LITURGI PARJOLO

(BETLEHEM)

1 Musa 1 : 1 - 2 (Ny Simbolon br Tambunan BETLEHEM I)

1 Di mula ni mulana ditompa Debata langit dohot tano on.

2 Dung i tarulang ma tano i gabe halongonan jala holom di atas lung i, dung i mangareapreap ma
Tondi ni Debata di atas ni angka aek.

1 Musa 1 : 3 - 4 (Ny Hutajulu Br Sibarani BETLEHEM I)

3 Dung i mangkuling ma Debata ninna: Jadi ma ho na tiur! Jadi tiur ma tutu.

4 Nunga denggan na tiur i diida Debata, jadi dibahen Debata ma parsirangan ni na tiur sian na
holom.

1 Musa 1 : 5 - 6 (Ny Sinambela Br Matondang BETLEHEM I)

5 Dung i digoar Debata ma na tiur i arian, goar ni na holom i borngin. Dung i bot ma ari, torang ma
ari muse, i ma ari parjolo.
6 Dung i mangkuling muse ma Debata: Jadi ma ho hajangkajang di parsitongaan ni angka aek bahen
parsirangan ni aek tu aek.

1 Musa 1 : 8 - 9 ( Ny Siburian Br Manulang BETLEHEM I)

8 Dung i digoar Debata ma hajangkajang i langit. Dung i bot ma ari, torang ma ari muse, i ma ari
paduahon.
9 Dung i ninna Debata ma: Marpungu ma hamu aek, angka na di toru ni langit i tu sada inganan, asa
tarida na mahiang! Gabe manjadi ma songon i.

LITURGI PARJOLO

1 Musa 1 : 10 - 11 (Ny. Siburian br Rajaguguk JUDEA I)

10 Dung i digoar Debata ma na mahiang i tano, ia parpunguan ni angka aek laut digoar. Jadi nunga
denggan diida Debata.
11 Dung i ninna Debata ma: Dipantumburhon tano i ma duhutduhut dohot suansuanan, na
marparbuehon boni, hau angka na marparbuehon bonina di bagasan tudos tu mansamna be di tano
on, gabe manjadi ma songon i.

1 Musa 1 : 26 - 27 (Ny Cst Simamora JUDEA I)

26 Dung i mangkuling muse ma Debata: Tole ma, itatompa ma jolma, tumiru rupanta, tudos tu
pangalahonta, asa dirajai dengke angka na di laut, dohot pidong angka na martongatonga langit,
dohot angka dorbia, ro di sandok tano on nang sude gulokgulok, angka na manjirir di atas tano on.
27 Jadi ditompa Debata ma jolma i tumiru rupana, rupana ditiruanhon Debata laho manompa ibana,
baoa dohot boruboru nasida ditompa.

1 Musa 1 : 30 - 31 (Ny Sihombing br Tampubolon JUDEA I)

30 Alai anggo tu sude angka binatang ni tano on dohot tu angka pidong na martongatonga langit, ro
di sude na manjirir di atas tano on, angka na marhosa di bagasan: Bulung ni angka suansuanan
(hulehon) bahen panganonna, gabe manjadi ma songon i.
31 Dung i ditilik Debata ma sude na tinompana i, jadi nunga denggan situtu. Dung i bot ma ari,
torang ma ari muse, i ma ari paonomhon.

LITURGI PARJOLO

Psalmen 8 : 4 - 5 (Ny.St.H.Tobing M.br Sitohang KANA I)

4 Molo hutailihon langitmi, angka jadijadian ni jarijarim, bulan dohot bintang, angka na pinaulim.
5 Tung aha ma nian jolma i, umbahen pola ditaringoti roham ibana? Jala anak ni jolma i, umbahen
pola diebati Ho?

