LITURGI NHKBP

Liturgi Pembukaan :
Liturgi 1

Hamu angka dongan, borngin on ma marpungu do hita di bagas joro on,

jala sai somal do binege didok goarna NATAL, alai sipata sai
sungkunsungkundo rohangku, mandok: aha do sasintongna lapatan ni
natal i? jala namarhua do na ginoaranna na-marnatal? Ia patorang hamu
jolo asa boi niantusan.
Liturgi 2
Olo tutu, iba somal do nidok, alai ndang apala tangkas dope niantusan.
Nahuantusi marnatal ima marpesta, marlas ni roha marningot hatutubu ni
Jesus si Palua i.
Liturgi 3
Toho do nanidokmuna i, ia Jesus na tubu i, i ma Debata na manompa
saluhut, na ro tu portibi on gabe jolma, lao paluahon hita sian dosa.
Liturgi 4
I do tingkos do i tutu, ai ibana na adong sian mula ni mulana jala na hot
ro di saleleng ni lelengna i, i do na manompa saluhut nasa na adong dohot
na manopa hita jolma.
Liturgi 5
Gabe songon na lam so huantusi do sude angka na pinatorangmuna i,
didok hamu nangkin Natal i ma hatutubu ni Jesus gabe jolma, alai didok
hamu laos Ibana do sitompa jolma, ia tung patorang hamu ma jolo muse,
asa tung tangkas niatusan. Dia do dalan na Ibana do sitompa jolma, hape
olo ibana gabe jolma?
Liturgi 6
Songon on do inang, ia Debata nunga adong hian andorang so ojak dope
tano on, jala Ibana do na manompa langit, tano dohot nasa isina sudena,
nang manompa jolma pe, songon na nidok ni dongan nangkin.
Liturgi 7
I do, tingkos do i tutu, alai tutu marhasurungan do jolma i, di tompa
Debata sian angka natinopaNa na asing. Ai bege hamu ma, ditompa
Debata do jolma i marhite tanganNa sandiri, ditompa do jolma i tudos tu
rupaNa, diullushon ma hosa hangoluan tu bungbung ni igung ni jolma i
gabe martondi na mangolu ma jolma i. Ido alana ia mate pe jolma
dagingna do gabe tano, alai anggo tondina mulak do tu sitompana ibana.
Liturgi 8
Mansai tingkos do nanidok ni donganta on, ditompa Debata do jolma i
tutu, andul sumurung sian angka na tinopaNa na asing. Dilehon do roha,
asa taboto na sala sipasidingonta jala taboto na denggan diulahononta.
Dipabotohon Debata do tu jolma i manang na dia na jadi dohot na so jadi
siulahonon ni nasida, hape dilaosi nasida do hata ni Tuhan i, i ma
mambahen jolma i sirang sian Debata, jala i ma naginoaranna dosa. Asa
tumangkas i di hita tabege ma liturgi ni iananghonta on taringot tu
panompaon ni Debata. Amen
Prolog Liturgi I : Tung halongangan bolon do pambahenan ni Debata, jala naso hadodoan do
nang hapistaranNa. Ditompa Debata do tano dohot sude isina holan marhitehite hataNa
sambing. Antong tabege ma panompaon ni Debata di angka naung adong i.
Liturgi I 1
Rika Tambunan
Liturgi I 2
Susi Siahaan
Liturgi I 3
Lisbet Rumahorbo
Liturgi I 4
Desi Hasibuan
Liturgi I 5
Rina Gultom
Liturgi I 6
Kartika Siahaan

