TATA IBADAH PERAYAAN NATAL

PUNGUAN RAJA SONAK MALELA

ANAK, BORU, BERE, IBEBERE DAMULI SEKITARNA
Rabu, 6 Desember 2023

INGANAN : Rumah Kel. Ama Herodes Tambunan / br. Pardede

(L.Tikko)
TEMA : CINTA KASIH KRISTUS YANG MENGGERAKKAN
PERSAUDARAAN (1 Petrus 1 : 22)
SUB TEMA : Melalui Perayaan Natal Punguan Raja Sonak Malela
Anak, Boru, Bere/ Ibebere Damuli sekitarnya, mari kita
terus menggerakkan kasih persaudaraan melalui kasih
yang Tuhan beri kepada kita.

PRA IBADAH : 1. Kata Pembukaan dari Protokol

2. Kata Sambutan dari Panitia Natal
3. Kata Sambutan dari Pengurus Serikat
4. Kata Sambutan dari Anak Sonak Malela
5. Kata Sambutan dari Boru
6. Kata Sambutan dari Bere / Ibebere

Joujou Marsaor Dohot Debata. (P : Parjamita, R : Ruas)

P : Selamat Hari Natal di hita saluhutna.
R : Selamat Hari Natal.
P : Ai naung tubu do di hamu saborngin on, di huta ni si Daud, Sipalua
i, ima Kristus, Tuhan i!
R : Hasangapon ma di Debata na di ginjang, dame ma di tano on di
angka jolma halomoan i.
P : Bangso na mardalani dibagasan haholomom, marnida sada
panondangna bolon. Yesus do Panondang i, naung ro tu portibion
asa mardalandi na tiur sauluhutna naporsea di Ibana.
R : Sai sondangi ma rohangku, ale Jesus Tuhanki, asa dohot au
taruli di hatutubuMi.
P : Di Pesta Natal on, pagalahonta ma lilin on nuaeng.
(Pagalak Lilin Natal : diringi Musik Logu ni Ende No : 57 : 1 “Nunga
Jumpang Muse ari Pesta i”)
-(Laho pagalak lilin, dihatahon ma pandohan on)
Parjamita :
“Hupagalak ma lilin on songon tanda ni panghaporseaion tu Debata
na manompa hatiuron jala marhuaso di sandok portibi on, Ibana do
bona ni hangoluan sian mulana sahat ro di salelengna.”
Paragenda
“Hupagalak ma lilin on, songon tanda hatiuron nabinoan ni Kristus
tu portibion, jala asa gabe hatiuron di saluhut jolma maringan
di portibion”.
Sonak Malela :
“Hupagalak ma lilin on, gabe songon tanda las ni roha di angka
naporsea laho mangendehon pujipujian tu Debata naung
mangasi i portibion, asa tu hangoluan salelenglelengna ganup na
porsea di Ibana”.
Boru :
“Hupagalak ma lilin on songon tanda Haroro ni Kristussongon
panondang, na manogihon jolma tu hamubaon ni roha, jala songon
tanda hagogoon ni Debata na margogoihon jolma lahomangulahon
angka na denggan di jolo ni Debata.
Bere / Ibebere :
Nunga huida hami sondang hatiuron i, Pinuji ma Debata,
Ama Parholong roha i.
Paragenda :
Patuginjang ma tohang muna, hamu ale angka harbangan, patuginjang
ma hamu, ale angka pintu sian na robi asa bongot Raja Hamulion!
Sude Ruas :
Ise ulaning Raja ni hamuliaon i? Ima jahowa, na gogo jala ulubalang,
Jahowa Uluballang di hamusuon.
Paragenda :
Paruginjang ma tohangmuna, hamu ale angka harbangan, jala
patuginjang ma hamu, ale angka pintu sian na robi, asa bongot raja ni
hamuliaon i !
Sude Ruas :
ise ulaning ibana, Raja ni hamuliaon ?
Paragenda :
i ma Jahowa Zebaot, Ibanna do raja ni hamuliaon.
Paragenda :
Marende ma hitalaho mamuji Debata!
(Di tingki marende hundul ma tu ingananna be : Parjamita, Parhalado,
Ruas dohot angka napagalak lilin huhut marsijalangan)
Marende BE. 57: 1 – 3 Nunga Jumpang muse ari pesta i
1. Nunga jumpang muse ari pesta i, hatutubu ni Tuhanta Jesus i.
Tuat do Ibana sian surgo I, mebat tu hita on.
Hasangapon di Debata, dame, dame ma di jolma;
Las ni rohani Debata hajolmaon muse.
2. Beta ale dongan tu Betlehem i, ita somba ma Dakdanak na disi;
Na tinongos ni Parasiroha i, Debata Ama i.
Hasangapon di Debata, dame, dame ma di jolma;
Las ni rohani Debata hajolmaon muse.
3. Somba nami ma di Ho natubu on, Ho siboan dame tu portibi on.
Sai pasaorhon ma turoha nami on, dame Mi o Jesus.
Hasangapon di Debata, dame, dame ma di jolma;
Las ni rohani Debata hajolmaon muse.
Votum - Introitus - Tangiang
P : Marhitehite goar ni Debata Ama, AnakNa Tuhan Jesus Kristus, dohot
Tondi Parbadia na manompa langit dohot tano on. Amen. Gabe
Daging ma Hata i jala maringanan di tonga-tonga ni hita on, jadi
huida hami ma hasangaponNa, i ma hasangapon ni Anak sasada na
sian Ama i, gok asi ni roha dohot hasintongan.
R : Nunga patar hangoluan i, jala nunga huhatindanghon hami dohot
hubaritahon hami tu hamu, jala hangoluan seleleng ni lelengna, na
di lambung ni Ama i jala naung patar di hami.
P : Endehon ma Jahowa, ale sandok tano on, pajojor hamu ma di
tongatonga ni angka sipelebegu, angka hamuliaonna i, di
tongatonga ni saluhut bangso halongangan, angka na binahenna i.
R : (Mangendehon BE. 605 : 1)
Las ma roham Tuhanta ro, Gumomgom sasude. Ungkap roham, Jangkon
rajam, marende ma sude, Marende ma sude, marende, Marende ma sude
P : MARTANGIANG MA HITA : Ale Tuhan Debata Ama nami parasiroha
na sumurung, Hasangapon, Hamauliateon, dohot Hamuliaon ma di
Ho, ala balga ni asini rohaM di hami. Ai dilehon Ho Anak-Mu na
sasadai ro tu pardangolan on, asa martua hami. Tubu di bagasan
haleaon, asa mamora hami. Ungkap ma roha nami angka ruasmon
sadari on. Hubahen hami ma pesta on lam patogu haporseaon nami,
pangomoshon tekad nami mangula ulaonnami, manghobasi huria-Mi
ala naung hutanda hami holong ni rohaM di hami, dibagasan Kristus
Jesus Tuhannami. AMEN.

