GEREJA KRISTEN PROTESTAN INDONESIA (GKPI)

Resort Batam
WILAYAH X ( KEPULAUAN RIAU )

Jl. Trans Barelang – Tembesi Lestari – RT. 04 RW. 03 – Kel. Tembesi – Kec. Sagulung – Batam – Kep. Riau

ACARA IBADAH NATAL UMUM

Minggu : Natal I 25 Desember 2022
Tema : “GABE DAGING HATA I”

1. Hata Patujolo :
P : Syalom. Selamat Natal ma di hita saluhutna! Tapahibul ma rohanta laho
mamestahon hatutubu ni Tuhanta naung gabe jolma di tongatonga ni parngoluan
di portibi on. Marhitehite angka pesta naung taulahon, anggiat ma impola ni pesta
Natal di tingki on tongtong gabe pamusatan ni rohanta laho mamujimuji Ibana.
Tuhan na so hadodoan i nunga bongot tu hajolmaon pardagingon on, asa dipaulak
muse hadirion ni hajolmaonta. Ala ni i Pesta Natal on paradehon ombas na
denggan do di hita laho mamestahon asi ni roha ni Debata rap dohot sude
hajolmaon nang jadijadian-Na pe. Ai taboto do, sai tong dope marhoi jala
mambebe nasa na tinompa i huhut paimaimahon tingkina, asa dipauli angka naung
sega i marhite haroro ni Tuhanta tu hasiangan on. Sasintongna ia haporseaonta i
ma haporseaon na mamestahon haroro ni Tuhanta Jesus naung mandai angka silas
ni roha nang arsak pe, na denggan nang na jahat, holong dohot hosom ni roha,
dame dohot paraloan saleleng ni ngolu-Na di tano parsatongkinan on. Antong
hohom ma hita huhut taparade ma rohanta laho mamestahon ulaon pardengganan
na pinatupa ni Debata pargogo na so hatudosan i, asa sude angka jadijadian-Na
mardenggan dohot Debata, Panompa i marhitehite Kristus. Marilah kita saat
teduh sejenak. (Saat teduh)
(Selesai organ mengiringi saat teduh, liturgis mengatakan “amin”. Kemudian
mempersilahkan jemaat berdiri)

Preludium : ………….(organ/musik)…….pelayan memasuki ruang ibadah….

(setelah pelayan berada di posisi tempat duduknya, liturgis mempersilahkan
jemaat duduk)

2. Marende : BE. No. 56: 1 – 3 (di ayat parpudi ruas jongjong)

3. Votum : (P=Paragenda; R=Ruas)
P : Dibagasan goar ni Debata Ama, dohot Anak-Na Tuhan Jesus Kristus, dohot
Tondi Parbadia.
R : Amen!
4. Manopoti Dosa :
P : Angka dongan na hinaholongan, tapajonok ma dirinta tu Tuhanta sian roha na
ias. Taparhatopot ma sude dosanta tu Ibana jala tapangido ma hasesaan ni dosanta
marhitehite Tuhan Jesus Kristus parasiroha i.
Ianggo pangurupion di hita dibagasan goar ni Jahowa,
R : Sitompa langit dohot tano on.
P : Ale Debata Ama pargogo na so hatudosan, Sitompa jala sitobus hami, pardosa
godang do hami jala tung so tama do hami jongjong diadopan-Mu. Nunga
mardosa hami maradophon Ho marhite pingkiran, panghataion nang
pambahenannami pe. Dibahen i do umbahen na ro hami tu Ho mangido hasesaan
ni dosanami ala ni Anak-Mu Tuhan Jesus Kristus Tuhannami.
R : (Mangendehon BE. No. 182: 3)
“Sai jotjot do hutadinghon dalanMi na tigor i. Kristen au, hape hutondong
dalan hamagoan i”
P : (Manjaha Bagabaga Taringot Tu Hasesaan ni Dosa – sian agenda alaman
173 d.u) (Ruas Hundul)

