ACARA PARPUNGUAN BODARI

(NATAL UMUM)
HURIA KRISTEN BATAK PROTESTAN
(HKBP)

Topik :

IDA MA! NUNGA RO SIPALUAMI

Senin, 24 Desember 2018

0
I. PANGARADEON DOHOT PROSESI
1. Mangarade ma di konsistori (Parjamita, Paragenda, Parhalado),
2. Diaturhian ma parhundul ni parliturgi dohot parkoor.
3. Di tingki mardalan barisan prosesi, jongjong ma sude ruas ni huria.

II. JOUJOU TU PARSAORAN [U=Uluan, H=Huria ]

U: Selamat ari Natal ma di hamu saluhutna. Dihamu amanami, inanami,
hahaanggi nang pinaribot, sude do hita sisada haporseaon di Goar ni
Tuhan Jesus i. Mauliate ma tadok tu Debata na mangaramoti hita sahat
tu tingki on, boi hita marpungu huhut marlas ni roha dibagasan
joroNa na Badia on. Anggiat ma Ibana na tongtong mian dibagasan
rohanta jala dilehon dameNa na sumurung i laho mangarajai roha
nang pingkiranta be. Anggiat ma Natal on mamboan pasupasu na
sumurung tu ganup keluarganta.
H: Ale Tuhan Jesus na gabe Sipalua hami, ro ma Ho tu tongatonganami.
Parbadiai ma rohanami be marhitehite Tondi Porbadia asa unang marisuang
haroronami tu inganan on.
U: Bangso na mardalan di bagasan haholomon marnida sada panondang
na bolon. Binsar do sada Panondang di angka na mangingani tano
linggoman ni hamatean i.
H: Mangendehon BE. 608 : 1“O Betlehem na metmet i”Bl. 608
 O Betlehem na metmet i, boasa modom ho?
Humirdophirdop bintang i hohom marnida ho.
Alai ro sian ho do panondang na tongtong,
na pinarsinta na sailaon, sorang di borngin on.
U: Hehe ma ho, marsinondang ma ho! Ai na ro ma panondangmu jala
hamuliaon ni Jahowa binsar di atasmu. Hamu amanami, inanami,
hahanggi dohot napinaribot, hita do panondang ni portibi on, rade ma
hita mangulahonsa tu na humaliang hita. Alani i, ro ma hamu, pagalak
hamu ma lilin on asa tung patar panjangkonta di Sipalua naung ro i.
(Ro ma tu adopan ni TiangLilin : Parjamita, UtusanParhalado, UtusanAma,
Utusan Ina, Utusan Remaja / Naposobulung, Utusan Sikola Minggu laos
pagalak lilin.)

1
 Dung galak sude lilin i, Hundul ma sipagalak Lilin, diintopi ma sude
lampu.
U: Hamu dongan na ni haholongan, nunga galak palitonta be, borhat ma
hita marnida Jesus na tubu di Bara i, alani i, jongjong ma hita
saluhutna..Huhutma taendehon.......
H : Mangendehon BE.No. 54 : 1 – 2 “Sonang ni Bornginna i”Bl. 64
♫ Sonang ni bornginna i, uju ro Jesus i. Sonang modom do halak sude, holan dua
na dungo dope, mangingani AnakNa Jesus, Tuhantai.
♫ Denggan ni bornginna i, uju ro Jesus i. Tu parmahan di Betlehem i, dipaboa na di
surgo i. Nunga ro sipangolu, Jesus, Tuhanta i.
U: Huria ni Tuhanta, Ida ma nunga ro Sipalua i. Taungkap ma rohanta
manjangkon Ibana, tahalashon ma haroroNa i, asa malua hita jala
dapotan haimbaruon, hundul ma hitasaluhutna.
III. PARTANGIANGON DOHOT LITURGI
1. Marende BE. No. 616 : 1+3 “Ulinai di bornginnaBadia” Bl. 616
♫ Ulinai di borngin na badia, humirdophirdop do bintang disi.
Di borngini do tubu Sipalua, di panggagatan di Betlehem i,
Portibi on dangol gok haholomon, marnida sondang ni Tuhantai.
Uli na i marende do suruan , diborngin i do tubu Kristus i,
Di borngin i do tubu Kristus i.
[ Jongjong ]
♫ Ulina i sude marlas ni roha ala naung songgop harajaonNa i.
Huria i ria do ro marsomba, mamuji Raja na sun sangap i.
Ibana do panondang hangoluan na mangalehon panghirimon i.
Uli na i marende do suruan , diborngin i do tubu Kristus i,
Di borngin i do tubu Kristus i.
2. Votum – Introitus[U=Uluan, H=Huria, A=Ama, I=Ina, RN=Remaja-Naposo,
SM=SikolaMinggu, Ph=Parhalado].
U : Marhitehite Goar ni Debata Ama dohot Goar ni AnakNaTuhan Jesus
Kristus dohot Goar ni Tondi Porbadia, amen. Molo tung adong
apoapo marhitehite Kristus, dohot sosososo holong ni roha dohot
parsaoran ni tondi, nang talup dohot asi ni roha. Tajangkon ma i
marroha mauliate.