Marende No. 48: 1 + 5 “Ria ma hita sasude”

1. Ria ma hita sasude mamuji Debata, girgir ma parendenta be,
ai i do na tama, ai ido na tama.

Liturgi Anak-anak Kelas 0 - TK

Marende No. 48: 2 “Ria ma hita sasude”
2. Diungkap Debatanta i banuaginjang i
Disuru do AnakNa i Hangoluanta i Hangoluanta i

Liturgi Anak-anak SD
Marende No. 48: 5 “Ria ma hita sasude”
5. Dibahen i las situtu do rohangkon nuaeng. Hujangkon Jesus i tutu,
ai sonang au dibaen, ai sonang au dibaen.

Liturgi Anak-anak SMP - SMA

LITURGI PARJOLO, PANOMPAON NI DEBATA

Prolog :
Molo taida hajanghajang, langit na herbang, tano na bidang, angka hau
dohot suansuanan nauli, songoni nang mataniari dohot sinondang ni
bulan, ingkon angka hitir do hita dijolo ni Debata, ai Debata do na
tumompa saluhutna i. Marhite hatani Debata do manjadi angka langit,
jala marhite hosani pamanganNa, sude angka paranganna, ai mangkuling
Ibana gabe manjadi do, mandokhon Ibana, jadi jongjong ma.
1. Johanes 1 : 1 – 3 Op. Elsa br.Panjaitan
2. 1 Musa 1 : 1 – 4 A. Liana Mangunsong /br. Hutagaol
3. 1 Musa 1 : 5 – 6 Op. Ferdinan br. Manullang
4. 1 Musa 1 : 7 – 8 A. Dinda Simangunsong / br. Manik
Marende BE No. 569 : 1 “O Debata Tung longang do rohangku”
O Debata tung longang do rohangku, Molo hubereng na tinompaMi,
Saluhut bintang, hilap dohot ronggur, Manghatindanghon hasangaponMi,
Marende au Tuhan mamuji Ho, O, Debata, sangap do Ho.
Marende au Tuhan mamuji Ho O, Debata, sangap do Ho.

