PARTORDING NI ACARA

MINGGU NATAL PADUAHON

 Ev: Johannes 3 : 14 – 21  Ep: Galatia 4 : 4 - 7

TOPIK:
HOLONG NI DEBATA NA PALUAHON

Sabtu, 26 Desember 2020

I. KEBAKTIAN
1. JOUJOU TU PARSOMBAON TU DEBATA:
U : Huria ni Tuhanta, sadarion, i ma pesta paduahon mamestahon
Parningotan Hatutubu ni Tuhanta Jesus Kristus, alani hupasahat hami
ma tu hita saluhutna : “Selamat Hari Natal”.
R : Selamat Hari Natal.
U : Marpungu do hita nuaeng manghamauliatehon balga ni holong ni
Debata tu portibi on umbahen na ro Ibana paluahon hita.
R : Mandok mauliate do hami tu Debata, ala ni godang ni asi ni rohaNa
di hami; ai dibasabasahon AnakNa na sasada i tu hami na di
pardangolan on, asa unang mago, alai asa dapotan hangoluan na
salelenglelengna di Ibana.
U : Antong tapahibul ma rohanta manjangkon Ibana tubu di rohanta nang
di parsaoranta marhite parmingguonta di ombas on. Tapungka ma
parsombaonta tu Tuhanta, tapahombar ma ngolunta mandapothon
parsaoran Nabadia i, marende ma hita :
2. Marende BE. No. 615: 1,3 TARBEGE SURUSURUAN MARENDE
 Tarbege surusuruan marende mansai uli.
Angka dolok dohot rura, gok do saringar na i.
Reff: Sangap ma sangap ma di Tuhan, sangap ma sangap ma di Tuhan.
 Borhat ma hamu marnida, tu huta Betlehem i, (Jongjong)
Somba Kristus Sipalua, naimbaru tubu i.
Reff: Sangap ma……
3. VOTUM – INTROITUS – TANGIANG:
U : Marhitehite Goar ni Debata Ama dohot Goar ni Anakna Tuhan Jesus
Kristus dohot Goar i Tondi Parbadia. Amen. Nunga patar hangoluan i,
jala nunga huida hami jala nunga huhatindanghon hami dohot
hubaritahon hami tu hamu hangoluan na saleleng ni lelengna, na di
lambung ni Ama i hian jala naung patar di hami. Haleluya!
R : (Mangendehon) Haleluya….Haleluya…..Haleluya…
U : Martangiang ma hita: Ale Tuhan Debata, Amanami na di banuaginjang.
Mandok mauliate do hami tu Ho, ala ni godang ni asi dohot holong ni
rohaM di hami; ai dibasabasahon Ho do AnakMu na sasada i tu hami na
di pardangolan on, asa malua hami marhitehite Ibana sian dosa dohot
hamatean saleleng ni lelengna. Hupangido hami tu Ho, sai sondangi ma
rohanami na holom i marhitehite Tondi Parbadia i; angkup ni i sai
parrohai ma hami, asa huboto hami mandok mauliate tu Ho, asa tarapul