Dibagasan onom ari ditompa Debata nasa na adong, langit dohot

tano, dohot laut dohot nasa isina. Mansai uli jala singkop do
saluhutna ditompa Debata, marhite HataNa i gabe manjadi ma
saluhutna.
Di ari parjolo, ditompa Debata ma natiur. Dungi, digoari Debata ma
natiur i arian, jala dibahen Debata ma parsirangan ni natiur sian na
holom. Goarni na holom i borgin.
Di ari paduahon, ditompa Debata ma hajanghajang diparsitongaan
ni angka aek, baen parsirangan ni aek tu aek. Dungi, digoari Debata
ma hajanghajang i langit.
Di ari patoluhon, ditompa Debata ma tano asa tarida na mahiang.
Jala parpunguan ni angka aek, digoari laut. Jadi, di patubuhon tano i
ma duhutduhut dohot suansuanan na marparbue tudos tu
mansamna.
Di ari paopathon, ditompa Debata ma panondang hajanghajang ni
langit, baen parsirangan ni arian sian borngin; jala na gabe tanda
paboa titik ni padan dohot angka ari dohot angka taon, asa
disondangi tano on.
Di ari palimahon, ditompa Debata ma angka dengke, dohot nasa na
marhosa, angka na manjirir di bagasan aek, ro di nasa pidong na

martongatonga langit na marsiboan mansamna.

Liturgi I 7
Di ari paonomhon, ditompa Debata ma jolma tumiru rupana tudos
Endang Gultom
tu pangalahona, baoa dohot boruboru nasida ditompa asa dirajai
sandok tano on. Dungi, diida Debata ma sude na tinompana i
nungga denggan situtu.
Liturgi I 8
Nunga sun denggan situtu diida Debata sude angka na tinompa na i,
maradian ma Ibana di ari papituhon i sian nasa ulaonNa. Dungi
dipasupasu Debata ma ari paradiananna i jala diparbadia i. Songon i
ma parjadi ni langit dohot tano dohot nasa isina paboa Debata do
pargogo naso hatudosan naung adong dimulanimulana i. Amen
Prolog Liturgi II : Ginjang ni roha i do marhabangsa sibolis i laho mangelaela jolma i asa lam
tangkang jala mangalaosi hata ni Debata, ragam do cara di bahen sibolis i padabuhon jolma i tu
dosa, gabe panghorhon uhum ni Debata nama.
Liturgi II 1
Mansai sonang jala denggan do inganan ni jolma naparjolo i
dibahen Debata di porlak Eden, jala ndang adong na hurang,
singkop do sude diparade Debata di jolma na tinompaNa i.
Liturgi II 2
Nuaeng tabege ma mula ni dosa dohot pangonai na tu jolma na
parjolo i. Didok di Buku Bibelta i: Ulok i do na paotooto dungi
dibuat jala dipangan si Hawa parbue ni hau i laos dilehon tu si
Adam.
Liturgi II 3
Ia parbue ni hau i, i ma parbue ni hau na di parsitongaan ni porlak
i, na so boi jamaon manang panganon. Didok Debata do: Unang
pangan hamu sian i, jala unang jama hamu, asa unang mate
hamu.
Liturgi II 4
Alai, tung mansai bisuk do si bolis i mangelaela jolma i asa
manundati Debata. Disuhanhon si bolis i ma roha diri tu jolma i
gabe pia matana marnida, laos dipangan gabe mardosa ma jolma
i.
Liturgi II 5
Alai anggo nuaeng ndang adong be songon ulok, parbueni hau,
songon di na tarsurati. Alai, panginona ni dosa i do dihajolmaon
sahat tu tingki on, na mambahen uhuman ni Debata.
Liturgi II 6

Ia gombaran ni parbue ni hau na di porlak Eden i nuaeng, i ma:

hisaphisap manang hinagiot ni pardagingon na sai tongtong
mangalaosi hata, aturan dohot patik ni Debata, nang aturan dohot
peraturan Huria i pe.
Liturgi II 7
Alai tandap do parulaon ni daging i ma: parmainanon, hahodaron,
pargadombuson,
hasipelebeguon,
hadatuon,
parmusuon,
parbadaan, pangiburuon, lessem, teal, rimas, dohot ungutungut.
Liturgi II 8
Alani i, ndang na so tarbahen muse manguhum hita ala
parulaonta, alai denggan ma taoloi hata ni Debata jala aturan
dohot peraturan ni Huria. Amen
Prolog liturgi III a : Lam dipatuduhon Debata do tu jolma i, holong dohot asi ni rohaNa,
diparbaga do haroro ni Sipalua laho paluahon jolma i sian ihotihot ni sibolis i.
Liturgi III a 1

