ACARA PESTA II

PARNINGOTAN HATUTUBU NI TUHAN JESUS

RABU, 26 DESEMBER 2012
TEMA : “PUJI MA TUHAN I NA PATUPAHON HADAMEHON DI
BANGSONA”
PAMUHAI : JOUJOU TU PAMUJIAN ( U: Uluan; H: Huria)
U : Huria ni Tuhanta, toho di bagasan sadarion marlas ni roha jala gok
olopolop do hita mamestahon Natal, manghalashon hatutubu ni sipalua
i. naung gabe jolma ma Ibana rot u portibion patupahon haluaon sian
nasa dosa nang hamatean. Ndang tarbahen huaso dohot harajaon ni
portibion mangambat haroroNa i. alani I, tajanghon ma hatutubuNa I di
bagasan rohanta be. Sian hami parhalado ni Hurianta pasahathon “
SELAMAT HARI NATAL” nami tu hamu ruas ni huria.
H : “Selamat Hari Natal” ma nang di hamu Parhalado ni hurianta
U : Songon tanda ni las ni rohanta manghalashon Pesta Natalta ditingki on,
masijalangan ma hita tu angka dongan na disiamun doohot hambirangta
huhut mandok “Selamat Hari Natal”
1. MARENDE BE No. 605:1 “Las Ma Roham”
Las ma roham Tuhanta ro, gumonggom sasude.
Ungkap roham, jangkon Rajam. Marende ma sude.
Marende ma sude. Marende, marende ma sude.
Tano nang laut, harangan i, nang awangawang i;
hauma i, nang sunge i olophon Raja i.
Olophon Raja i. Olophon , olophon Raja i.
---jongjong---
Bura binaen ni dosa i marujung ma disi.
Ai nunga ro Messias i mamboan dame i.
Mamboan dame i, mamboan, mamboan dame i
2. VOTUM-INTROITUS
U : Marhitehite Goar ni Debata Ama, dohot Goar ni AnakNa Tuhan Jesus
Kristus dohot Goar ni Tondi Parbadia, na tumompa langit dohot tano on.
Amen. Hosianna, pinuji ma na ro marhitehite Goar ni Tuhan i. Tasomba
ma Ibana, marolopolop ma hita disi. Patuginjang ma tohangmu, hamu
ale angka harbangan, patuginjang ma hamu ale angka pintu sian na robi,
asa bongot Raja ni hamuliaon i.
H : Marlas ni roha jala mariaia do tondingku manjangkon Sipalua naung ro
tu portibion, mamboan dame dohot las ni roha. Tasomba ma Ibana
naung ro manopot hita jolma.
U : Paboa hamu ma tu boru Sion. Ida ma nunga ro hatuaonmi, ida ma ihut
tu Ibana do upa silehononNa tu angka na porsea dohot tu angka na
manghaholongi Ibana.
H : Ai nunga tubu di hita sada posoposo, dilehon tu hita sada Anak, pampe
tu abaraNa do sogot harajaon.
U : Jala bahenonna goarNa: Partahi halongangan, Ulu balang ni Debata,
Ama saleleng ni lelengna, Raja ni hadameon. HALELUYA….
H : (endehon) Haleluya.. Haleluya.. Haleluya..
U : Martangiang ma hita! (Jaha sian Agenda)
--- hundul ma hita ---
3. MARENDE BE No. 607: 1, 2 “Nunga Tubu Kristus i”
Nunga tubu Kristus i Haleluya, di huta Betlehem i
Haleluya.
Gabe daging Hata i Haleluya, di mula ni natal i Haleluya.
Narade tarsilang i Haleluya, dipartangkurahan i
Haleluya.
Mangoloi Amana i Haleluya, lao manghophop jolma i
Haleluya
4. Manjaha Patik ni Debata
U : Tangihon hamu ma Patik ni Debata di Ari Pesta sadarion, i ma na
tarsurat di Kolosse 2:6-7. “Onpe, songon panjanghon muna di Kristus
Jesus, Tuhan i songon i ma hamu marparange di bagasan Ibana.
H : Gabe marurat jala pinauliuli ma hamu di bagasan Ibana, togu
marhaporseaon, hombar tu na niajarhon tu hamuna, lumobi ma hamu
marroha mauliate.
U : I do sahatna, antong rap mangido gogo ma hita sian Tuhan Debata, laho
mangulahon na hombar tu patikNa i.
