 Ev: Psalmen 147 : 1 - 11  Ep: Mateus 1 : 18 - 23

TOPIK:
ENDEHON MA JAHOWA

JUMAT, 24 DESEMBER 2021

HKBP DISTRIK XXV JAMBI
1
1. JOUJOU MARSOMBA TU DEBATA (U = Uluan; R = Ruas)
U: Amang, inang, Naposo bulung, remaja dakdanak sikkola Mingu, sude
tahe hita na pungu di bagas joro on. Jumolo ma pinasahat, Selamat Ari
Natal!
R: Selamat Ari Natal ma tong di hamu parhalado ni Tuhan i.
U: Marolopolop ma tondinta, di na marningot ari hatutubu ni sipalua i. Las
ni roha bolon do borngin on di tongatonga ni saluhut halak Kristen. Beta
ma hita marsomba di adopanNa, taendehon ma GoarNa, ai nunga
dipatongon Kristus na gabe partanobatoan ni hatuaonta.
R: Marolopolop do rohanami mandapothon Jesus naung tubu i,
taolophon ma Ibana marhite pujipujian dohot unduk ni rohanta. Beta
ma, taendehon ma pujipujian, ai nunga dipalua hita sian nasa dosa
dohot pangalaosionta.
U: Antong ale angka dongan, taparade ma dirinta tasomba ma Tuhanta i di
bagasan las ni roha. Tabaritahon ma: “Nunga tubu Kristus, nunga
songgop hadameon, asa saluhut jolma taruli di las ni roha naung
pinarade ni Kristus. Marende ma hita!

2. MARENDE BE. 598 : 1 + 3 “Bege Ende Ni Suruan” BL. 598

֍ Bege ende ni suruan, sangap ma di Tuhan i
Nunga tubu Sipalua Raja Sipardame i
Dipadame Debatanta do diriNa tu pardosa
Nunga tubu Kristus i di huta Betlehem i
Ende ni suruan i, sangap ma di Tuhan i.
---jongjong---
֍ Jesus Raja Hadameon sondang hatigoran i.
Panondang ni hangoluan di saluhut jolma i.
Dirumari do diriNa lao manobus manisia.
Asa unang mate be ala ni dosana be.
Ende ni suruan i, sangap ma di Tuhan i

2
3. VOTUM – INTROITUS – TANGIANG
U: Marhitehite Goar ni Debata Ama dohot Goar ni AnakNa
Tuhan Jesus Kristus dohot Goar ni Tondi Parbadia na tumompa langit
dohot tano on. Amen!
Nunga patar hangoluan i, jala nunga huida hami jala nunga
huhatindanghon hami dohot hubaritahon hami tu hamu hangoluan na
saleleng ni lelengna, na di lambung ni Ama i hian jala naung patar di
hami. Haleluya!
R: Mangendehon: HALELUYA, HALELUYA, HALELUYA.
U: Martangiang ma hita! Ale Debata, Ama na di banua ginjang! Pujipujian,
hasangapon dohot hamauliateon husombahon hami tu Ho, marningot
silehonlehonMi na balga i tu hami jolma na di pardangolan on, i ma
AnakMu, Jesus Kristus, na sinuruM sian banua ginjang ala ni hami. Gabe
na dangol do Ibana jala na pogos, pola tubu Ibana di bara ni pinahan di
Betlehem, asa mamora hami. Sai rajai jala togutogu hami marhitehite
TondiM, asa lam huida hami godang ni holong ni rohaM na pinapatar ni
AnakMi. Amen. ---Hundul---

4. MARENDE BE. 605 : 1 “LAS MA ROHAM”

֍ Las ma roham Tuhanta ro, gumomgom sasude
Ungkap roham, jangkon RajaM marende ma sude
Marende ma sude, marende, marende ma sude.

5. PATIK
U: Patik ni Debata di hita di borngin parningotan hatutubu ni Tuhan Jesus
Kristus, i ma na tarsurat di Psalmen 98 :1.
Endehon hamu ma di Jahowa ende na imbaru sada, ai nunga
dipambahen Ibana angka halongangan; nunga ditumpahi siamunna i
dohot tanganna na badia i Ibana. Antong rap mangido gogo ma hita
sian Tuhan Debata.
R: Ale Tuhan Debata! Sai pargogoi ma hami mangulahon na hombar tu
patikMi. Amen!
3
6. MARENDE BE. 48 : 1, 6 “Ria ma Hita Sasude“ BL. 16
֍ Ria ma hita sasude mamuji Debata.
Girgir ma parendenta be, ai i do na tama, ai i do na tama.
---jongjong---
֍ Antong hamuna sasude pardosa na tungki
Sai ungkap rohamuna be manjangkon Jesus i, manjangkon Jesus i.