2
 situtu rohanami di hagogotan dohot dipangunjunan marhitehite
AnakMu, Tuhan Jesus Kristus Tuhannami. Amen. (Hundul)
4. Marende BE No. 59: 1,7 O JESUSHI HUPUJI HO BL. 34
 Jesuski hupuji Ho, dibaen naung gabe jolma Ho
Ditopot Ho do hami on, na dangol di portibi on
 I ma binaen ni Jesus i, pataridahon holong ni,
RohaNa na tongtong basa, i pe tapuji Debata.
5. P A T I K:
U : Tangihon hamu ma Patik ni Debata di Pesta Natal na paduahon on na
tarsurat 1 Johannes 4: 16 – 19, Nunga tatanda jala tahaporseai holong ni
roha ni Debata di hita. Debata do haholongon i; Jala halak na mian di
bagasan haholongan, i do na mian di bagasan Debata jala Debata di
bagasan ibana.
R : Disi ma gabe tipak holong ni roha i di bagasan hita, pola marhiras
ni roha hita di ari paruhuman i; ai songon Ibana, songoni do nang
hita di portibi on.
U : Ndang adong biar dibagasan holong ni roha i; alai dipabali holong ni
roha naung rimpas i do biar i. Ai nabernit do anggo biar; jala ndang
rimpas holong ni halak na mabiar. Marroha holong ma hita, ala Ibana
jomolo manghaholongi hita. (Antong rap mangido gogo ma hita tu
adopan ni Debata).
R : Ale Tuhan Debata Sai Pargogo i ma hami mangulahon na hombar
tu PatikMi. Amen.
6. Marende BE No. 600: 3,4 DI BORNGIN NA SASADA I
 Sai dipatunduk dosa i huhut tinompaMi,
Sai naeng disoadahon do barita dame i,
Antong hamu pardosa i pauba rohami
Tangihon ni endehon ni suru-suruan i.
 Hamu angka na loja i jala na sorat i, (Jongjong)
Binaen ni angka dosami dapothon Tuhan i,
Tingganghon hinolsohonmi tu Sipalua i,
Auhon ni endehon ni Suru-suruan i.
7. MANOPOTI DOSA:
U : Huria ni Tuhanta, na jongjong do hita di adopan ni Debata apala di
minggu pesta Natal paduahon sadari on. Dang tagamon so manolsoli
hita marningot angka dosanta dohot pangalaosionta di adopan ni
Debata, i ma nataula marhite hata dohot pambahenanta di angka na

3
 salpu. Antong tatopoti ma dosanta na taulahon di adopan ni Debata
dohot dongan jolma, tapamanat ma rohanta jala taparhatopot ma i
dibagasan roha na magopu.
(. . tingki na hohom . . : Musik mengalunkan BE No. 227, BL. 26)
U : Ale Tuhan Debata, Amanami, Pargogo na so hatudosan, Parasiroha mida
hami na dangol on! Na ro do hami tu joloM manopoti dosanami na
godang i. Di bagasan hajahaton do hami tubu jala ndang adong
haporseaon di bagasan rohanami hian, saluhut do hami manimbil sian
angka dalanMu.
R : Sian pardangolan angka na bagas do ahu joujou tu Ho, ale Jahowa!
Ale Tuhan, sai tangihon ma soarangku, sai patinggil ma pinggolMu
tumangihon soara ni anggukhon!
U : Mansai godang do pangalaosionnami di PatikMu. Alai ingot ma hami, ale
Tuhan, ala ni denggan ni basaM dohot asi ni rohaM. Sai unang
paingotingot angka dosa ni haposoonnami dohot pangalaosionnami; sai
ingot ma hami hombar tu asi ni rohaM dohot denggan ni basaM ala ni
GoarMu. Ale Tuhan Jesus, marpamuati ma rohaM di dosanami na
godang i! Amen.
R : Marende BE. No. 421: 1 MARSOMBA AU DIJOLOMON BL. 281
 Marsomba au di joloMon, ponjot, targogot rohangku,
Dibaen godang ni dosangkon, sai jangkon dohot au.
Sai jangkon ma au on, na ramun diringkon,
Tung pos do rohangki di Ho, dijangkon Ho au on.
U : Tabege ma Hata bagabaga taringot tu hasesaan ni dosa: Songon on
do panghaholongi ni Debata di portibi on, pola do AnakNa na sasada i
dilehon, asa unang mago ganup na porsea di Ibana, asa hangoluan na
saleleng ni lelengna di ibana. Hasangapon ma di Debata na di ginjang!
R : Amen!
8. Marende BE No. 53 : 2 - 3 “Di Betlehem Do Tubu BL. 51
 Tu holong ni rohaNa, hubonom rohangkon ;
Hulehon di Ibana sude na di au on, Olo, olo, sude na di au on.
 Sai naeng haholonganku Ho, ale Tuhanki.
Nang marsak, las rohangku, ingkon lam ganda i, Olo, olo, ingkon lam
ganda i.
9. EPISTEL:

4
 U : Tabege ma Hata ni Debata turpuk di Minggu Natal paduahon on ima na
tarsurat di Galatia 4: 4 – 7. Alai dung dapot gok ni tingkina, disuru
Debata ma AnakNa, tubu sian boruboru, ginomgoman ni patik i;
R : Asa ditobus angka na ginomgoman ni patik i, asa tajalo ruhut
paramaon.
U : Alai ala anak hamu, disuru Debata do tu bagasan rohanta Tondi ni
Anakna i, na manjoujou: Abba (ale Amang)!
R : Dibahen i, ndang be hatoban ho; tung anak do i. Alai molo anak,
laos panean do ho marhite sian Debata.
U : I do sahatna. Martua ma angka na tumangihon Hata ni Debata, jala na
umpeopsa. Amen
10. Marende BE No. 57: 2,3 NUNGA JUMPANG MUSE BL. 202
 Beta, ale dongan tu Betlehem i, i tasomba ma Dakdanak na disi.
Na tinongos ni parasiroha i, Debata Ama i
Reff: Hasangapon di Debata, dame,dame ma di jolma.
Las ni roha ni Debata Hajolmaon muse.
(Jongjong)
 Sombanami ma di Ho na tubu on, Ho siboan dame tu portibi on
Sai pasaorhon ma tu rohanami on, dameMi o Jesus.
Reff: Hasangapon di Debata……….
11. MANGHATINDANGHON HAPORSEAON:
U : Tahatindangkon ma haporseaonta i, songon na hinatindangkon ni
donganta sahaporseaon di sandok portibi on. Rap ma hita mandok:
R : Ahu Porsea….. (Hundul)
12. TANGIANG PANGONDIANON
13. Marende BE No. 62: 1-- HALALAS NI ROHA GODANG BL. 172
 Halalas ni roha godang, na hubaritahon on.
Nunga tubu Sipalua di hita jolma on.
Hasangapon di Debata, laos dame, dame, dame ma di jolma.
Lomo ni roha ni Debata do hita jolma on.
 Ai saborngin on do binsar bintang di na holom i.
Sumondangi hagolapon, na di rohanta i.
Reff : Hasangapon di Debata,………………
14. JAMITA : Johannes 3: 14 – 21
15. Marende BE No. 605: 1-- LAS MA ROHAM (Pel. II: tu Radio Bona Pasogit)
 Las ma roham Tuhanta ro, gumomgom sasude ungkap roham,
Jangkon rajam marende ma sude,

5
 Marende ma sude, marende, marende ma sude.
 Tano nang laut, harangan i nang awang-awang i,
Hauma i, nang sunge i, olophon Raja i,
Olophon Raja i, olophon, olophon Raja i.
--------Musik-------
 Bura binaen ni dosa i, marujung ma disi,
Ai nunga ro Mesias i, mamboan dame i,
Mamboan dame i, mamboan, mamboan dame i.
 Ibana do Rajanta i Parasiroha i,
Natigor i, na bonar i, parholong roha i,
Parholong roha i, parholong, parholong roha i.
16. MANGHANGOLUHON NGOLU NA IMBARU : (Jongjong)
U : Huria ni Tuhanta, tung pe di bagasan parungkilon hita alani pandemi
Covid 19 on, alai tongtong do hita mangolu di bagasan panghirimon,
umbahen boi hita nuaeng manghalashon hatutubu ni Tuhan Jesus
Kristus i, ala disi ma tarida habasaon dohot habasaron ni Debata,
Sipalua hita: Ndada ala ni ulaonta hatigoran, umbahen na dipalua
Ibana hita; tung sian asi ni rohaNa do.
R : Naung niusehonNa i tu hita buas marhitehite Jesus Kristus,
Sipalua hita, asa gabe tigor hita, binahen ni asi ni rohaNa, jala
sitean hangoluan salelenglelengna, mangihuthon panghirimon i.
U : Haposan do hata i, jala naeng ma gomos hatindanghononmu i
dipangido rohangku, asa nasida, na di bagasan Debata, di dapothon do
na tiur i, i ma na mangulahon hasintongan i. I ma na uli jala hasea di
jolma.
R : (Mangendehon) BE HKBP No. 608 : 4 O BETLEHEM NA METMET I
 O Anak na badia i, ro Ho tu hami be, bongoti daging tondi i,
parbadiai sude.
Barita na ummuli, hutangi hami be, sorang ma Ho di ngolungki, ale
Immanuel.
17. TANGIANG PANGUJUNGI:
- Tangiang Pelean: (Agenda HKBP)
- Tangiang Ale Amanami:
- Pasupasu:
- Amen, Amen, Amen