Liturgi III a 2

Liturgi III a 3

Liturgi III a 4

Nunga mandate roha ni bangso paimahon haluaon sian Debata, ai tarbuang do

bangso Israel ala ni dosana, masihol bangso Israel mulak tu bona pasogitna tu
huta Jerusalem, asa sumuang muse marsaor nasida di Bagasjoro. Sai hira na
ditadinghon Debata do panghilalaan nasida, alani i maimaima do bangso i di
haroro ni Mesias Sipalua i.
Ro do Hata mi Debata tu Panurirang Jesaya mandok; apuli, apuli hamu ma
bangsoKi, ninna Debatamuna. Hata apulapul ma dok hamu tu roha ni isi ni
Jerusalem, jala jouhon hamu ma tu nasida Nunga marujung parungkilonna, ai
nunga salose dosana i, ai nunga dijalo sian tangan ni Jahowa silompit dua
singkat ni saluhut dosana.
Ro do Hata ni Debata tu panurirang Jesaya mandok: Tung sura rara dosamuna
songon abit bunga dapdap, bontar do bahenonku songon itak; nang pe rara
songon abit hasumba, gabe songon hapas do muse. Di ari na sasada i sogot, uli
jala marmulia tunas ni Jahowa, gabe huhut uli parbue ni tano i di angka na
malua sian Israel.
Ai ndada pingkiranKu pingkiranmuna i, jala ndada dalanmuna angka dalanKu,

ninna Jahowa. Tagan diparpiar ni murukKu Hutabunihon do bohingKu

satongkin maradophon ho, alai marhitehite denggan basa salelenglelengna
asianKu ho, ninna Jahowa sipalua ho.
Liturgi III a 5 Alai anggo ho huta Betlehem Eprata, mametmethu do ho nian anggo tung pola
jujuron tu angka huta marriburibu di Juda, hape sian ho do haroroan ni na gabe
panggomgomi ni Israel, jala angka haroroanna sian nahinan, sian angka ari na ro
di salelenglelengna.
Liturgi III a 6 Ida ma, gabegabean ma sada na marbaju jala tumubuhon sada anak, jala
bahenonna goarna : Immanuel. Hehe ma ho, marsinondang ma ho, ai na ro ma
panondangmu, jala hamuliaon ni Jahowa binsar di atasmu. Alani pauli hamu
dalan ni Jahowa, patigor hamu di adaran dalan balobung ni Debata. Ingkon
gohan do nasa rura, jala parejeton nasa dolokdolok dohot buntulbuntul, jala
gabe na hornop do na marnangkok tuat, jala gabe rura tanggurung ni dolok.
Liturgi III a 7 Ai nunga tubu di hita sada posoposo, dilehon tu hita sada Anak, pampe tu
abaraNa do sogot harajaon, jala bahenonna goarNa: Sipartahi halongangan,
siulubalang ni Debata, Ama saleleng ni lelengna, Raja Hadameon.
Liturgi III a 8 Alai jongjong anggo Ibana, jala marmahan mangasahon gogo ni Jahowa,
marhitehite hamuliaon ni goar ni Jahowa Debatana; jadi maringan ma nasida, ai
timbul ma ibana disi ro di angka ujung ni tano on. Amen.
rolog Liturgi III b : Nunga jumpang be muse tingkina hombar tu bagabaga ni Debata taringot
tu si palua na tinubuhon ni si Maria, na gabegabean sian Tondi Porbadia di huta Betlehem.
Liturgi III b 1
Dung i, ro ma uju i parenta sian Kesar Agustus, ingkon
suraton nasa jolma di gomgomanNa. Pamilangon parjolo ma i,
uju digomgomi si Kirenius tano siria.
Liturgi III b 2
Jadi, borhat ma sasude, asa disurati, ganup tu bona ni
pinasana. Borhat manang si Josep na sian Galilea, sian
Nazaret, nangkok tu luat Judea tu hutani si Daud na margoar
Bethlehem, ala sian pomparan jala marga ni si Daud ibana.
Pasurathon dirina rap dohot si Maria, oroanna i naung gabegabean.
Liturgi III b 3
Hansit nai tutu na tinaonni si Josep i, tarlumobi ma si Maria
naung gabegabean, ala ingkon oloan nasida ma parenta ni
kesar i. Ai laos disi do sangkap hatuaon ni Debata.
DipardalananNa tu Bethlehem disi do masa hatutubu ni Jesus
si palua i, tubu di bara ni pinahan.
Liturgi III b 4
Sasintongna mansai maol do i siat tu pingkiran jala ndang
tarjalo ni roha. Hape laos songon i do dibahen Debata dalan
laho pasauthon bagabagaNa. Ai ndada pingkiranku
pingkiranmuna i, jala ndada dalanmuna dalanku, ninna Debata
Jahowa.
Liturgi III b 5
Ai songon timbo ni angka langit sian tano on, songon i do
tumimbo angka dalanku sian dalanmunai, jala angka
pingkiranku sian pingkiranmuna i.
Liturgi III b 6
Ima tutu. Asa unang manigor maralo tu rohanta, molo ro pe
parungkilon manang pangunjunan tu hita, asa unang ganggu
hita, disi atik do i dalan ni Debata lao pahothon haporseaonta
dohot mangalehon pasupasu na godang tu hita .
Liturgi III b 7
Antong marolopolop ma hita ala haluaon na binoanNa i
marhite naung tubu di betlehem. Tajangkon ma hata ni
surusuruan i na mandok Hasangapon ma Debata di ginjang,
dame ma di tano on, di angka jolma halomoan i . Amen
Liturgi IV a :
Liturgi IV a 1

