ACARA PERAYAAN NATAL GKLI LAGUBOTI

JEMAAT IMMANUEL TOBA SAMOSIR

SENIN, 24 DESEMBER 2018

Tema :
“Hasangapon ma di Debata di ginjang, dame ma di tano on
di angka jolma halomoan i “
(Lukas 2:14)
 ACARA PERAYAAN NATAL GKLI LAGUBOTI
JEMAAT IMMANUEL TOBA SAMOSIR
SENIN, 24 DESEMBER 2018
THEMA :“Hasangapon ma di Debata di ginjang, dame ma di tano on di
angka jolma halomoan i (Lukas 2:14)
------------------------------------------------------------------
1. Prelidium............................ (saat teduh)
2. Ucapan Pembukaan selamat Natal (Mc)
3. Ende No. 57: 1-3 “Nunga Jumpang muse ari Pesta i”
Nunga jumpang muse ari pesta i, hatutubu ni Tuhanta Jesus i
Tuat di Ibana sian surgo i, mebat tu hita on
Hasangapon di Debata, dame dame ma di jolma
Las ni roha ni Debata hajolmaon muse
Beta ale dongan tu Betlehem i, itasombama dakdanak na
disi
Na tinongos ni parasi roha i, Debata Ama i.
Hasangapon di Debata, dame dame ma di jolma
Las ni roha ni Debata hajolmaon muse
Sombanami ma di ho natbu on, ho siboan Dame tu portibion
Sai pasaorhon ma tu roha nami on, dame mi o Jesus
Hasangapon di Debata, dame dame ma di jolma
Las ni roha ni Debata hajolmaon muse

4. Votum (L- Liturgist……J – Jemaat)_______( Huria

Jongjong )
L : Marhitehite Goar ni Debata Ama dohot Goarni Anakna
Tuhan Jesus Kristus dohot Goar ni Tondi Porbadia na
tumompa langit dohot tano on.
L+J : Amen
L :Bangso na mardalani di bagasan haholomon marnida sada
panondang na bolon, binsar do sada panondang ni na
mangingani rura linggoman ni hamatean.
J ;Boan ma sinondangMi tu liat portibion, dok ma unang
mabiar ho. Debata do na mandongani ho.
L : Hehe ma ho marsinondang ma ho, ai nunga ro
panondangmi tu ho, lao manondangi ho.
J :Nunga huida hami hatiuron i, Jesus do na pamalum ahu,
na palua tondikki, mandidihon tu ahu Tondi Porbadia i.
 L ;Hehe ma ho marsinondang ma ho, ai nunga ro
panondangMi tu ho, lao manondangi ho.
J :Jesus kristus biru-biru ni Debata, na mamorsan dosa i,
Raja ni sude raja.
L :Patuginjang ma tohangmuna hamu ale angka harbangan,
patuginjang ma tohangmuna hamu ale angka pintu sian na robi,
asa bongot Raja ni hamuliaon i.
J :Ise ulaning Raja ni Hamuliaon i ?
L :Ima Jahowa Zebaot, na gogo jala ulubalang na gogo, Ibana do
Raja ni hamuliaon i.
J :Patuginjang ma tohangmuna hamu ale angka harbangan,
patuginjang ma tohangmuna hamu ale angka pintu sian na robi,
asa bongot Raja ni hamuliaon i.
L :Ise ulaning Raja ni Hamuliaon i ? Ima Jahowa Zebaot, na gogo
jala ulubalang na gogo, Ibana do Raja ni hamuliaon i.
Martangiang ma hita:
Ale Tuhan Debata Ama ni Tuhan Yesus Kristus. Marlas ni roha
do hami na pungu on apala di borngin na badia on. Huingot
hami do Ho ale Tuhan Jesus naung tubu najolo di huta betlehem,
di bara ni pinahan na lea i. nunga malua hami, nunga gabe
partohap hami di harajaonMu.
Mauliate ma di ho ale Tuhan ala sahat tu tingkion, tongtong do
las roha nami marningot denggan basaMi. Sai tatap ma hami,
urupi ma hami laho patupahon pujipujiannami lao pasangaphon
Ho marhitehite pesta Natal di borngin on. Sai jalo ma tangiang
dohot pangidoannami on di bagasan Kristus Yesus Tuhannami.
L +J ;Amin ---------------- (Huria Hundul )
5. Ende No.48: 1-3 “Ria ma hita sasude”
Ria ma hita sasude mamuji Debata
Girgir ma parendetta be, ai ido na tama, ai ido na tama.
Diungkap Debatanta i, banua ginjangi
Disuru do Anakna i, hangoluanta i, hangoluanta i.
Ampuan ni Amana do tinandinghon nai
Tu hasiangan on do ro, tu pardangolan i, tu pardangolan i.
6. Penyalaan Lilin (Parjamita mambuat lilin sian Altar)
Pengkhotbah
Pangula ni huria
 Utusan Ama
Utusan Ina
Utusan Remaja/Pemuda
Utusan Sekolah Minggu
7. Ende No.45:1-3 “Hosianna anak ni raja David”
Hosianna anak ni Raja David ro tu hita
Baen ture dalanna i asa bongot tu rohanta
Baen ma gaba-gaba i, di Tuhanta na ro i