Psalmen 8 : 6 - 7 (Ny. Simajuntak C. br Tpbolon KANA I)

6 Humurang apala otik do ibana sian Debata dibahen Ho, alai ditalitalihon Ho muse hamuliaon
dohot hatongamon tu ibana.
7 Dipabangkit Ho do ibana gumomgom angka jadijadian ni tanganmu, sude do tahe dipatunduk Ho
tu ibana:

Psalmen 8 : 8 - 9 (Ny.Panjaitan C. br Sihombing KANA I)

8 Angka birubiru dohot lombu sudena ro di binatang angka na di harangan.
9 Pidong angka na di toru ni langit dohot angka dengke di laut, ro di sude na manginsir di laut.

LITURGI PADUAHON

1 Musa 3 : 1 - 2 (Ny Siregar br Nababan JERUSALEM 2)

1 Alai ulok do na umbisuk sian nasa na manggulmit di ladang, angka na jinadihon ni Debata Jahowa,
jadi didok ma mandok boruboru i: Atehe tongon do didok Debata, na so jadi panganonmuna sian
saluhut hau angka na di porlak on?
2 Dung i ninna boruboru i ma mandok ulok i: Jadi do panganonnami sian parbue ni hau angka na di
porlak on.
 1 Musa 3 : 3 - 4 (Ny Togatorop br Damanik JERUSALEM 2)
3 Alai anggo sian parbue ni hau, na di parsitongaan ni porlak i didok Debata do: Unang pangan
hamu sian i, jala unang jama hamu, asa unang mate hamu.
4 Dung i ninna ulok i ma mandok boruboru i: Ndang na tutu hamu mate.

1 Musa 3 : 5 - 6 (Ny Hutabarat br Matondang JERUSALEM 2)

5 Ai diboto Debata do, sadari dipangan hamu sian i, tonggor ma matamuna, gabe doshon Debata
hamu umboto na denggan dohot na roa.
6 Dung i sai dipanotnoti boruboru i ma parbue ni hau i dibahen dengganna panganon jala pia
matana marnida, jala tau manunggul roha tu hapistaran hau i, jadi diputikkon sian parbuena i jala
dipangan, dilehon ma dohot tu sinondukna sian i, gabe dipangan.

1 Musa 3 : 7 (Ny Gultom br Sibuea JERUSALEM 2)

7 Dung i tonggor ma mata nasida na dua, diboto ma na marsaemara nasida, gabe disomoti ma
bulung ni hau ara bahen sabuknasida.

1 Musa 3 : 8 - 9 (Ny. Nainggolan br. Hutabarat KOMPAS 2)

8 Dung i dibege nasida ma soara ni Debata Jahowa, na medangedang di porlak i di haroro ni alogo
mareak bot ari, gabe martabuni ma si Adam dohot jolmana i di holangkolang nihau angka na di
porlak i maradophon bohi ni Debata Jahowa.
9 Dung i joujou ma Debata Jahowa di si Adam, ninna ma mandok ibana: Didia do ho?

Rom. 3 : 10 - 12 ( Ny. Sitorus br. Pasaribu KOMPAS 2)

10 Hombar tu na tarsurat i: “Ndang adong na tigor nanggo sada!”

11 “Ndang adong na marroha, na usouso di Debata.”
12 “Saluhut nasida nunga manimbil, tung sange do nasida marroha mago; ndang adong sibahen na
denggan nanggo sada.”

Psalmen 51 : 3 - 4 (Ny. Tampubolon br. Simanjuntak KOMPAS 2)

3 Asi ma roham di ahu, ale Debata, hombar tu denggan ni basam, sai sesa ma angka pangalaosingku
hombar tu godang ni asi ni roham.
4 Ias situtu ma ahu buri sian hajahatonku, jala paias ma ahu sian dosangku.

Psalmen 51 : 5 - 6 (Ny . Panjaitan / br.Naiborhuk BTP 2)

5 Ai nunga huboto angka pangalaosingku, jala sai tong do sonson di jolongku dosangku.
6 Dompak Ho sambing do ahu mardosa, jala najat situtu do di matam na huulahon, asa tung bonar
Ho di bagasan pandohanmu, pita di bagasan panguhummu.

Psalmen 51 : 7 - 8 (Ny.Panjaitan /br.Sihaloho BTP 2)

7 Tongon do di bagasan hajahaton do ahu tubu, jala di bagasan dosa dijangkon dainang ahu.
8 Sintong ni roha di bagasan do tongon lomo ni roham, antong pabotohon ma habisuhon tubagasan
rohangku.