Liturgi IV a 2

Hamu angka donganku, bohanunga torang di hamu aha na masa i?

Tangkas do dibege hamu tahe ende ni pardisurgo i na mandok; naung
tubu do si palua i, i ma Jesus Kristus Tuhan i? I ma na tinongos ni
Ama i sian banua ginjang ro tu portibi on manaon, na sa haleaon.
Toho do, au pe tangkas hubege ende ni pardisurgo i, didok; unang
hamu mabiar, ai barita halalas ni roha godang do huboan tu hamu,
parsaulian ni sandok bangso do hape hatutubu ni sipalua i, parsaulian
ni hita jolma, parsaulian tu ahu nang tu hamu angka dongan.

Liturgi IV a 3

Tingkos do nanidokmuna i, alai mulak ma jolo hita tu panghataion

sian mulana, ai dongan na parjolo mandok sadarion na marpesta natal
do hita; aha ma lapatan ni natal i; i do nangkin sungkunsungkun ni
dongan, didok ma mangalusi; ima haroro ni Jesus gabe jolma. Jala
didok dongan muse ala ni dosa i do umbahen na masa natal. Ia tung
patorang hamu ma jolo muse asa tung tangkas di iba aha do natal i,
jala boasa masa natal?
Liturgi IV a 4
Ia anggo di mulana mansai uli do tutu sude ditompa Tuhan i, jala sude
natinompa i di pasahat Tuhan i do tu jolma na tinompaNa i, alai ala
hagaleon ni jolma i, madabu ma jolma i tu dosa. Jala dosa i
mambahen jolma i sirang sian Debata, jala ingkon hamatean saleleng
ni lelengna hian nama jambarta.
Liturgi IV a 5
Toho do tutu na nidok ni dongan on, ai pola do dipabali Debata nasida
sain porlak Eden na uli i, jala pola mandaodao nasida ala ni dosa i,
alai marpangulahi ma muse roha ni Debata mida jolma na tinompaNa
i tudos tu rupaNa i, asi rohaNa mida jolma. Ala ni i ma disuru Debata
angka naposoNa mandok: paubahon roha, hape ndang ditangihon
jolma i.
Liturgi IV a 6
I do tutu, nga saut na binagabagahonNa i, di lobi hurang di 2000 taon
na salpu, ama na tubu i Jesus sipalua i, di bara ni pinahan, na pola
muse mate di hau pinarsilang, asa malua hita sian uhum ala ni dosa i,
asa upa tinuhor ni dosa do hamatean i, alai basabasa ni Debata do
hangoluan saleleng ni lelengna.
Liturgi IV a 7
Toho ma tutu, patut ma marlas ni roha hita marningot holong ni roha
ni Tuhan i, jala tama ma ingotonta na nidok ni surusuruan i, asa unang
be mabiar hita di ngolunta on manang aha pe na masa di ngolunta on,
ai adong do sipalua di hita jala na tau pangurupi ima Jesus Tuhan i, na
tapestahon di borngin on, jala ninna rohangku i ma barita las ni roha
di hita di ari natal on. Jala na huantusi molo tadok tu donganta
Selamat ari Natal aon ma tadok disi : Syalom unang mabiar
hamu, ai nungga tubu Sipalua i Amen.
log Liturgi IV b : Nunga roRajanta sipalua i, ndada holan hita paluahonNa alai dohot do nang
portibi on sude nasa na manggulmit, nasa uli ni tot marsomba tu ibana.
Liturgi IV b 1
Patut do tapuji jala ta pasangap goar ni Debata Jahowa ala saut
sangkapNa di portibi on. Marhite haporseaonta be di Jesus
naung ro i, gabe dohot hita tu haluaon na pinatupaNa tu hita.
Antong boha do pamulianta di Ibana? Songon on do.
Liturgi IV b 2

