ACARA NATAL KELUARGA

HURIA KRISTEN BATAK PROTESTAN (HKBP) JAHARUN - B

23 Desember 2021
================================

Pangaradeon:
 Andorang so dimulai kebaktian diparade ma lilin manang na piga jala
dipillit ma na pagalakkon.
 Dipillit ma na manguluhon acara dohot manguluhon tangiang
pangondianon
 Di non-aktifkan ma HP asa bulus jala tulus hita maracara.

1. MARENDE BE NO. 605: 1 + 3 “LAS MA ROHAM”

(Tingki marende, dipagalak ma lilin)
1. Las ma roham Tuhanta ro, gumonggom sasude,
ungkap roham, jangkon Rajam, marende ma sude,
marende ma sude, marende, marende ma sude
3. Bura binaen ni dosa i, marujung ma disi, ai nunga ro Mesias i,
mamboan dame i, mamboan dame i, mamboan, mamboan dame i.
2. TANGIANG MAMUNGKA PARPUNGUAN. (U= Uluan; Kel.= Keluarga)
U : Di bagasan Goar ni Debata Ama dohot Goar ni AnakNa Tuhan Jesus Kristus
dohot Goar ni Tondi Parbadia tapungka ma parpunguanta on. Gabe daging
ma hata i jala maringana di tongatonga ni hita on.
Kel : Ale Tuhan! Sai sondangi ma rohanami, jala dameMi mangingani hami.
U : Alai manang piga na manjangkon Ibana, tu si do dilehon huaso, asa gabe
anak ni Debata nasida, angka na porsea di Goarna.
Kel : Sai ingani ma rohangku ale Tuhan, gok dame ma bagasnami, luatnami nang
bangsonami pe.
U : Martangiang ma hita: Ale Tuhan Debata na marasi roha! Tung diasi i Ho do
hami na lea on, marhite na marsuru Anakmu na sasada i, i ma Jesus Kristus
Tuhannami, asa porsea hami jala manjalo hangoluan na saleleng ni
lelengna, sipapataronmu tu tongatonganami. Sai rajai jala togutogu ma
hami marhitehite TondiM, asa lam huida hami godang ni holong ni roham,
sai sorang ma Ho di tongatonga ni bagasnami asa sai mardame hami
tongtong diadopanmu. Amen.
3. MARENDE BE NO. 62: 1 “HALALAS NI ROHA GODANG”
Halalas ni roha godang na hubaritahon on,
Nunga tubu Sipalua di hita jolma on.
 Hasangapon di Debata, Laos dame, dame, dame ma di jolma.
Lomo ni roha ni Debata do hita jolma on.
4. LITURGI KELUARGA:
4.1. Liturgi parjolo, i ma angka dakdanak/parsingkola anggota keluarga.
4.2. Barita Hatutubu ni Tuhan Jesus Kristus; LUKAS 2 : 1 – 14,(Liturgi Responsoria)
(U: Uluan; B: Baoa; Br: Boru; S: Sude)
U : Dung i ro ma uju i parenta sian Kesar Agustus, ingkon suratan nasa jolma di
gomgomanna.
B : Pamilangon parjolo ma i, uju di gomgomi si Kirenius tano Siria.
U : Jadi borhat ma sasude asa disurati ganup tu bona ni pinasana.
Br : Borhat ma nang si Josep, na sian Galilea, sian Nasaret, nangkok tu luat
Judea, tu huta ni si Daud, na margoar Betlehem, ala sian pomparan jala
marga ni si Daud ibana.
U : Pasurathon dirina rap dohot si Maria, oroanna i, naung gabegabean.
B : Jadi di na disini nasida, gok ma ari ni hangoluanna.
U : Ditubuhon ma anak buhabajuna, diborhos ma, dipeakhon ma tu bagasan
panggagatan, ala so adong inganan na asing di parmianan nasida.
Br : Jadi adong ma marborngin di ladang na disini angka parmahan, mangingani
pinahannasida.
U : Jadi didapothon sada surusuruan ma nasida, jadi marsinondang ma sangap
ni Tuhan i humaliang nasida, gabe mabiar situtu ma.
S : Alai didok surusuruan i ma tu nasida: unang mabiar hamu; ai barita halalas
ni roha godang do huboan tu hamuna, parsaulian ni sandok bangso i.
U : Ai naung tubu do di hamu saborngin on, di huta ni si Daud, Sipalua i, i ma
Kristus, Tuhan i!
S : On ma partinandaan di hamu: Posopso do dapotanmuna, na binorhos peak
di panggagatan.
U : Jadi tompu ma adong dongan ni surusuruan i torop angka parangan
parbuaginjang, dipuji nasida do Debata mandok:
S : "Hasangapon ma di Debata di ginjang, dame ma di tano on, di angka jolma
halomoan i".
5. MARENDE BE. NO. 54: 1 + 3“SONANG NI BORGIN NA I”
1. Sonang ni borginna i, uju ro Jesus i, Sonang modom do halak sude
Holan dua na dungo dope, mangingani anakNa, Jesus Tuhanta i.
3. Godang ni tua disi, di na ro  Jesus i, tung malua pardosa muse
Sian hamagoan na sude, ala ro Sipangolu, Jesus Tuhantai.
2|P a g e
6. RENUNGAN NATAL: LUKAS 1 : 68
“Pinuji ma Tuhan i, Debata ni Israel,
ala ditopot bangsoNa jala dipatupa haluaonna”
Selamat Natal ma di hita saluhutna!
Haroro ni Jesus tu portibi on i ma laho paluahon jolma sian hamagoan do, jala
mamboan jolma i tu hasonangan. Dipalua do hita sian ihotihot ni dosa dohot sian
hamatean. Ise ma na so marlas roha ia dung dipalua ibana sian hamagoan? Zakaria i
ma sahalak Malim na manghirim di haluaon. Jala nunga saluhut jolma masihol di
haluaon na binoan ni Mesias i. Raja na miniahan ni Debata, na mamboan haluaon tu
sandok portibi on. Tahaporseai do paboa haroroNa i dipatujolo do i marhite si
Johannes Pandidi na paradehon dalan di Tuhan i. Alani i, dibereng si Zakaria do i di
bagasan ngolu ni si Johannes pandidi sintong do Ibana paradehon dalan ni sada Raja
nanimiahan ni Debata. Songon i ma halalas ni roha ni sada ama gabe diendehon
ibana ende pujipujian na mandok: “Pinuji ma Tuhan i, Debata ni Israel, ala ditopot
bangsoNa jala dipatupa haluaonna”, Ayat on i ma sada ende pujipujian ni si Sakaria
na gabe panindangion taringot tu hauluaon ia dung ro Tuhanta Tuhan Jesus tubu tu
portibi on. Paluaonna jolma i sian pardangolan, malua sian biar ni roha, patar ma
hasintongan i, jala hadameon ma di portibi on. Haroro ni Tuhanta i sai songon mata
ni ari binsar palaohon saluhut na holom mamboan hatiuron. Hehe ma ngolu na
imbaru, mulak ma sangap tu Debata, songgop ma dame tu jolma. Haroro ni Tuhan i
tu tongatonga ni hita jolma ndada holan mandulo manang marnida pardangolan ni
jolma i. Alai ro Ibana laho patupa haluaon di hita do. Ai ndang adong be na tau
haluaon ni jolma i, na laho mago ma sandok portibi on aut so ro Jesus i tu portibi on.
Ditadingkon Ibana hasangaponna, ro tu tongatonga ni hita jolma na lea on,
ditadingkon Ibana hasangaponna ro tu tongatonga ni jolma na di pardangolan on.
Tung na mansai bagas ma antong holong ni rohana i di hita, patut ma ingotonta jala
hangoluhononta holongNa i ditongatonga ni bagasta i ma marhitehite Natal keluarga
na tapatupa on. Huhut muse naeng pangidoonta holong ni rohaNa dohot huasoNa
laho paluahon hita sian pardangolan binahen ni sahit bolon sipangago i, i ma virus
corona naung songgop tu Indonesia on mamungka sian ujung ni taon 2019 na salpu.
Pardalanan ni ngolunta on pe ingkon tabahen do songon ende pujipujian ni si
Sakaria. Dua taon ma portibi on mangae binahen ni sahit bolon sipangago i. Torop na
agoan hosa, susa parngoluon, dakdanak ndang marsingkola, angka perusahaan
godang na tutup, parkarejo diparadianhon, pegawai kantor markantor dijabuna be.
Tung mansai porsuk ma tahe binahen ni na masa i. Nuaeng ma ro Tuhanta i songon
nidok ni Sakaria, nunga ro Tuhan i manopot dohot paluahon hita. Alan i i manang