Psalmen 51 : 9 + 11 (Ny. Panggabean / br. Banjarnahor BTP 2)

9 Sai urasi ma ahu sian dosangku marhitehite sanggul, asa tung ias ahu; sai buri ma ahu, asa
sumaksak ahu sian itak.
11 Sai hungkupi ma bohim mida angka dosangki, jala sesa ma angka hajahatonku sudena.

LITURGI PATOLUHON

Jes. 7 : 13 - 14 (BETANIA 3)

13 Jadi ninna si Jesaya ma: Ua tangihon hamu ma, ale pinompar ni si Daud! Ndang dope sae hamu
pauruuruhon jolma, dohot do Debatangku naeng lojaanmuna.
14 Dibahen i apala Tuhan i sandiri ma mangalehon sada tanda di hamu: Ida ma, gabegabean ma sada
namarbaju, jala tumubuhon sada anak, jala bahenonna ma goarna: Immanuel.

Jes. 9 : 5 - 6 (BETANIA 3)

5 Ai nunga tubu di hita sada posoposo dilehon tu hita sada Anak, pampe tu abarana do sogot
harajaon, jala bahenonna goarna: Sipartahi Halongangan, siulubalang ni Debata, Ama saleleng ni
lelengna, Raja ni hadameon.
6 Bahen hagaganda ni harajaon dohot hadameon na so marujung di habangsa ni si Daud dohot di
harajaonna i, pahothon dohot patoguhon marhitehite patik dohot hatigoran, olat nion ro di
salelenglelengna. Hamuruhon ni Jahowa Zebaot patupahon songon i.

Jes. 11 : 1 - 2 (BETANIA 3)

1 Dung i ruar ma sada tunas sian tungko ni si Isai, jala marparbue sada tubis na tubu sian uratna.
2 Jadi songgop ma tu ibana Tondi ni Jahowa, Tondi ni habisuhon dohot hapistaran, Tondi ni
panuturion dohot hagogoon, Tondi ni parbinotoan dohot biar maradophon Jahowa.

Jes. 60 : 1 - 2 ( Ny. Sianturi br Siregar EFRATA 3)

1 Hehe ma ho! Marsinondang ma ho! Ai na ro ma panondangmu, jala hamuliaon ni Jahowa binsar di
atasmu.
2 Ai ida ma, haholomon do manghungkupi tano on, jala hagolapon angka bangso; alai na binsar ne
ma Jahowa di atasmu, jala marsinondang hamuliaonna di atasmu.

Jes. 60 : 3 - 4 (Ny Sianturi br Silaban EFRATA 3)

3 Jadi dapothonon ni angka bangso parbegu ma panondangmu dohot angka raja mandapothon
sinondang naung binsar di ho.
4 Patonggor matam mamereng humaliang! Luhut ma nasida marrongoman ro mandapothon ho.
Angka anakmu ro sian na dao, dohot angka borum abingabingonna.

Jes. 60 : 5 (Ny.Tobing br Galingging EFRATA 3)

5 Ia dung diida ho nasida marroan sihar ma panailim, jala hinsa jala lumbang roham hilalaonmu, ai
turun ma tu ho hamoraon ni laut dohot hinagok ni angka parbegu ro tu ho.

Mika. 5 : 1 (Ny Manalu br Sianipar GALILEA 3)

1 Alai anggo ho, ale Betlehem Eprata, mametmethu do ho nian anggo tung pola jujuron tu angka huta
marriburibu di Juda; hape sian ho do haroroan ni na gabe panggomgomi di Israel, jala angka
haroroanna sian na nahinan, sian angka ari na robi salelenglelengna.

Mika. 5 : 4 (Ny. Sinurat br Hasibuan GALILEA 3)

4 Jala ibana gabe hadameon; molo naeng ro Assur tu tanonta, molo naeng luntahonna bagasta angka
na bolon i, jadi patindangonta ma mangalo ibana pitu parmahan dohot ualu induk ni jolma.