Puji ma Jahowa, ale tondingku, jala unang tung halupahon

denggan ni basaNa sudena.

Liturgi IV b 3

Puji ma Jahowa Debata, ale tondingku, jala nasa rohangku

dibagasan mamuji goarNa na badia i.

Liturgi IV b 4

Puji ma Jahowa, ale tondingku, Ibana do manesa dosangku

nang dosam sasudena, Ibana do pamalum sahitmu sudena.

Liturgi IV b 5

Puji ma Jahowa, ale tondingku, Ibana do paluahon ngolum sian

hamagoan, Ibana martumpalhon tu ho denggan basa dohot asi
ni rohaNa.

Liturgi IV b 6

Puji ma Jahowa, hamu ale surusuruanNa, hamu ale angka

ulubalang na gogo, angka na patupahon hataNa, di
natinagihonmuna soara ni hataNa.

Liturgi IV b 7

Puji ma Jahowa, hamu ale angka paranganna i sudena, hamu

angka parhaladoNa, angka na pasauthon lomo ni rohaNa.

Liturgi IV b 8

Puji ma Jahowa, hamu ale angka jadijadianNa sasudena, hamu

sude angka bangso na marserak marsadaroha ma hamu mamuji
Debata, ale tondingku pujima Jahowa. Amen

Prolog Liturgi V : Parbuehon ma haporseaon dohot pamujianmi tu Debata dibagasan ngolum

marhitehite parange na tama, daulat, burju mangula jala marsihaholongan.
Liturgi V 1

Diungkap Sipalua i do pintu harajaon di banua ginjang laho

mangarahon angka na niasiaanNa, asa malua nasida sian
gomgoman dosa jala maringan di huta na pinauli ni Debata.
Liturgi V 2
Didok Jesus Sipalua i do; Ahu do pintu i, paluaon do ganup na
bongot sian Ahu, na laho bongot jala laho ruar ma Ibana,
dapotan jampalan, asa adong hangoluan di nasida.
Liturgi V 3
Nunga taboto jala nunga diungkap pintu i tu hita, alai mansai
dao do i sian portibion, sian roha ni hita na so tumanda Ibana.
Hita pe soratan jala loja di gosagosa portibi on di pardalananta
laho manjumpangi pintu i, antong boha nama?
Liturgi V 4
Didok do muse: Ro ma hamu tu Ahu,hamu angka na loja jala
nasorat asa hupasonang hamu. Ahu do panondang ni portibi
on,na so tupa mardalan di na holom na mangihuthon Ahu.
Liturgi V 5
Haporseai ma, na tutu do Ibana pangapul na sumurung dohot
pandaoni bolon di angka na marsak dohot na marsahit, dilehon
do tu hita aek dohot roti hangoluan asa ndada be mauas dohot
male angka manganhon sian i.
Liturgi V 6
Dungi dipaborhat do hita tu portibi on laho mangarahon angka
donganta, ai didok do: Ahu do mamillit hamu jala hupadiri
hamu, asa laho hamu marparbue, jala asa mian parbuemuna i.
Dungo jala hobas ma hita mangulahon tona pasuruonna i, hobas
ma gontingmu jala pagalak ma palito di gontingmu.
Liturgi V 7
Beta hamu dongan laho mangula di porlak ni Tuhan i asa
dapotan na tama hita, parangehon ma na tama jala marroha
daulat ma hita asa marsihaholongan sama hita songon Kristus i
manghaholongi hita. Amen
Prolog liturgi Parhatuaon na Ualu I : Nunga ro jala nunga marsaor Ibana di hita nang di
rohanta, panghorhonna molo sai burju hita mangihuthon Ibana dohot mangulahon lomo ni
rohaNa? Tangkas ma tapaihutihut liturgi on.
Martua ma na pogos tondi, ai di nasida do harajaon banua ginjang .
Hatuaon na tutu do binoan mi Tuhan, harorom tu tano on, ai di ho do na palua au,
sipalua sian dosa i, halongangan bolon do pambahen mi o Debata, Anakmi di suru Ho, ro
tu atas tano on paluahon hami on sai pinujipuji Ho, Tuhan si parasi i, na pangolu hami,
pinuji pinasangap Ho sangapsangap di Ho, Hasangaphon ma di Ho ale Jahowa sangap
ma. Amen