U+H : Ale Tuhan Debata, sai pargogoi ma hami mangulahon na hombar tu
patikMi. Amen.
5. KOOR …
6. MARENDE BE No. 609:3-4 “O Jesus na Metmet”
 O Jesus na metmet na basa i, patar do holong ni rohaMi.
Na sonang ditadingkon Ho, na porsuk i dipillit Ho
O Jesus na metmet na basa i.
--- jongjong ---
O Jesus na metmet na basa i, ro au marsomba tu
joloMi.
Diringku ma peleanki, sai jangkon au O Tuhanki
O Jesus na metmet na basa i.
7. MANOPOTI DOSA
U : Tatopoti ma dosanta na godang i tu adopan ni Debata, tapaunduk jala
tapaserep be ma rohanta, martangiang ma hita:
Ale Tuhan Debata na badia jala na bonar, parasi roha jala pardenggan
basa do Ho, Sai marpangulahi ma RohaM mida hami saluhutna.
H : Dibahen i sai sesa ma dosanami. Ndang adong na hupangasahon hami
dunghon asi ni rohaM na godang i. Hatigoran na pinatupa ni AnakMu do
na hupangasahon hami di joloM.
U : Dibahen I, pasonang jala apuli ma hami angka na hinomhop ni Tuhan
Jesus Kristus, Tuhan nami. Amen.
H : (Mangendehon BE No. 61:2 “Na Tau Las ni Roha”
Tung godang do dosa pangunjunan pe.
Mangarsahi hita paima mate be (2x)
U : Bagabaga ni Debata taringot di hasesaan ni dosanta:
Songon on do hata ni Tuhan Jahowa: “Nunga diarsahi ho Ahu marhite
sian angka dosam, jala nunga dilojai ho Ahu marhite sian angka
hajahatonmu. Ahu tutu, Ahu sandiri manesa angka pangalaosim ala
ni hadirionKu, jala ndang be hupaingotingot angka dosam.”
Hasangapon ma di Debata na di ginjang.
U+H : A m e n.
--- hundul ma hita ---
8. KOOR …
9. MARENDE BE No. 597b:1-2 “Baritahon di Dolok”
Reff:
Baritahon di dolok di rura di sude inganan,
Baritahon di dolok naung tubu Kristus i.
1. Di na lulu lulu au arian borngin i, rade do Ho
Tuhanku patudu dalan i. Reff: Baritahon…
 2. Di na pinabangkitMu au gabe naposoM, patau ma
au Tuhanku marhobas diijoloM. Reff: Baritahon…
10. EPISTEL: Ulaon ni Apostel 7: 30-34
11. MARENDE BE No. 610:1 “Pasangap ma”
Pasangap ma! Pasangap ma! Debatanta na di ginjang.
Dame ni Tuhan saor tu hita angka jolma halomoanNa.
Pasangap ma Debatanta, pasangap ma Debatanta!
Dame ni Tuhan, saor tu hita, dame ni Tuhan saor tu hita
Angka jolma, angka jolma halomoanNa,
angka jolma halomoanNa, halomoanNa.
Pasangap ma! Pasangap Ma! Debatanta, Debatanta na di
ginjang.
Dame ni Tuhan, saor tu hita angka jolma HalomoanNa.
Amen, Amen..
12. MANGHATINDANGHON HAPORSEAON
13. KOOR …
14. TANGIANG PANGONDIANON
15. MARENDE BE No. 601:1-.. “Di huta ni Raja Daud”
(Papungu Pelean 1a+1b)
Di huta ni Raja Daud tubu Sipalua i,
Si Maria pangintubu na hipas di bara i.
Laos tu panggagatan I do di borhos Tuhan i.
Ro sian banua ginjang tuat tu portibion,
Na gumomgom saluhutna tubu di bara i non.
Raphon jolma na lea saor tu hita Debata.
Tagan di hamet-metonNa parangeNa I burju.
Pasangaphon natorasNa lam marroha situtu.
O dakdanak tiru ma Jesus Kristus na burju.
Ndang marimbar songon hita, songon ho nang dohot
au,
Halojaon, na hansitan, dihilala do tutu.
Arsak, las ni roha pe diadopi do sude.
16. JAMITA: Lukas 2: 8-11

17. MARENDE BE No. 602: 1-.. “Di Natal na Parjolo”

(Pasahat Pelean II)
 Di Natal na parjolo i parmahan marborngin di ladang i,
Tusi do ro suruan i, mandok nunga sorang Mesias i.
Noel, Noel, Noel, Noel, Tubu Raja ni Israel.