7. TANGIANG MANOPOTI DOSA DOHOT BAGABAGA NI DEBATA

U: Martangiang ma hita! Ale Tuhan Debata, Ama ni Tuhannami Jesus
Kristus, Ho do Debata pargogo na so hatudosan, sitompa nasa na adong,
paruhum na tigor, na manguhumi jolma manisia!
R: Na ro do hami tu joloM manopoti dosanami, angka na huula hami
marhite sian pangalaosionnami di PatikMu, i ma marhite sian
tubutubu ni rohanami.
U: Na tama situtu do hona uhum hami ala ni dosanami i, alai na tarsolsol
bagi do hami nuaeng ala ni i. Asi ma rohaM di hami, ale Debatanami.
R: Pardengganbasa jala Parasiroha do Ho ala ni Anak haholongan ni
rohaM, Tuhan Jesus Kristus Tuhannami.
Sai sesa ma dosanami saluhutna, jala suru ma Tondi Parbadia tu
rohanami be, asa tarbahen hami mangoloi Ho di bagasan hatigoran
dohot habadiaon, gabe sahat hami tu hangoluan naso ra suda, na
pinarbagabagaM di angka na porsea di AnakMu, Tuhan Jesus Kristus,
Tuhannami. Amen.
U: Bagabaga ni Debata taringot tu hasesaan ni dosanta:
Songon on do Hata ni Tuhan Jahowa: Nunga diarsahi ho Ahu marhite
sian angka dosam, jala nunga dilojai ho Ahu marhite sian angka
hajahatonmu.
Ahu tutu, Ahu sandiri manalesei angka pangalaosim ala ni hadirionKu,
jala ndang be Hupaingotingot angka dosam. Hasangapon ma di Debata
na di ginjang!
R: Amen. (Hundul)
4
8. MARENDE BE. 194 : 1 – 2 “Aut So Asi Roham” BL. 62
֍ Aut so asi rohaM, aut so godang basaM, tu dia au?
Alai dibaen basaM, dohot asi rohaM, tu surgo au.
Mauliate ma, di Ho o Debata, ala basaM
Sibahen dalan i, marhite AnakMi, tu banuaM

9. EPISTEL
U: Hata ni Debata, turpuk Epistel, di parpunguanta borngin on tarsurat di
Mateus 1 : 18 - 23 tajaha ma marsingkat soring!
Ianggo hatutubu ni Jesus Kristus songon on do: Uju oroan ni si Josep i dope
inana, si Maria i, gabegabean do ibana sian Tondi Parbadia, andorang so
masipadonohan dope nasida.
R: Ala parroha na bonar si Josep, na mangoro si Maria, ndang adong rohana
paurakhon nasida, gabe ditahi rohana nama, naeng siranghononna
songon i.
U: Alai di na songon i dope tahi ni rohana, diida ma di nipina surusuruan ni
Tuhan i, na mandok tu ibana:
O Josep, anak ni si Daud, unang alang roham mangalap si Maria, gabe
donganmu saripe muse, ai na sian Tondi Parbadia do na naeng tubu di
ibana.
R: Tumubuhon Anak ma ibana; Jesus do Goarna, bahenonmu, ai paluaonna
do bangsona sian angka dosanasida be.
U: Masa pe sudena i, asa jumpang na hinatahon ni Tuhan i marhite sian
panurirangna na mandok:
R: “Ida hamu ma, gabegabean do na marbaju i, tubuan Anak ma ibana; jala
bahenon do Goarna Immanuel, lapatanna: Donganta ma Debata!”
U: I ma sahatna:
Martua do angka na tumangihon hata ni Debata jala na umpeopsa.
Amen!

5
10. MARENDE BE. 608 : 1 – 2 “O Betlehem Na Metmet I” BL. 608
֍ Betlehem na metmet i, boasa modom ho.
Humirdophirdop bintang i, hohom marnida ho.
Alai ro sian ho do, panondang na tongtong.
Na pinarsinta nasailaon, sorang di borngin on.
---jongjong---
֍ Na sorang do di borngin i, Kristus Tuhanta i
I do na pinaboa ni, bintang na tiur i
Parangan pardisurgo, mamaritahon i
Sangap di Debatanta i, dame di tano on.