Martua ma na marsak roha, ai siapulon do nasida.

Hatuaon na tutu do binoan mi Tuhan, harorom tu tano on, ai di ho do na palua au,
sipalua sian dosa i, halongangan bolon do pambahen mi o Debata, Anakmi di suru Ho, ro
tu atas tano on paluahon hami on sai pinujipuji Ho, Tuhan si parasi i, na pangolu hami,
pinuji pinasangap Ho sangapsangap di Ho, Hasangaphon ma di Ho ale Jahowa sangap
ma. Amen

Martua ma na lambok roha, ai teanon nasida do tano on.

Hatuaon na tutu do binoan mi Tuhan, harorom tu tano on, ai di ho do na palua au,
sipalua sian dosa i, halongangan bolon do pambahen mi o Debata, Anakmi di suru Ho, ro
tu atas tano on paluahon hami on sai pinujipuji Ho, Tuhan si parasi i, na pangolu hami,
pinuji pinasangap Ho sangapsangap di Ho, Hasangaphon ma di Ho ale Jahowa sangap
ma. Amen

Martua ma na mauas male mida hatigoran, ai sipabosuron do nasida.

Hatuaon na tutu do binoan mi Tuhan, harorom tu tano on, ai di ho do na palua au,
sipalua sian dosa i, halongangan bolon do pambahen mi o Debata, Anakmi di suru Ho, ro
tu atas tano on paluahon hami on sai pinujipuji Ho, Tuhan si parasi i, na pangolu hami,
pinuji pinasangap Ho sangapsangap di Ho, Hasangaphon ma di Ho ale Jahowa sangap

ma. Amen

Martua ma na asi roha, ai si asi on do nasida.

Hatuaon na tutu do binoan mi Tuhan, harorom tu tano on, ai di ho do na palua au,
sipalua sian dosa i, halongangan bolon do pambahen mi o Debata, Anakmi di suru Ho, ro
tu atas tano on paluahon hami on sai pinujipuji Ho, Tuhan si parasi i, na pangolu hami,
pinuji pinasangap Ho sangapsangap di Ho, Hasangaphon ma di Ho ale Jahowa sangap
ma. Amen

Martua ma parroha na ias, ai idaon nasida do Debata.

Hatuaon na tutu do binoan mi Tuhan, harorom tu tano on, ai di ho do na palua au,
sipalua sian dosa i, halongangan bolon do pambahen mi o Debata, Anakmi di suru Ho, ro
tu atas tano on paluahon hami on sai pinujipuji Ho, Tuhan si parasi i, na pangolu hami,
pinuji pinasangap Ho sangapsangap di Ho, Hasangaphon ma di Ho ale Jahowa sangap
ma. Amen

Martua ma sibahen dame, ai goaron do nasida anak ni Debata.