Hosianna ro ma ho tu bagasan rohanami

Na manomunomu ho ale Jesus Tuhannami
Las do rohanami i, molo bogot Ho tu si
Hosianna Raja ni Hadameon ulubalang
Nasa na binoanMi dame dohot hasonangan
Hami na hinophopMi, do nampuna i sude
8. Liturgi : I “Puji-pujian dohot Panompaon”
9. Ende No.46:1-2 “Na sia ginjang do au ro”
Na sian ginjang do au ro, barita na imbaru do
Huhut na uli situtu, huboan tu sude hamu.
Naung tubu do saborngin on, Anak ni na marbaju on
Anak na uli situtu, na gabe las ni rohamu.
10. Liturgi ; II “Hadadabu tu bagasan dosa ”
11. Ende No.47:1-2 “Di na saborngin on do binsar”
Di na saborngin on do binsar, panondang di tondinta i
Padaohon saluhut na simpar, lao patiurhon sasude
Sondangan ni panondang on, muse sandok portibion.
Ianggo ho lae tondingku, sai jangkon ma panondang i
Sai unang ma lea rohamu, dibahen hametmetonNa i
Pabalionna do sude sibolis dohot dosa pe
12. Liturgi III “Baga-baga”
Ende No.49:1-3 “Sai ro ma tu bara”
Sai ro ma tu bara di Betlehem on
Hamu na porsea hatop ma tuson
Marnida halasan ni rohanta i, tinongos ni Ama na di surgo i.
O ida hamu ma di bara inon
Dakdanak na tubu disi borngin on
Uli do rupana mataNa tiur, o bereng Ibana ho gabe tiur.
 Las roha Maria nang Josep disi
Marnida na metmet na sorang tusi
Marsomba tu patNa do parmahan i, di ginjang marende
pardisurgo i.
13. Liturgi IV : “Hatutubu”
14. Ende No.54:1-3 “Sonang ni bornginna i”
Sonang ni bornginna i, uju ro Jesus i
Sonang modom do halak sude, holan dua na dungo dope
Mangingani Anakna Jesus Tuhanta i
Denggan ni bornginna i, uju ro Jesus i
Tu parmahan di Betlehem i, di paboa na disurgo i
Nunga ro Sipangolu, Jesus Tuhanta i

Godang ni tua disi di na ro Jesus i

Tung malua pardosa muse sian hamagoanna muse
Ala ro sipangolu Jesus Tuhantai
15. Liturgi V : “Harorona paduahalihon”
16. Ende No.56:1-2 “Sai ro ma hamuna”
Sai ro ma hamuna angka na porsea, sai ro ma hamuna tu
Betlehem
Ida dakdanak sipalua hita, tasomba ma ibana
Tasombama Ibana, tasombama Ibana Rajanta
O Raja na sangap jala marmulia, Ditaon Ho na
posrsuk di tano on
Ala ni jolma na dihamagoan, tasombama ma Ibana
Tasombama Ibana tasombama ibana Rajanta.
17. Renungan Natal
18. Ende No.62:1-3 “Halalas ni roha godang” ...... (Papungu
Pelean)
Halalas ni roha godang na hubaritahon on
Nunga tubu Sipalua di hita jolma on
Hasangapon ni Debata laos dame dame dame ma di jolma
Lomo ni roha ni Debata do hita jolma on.
Ai saborngin on do binsar bintang di na holom i
Sumondangi hagolapon na di rohanta i
Hasangapon ni Debata laos dame dame dame ma di
jolma
 Lomo ni roha ni Debata do hita jolma on.
Tuhan Jesus hadomuan i disuru Debata
Na pasaehon sude dosa di dolok Golgata
Hasangapon ni Debata laos dame dame dame ma di jolma
Lomo ni roha ni Debata do hita jolma on.
19. Tangiang Pelean
Ale Amanami na di banua ginjang, Ho do haroroan ni
nasa pasupasu na mauli utus. Hupasahat hami ma
pelean nami tu Ho, sai jalo ma i gabe uap na hushus di
jolom. Pasupasu ma i jala ramoti asa huparhaseang
hami pelean o patimbulhon harajaonmu di tonga-tonga
ni Huriam nang di portibion. Buhai ma rohanami
marhitehite Tondim asa lam girgir hami mandok
mauliate tu ho marhitehite tuhan Yesus Kristus
Tuhannami.
Tangiang ale amanami
Pasu-pasu
GKLI Laguboti Jemaat Immanuel
Mengucapkan :

Selamat Hari Natal

25 - 26 Desember 2018
&
Tahun Baru 01 Januari 2019

TUHAN YESUS MEMBERKATI. SYALOMMM !!!