2
H: Gohi hamu ma halalas ni rohangkon: Sada ma parrohahon hamu; sada
ma haholonganmuna; saroha, sapingkiran ma hamu! Unang ma
mardingkandingkan manang marhasangapon na rumar; alai sian toruk
ni rohamuna be ma rajumi hamu donganmuna sumurung sian
dirimuna!
U : Unang ma na ringkot di hamu be matahon hamu, dohot ma na di
dongan! Songon parrohaon ni Kristus Jesus ma parrohaonmuna!
A : Atik pe rupa ni Debata di Ibana, ndada songon na ni dobo dirajumi
rohana tudos na i tu Debata. Dirumari do dirina jala disolukkon rupa
ni hatoban, gabe suman tu jolma do Ibana jala rumang jolma dapot di
Ibana.
I: Dipatutoru do dirina; na gabe pangoloi do Ibana paima mate, pola
tung mate tarsilang! Ala ni i do dipatimbo Debata Ibana jala
dibasabasahon tu Ibana Goar na sumurung asa nasa goar.
Rn: Asa somba tu Goar ni Jesus nasa ulu ni tot, na di banua ginjang i dohot
na di tano, nang na ditoru ni tano, jala asa nasa na marsoara
marhatopothon: Jesus Kristus do Tuhan, bahen hasangapon ni Debata
Ama!
U : Onpe, hamu, na hinaholongan, songon tongtong ni pangoloionmuna
nasailaon, unang holan jumpa di hamuna ahu, lam songon i ma, di na
padaodao ahu: Mardongan biar dohot lomos ni roha ulahon hamu ma
haluaonmuna!
SM Ai diula Debata do di bagasan hamu giot ni roha nang ulaon saut,
mangihuthon lomo ni rohana. Di nasa pambahenanmuna: Unang ma
hamu marungutungut, unang ma marroha ganggu!
Ph Naeng ma so hasurahan jala so marlaok hamu, angka anak ni Debata,
angka na so marlindang di tongatonga ni sundut na geduk jala na
marbalik; disi ma hamu marsinondang songon sisondangi portibi on!
Marsitiopan ma hamu tu hata hangoluan i, bahen pujipujian di ahu di
ari ni Kristus, paboa na so magopo parlojongonku, jala ndada na so
marguna halojaonku.
U Ai nang pe didurushon mudarhu songon pelean mangkongkop
haporseaonmuna, marlas ni roha do ahu rap dohot hamu saluhutna.
Laos i ma halashon hamu, jala marlas ni roha ma hamu rap dohot ahu!
3
 Ai na ringkot tu dirina be do dijalahi ndada na tu Kristus Jesus i,
Haleluya. Martangiang ma hita : Ale Amanami na marhuaso di banua
ginjang dohot ditano on. Pasupasuhon ma tu hami las ni roha, asa
margogo hami mangulahon lomo ni rohaM. Paimbaru ma hami
marhitehite hatutubu ni Jesus Tuhannami, asa lam mananda hami di
godang ni holong ni rohaM. Ajari ma hami sude ruas ni huriaM, asa
saroha, sapingkiran hami laho mangihuthon Ho, lumobi ma
pauliulihon parsaorannami di huriaM. Ale Tuhan, patau ma sude ruas
ni huriamoM mangalehon sian silehonlehonMi. Pasingkop ma
bohalnami saluhutna, asa lam marmulia Goarmu bahenonnami,
marhitehite Jesus Kristus Tuhannami, amen.[ hundul ]
3. Marende BE. No. 53 : 1 “Di Betlehem do Tubu”Bl. 51
♫ Di Betlehem do tubu di hita Anaki. I do sian na burjuhu pilllit Rajangki. I do, i do,
hupilllit Rajangki.
4.ManjahaEpistel
U : Tajaha ma turpuk Epistel di parpunguanta borngin on, ima na
tarsurat di Jesaya 12 : 1 – 6. “Jadidohononmu ma di arinasasada i:
Mauliate ma ahu tu ho, ale Jahowa, ala dirimasi ho ahu, alai
nungamarpamuatirimasmu, jala nunga diapuli ho ahu.
H : Ida ma, Debata do hatuaonku, Ibana huhaposi, jadi ndang mabiar
ahu, ai Tuhan Jahowa do hagogoonku dohot pujipujianku dohot
manjadi hatuaon di ahu.
U : Jadi marlas ni roha hamu manahui aek sian mual ni hatuaon.
H : Jadi dohononmuna ma di ari na sasada i: Puji hamu ma Jahowa,
jalajouhamu ma goarNa, pabotohon hamu angka jadijadianNa di
tongatonga ni angka bangso, jamitahon hamu goarNa na timbul i.
U : Endehon hamu ende pujipujian tu Jahowa, ai nunga dijadihon
halongangan, sibotoon ni liat portibi on sogot.
H : Marolopolop jala mariaia ma ho, ale isi ni Sion, ai timbul do di
parsitongaanmi na badia ni Israel.
U : Martua ma na tumangihon hatani Debata jala naumpeopsa. Amen
5. Liturgi I :Kategorial Singkola Minggu

