. Marende BE No. 614 : 1, 2 “RO MA HO TU AU” BL 614

 Ro ma Ho tu au, O, Jesus Tuhanki, sian banua ginjang tu rohangki.
Ro ma ho tu au, O Tuhan Sipalua i, dame binoanMu ndang na
tarasam i O Tuhanki.
 Asi ma rohaM di au O Tuhanki, sai jalo ma tangiang nang endengki.
Songon si Maria ina na martua i, baen nang au martua ala haroroM i,
O Tuhanki.

05. PATIK:
U : Tatangihon ma patik ni Debata di Pesta Natal Paduahon sadari on ima
na tarsurat di Jakobus 4:7-8. Antong, oloi hamu ma Debata; alo hamu
ma sibolis i, dung i maporus ma ibana sian hamu.
R : Pajonok hamu ma tu Debata, dung i pajonohonna ma tu hamu! Paias
ma tanganmuna, hamu angka pardosa, jala pabontor ma rohamuna
hamu angka na mardua roha
U : Antong rap mangido gogo ma hita sian Tuhan Debata!

2
 U+R: Ale Tuhan Debata, sai pargogoi ma hami mangulahon na
hombar tu PatikMi. Amen.
06. Marende BE No. 51 : 1, 2 “TOLE PUJI MA TUHANTA”
BL 31
 Tole puji ma Tuhanta, tu Ibana ma rohanta, Asa girgir parendenta,
ale dongan Kristen i.
(Jongjong)
 Dosa dohot hamatean, bolis dohot hamagoan Talu ala naung diboan
Jesus hangoluan i.

07. MANOPOTI DOSA: (B; 5)

U : Tatopoti ma dosanta na godang i tu adopan ni Debata, martangiang ma
hita! Ale Tuhan Debata, Amanami na di banua ginjang! Ho do na
patupahon hasesaan ni dosa di hami halak na dangol on marhitehite
Anak haholongan ni rohaM.
R : Sai asi ma rohaM di hami, angka na mangarsakhon dosanami. Sai
sahapi ma tu bagasan rohanami hasesaan ni dosanami i.
U : Lehon ma tu hami TondiM na badia i, asa unang ganggu rohanami di
asi ni rohaM, alai asa hot rohanami marhaporseaon laho
manggotaphon nasa dosa dohot roha portibi on, asa hupasahat hami
dirinami tu Ho, gabe pelean na mangolu jala na badia marhitehite
Tuhan Jesus Kristus Tuhannami.
R : Ale Tuhan Jesus Kristus Anak sasada ni Debata, asi ma rohaM di
hami, sai sesa ma dosanami saluhutna.
U : Ale Tuhan Jahowa, na gok asi ni roha dohot hasintongan do Ho, sian
hamoraonMu do hami saluhut manjalo jala mangolu; asi ma rohaM di
hami sai unang paingotingot pangalaosionnami, sai sesa ma saluhut
dosanami, Ho naung gabe Daging jala maringan di tongatonganami.
Amen!

(Martangiang na hohom huhut manghuling Organ

angonangon, BE No. 701 sada ayat, “Tu Ho do au marpadan” BL 701)

3
 U : Bagabaga ni Debata Taringot tu hasesaan ni dosanta : Songon on
do Hata ni Tuhan Jahowa: Nunga diarsahi Ho Ahu marhite sian angka
dosam, jala nunga dilojai ho Ahu marhite sian angka hajahatonmu.
Ahu tutu, Ahu sandiri manalesei angka pangalaosim ala ni
hadirionKu, jala ndang be Hupaingotingot angka dosam. Hasangapon
ma di Debata na di ginjang!
R : Amen.
(Hundul)
08. Marende BE No. 52 : 1, 2 “HATUAON DO” BL 55
 Hatuaon do las ni roha do, Hatutubu ni Jesus i! ;,;Mago do jolma
Ro ma Tuhanta, Las be las be ma rohanta i!;,;
 Hatuaon do, las ni roha do, Hatutubu ni Jesus i! ;,;Domu do hita tu
Debatanta, Las be, las be ma rohanta i!;,;

09. E P I S T E L :
U : Hata ni Debata turpuk Epistel di Minggu jala Pesta Natal Paduahon
sadari on, tarsurat di Jesaya 52: 7 - 10 : Lehetna i di atas ni angka
dolok angka pat ni parbarita na uli, na patubegehon hadameon, na
mamaritahon barita na uli, na patubegehon hatuaon, na mandok tu
Sion: Debatam do bangkit Raja.
R : Soara ni jolma parhalmu, angka dipangiar be soarana rap
marolopolop, ai adop bohi be diida nasida, molo mulak Jahowa tu
Sion.
U : Pangiar ma soaramuna rap marolopolop ma hamu, ale angka pasipasi
ni Jerusalem, ai nunga marpangulahi roha ni Jahowa mida bangsona,
nunga dipalua Jerusalem.
R : Nunga pola dipatoltol Jahowa tanganNa na badia i di adopan ni
saluhut bangso parbegu, jadi saluhut ujung ni tano on marnida
hatuaon ni Debatanta.
U : Ido sahatna. Martua do angka na tumangihon Hata ni Debata jala na
umpeopsa. Amen.

10. Marende BE No. 47 : 2,3 “AUT NA SARIBU HALI GANDA” BL 103

4
  Ianggo ho ale tondingku, sai jangkon ma Panondang i! Sai unang
ma lea rohamu dibaen hametmetonna i; Pabalionna do sude, Sibolis
dohot dosa pe.
(Jongjong)
 Panondang on do papatarhon na so hea niidami, Dibahen i sai
hangoluhon, sondangna i tu tondimi; Ai i do hasonanganmi di na
lao sego sasude.

