GEREJA KRISTEN PROTESTAN INDONESIA (GKPI)

JEMAAT KHUSUS PANDUMAAN

WILAYAH VII
Desa Pandumaan, Kec. Pollung Kab. Humbang Hasundutan, 22457
ACARA IBADAH NATAL UMUM
Minggu : Natal I 25 Desember 2021
Tema : “YESUS JURUSELAMAT DUNIA”

1. Hata Patujolo :
P : Syalom. Selamat Natal ma di hita saluhutna! Tapahibul ma rohanta laho
mamestahon hatutubu ni Tuhanta naung gabe jolma di tongatonga ni parngoluan
di portibi on. Marhitehite angka pesta naung taulahon, anggiat ma impola ni pesta
Natal di tingki on tongtong gabe pamusatan ni rohanta laho mamujimuji Ibana.
Tuhan na so hadodoan i nunga bongot tu hajolmaon pardagingon on, asa dipaulak
muse hadirion ni hajolmaonta. Ala ni i Pesta Natal on paradehon ombas na
denggan do di hita laho mamestahon asi ni roha ni Debata rap dohot sude
hajolmaon nang jadijadian-Na pe. Ai taboto do, sai tong dope marhoi jala
mambebe nasa na tinompa i huhut paimaimahon tingkina, asa dipauli angka naung
sega i marhite haroro ni Tuhanta tu hasiangan on. Sasintongna ia haporseaonta i
ma haporseaon na mamestahon haroro ni Tuhanta Jesus naung mandai angka silas
ni roha nang arsak pe, na denggan nang na jahat, holong dohot hosom ni roha,
dame dohot paraloan saleleng ni ngolu-Na di tano parsatongkinan on. Antong
hohom ma hita huhut taparade ma rohanta laho mamestahon ulaon pardengganan
na pinatupa ni Debata pargogo na so hatudosan i, asa sude angka jadijadian-Na
mardenggan dohot Debata, Panompa i marhitehite Kristus.
(Huria martangiang na Hohom satongkin dungi i LAOS JONGJONG)

Preludium : ………….(organ/musik)…….parhobas mamongoti bagas gareja…

(Dung sahat parhobas tu hundulanna be ta endeheon MARS GKPI)

2. Marende : BE. No. 48: 1 – 3 (di ayat parpudi ruas jongjong)

3. Votum : (P=Paragenda; R=Ruas)
P : Dibagasan goar ni Debata Ama, dohot Anak-Na Tuhan Jesus Kristus, dohot
Tondi Parbadia.
R : Amen!
4. Manopoti Dosa :
P : Angka dongan na hinaholongan, tapajonok ma dirinta tu Tuhanta sian roha na
ias. Taparhatopot ma sude dosanta tu Ibana jala tapangido ma hasesaan ni dosanta
marhitehite Tuhan Jesus Kristus parasiroha i.
 Ianggo pangurupion di hita dibagasan goar ni Jahowa,
R : Sitompa langit dohot tano on.
P : Ale Debata Ama pargogo na so hatudosan, Sitompa jala sitobus hami, pardosa
godang do hami jala tung so tama do hami jongjong diadopan-Mu. Nunga
mardosa hami maradophon Ho marhite pingkiran, panghataion nang
pambahenannami pe. Dibahen i do umbahen na ro hami tu Ho mangido hasesaan
ni dosanami ala ni Anak-Mu Tuhan Jesus Kristus Tuhannami.
R : (Mangendehon BE. No. 182: 3)
“Sai jotjot do hutadinghon dalanMi na tigor i. Kristen au, hape hutondong
dalan hamagoan i”
P : (Manjaha Bagabaga Taringot Tu Hasesaan ni Dosa – sian agenda alaman
173 d.u) (Ruas Hundul)