Binsar do sada bintang i, di purba torang sinondang i.

Tongtong tarida bintang i, Arian nang borngin patar
do i.
Noel, Noel…

Parroha sian purba i, Lao borhat manjalahi Raja i.

Paihut-ihut bintang i, Tu huta ni Raja na sorang i.
Noel, Noel…

BintangNa i natiur i, Mardalan do tu manabia i.

Di Betlehem mansohot i, Di atas inganan ni Jesus i.
Noel, Noel…

18. PANDIDION NABADIA

19. ULAON NABADIA

20. TANGIANG PELEAN-ALE AMANAMI-PASUPASU.

Lagu-lagu Pandidion Nabadia Lagu-lagu Ulaon Nabadia

B.E No. 144 NA HOT PADANKU BL. 104
1. Na hot padanku tu Jahowa, Binaen ni Jesus
Tuhanki
Ai hutadingkon do na roa Hujalo pandidion i
Sai las rohangku ala ni Salelengni lelengna i
4. Disuru Debata Jahowa TondiNa, mangajari au
Mangalo sasude na roa Huhut pabadiahon au
Sai las rohangku ala ni Salelengni lelengna i
5. Nunga disurat Debatangku Goarhu di bukuNa i
Paboa nunga hot jambarhu Na di banuaginjang i
Sai las rohangku ala ni Salelengni lelengna i
B.E No.145 NASA JOLMA INGKON MATE
1. Ndang hapalang las ni roha Ala na tardidi au
Ai disi bolong na roa Dohot dosa sian au
Ise na tumanda arta Na ummuli Na ummarga
Sian hatuaonki Salelenglelengna i
2. Nunga sae sude utangku Ala na tardidi au
Uhum ndang habiaranku Diondihon Jesus au
Ai mudarNa huparidi Di na masuk au tardidi
Ala nii las rohangki Salelenglelengna i
4. Di na mate au, hudok ma Nunga na tardidi au
I do gabe pos ni roha Ai tu surgo ma au lao
Topotonku ma Amangku Dohot Jesus i Tuhanku
Ala nii las rohangki Salelenglelengna i
B.E No.146 PAIAN MA DI HAMI BL.6
B.E. No. 152 JESUS NA MAMORSAN BL. 120
1. Jesus na mamorsan dosa ni portibi on, pangolu
hami.
Jesus na marmosan dosa ni portibi on, pangolu
hami.
Jesus na mamorsan dosa ni portibi on, sai
pasonang hami, Amen,Amen,Amen.
BE. No 153 O JESUS NAUNG SINEAT BL. 126
1. O Jesus naung sineat, di hau na pinarsilang.
RohaM tongtong daulat, nang uju Ho tarhilang.
Marutang hosa hami, ditaon Ho dosanami, Asi
rohaM o Jesus.
2. Pelean na badia, na masuk tu Jahowa.
Singkat ni manisia, na so daulat roha.
Di taon Ho dosanami, so i lao hami, Asi rohaM o
Jesus.
4. Pelean na badia DagingMu sipanganon
Di angka na porsea MudarMu siinumon
Sai ro ma maringanan Marhite parpadanan Di
hami on, o Jesus.
B.E. 154 SAI PALINGGGAS HO BL. 190
1. Sai palinggas ho tondingku, sai tadingkon ma
arsakmu.
Ro ma ho tu hatorangan,asa dapot hasonangan.
Ai tarontang ho saonari, tu haroan na badia,
1. O Jesus naeng tardidi Do posoposo on
Sai ro ma mangaligi Huhut manjalo on.
2. Diboan natorasna Nasida be tuson
Ai naeng pasahatonna Tu Ho dakdanak on.
3. Ai dibagasan dosa Do tubu on sude
Isara ni ompuna Nang natorasna pe.
4. Alai o Tuhan Jesus Silehon tua i
MudarMu do naung durus Manesa dosa i.
5. I ma umbaen binoan Dakdanak on tuson
Mangido haluaon Di pandidi on
6. Asi rohaM o Tuhan Di angka on sude
Tu buku hangoluan Surathon ma sude.
B.E No. 147 JESUS HAMI RO DISON, ASA