LITURGI PADUAHON,
Prolog :
Molo hutalihon langit-Mi, angka jadijadian ni jari-jariM, bulan dohot
bintang angka na pinauliM, tung aha ma nian jolma i, umbahen na pola di
taringoti rohaM ibana? Jala anak ni jolma i, umbahan na pola di ebati Ho?
1. 1 Musa 1 : 9 - 10 Nai Riko br. Sitorus
2. 1 Musa 1 : 11 – 12 A. Chika Pardede /br. Nababan
3. 1 Musa 1 : 17 – 19, 20-23 Op. Dana Napitupulu /br.Sipayung
4. Psalmen 33:7 + 9, A. Vasco Napitupulu /br. Lubis
5. Psalmen 119 : 92 - 93 A. Riama Pardede /br. Sinaga

Marende BE No. 174 : 3 – 4 “Torop dope na siat i”

3. Pardosa ho didok roham, Na so tama be dohot?
Ndang pola ala ni dosam, Umbaen na sundat bongot
Ai nunga sae do dosami, Digarar Tuhan Jesus i
Naung sae, naung sae, Naung sae do dosami
4. Haporseai ma Hata i, Ai i do haluaon
Haposi Tuhan Jesus i, MudarNa i ma golom
Ai nang gok dosa rohami, Malua ho bahenon ni
Tutu, tutu, Malua baenon ni

LITURGI PATOLUHON “HADADABU NI JOLMA TU DOSA”

Prolog :
Singkop do portibion di tompa Debata, uli jala denggan do nang jolma i di
tompa. alai ulok do na umbisuk sian saluhut na tinompa. habisuhonna i di
pangke laho paoto-otohon jolma i. digintali ma rohani si Hawa laho
mangalo Debata, jala dioloi jolma i, gabe madabu ma si Adam dohot si
Hawa tu dosa. Marurat marparbue ma dosa i, mangararat tu sude
pinompar ni si Adam.
1. 1 Musa 3 : 1 – 4 & 6 - 7 Op. Viola Pardede /br. Rajagukguk
2. 1 Musa 3 : 11 – 12, 13-14 A. Samuel Simangunsong /br.
Simanjuntak
 Marende BE No. 45 : 3 – 4 “Hosianna Anak ni”
3. Hosianna Raja ni Hadameon Ulubalang
Nasa na binoanMi Dame dohot hasonangan
Hami na hinophopMi Do nampuna i sude
4. Hosianna Tatap ma Hami na nirajaanMu
Togu ma tu Debata Hami angka siseanMu
Sai sungguli hami on Mangoloi hataM tongtong
LITURGI PAOPATHON “BAGA-BAGA HARORO NI SIPALUA”
Prolog :
Parasiroha jala pardenggan basa do Jahowa, lambat tarrimas jala parasi roha
godang. Alai nangpe dilaosi jolma patik ni Debata jala madabu tu dosa, ndang
lomo rohani Debata mago jolma i. gabe dilehon ma baga-bagana marhitehite
panurirangNa, na rodo muse si palua, paluahon jolma sian dosa.

1. Mika 5 : 1, Yesaya 9 : 5-6 Op. Rolis Panjaitan /br. Marpaung

2. Jesaya 11 : 1 - 2 Op. Dani br. Marpaung

Marende BE No. 453 : 3 “Sada goar na umuli”