3|P a g e
aha pe na masa di ngolunta on ingkon tongtong tapuji Tuhan i asa gabe tubu dame na
sian Tuhan i dibagasan rohanta be. Na marpungu do hita dibagasan borngin on,
angka na marhahaanggi dohot na mariboto, rap dohot natorasta. Na marlas ni roha
do hita manjangkon Jesus na ro i, na gabe panondang do Ibana padaohon nasa
haholomon, pabinsar hatiuron. Ala ni i, taloas ma Ibana sorang dibagasan jabunta asa
mardamedame hita ganup ari. Sai dao ma parsalisian dohot angka na masihosoman.
Antong tajangkon ma Ibana dibagasan rohanta be, jala taauhon ma pandohan on:
Pinuji ma Tuhan I, Debata ni Israel, ala ditopot bangsoNa jala dipatupa haluaon tu
hita. Amen.

7. MARENDE BE NO. 48 : 1 – 2 “RIA MA HITA SASUDE”

1. Ria ma hita sasude mamuji Debata, girgir ma parendenta be
ai i do na tama, ai i do na tama
2. Diungkap Debatanta i banua ginjang i, disuru do AnakNa i,
hangoluanta i, hangoluanta i
8. TANGIANG PANGONDIANON
9. MARENDE BE NO. 52: 1 - 2 “HATUAON DO” (Papungu Pelean)
1. Hatuaon do las ni roha do hatutubu ni Jesus
i. ::Mago do jolma ro ma Tuhanta, las be, las be
ma rohanta i.:: (2x)
2. Hatuaon do las ni roha do hatutubu ni Jesus i.
::Domu do hita tu Debatanta, las be, las be ma rohanta i.:: (2x)
10. TANGIANG ALE AMANAMI + AMEN-AMEN-AMEN
11. MARSIJALANGAN - PASAHATHON SELAMAT ARI NATAL

Dibagasan las ni roha, hupasahat hami ma Pelean Natal Keluarga

Taon 2021:
Keluarga : __________________________
Alamat : __________________________
Godangna : Rp: _______________________

PARHALADO JAHARUN - B
PASAHATHON:
SELAMAT ARI NATAL
4|P a g e
 TUHAN MEMBERKATI

5|P a g e