5. Marende : BE. No 52: 1 – 2 (di ayat parpudi ruas jongjong)

6. Introitus : (P=Paragenda; R=Ruas)
P : (Manjaha ayat introitus na hombar tu Ari Haheheon – alaman 150 d.u)
diujungi dohot “Haleluya”.
R : Hasangapon ma di Debata Ama, Anak, dohot Tondi Parbadia, sian mulana,
saonari, ro disalelenglelengna. Amen.
7. Kirye Eleison :
P + R : (Mangendehon KJ. No 42 “Tuhan Kasihani”)
“Tuhan, sai asi i, Kristus, sai asi i, Tuhan sai asi i hami. ”
8. Hasangapon ma di ginjang :
P : “Hasangapon ma di Debata di ginjang!”
R : “Dame ma di tano on, di angka jolma halomoan i”
9. Tabe dohot Tangiang :
P : Tuhan mandongani ho!
R : dohot mandongani ho!
P : Ale Tuhan, mandok mauliate do hami tu Ho marningot asi ni rohaM na
hupestahon hami sadari on. Tung tangkas do impola ni hatutubu-Mi patuduhon
parpamuation ni rohaM dohot asiasiM tu sude angka na tinompa-Mi, atik pe jotjot
hami pasidinghon lomo ni rohaM jala mamugangi rohaM.
Ruas : Ale Amang, ungkap ma tongtong mata ni haporseaonnami laho marnida
angka dongan na marsitaonon, atik pe mamestahon ari hatutubu-Mi hami nuaeng.
Baoa : Ale Tuhan, urupi ma hami laho pataridahon ende ni angka surusuruan na
di Efrata i, asa tubu ma dame, dao angka porang; jumpang ma angka hademahon
 jala holang angka parsalisian; lam masiantusan ma jala ndang masitihaan.
Tarlumobi huingot hami do nuaeng angka dongan na di tongatonga ni angka
parsalisian dohot parporangon; suang songon i nang angka keluarga na mangadopi
angka hagunturon jala nunga di pintu ni parsirangan.
Parompuan : Ale Tuhan, huingot hami do sude angka dongan na dibagasan
hasusaan dohot dok ni roha di tongatonga ni Pesta Natal on, ima angka:
pengungsi, gelandangan, na manganggur, na so marama so marina, angka
dongannami na marsiak bagi, angka na marsahit: (secara khusus di inanami inang
Op. Anju br. Simanullang, inang Op. Samuel Munte, inang Op. Dewi Pandiangan,
inang N.Hetti Lumban Batu, Amang Pande Siahaan, borunami si Enjel
Nainggolan, dohot lan angka na asing),dohot angka rumahtangga na berjuang
laho mandiori ngolungolu siganup ari.
Paragenda : Ho do Tuhan na manghilalahon sude angka arsak ni roha ni angka
anak ni jolma i. Ho do Tuhan na mian di tongatonga ni angka jadi-jadian-Mi laho
paluahon nasida sude hombar tu angka sangkapMu sian mulana dope. Alani i, ale
Tuhan, hupangido hami tu Ho, pargogoi jala pangke ma hami gabe habaoran ni
pasupasuM na boi marpanindangion jala manghobasi Ho di tongatonga ni
parngoluon naung sega ala ni dosa dohot hajahaton ni jolma i.
Ruas : Pinuji ma Ho ale Kristus, Tuhan jala Parhiteannami. Amen.
(Ruas hundul)
10. Marende : BE. No. 67: 1 – 3
11. Epistel : (P=Paragenda; R=Ruas)
P : Tabege ma hata ni Debata patujolo ni Jamita di Minggu Natal naparjolo sadari
on, i ma na tarsurat di Jesaya 9: 1 – 6 ! Tajaha ma marsorinsorin. Songon on
ma hata ni Debata:
Bangso na mardalani dibagasan haholomon marnida sada panondang na bolon.
Binsar do sada panondang di angka na mangingani tano linggoman ni hamatean.
R : Nunga dipatorop Ho bangso i. Nunga dipadiri ho tu ibana halalas ni roha na
bolon: Marlas ni roha nasida di jolo ni bohiM, songon las ni roha di gotilon,
songon parolopolopon di na marbagi tabantaban.
P : Ai nunga diponggolhon ho auga na ampe tu ibana, dohot batahi ni abarana
dohot linsinglinsing ni na mangadu ibana, songon uju di ari Midian.
R : Ai masoksok do sogot nasa sinjata ni parsinjata dihatuturtar ni tongtangan, ro
diulos na marsapu mudar, gabe sipanganon ni api.
P : Ai nunga tubu di hita sada posoposo, dilehon tu hita sada anak, pamper
tu abarana do sogot harajaon, jala bahenonna goarna: Sipartahi
Halongangan, Siulubalang ni Debata, Ama saleleng ni lelengna, Raja ni
hadameon.
R : Bahen haganda ni harajaon dohot hadameon na so marujung di
habangsa ni si Davit, dohot di harajaonna i, pahothon dohot hatoguon
 marhitehite patik dohot hatigoran, olat ni on ro disalelenglelengna.
Hamuruhon ni Jahowa Zebaot patupahon songon i.
P : I ma sahatna. “Martua ma angka na umbege hata ni Debata jala
naumpeopsa”
R : Amen.
P+R: (Menyanyikan KJ. N0. 473a)
5 5 6 5 ‘ 1 1 2 1 ‘ 4 4 3 21 2 1 .
Ha le lu ya hale lu ya ha le lu - - ya

12. Marende : BE. No. 62: 1 – 2 (di ayat na parpudi ruas jongjong)
13. Manghatindanghon Haporseaon :
P : Tahatindanghon ma Haporseaonta i, songon na hinatindanghon ni donganta
sahaporseaon di portibi on, sian mula ni huria i sahat tu sadari on, rap
manghatindanghon ma hita :
P+H : Ahu porsea……..d.u. (Ruas hundul)

14. Koor : R/PP

15. Marende : BE. No. 51: 1 + 3
16. Koor : PW
17. Tingting :
18. Tangiang Pangondianon :
19. Marende : BE. No. 47: 1 – 3
20. Evangelium : Yohanes 1: 1 – 14
21. Marende : BE. No. 9: 1 – 2
22. Ayat Pelean : Mateus 2: 11
23. Marpelean :
24. Tangiang Pelean : (Ruas Jongjong)
25. Ende Pelean : BE. No. 49: 7
26. Tangiang Panutup
27. Pasupasu
28. Amen, amen, amen.
PENDETA, PENATUA DAN MAJELIS
GKPI RESORT BATAM,
Mengucapkan:
Selamat NATAL!
Tuhan Yesus Memberkati Kita Sekalian
Sampai jumpa BESOK
Pada NATAL II
Syaloom!