Hatuaon na tutu do binoan mi Tuhan, harorom tu tano on, ai di ho do na palua au,
sipalua sian dosa i, halongangan bolon do pambahen mi o Debata, Anakmi di suru Ho, ro
tu atas tano on paluahon hami on sai pinujipuji Ho, Tuhan si parasi i, na pangolu hami,
pinuji pinasangap Ho sangapsangap di Ho, Hasangaphon ma di Ho ale Jahowa sangap
ma. Amen

Martua ma na pinaburuburu ni halak ala hatigoran, ai di nasida do

harajaon banua ginjang i. Amen
Hatuaon na tutu do binoan mi Tuhan, harorom tu tano on, ai di ho do na palua au,
sipalua sian dosa i, halongangan bolon do pambahen mi o Debata, Anakmi di suru Ho, ro
tu atas tano on paluahon hami on sai pinujipuji Ho, Tuhan si parasi i, na pangolu hami,
pinuji pinasangap Ho sangapsangap di Ho, Hasangaphon ma di Ho ale Jahowa sangap
ma. Amen

Liturgi kontekstual :
!. (Sahalak na mulak sian Natal)
Ah.mansai tabo do jamita ni pandita i. To ho do tutu, tung las do roha molo
jumpang ari Natal, ahu pe huhilala do i. Ndang porlu be mabiar. Tung tamba do las ni
rohangkon molo jumpang ari natal, tamba gogo dohot semangat na imbaru. Toho ma tutu
jamita ni amang pandita i; hamagoan hian na ma jambar ni jolma i aut so tubu Tuhan
Jesus, paluahon hita sian dosa on. (marsinggang posisi martangiangmauliate di
Ho, ale Tuhan, ala ditopot Ho hami pardosa on, gabe dapotan hangoluan
salelenglelengna ma hamiAmen)
2. (Sahalak pemborong )
Longang do rohangku mamereng amanta on, ai aha ma huroha las ni roha di ari Natal
anggo songon on do kehidupan.???? Tenderhu pe sai talu do, borongan so adongaha
ma panghorhon ni natal on tu ahu? Ndang adong nanggo otik pe makna ni natal di ahu,
jadi nang pe sian natal au nangkin tung so adong do huhilala labana, na rumingkot di ahu
di ari natal on, monang ma nian tenderhu gabe las ma rohangku, ima natal di ahu..
3. (Partigatiga )
Ahtahe binereng dongan marlas ni roha di ari natal on, hape iba so boi marlas ni
roha, partigatiga sayur do ahu, so adong langku sadari on hape modal arga, ndang dope
molo di gusur, kutipan nion, kutipan nian sasude adong kutipan na, ongkos pe lam
timboah tahe aha do lapatan ni natal di ahu, so boi ahu marlas ni roha..
4. (Ina na mabalu)
(sambil tangis...ugk..ugk ..) tung ise ma aluhononku holso ni rohangkontu ise ma
hatahononku na ponjot di rohangkon, nungataon on ahu mabalu, tadingtading ni
amanta pe so adong laho pangkeon, ah tahe lungunna i marnatal ma nuaeng, alai sai
marsak iba ala so adong baenon, ah amang hansit na i hape na mabalu on..
5. ( Ibu Rumah tangga mangurus parsahiton ni amantana )
(maniop amantana jala di togutogu, nasida baru mulak sian marubat )
Bege na nidok ni Dokter i, ingkon jagaonmu do kesehatanmu, nga lima taon ho marsahit
i, nga tung mansai loja iba paurusurus ho, ngeri nai tahe holan paurusurus amanta on iba,
ai angka na asing nunga laho be marnatal, marbaju na imbaru halak i, marsalendang na
imbaru, hape iba, ganup taon songon onandigan ma hupanghilalahon na tabo jumpang
di ari natal? Tung so huboto do .ah tahe
6. ( Supir )
Oe.Medan Tebingtinggi .betahamubeta sai songon i ma iba ganup ari
manggora angka sewa, asa adong angka hepeng. Ai hubege do panghataionmuna i, sai
hira na hamu do na umposa mangadopi ngolu on, ai hami supir on pe inang mansai susah
do, sewa otik, miak torus naik ndang hea turun, sewa tu tongke pe marutangutang nama
loja karejo hape so adong sipapunguon .ala ni i, tingki ro pandita mandok asa marliturgi
iba, hutulak do, ai tarhona ahu marnatal hape songon on ma keadaan.
7. (Pengamen)
(marende sai tangianghon au inang dapotan pansarian I, unang be sai tumatangis ho
inang.)