3. Sipalua do goarMu, saut malua tondingki
Nasa rante ni sibolis ingkon sega baenon ni~i
GoarMi Tuhanki, holan i do endengki
GoarMi Jesuski do pamalum rohangki
LITURGI PALIMAHON “HALUAON DI PATUPA DEBATA”
Prolog :
Nunga digohi Debata bagabagai, nunga disuru Debata surusuruanNa
manopot sada boru-boru na ni asianna, na tubu sian ibana do sogot
sipalua i marhite Tondi Porbadia, nunga dapot tingki naung binuhul ni
Debata taringot tu sipalua i, asa ditobus angka na ginomgoman ni patik
i, asa tajalo rohut paramaan i, asa malua hita sian dosa hamatean.
1. Lukas 2 : 1-2, dan 3 - 4 A. Obet Tambunan /br. Napitupulu
2. Lukas 2 : 5-6, dan 7 - 8 A. Herodes Tambunan /br. Pardede
Marende BE No. 54 : 1
(1) Sonang ni borngin na i uju ro Jesus i,
sonang modom do halak sude holan dua na dungo dope,
mangingani anakNa Jesus Tuhanta i
LITURGI PAONOMHON
1. Lukas 2 : 9-10 A. Galang Silalahi /br. Pardede
2. Lukas 2 : 11 – 12 A. Hansel Hutabarat /br. Napitupulu
3. Lukas 2 :13-14 A. Rahel Panjaitan /br. Pardede
4. Lukas 2 : 15 – 16 A. Angel Silaen /br. Napitupulu
5. Lukas 2 :17-18 A. Joel Sinaga /br. Napitupulu
Marende BE No. 54 : 3
(3) Godang ni tua disi, dinaro Jesus i,
tung malua pardosa muse Sian hamagoanna sude,
ala ro Sipangolu, Jesus Tuhanta i.
LITURGI PAPITUHON “ HATA HALUAON”
Prolog :
Nunga ro sipalua i, nunga ro anakNa Yesus Kristus Tuhanta i. Mamboan
haluaon, pangoloi di ibana di parsuruon ni Amanai, pola sahat mate tarsilang
humongkop hita, asa sipardohot hita muse di hangoluanni saleleng-lelengna i.
Antong tangihon jala ulahon ma hataNa i, asa saut ho malua.
1. Joh 8 : 12+16, 11 : 25-26 A. Dina Tambunan /br. Siahaan
2. Joh 13:15+17, Rom 8:38-39 Op. Alvaro Lase /br. Rajagukguk
3. Filipi 3:20-21, Heber 4:16 A. Sally Hutagalung
Marende BE No. 56 : 1 + 4 “Sai ro ma tu bara”
1. Sai ro ma hamuna angka na porsea, Sai ro ma hamuna tu Betlehem
Ida dakdanak, Sipalua hita Tasomba ma Ibana, Tasomba ma Ibana,
Tasomba ma Ibana, Rajanta
4. O Jesus Tuhanku sai naeng pujionku PambaenMu di ahu pardosa on
Ai gabe jolma Ho humophop ahu, Tasomba ma Ibana,
Tasomba ma Ibana, Tasomba ma Ibana, Rajanta
JAMITA : Biv. D. S. Br. Hutapea (HKBP Resort K. Selatan)
Marende BE 62: 1+3 ”Halalas ni roha godang” (Papungu Pelean)
1. Halalas ni roha godang, na hubaritahon on,
Nunga tubu Sipalua di hita jolma on.
Ref : Hasangapon di Debata, laos dame, dame dame ma di jolma.
Lomo ni roha ni Debata do hita jolma on.
3. Sai sondangi ma rohangku, ale Tuhan Jesus i,
asa dohot au maruli di hatutubuMi. Hasangapon di Debata......
PARSURUON
P : Nunga las rohanta di pesta natal on, ala naung tangkas taida naung
ro sipalua i. Dipilit do hita gabe naposo ni Debata, asa tabaritahon i tu
saluhut jolma, asa saluhut portibi on porsea tu Yesus naung tubu i.
R : Urupi au Tuhan, mamaritahon barita hatutubu-Mi.
P : Janghon ma Yesus naung tubu i, Ibana do panondang ni portibion.
Gok haholomon do di humaliang hita, na manggolapi ngoluta, disuru
do hita asa gabe panondang, laho patiurhon ngolu ni ruas ni Tuhanta.
R : (Mangendehon BE. 615 : 1)
Tarbege surusuruan marende mansai uli, Angka dolok dohot rura,
Gok do saringar na i, Sa..........ngap ma sangap ma di Tuhan
Sa..........ngap ma sangap ma di Tuhan
P : Gok habusuhon ni pangalaho naroa do nuaeng portibi on. Pangalaho
na lumlam, jorgong ni narkoba tu angka naposo, parmusuon na lam
tu gorgorna, dohot lan habusuhon na asing, tusi do hita tarjou gabe
ruas na mangolu, jala didok Tuhanta do : Hamu do sira ni portibion.
R : (Mangendehon BE. 615 : 1)
Ro ma Ho tu au O Jesus Tuhanki, Sian banua ginjang tu rohangki
Ro ma Ho tu au O Tuhan Sipalua i,
Dame binoanMu ndang na tarasam i, O Tuhanki.
P : Unang ho mabiar, ai didok Tuhanta do, sai na dongananku do hamu
ganup ari rasirasa ro ajal ni hasiangan on. Amen.
P : Tangiang pelean – tangiang Ale Amanami – Tangiang Pasu-pasu
MARSIJALANGAN (Huhut marende BE No. 122)
1. Ida hinadenggan ni Angka na saroha i
Parpambaenan na burju Nang hatana pe tutu
2. Sai hushus uapna i Songon bungabunga i
Angka na tinompa i Pajengkarhon tano i
3. Doshon nambur do tahe Na sumorop sasude
Denggan ni parsaoran ni Dongan na saroha i
4. Di parbaga Debata Tu na marsaroha da
Pasupasu na godang I ma roha na sonang
5. Ai di dia jumpang be Haholongon i tahe?
Ndang tarida i dison Nang di liat tano on

SELAMAT HARI NATAL 25 DESEMBER 2023

& TAHUN BARU 1 JANUARI 2024