1. Jesus hami ro dison Mangihuthon na nidokMu
Ro do posoposo on Ala na pinatikkonMu
Ingkon do tu Ho boanon Lao manjalo
Parpadanan.
2. Marsaringar hata on Dibagasan rohanami
Manang ise na dison So hian manduahali
Sian ginjang tinubuhon Ndang tarbaen tu
hangoluan.
3. Ala ni hapogan do Hami ro tu Ho, o Tuhan
Asa sahat ma tu Ho Posoposo on .
Sai suan hangoluan tu rohana Asa gong di Ho
ibana.
4. Buri ma tondina i Dohot mudarMi, o Jesus
Baen ias rohana i Sangkapmi di on patulus
Lehon ma hatigoranMu Ain ibana, anakkonMu.
5. Parmahani on tongtong Ho parmahan di huria
On pe jalo ruasMon Baen pintor huhut badia
Dame lehon tu rohana Dohot haporseaonna.
6. Sahat ma tu rohaMi, Jesus pangidoannami
Togu i tu surgo i, Sai oloi ma sangkapnami
Nang goarna i, o Tuhan Baen tu buku hangoluan
>>Xx Lagu ulaon na Badia
BE.703 Rap ma hita lao manganhon
1. Rap ma hita lao manganhon roti on,
Parhitean ni daging ni Tuhan i.
Pos ma rohanta I, hot haporseaon I,
Lao manjalo hangoluan i.
2. Rap ma hita lao manginum anggur on,
Ima mudar ni Tuhanta Jesus i.
Pos ma rohanta I ………
3. Rap ma hita lao marningot Tuhan I,
Rap ma hita lao marningot Tuhan I,
Pos ma rohanta I ………
Na manggomgom parluhutan, naeng tu ho do
maringanan.
3. Sai malungun do rohangku, Ale Jesus di basaMu.
Tung na tangis do rohangku, na malungun do
mannaMu.
Na mauas do tondingku, ale Jesus di mudarMu.
Pinangido ni rohangku, hasasaor tu Debatangku.
5. Jesus holong ni rohangku, dipadoras Ho
langkaMu
Manadingkon hasangapon, mandapothon
hajolmaon.
Ai dilehon Ho dagingMu Hangoluan ni
tondingku.
Diusehon Ho mudarMu, baen hasaean ni
dosangku.
6. Jesus, Ho hangoluanhu, unang so adong labangku.
Lao manganhon parpadanan, unang tung au
hajeaan
Unang so lam huantusi, godang ni
pangkaholongi,
Ni rohaM di huriaMu, Na tinobus ni mudarMu
BE. 155 NAUNG MORU DO MUSE SATAON
1. Tu son ma ale tondingku, di na mauas, male ho
Manjalo basa ni Tuhanmu pinaradeNa i di ho.
Dilehon Jesus do dagingNa, marhitehite roti on,
Dilehon dohot do mudarNa, marhitehite anggur
on.
2. Ai nang tongtong pe ganup ari, mudarNa
mangurasi au.
Huhut Ibana so mansadi manogu tu lambungNa
au.
Sai naeng au mangan parpadanan ni Jesus
Kristus, Tuhanki.
Na padamehon parbadaan, na pasonangkon
rohangki.
3. Asi rohaM di au o Jesus, tumpahi au sadari on.
Ai hataMi do hupatulus, manganhon parpadanan
on.
Antong patiur ma rohangku, marningot denggan
ni basaM.
I ma na tinaonMi dosangku, binaen ni holong ni
rohaM.
4. Patogu haporseaonku, di hasasae ni dosangki.
Marsitiopan baen rohangku, di mudarMi na durus
i.
Sai ro ma Ho ale Tuhanku, marhite parpadanan
on.
JoroM ma baen nuaeng rohangku. Ho ma
nampuna au tongtong.
BE.702 Pangan ma roti on
1. Pangan ma roti on I ma daging ni Tuhan Jesus,
Inum ma sian I mudar ni Tuhanta do i.
2. Jalo ma, pangan ma, asa sai tongtong Ho
margogo,
Inum ma sian I ngolu na manongtong di ho.