Boratna I hape ngolu di pangarantoan on, nga 5 taon ahu mangaranto, hape sai holan susa
do ngolungku, ndang adong na manjalo ahu karejo. Marpesta Natal ma nuaeng on, hape
lungun do rohangku ah tahe
8. (Sahalak Pengangguran)
(dijonohi ma pangament i..) Sarupa do hita lae ho ndang tammat singkola, au sarjana
do, alai songon dia ma bahenonku marlas ni roha di ari Natal on, nga 7 taon ahu gabe
sarjana jala tu sude do hubahen lamaran kerja, hape sahat saonari pengangguran dope ahu.
Alani i, ndang tubu tu rohangku marningot dohot manghalashon natal saleleng so dapotan
karejo ahu.

9. (Parbarita)
Tikkos do na nidokmuna I saluhutna, jala tingkos do panghilalaanmuna i. Alai ari Natal, i
ma sada ari na mansai arga di hita jolma. Ai ro Jesus padomuhon joma tu Debata. Molo pe
susa parngoluan on, hasusaan parsatongkinan do i, tading do i saluhutna, alai adong do
hasonangan saleleng-lelengna di hita, i do na binoanNi Jesus tu portibi on, alani i do
tahalason nunga gabe IMANUEL Tuhanta i, lapatanna : Donganta ma Debata. Ahu
mansai godang do manjalo pangarupion dohot basa-basa ni Tuhan i, molo so alani Tuhan
i, ndang tarbahen ahu sonang.. alani i angka dongan, unang ma holosan hamu, ta
pagomos tangiangta tu Debata, sai tangihononNa do saluhut pangidoanta i. Unang be
marsak hita, tumagon hita marende : Halalas ni roha godang. (Sude marende)

TERTIB ACARA NATAL NAPOSOBULUNG & EXAUDI

HKBP TAPIAN NAULI TAON 2007
Thema
Sub thema

I.

: Naung dapotan hangoluan na salelenglelengna do na manghaporseai Anak i

(Joh.3:36.a)
: Hatindanghon haporseaonmuna i marhite pangalaho dohot pambahenan na tama,
songon siihuthon Jesus Kristus, na tapestahon di ari natal on.

PATUJOLO.
1. Hata Patujolo.
a. Ketua Panitia Natal.
b. Mewakili Muda/i
c. Mewakili sian Ina
d. Mewakili sian Ama
e. Mewakili Koor Exaudi
2. Pagalakhon lilin natal (diiringi musik/ orgel sian BE. No. 54)
a. Parjamita.
b. Ketua Panitia Natal.
c. Mewakili Muda/i
d. Mewakili sian Ina
e. Mewakili sian Ama
f. Mewakili Koor Exaudi

II. IBADAH NATAL.

01. Marende No. 57:1+3 Nunga jumpang muse
02. Votum : 54/A.1 + 74/15
03. Marende No 15:1-2 Aut Na saribu hali ganda
04. Liturgi Pembukaan + Liturgi I
05. Koor EXAUDI
06. Liturgi II
07. Marende No. 539:1 sai hutagam do Tuhanku
08. Liturgi III a.
09. Koor NHKBP
10. Marende No. 49:3-4 Sai ro ma tu bara
11. Liturgi III b.
12. Koor NHKBP
13. Liturgi IV a.
14. Puisi Oleh Tina Siagian
15. Koor EXAUDI
16. Liturgi IV b.
17. Marende No. 52:1-2 Hatuaon do
18. Liturgi V
19. Marende No. 227:1+3 Jesus ngolu ni tondingku
20. Liturgi Parhatuaon na ualu i
21. Marende No. 763:1 Molo Jesus donganmi

22. Liturgi Patik

23. Koor NHKBP
24. Marende No. 46:1-2 Na sian ginjang do au ro
25. J a m i t a :
26. Marende No. 62:1---(Papungu Pelean) Halalas ni roha godang
27. Tangiang Panutup dohot pasupasu.
Amen..amen..amen..

III. SNACK & HIBURAN