11. MANGHATINDANGHON HAPORSEAON

U: Tahatindanghon ma haporseaonta i songon na hinatindanghon ni
donganta sahaporseaon di sandok portibi on. Rap ma hita mandok!
R: Ahu porsea di Debata Jahowa ….. du. Amen. (Hundul)

12. Vocal Group: Ina Villa Makasda (Pukul 14.00 WIB, Di Gereja)
Vocal Group: Mazmur Voice (Pukul 16.00 WIB, Di Gereja)
Vocal Group: Sintua Parompuan (Pukul 19.00 WIB, Di Gereja)

13. TINGTING
14. MARENDE BE. 54 : 1 – 3 “Sonang ni borngin na i”
֍ Sonang ni, borngin na i, uju ro, Jesus i.
Sonang modom do halak sude, holan dua na dungo dope.
Mangingani AnakNa Jesus Tuhantai
(di tingki marende, ro ma tu jolo na Pagalakhon Lilin)
- Parjamita - Utusan Sintua
- Utusan Ama - Utusan Ina
- Utusan Naposo - Utusan Remaja
- Utusan Sikkola Minggu

6
 ֍ Denggan ni borngin na i, uju ro Jesus i.
Tu parmahan di Betlehem i, dipaboa na di surgo i
Nunga ro Sipangolu, Jesus Tuhanta i
---musik---
֍ Godang ni tua disi, di na ro Jesus i.
Tung malua pardosa muse, sian hamagoanna sude
Ala ro Sipangolu, Jesus Tuhanta i.

15. JAMITA: PSALMEN 147 : 1 – 11

16. MARENDE BE. 615 : 1… “Tarbege Surusuruan Marende”

(Papungu Pelean Ia, Ib, & II tu STT/ Sikola Pandita HKBP)

֍ Tarbege surusuruan, marende mansai uli

Angka dolok dohot rura, gok do saringar na i
Reff: Sangap ma, sangap ma di Tuhan. Sangap ma, sangap ma di Tuhan.
---musik---
֍ Las roham ale parmahan, nunga tubu Kristus i
Rap marende ma hamuna, pasangaphon Raja i.
Reff: Sangap ma……
---musik---
֍ Borhat ma hamu marnida, tu huta Betlehem i
Somba Kristus Sipalua, na imbaru tubu i.
Reff: Sangap ma……
---musik---
֍ Ida ma di panggagatan, Sipalua na ro i
Sigomgomi parluhutan, langit dohot tano i
Ref: Sangap ma……

(Dung simpul papungu Pelean, diuduti Ulaon Nabadia)

7
 SAKRAMEN PERJAMUAN KUDUS
ULAON NABADIA

1. MARENDE BE. 152 : 1 “Jesus na mamorsan”

֍ Jesus na mamorsan, dosa ni portibi on, pangolu hami
Jesus na marmosan, dosa ni portibi on, pangolu hami
Jesus na mamorsan, dosa ni portibi on, sai pasonang hami
Amen, Amen, Amen.

2. AGENDA HKBP: ULAON NABADIA

3. MARENDE BE. 153 : 1 “O Jesus Naung Sineat”

֍ O Jesus naung sineat di hau na pinarsilang.
RohaM tongtong daulat, nang uju Ho tarhilang.
Marutang hosa hami, ditaon Ho dosanami, Asi rohaM O Tuhan

4. TONA NI TUHAN JESUS PADIRIHON PARPADANAN NA BADIA

5. ANGKA ENDE DI TINGKI MANJALO PARPADANAN NA BADIA
5.1. BE. 416 : 2 + 4 + 6 “Tu joloM O Debatangku”
֍ Husolsoli do rohangku, na gok dosa i tongtong
Ai godang ariaringku na hubahen ambolong
---musik---
֍ Ala nii tungki rohangku jongjong di adopanMi
Sai asi rohaM Tuhanku sesa nasa dosangki
---musik---
֍ Mangihuthon Ho Tuhanku, i ma Ias ni rohangki
I ma naeng padanhononku, dok ma amenMi disi

5.2. BE. 49 : 1 + 7 “Sai ro ma tu bara”

֍ Sai ro ma tu bara di Betlehem on
Hamu na porsea hatop ma tu son
Marnida halasan ni rohanta i
Tinongos ni Ama na di Surgo i
---musik---

8
 ֍ Antong rohanami ma peleanMi
O Jesus hasian sai jalo ma i
Las jala sonang ma baen angka i
Tongtong gabe domu ma tu rohaMi

5.3. BE. 174 : 1 – 2 + 4 “Torop dope na siat i”

֍ Torop dope na siat i, di hasampuran rea
I pe hamu pardosa i, sai olo ma porsea
Ai Debata manjou hamu tu hasonangan situtu
Hamu.. hamu.. dijou Debatamu.
---musik---
֍ Tama longang roham ale, umbege pangontangNa
Antong sai unang jua be, tangihon pamioNa
Ai Debata mamio ho, dibahen i sai ro ma ho
Sai ro, sai ro, tu surgo ma ho ro.
---musik---
֍ Haporseai ma Hata i, ai i do haluaon
Haposi Tuhan Jesus i, mudarNa i ma golom
Ai nang gok dosa rohami, malua ho bahenon nii
Tutu.. tutu.. malua baenon nii.