Mika. 5 : 6 (Ny Hutabarat br Hutagalung GALILEA 3)

6 Jadi sobokkon nambur sian Jahowa ma pasipasi ni Jakkob di tongatonga ni torop angka bangso,
jala songon udan na manetehi tu duhutduhut, na so maimaima di jolma, manang di angka anak ni
jolma.

Galatia 4 : 4 - 5 (Ny Ambarita br Tampubolon GALILEA 3)

4 Alai dung dapot gok ni tingkina, disuru Debata ma Anakna, tubu sian boruboru, ginomgoman ni
patik i;

5 asa ditobus angka na ginomgoman ni patik i, asa tajalo ruhut paramaon.

 LITURGI PAOPATHON

1 Joh. 2 : 28 - 29 (Ny. St. Siadari/br. Silalahi SION 4)

28 Nuaeng pe, angka anaha, mian ma hamu di bagasan Ibana, asa marhiras ni roha hita, di na gabe
patar Ibana, unang tarila hita maradophon Ibana di harorona i!
29 Molo diboto hamu, tigor Ibana, boto hamu ma: Naung tubu sian Ibana do nasa na mangulahon
hatigoran i.

1 Joh. 3 : 2 - 3 ( Ny. St. Tampubolon/br. Sijabat SION 4)

2 Hamu angka haholongan! Anak ni Debata do hita nuaeng, jala ndang dope dipapatar, manang na
gabe aha hita sogot; alai taboto do: Anggo dung patar Ibana, gabe suman ma hita tu Ibana, ai idaonta
do rupana sandiri.
3 Ganup na mangkirim songon i di Ibana, diparbadiai ma dirina, songon Ibana na badia i!

1 Joh. 3 : 11 - 12 ( Ny. St. Pardede/br.Harianja SION 4)

11 Ai on do barita na binegemuna sian mulana: Ingkon masihaholongan hita.

12 Unang ma songon si Kain, ai sian hajahaton do ibana, gabe dibunu do anggina. Dia do alana,
umbahen na dibunu? Ala na jahat ulaonna; alai tigor do ulaon ni anggina.

1 Joh. 3 : 13 - 14 (Ny. St Sihombing/br.Siregar SION 4)

13 Unang ma longang rohamuna, angka dongan, molo dihosomi portibi on hamu.

14 Taboto do, naung taripar hita sian hamatean tu hangoluan, ala tahaholongi angka dongan. Na so
parholong ni roha, mian do di bagasan hamatean.

1 Joh. 4 : 7 - 8 (Ny Sihombing br Oppusunggu BETSAIDA 4)

7 Hamu angka haholongan, masihaholongan ma hita, ai sian Debata do haholongon i, jala ganup na
marholong ni roha, i ma naung tubu sian Debata jala ditanda do Debata.
8 Halak na so marholong ni roha, i do na so tumanda Debata, ai haholongon do Debata.

1 Joh. 4 : 16 - 17 (Ny Naiborhu br Situmeang BETSAIDA 4)

16 Nunga tatanda jala tahaporseai holong ni roha ni Debata di hita. Debata do haholongon i; jala
halak na mian di bagasan haholongon, i do na mian di bagasan Debata jala Debata di bagasan ibana.
17 Disi ma gabe tipak holong ni roha i di bagasan hita, pola marhiras ni roha hita di ari paruhuman i;
ai songon Ibana, songon i do nang hita di portibi on.
 1 Joh. 5 : 1 - 2 (Ny Situmeang br Batubara BETSAIDA 4)

1 Ganup na porsea, Jesus do Kristus, i do naung tubu sian Debata, jala ganup na mangkaholongi
Ibana na manubuhon, haholongan ni i do nang na tubu sian Ibana.
2 Sian on do taboto, naung holong rohanta di angka anak ni Debata: Molo tahaholongi Debata jala
taradoti patikna.