5. Marende : BE. No 48: 4 + 6 (di ayat parpudi ruas jongjong)

6. Introitus : (P=Paragenda; R=Ruas)
P : (Manjaha ayat introitus na hombar tu Ari Haheheon – alaman 150 d.u)
diujungi dohot “Haleluya”.
R : Hasangapon ma di Debata Ama, Anak, dohot Tondi Parbadia, sian mulana,
saonari, ro disalelenglelengna. Amen.
7. Kirye Eleison :
P + R : (Mangendehon KJ. No 42 “Tuhan Kasihani”)
“Tuhan, sai asi i, Kristus, sai asi i, Tuhan sai asi i hami. ”
8. Hasangapon ma di ginjang :
P : “Hasangapon ma di Debata di ginjang!”
R : “Dame ma di tano on, di angka jolma halomoan i”
9. Tabe dohot Tangiang :
P : Tuhan mandongani ho!
R : dohot mandongani ho!
P : Martangiang ma hita :
Ale Amanami Pargogo na so hatudosan jala Parasiroha, lehon ma tu hami las ni
roha dohot dame na sumurung i uju mamestahon ari Hatutubu ni Jesus Kristus
Anak-Mi hami. Buhai ma rohanami manomunomu haroro-Na i ai Ibana do na
gabe Tuhan jala sitobus hami, asa boi hami muse manomunomu haroro-Na di ari
na parpudi dibagasan habaranion dohot las ni roha. Urupi ma hami bangsoM on
asa mangolu hami dibagasan dame jala gok parasinirohaon tu dongannami jolma,
asa marpangkirimon sude angka jadijadian-Mi, jala asa lam patar haburjuon dohot
asi ni rohaM di tongatonga ni angka anak ni jolma i. Hupuji hami ma Ho Amang
na mangolu i, na manggomgomi rap dohot Anak-Mu dohot Tondi Parbadia rasi
rasa sadarion sahat ro di salelenglelengna. Amen.
 Ruas : Ale Amang, ungkap ma tongtong mata ni haporseaonnami laho marnida
angka dongan na marsitaonon, atik pe mamestahon ari hatutubu-Mi hami nuaeng.
Baoa : Ale Tuhan, urupi ma hami laho pataridahon ende ni angka surusuruan na
di Efrata i, asa tubu ma dame, dao angka porang; jumpang ma angka hademahon
jala holang angka parsalisian; lam masiantusan ma jala ndang masitihaan.
Tarlumobi huingot hami do nuaeng angka dongan na di tongatonga ni angka
parsalisian dohot parporangon; suang songon i nang angka keluarga na mangadopi
angka hagunturon jala nunga di pintu ni parsirangan.
Parompuan : Ale Tuhan, huingot hami do sude angka dongan na dibagasan
hasusaan dohot dok ni roha di tongatonga ni Pesta Natal on, ima angka:
pengungsi, gelandangan, na manganggur, na so marama so marina, angka
dongannami na marsiak bagi, angka na marsahit: (secara khusus di inanami inang
Op. Anju br. Simanullang, inang Op. Samuel Munte, inang Op. Dewi Pandiangan,
inang N.Hetti Lumban Batu, Amang Pande Siahaan, borunami si Enjel
Nainggolan, dohot lan angka na asing),dohot angka rumahtangga na berjuang
laho mandiori ngolungolu siganup ari.
Paragenda : Ho do Tuhan na manghilalahon sude angka arsak ni roha ni angka
anak ni jolma i. Ho do Tuhan na mian di tongatonga ni angka jadi-jadian-Mi laho
paluahon nasida sude hombar tu angka sangkapMu sian mulana dope. Alani i, ale
Tuhan, hupangido hami tu Ho, pargogoi jala pangke ma hami gabe habaoran ni
pasupasuM na boi marpanindangion jala manghobasi Ho di tongatonga ni
parngoluon naung sega ala ni dosa dohot hajahaton ni jolma i.
Ruas : Pinuji ma Ho ale Kristus, Tuhan jala Parhiteannami. Amen.
(Ruas hundul)
10. Koor : Sekolah Minggu
11. Marende : BE. No. 61: 1 + 4
12. Epistel : (P=Paragenda; R=Ruas)
P : Tabege ma hata ni Debata patujolo ni Jamita di Minggu Natal naparjolo sadari
on, i ma na tarsurat di Jesaya 62: 6 – 12!
Nunga hudokkon di atas parikmu ale Jeruslaem, angka parjaga manipat ari
manipat borngin, tongtong ndang olo sip nasida. Hamu ale angka na pasingothon
Sion tu Jahowa, unang tung marpansadian hamu.
R : Ibana pe, unang tung manpansadian laos hamu, paima dipahot Jerusalem jala
dibahen marbarita di tano on.
P : Nunga pola manuari Jahowa tu siamunna dohot tu tangan ni hagogoonna,: Na
so tupa be lehononku emem panganon I angka musum, jala na so tupa be inumon
ni halak sileban tuak anggurmu, naung hinangalutonmu.
R : Ingkon laos halak na papungupunguhon manganhon eme i, huhut mamuji
Jahowa, jala laos halak na manjantarhon manginum tuak anggur i di angka alaman
ni habadiaonku.
 P : Ruar ma hamu, ruar ma hamu sian angka harbangan! Sai pahornop hamu dalan
di bangso i! Palentes, palentes hamu dalan balobung i, paduru hamu angka batu,
patindang hamu ma partonggol di tongatonga ni angka bangso.
R : Ida ma, nunga pola martingting Jahowa ro di ujung ni tano on: Paboa hamu
ma tu boru Sion: Ida ma, nunga ro hatuaonmi! Ida ma, ihut tu ibana do upana, jala
pamalosonna tu jolona.
P : Jadi goaron ni halak ma nasida: Bangso na badia, angka na pinalua ni Jahowa;
jala ho targoar na hinaholongan huta na so sitadinghononhon be. I ma sahatna.
“Martua ma angka na umbege hata ni Debata jala naumpeopsa”
R : Amen.
P+R: (Menyanyikan KJ. N0. 473a)
5 5 6 5 ‘ 1 1 2 1 ‘ 4 4 3 21 2 1 .
Ha le lu ya hale lu ya ha le lu - - ya

13. Koor : PS. Gabungan

14. Marende : BE. No. 61: 11 – 12 (di ayat na parpudi ruas jongjong)
15. Manghatindanghon Haporseaon :
P : Tahatindanghon ma Haporseaonta i, songon na hinatindanghon ni donganta
sahaporseaon di portibi on, sian mula ni huria i sahat tu sadari on, rap
manghatindanghon ma hita :
P+H : Ahu porsea……..d.u. (Ruas hundul)

16. Koor : Ama Dos Roha

17. Marende : BE. No. 50: 1 + 3
18. Koor : Ina Pararikamis
19. Tingting :
20. Tangiang Pangondianon :
21. Koor : Ina Sion
22. Marende : BE. No. 47: 1 – 3
23. Evangelium : Lukas 2: 1 – 7
24. Marende : BE. No. 15: 1 + 4
25. Ayat Pelean : Mateus 2: 11
26. Marpelean : (Dung simpul marpelean na paduahon, ro ma pasahathon
pelean na patoluhon ima berupa silua dohot angka na asing)
27. Tangiang Pelean : (Ruas Jongjong)
28. Ende Pelean : BE. No. 46: 6 – 7
29. Tangiang Panutup
30. Pasupasu
31. Amen, amen, amen.
PENDETA, PENATUA DAN MAJELIS
GKPI Jemaat Khusus Pandumaan,
Mengucapkan:
Selamat NATAL!
Tuhan Yesus Memberkati Kita Sekalian
Sampai jumpa BESOK
Pada NATAL II
Syaloom!