11. MANGHATINDANGHON HAPORSEAON:

U : Tahatindanghon ma haporseaonta i, songon na hinatindanghon ni
donganta sahaporseaon di sandok portibi on. Rap ma hita mandok!
R : Ahu porsea …..d.u.
(Hundul)

12. TINGTING + TANGIANG PANGONDIANON

13. Marende BE No. 56 : 1 - - “SAI RO MA HAMUNA” BL 139
(Pelean Ia, Ib)
 Sai ro ma hamuna angka na porsea. Sai ro ma hamuna tu Betlehem.
Ida dakdanak, Sipalua hita. Tasomba ma Ibana, tasomba ma Ibana,
tasomba ma Ibana Rajanta.
 O Raja na sangap, Tuhan ni saluhut, ditaon Ho na porsuk di tano
on. Ala ni jolma na di hamagoan. Tasomba ma Ibana, tasomba ma
Ibana, tasomba ma Ibana Rajanta.
…..Musik…..
 Hamuna suruan, puji ma Jahowa, rap dohot sude na martua i.
Sangap di Tuhan Debata di surgo! Tasomba ma Ibana, tasomba ma
Ibna, tasomba ma Ibana Rajanta.

14. JAMITA: Johannes 1: 14 – 18

15. Marende BE No. 598 : 1 - - - “BEGE ENDE NI SURUAN” BL 598
(Pelean Na marboho tu Radio Bona Pasogit HKBP)
 Bege ende ni Suruan, sangap ma di Tuhan i. Nunga tubu Sipalua
Raja Sipardame i. Dipadame Debatanta do dirina tu pardosa.
Nunga tubu Kristus i di huta Betlehem i. Ende ni suruan i, sangap
ma di Tuhan i.
5
  Kristus Raja sian Surgo, tuat tu portibi on. Tubu sian si Maria, lao
manobus hita on. Debata na so tarida, gabe daging songon hita,
Nunga raphon hita be, Jesus i, Immanuel. Ende ni Suruan i, sangap
ma di Tuhan i.
….Musik….
 Jesus Raja Hadameon sondang Hatigoran i. Panondang ni
hangoluan di saluhut jolma i. Dirumari do dirina lao manobus
manisia, Asa unang mate be ala ni dosana be. Ende ni Suruan i,
sangap ma di Tuhan i.
16. PANGUJUNGI: (Jongjong)
U : Tung so tarasam do denggan basa ni Debata na tu hita, ai gabe daging
do Ibana ro manopot hita on jala maringanan di tongatonga ni hita on.
Jangkon ma Ibana naung ro mamboan haluaon i!.
R : Hujangkon hami ma Ho ale Tuhan naung ro manopot hami, ai
nunga gabe martua hami ala maringanan Ho ditongatonganami.
U : “Gabe daging ma Hata i”: Debata gabe jolma, Jesus maringanan di
tongatonganta. Dirumari do diriNa asa dapot hatuaon hita. Gabe
marmulia nang jolma huhut badia. Ala ni i tanda naung maringan
Ibana ditongatonga ni hita on, tarida ma i sian hamubaon ni rohanta,
ala naung Jesus maringan di hita.

R: (Mangendehon) BE. No. 437: 1 Tung na muba rohangku. BL.390

 Tung na muba rohangku dibaen Tuhanki, dung Jesus maringan di
au. Nunga sonang au on, tung dame rohangki, Dung Jesus
maringan di au. Dung Jesus maringan di au, dung Jesus maringan
di au, tung na sonang do au, dung tu Jesus au lao, dung Jesus
maringan di au.
U: Tapasahat ma peleanta tu harajaon ni Debata, martangiang ma
hita! Ale Debata, Amanami na di banua ginjang! Ho do haroroan ni
saluhut silehonlehon na denggan dohot nasa ulibasa na mauliutus.
Hupasahat hami ma sian na nilehonMi tu hami, peleannami tu Ho. Sai
jalo ma i gabe uap na hushus di joloM. Pasupasu ma i jala ramoti asa
huparhaseang hami pelean on, patimbulhon harajaonMu di tongatonga
ni huriaM dohot di portibi on. Buhai ma rohanami marhitehite
TondiM, asa lam hutanda hami godang ni silehonlehonMi tu hami, asa
6
 lam girgir hami mandok mauliate tu Ho, marhitehite Jesus Kristus
Tuhannami. Amen.
R : (Mangendehon) BE No. 204 : 2 “Ndang Tadingkononhu Ho”
BL 73
 Nasa na nilehonMi, tondi ro di pamatanghu.
Hosa dohot gogongki, ro di saluhut artanghu.
Hupasahat i tu Ho, na so unsatonhu do.
U: Ale Amanami na di banua ginjang! Sai pinarbadia ma GoarMu! Sai ro
ma harajaonMu! Sai saut ma lomo ni rohaM di banua tonga on songon
na di banua ginjang! Lehon ma tu hami sadari on hangoluan siapari!
Sesa ma dosanami songon panesanami di dosa ni dongan na mardosa
tu hami! Unang hami togihon tu pangunjunan! Palua ma hami sian
pangago!

R : (Mangendehon): BE No. 841: 1 “Ai Ho do nampuna harajaon” BL

841
 Ai Ho do nampuna harajaon, dohot hagogoon.
Ro di hasangapon, saleleng ni lelengna, Amen

U : Pasupasu !
R : (Mangendehon) BE No. 845: 1 “Amen (3x) HKBP”
BL 845
Amen, Amen, Amen.