1 Joh. 5 : 3 - 4 (Ny. St. Silitonga/Br. Simamora SILOAM 4)

3 Ai on do holong ni roha di Debata; molo taradoti patikna. Ndada na dokdok patikna i.

4 Ai nasa na tubu sian Debata do manaluhon portibi on. Haporseaonta i do naung monang
manaluhon portibi on.

2 Kor. 5 : 15 (Ny. Rajagukguk/Br. Simaremare SILOAM 4)

15 Jala songon on do hujujur hami: Anggo naung mate Nasada i humongkop sude, naung mate do
nasida saluhutna. Jala humongkop saluhut do Ibana mate, asa unang be mangolu di dirina angka na
mangolu i, asa mangolu nasida di Ibana, naung mate jala mulak mangolu humongkop nasida.

2 Kor. 5 : 17 (Ny. Sitinjak/Br. Purba SILOAM 4)

17 Asa molo di bagasan Kristus halak, na tinompa na imbaru ma i. Nunga salpu pangalaho na robi,
gabe na imbaru.
 SUSUNAN PANITIA PERAYAAN NATAL
GABUNGAN PAROMPUAN SE-RESORT HKBP SETIA MEKAR

Penanggung Jawab : Pdt. Dr. Ir. Frits Sihombing

Dewan Koinonia : St. H.M Sinaga

Paniroi Seksi Parompuan : St. E.N. br Hutabarat

Ketua : Ny Marpaung / br Silitonga

Sekretaris : Ny Sitorus / br Simarmata

Bendahara : Ny Pangaribuan / br Siahaan

Seksi-Seksi:

1. Seksi Acara : - Ny Silitonga br Tobing

- Ny. Hutagalung/St. R.A br Batubara

2. Seksi Konsumsi
3. Seksi Penerima tamu
4. Seksi Kolektan
5. Seksi DOA
: - Ny. Nainggolan Br Manulang
- Ny St Marbun br Sihite
- Ny. Simanjuntak br
Gultom
- Ny. Cst Silaban br
Pangaribuan
- Ny. St. Manulang /
br. Purba
- Ny.Sinaga / br.
Siahaan
- Ny Aruan/br Sianturi
: - Ny Siahaan/br Rajagukguk
- Ny Hutasoit/br Pasaribu
- Ny. Sitakkar/br Gultom
- Ny. St Sitorus /br Siburian
- Ny Sinaga /br Situmeang
- Ny St Tarigan/br Sirait
- Ny Pasaribu/br Hutabarat
- Ny.Pasaribu /br.Siagian
- Ny. Sianipar/br.Hutabarat
: - Ny Hutapea/St br Nainggolan
- Ny Sitorus/St br Simanjuntak
- St. Br Simangunsong
- Ny. Sianipar /St br Malau
- Ny. Sinambela / St. Br.Sitorus
- Ny Manik/ St. Br. Situmorang
: - Ny Marpaung/St br Hutabarat
- Ny Lubis/br Manurung
- Ny Panggabean/br Sihombing
- Ny Silitonga/br Tobing
Song Leader : - Ny Pandiangan/St br Manalu
- Ny Sinambela/br Tampubolon

NAMA-NAMA PESERTA ORATORIUM

1. Ny. St Marpaung br Silitonga

2. Ny Sitorus / br Simarmata
3. Ny Pangaribuan / br Siahaan
4. Ny. Hutagalung/St. R.A br Batubara
5. Ny. Nainggolan Br Manulang
6. Ny St Marbun br Sihite
7. Ny. Simanjuntak br Gultom
8. Ny. Siahaan/br Rajagukguk
9. Ny Hutasoit/br Pasaribu
10. Ny. Sitakkar/br Gultom
11. Ny. St Tarigan/br Sirait
12. Ny. Siburian/ br Sibagariang
13. Ny. Silaban/ br Hutapea
14. Ny. Lumbanbatu / br Sirait
15. Ny. Silitonga / N. br Tobing
16. Ny. Marpaung /br Manurung
17. Ny. Simanjuntak/ br Silalahi
18. Ny Tamba br Hutauruk
19. Ny. Sinambela/ br Manurung
20. Ny. Siahaan /P. Br Silaban
21. Ny Hutasoit / St RHJ br Sinaga
22. Ny Sianturi/ S. Br Simorangkir
23. Ny Simbolon/br Gultom