5.4. BE. 616 : 1 + 3 “Uli na i di borngin nabadai”

֍ Uli na i di borngin na badia, humirdophirdop do bintang disi
Di borngin i do tubu Sipalua, di panggagatan di Betlehem i
Portibi on dangol gok haholomon, marnida sondang ni Tuhantai
Uli na i, marende do suruan, di borngin i, do tubu Kristus i
Di borngin i do tubu Kristus i.
---musik---
֍ Uli na i sude marlas ni roha, ala naung songgop harajaonNa i
Huria i ria do ro marsomba, mamuji Raja na sun sangap i
Ibana do panondang hangoluan, na mangalehon pangkirimon i
Uli na i, marende do suruan, di borngin i, do tubu Kristus i
Di borngin i do tubu Kristus i.

9
 5.5. BE. 213 : 1… “Dung sonang rohangku”
֍ Dung sonang rohangku dibaen Jesus i, porsuk pe hutaon di son
Na pos do rohangku di Tuhanta i, dipasonang tongtong rohangkon
Sonang do, sonang do, dipasonang tongtong rohangkon.
---musik---
֍ Nang dihaliangi si bolis pe au, naeng agohononna muse
Naung mate Tuhanhu, mangolu ma au; utanghi nunga sae sasude
Sonang do, sonang do, dipasonang tongtong rohangkon.
---musik---
֍ Diporsan Tuhanhu sandok dosangki, bolong tu na dao do dibaen
Nang sada na so jujuronNa be i, na martua tondingku nuaeng
Sonang do, sonang do, dipasonang tongtong rohangkon.
---musik---
֍ Mangolu nang mate di Jesus do au, Ibana haporusanki
HataNa sambing do partogi di au, ai na tau haposanhu do i
Sonang do, sonang do, dipasonang tongtong rohangkon

6. PANUTUP:
Marende BE. 62 : 3 - 4 “Halalas ni roha godang”
֍ Sai sondangi ma rohangku, ale Tuhan Jesus i
sa dohot au maruli, di hatutubuMi
Hasangapon di Debata, laos dame, dame, dame ma di jolma
Lomo ni roha ni Debata do hita jolma on
---jongjong ma hita saluhutna---
֍ Tuhan Jesus hadomuan, na disuru Debata
Na pasaehon sude dosa di dolok Golgata
Hasangapon di Debata, laos dame, dame, dame ma di jolma
Lomo ni roha ni Debata do hita jolma on

10
17. PANGUJUNGI:
U: Disoarahon hata ni Tuhanta do sadari on tu hita paboa di bagasan
panggagatan do Jesus na tubu i, diborhos jala dipeakhon ala so adong
inganan na asing di parmianan nasida. Dipatuduhon i do haserepon ni
rohaNa mamungka sian hatutubuNa.
R: Hasangapon ma di Debata na di ginjang, dame ma di tano on, di angka
jolma halomoan i.
U: Nunga tubu Tuhan i nang di bagasan rohanta ganup. Taborhos ma Ibana di
bagasan rohanta be. Ibana ma na patauhon dohot mangalehon gogo di hita
laho mangadopi nasa rumang ni parngoluon na sipata ingkon mamolus
galumbang ni portibi on.
R: Hasangapon ma di Debata na di ginjang, dame ma di tano on, di angka
jolma halomoan i.
U: Ndada holan di ngolu portibi on pandonganion ni Debata di hita alai
marhite hatutubu ni Jesus dilehon do di hita haluaon sian gomgoman ni
dosa dohot hamatean mambahen hita bolas mamongoti hangoluan na
saleleng ni lelengna. Alani i, gok pujipujian ma rohanta tu Ibana naung tubu
i laho pasangaphon Ibana ganup ari.
R: (Mangendehon BE. 58: 4, “Martumbur tungkotungko” BL. 123
Pinuji ma Jahowa, na asi roha i/ Dilehon do AnakNa, hangoluanta i/ Girgir
ma hita on mamuji Debanta ala basaninon.

18. TANGIANG PELEAN – NATAL – ALE AMANAMI – PASUPASU

11
 PRAESES HKBP DISTRIK XXV JAMBI

Pdt. Hardy B. Lumbantobing, STh

Rap dohot

Sude Pangula Na Gok Tingki

PASAHATHON

SELAMAT ARI NATAL 25 DESEMBER 2021

Tu

Saluhut Parhalado dohot Ruas

HKBP DISTRIK XXV JAMBI

12