4
 1 Musa 1 : 26 – 27 Psalmen 33: 6 Jesaya 40: 26 Job 33: 4
1 Musa 2 : 7 Psalmen 139: 13 + 15 Job 31: 5 Kolose 1: 16

6. Liturgi II : Kategorial Remaja-Naposo

1 Musa 3: 1 – 2 Psalmen 51: 7 Rom 3: 16 – 18 Rom 5: 13
1 Musa 3: 7 Rom 3: 12 Rom 3: 23 Jakobus 1: 15

7. Marende BE. No.59 : 4 - 5 “O Jesushi Hupuji Ho” Bl. 34

♫ Ibana na tiur hian, na sangap sian na hinan
Do patiurhon tano on, lao manondangi hita on
♫ DiriNa di rumari do, sangapNa ditinggalhon do
Manogu hajolmaon i, tu Debata AmaNa i
8.Liturgi III : Kategorial Ama
1 Musa 3: 15 Rom 5: 1 Jesaya 7: 14
5 Musa 18: 15 Jesaya 9: 5 Johannes 3: 16

9.Liturgi IV : Kategorial Ina

Mateus 1: 18 – 19 Lukas 2: 1 – 3 Lukas 2: 6 – 7; 14 Jesaya 35 : 1 + 4
Mateus 1: 20 – 21 Lukas 2: 4 – 5 Titus 2: 14 Jeremia 23 : 5

10. MarendeBE.No. 171 : 1 – 2 “Tandai ma au”Bl. 49

♫ Tandai ma au, sungkapi ma dohot rohangku, uji ma au, pamanat huhut ma
dalanku. Olo ditanda Ho au Debata. [Jongjong]
♫ Asi ma rohaM, taringot tu pangalahongku. Olo tutu, jotjot do nalilu, dalanku. Sesa
dosangku, sude Debata.
11. Pangarimangon di ngolusiganupari
U: Mansai uli jala denggan do portibion di tompa Debata. Jolma na
parjoloi pe tungul i do ingananna dohot sipanganonna diparade
Debata. Alai ndang leleng Manahan jolma i dihaulion ni na
tinompaNai, gabe ditahi naeng dos dohot Debata marhite na mangoloi
hata ni sibolis i. Ndang olo patutoru diri, naeng gogona, naeng
lomona, holan pingkiranna dohot rohana dipangasahon laho
mangalului hagiot ni rohana. Hape gabe tuhamagoan do ujungna. Ale
Tuhan, palua hami sian huaso haholomon i.
H: Mangendehon BE. No. 681 : 1 “Ale AmangAsiRohaM”
♫ Ale AmangasirohaMsi au pardosa on,
Unduk do rohangkon nuaeng marsomba di joloM.

5
 Unang jujur unang jujur angka dosangki,
Sai salpuhon sai saluphon sian rohaMi.
U: Godangna i hageduhon na masa di tingki on, nunga laos rumar angka
jolma na tinompa ni Debata. Masa na marsigulut di huaso, lam torop
na patimbo diri, maol jumpang keadilan, tamba bilangan ni
pengangguran, torop na putus singkola jala tung maol mangalului
parkarejoan. Nunga torop naposo nang natuatua na madabu tu
hajahaton, torop naso masiantusan di rumahtangga jala aut boha do
naung sahat i tu huria. Nunga torop bilangan ni na mate ala ni lalo,
tsunami, banjir bandang, gunung meletus, perampokan, pembunuhan
dohot ragam ni hajahaton na asing dope. Hamu angka dongan,
tagamon do parsidohot hita mangulahon angka hageduhon i?
H: Mangendehon BE. No. 688 : 1 “Tuhan”
♫ Tuhan jotjot do marsak donganki, ala na sala pambahenanki,
Hatangku langka nang parulanki, jora ma au.
U : Jora ma hita tutu, ndang adong upa ni siula hajahaton, baliksa gabe
manambai halumlamon do i. Idama....nunga godang na masa i,
tatinggalhon ma bangko sisongon i. Molo tung pe torop hita mangae ala
pambahenan ni parjahat i, dipargogoi Tuhan i ma hita, asa benget
manaon saluhutna. Taongkuhon ma dibagasan rohanta, ndang adong na
so patar diadopan ni Tuhan i. Marpadan ma hita dohot Debata, na
ingkon saroha sapingkiran hita na sahuria tu joloan on, asa jumpang
hita ngolu na marhademahon dohot huria na mardame jala na
marhasonangan. Alani i, tajalang ma na disiamun dohot na
dihambirangta, huhut ma hita masisesaan dosa asa marparbue hatutubu
ni Sipalua i di rumatangganta nang dihurianta on.
H: Masijalangan (Manjalang na disiamun dohot na dihambirang).
U : Hamua angka dongan, nunga tangkas be Sintuhu ni hatutubu ni Sipalua
i. Sai marsitutu ma hita mambahen na dumenggan tu joloan on, saroha
sapingkiran ma hita asa jumpang hita ngolu na marlas ni roha dohot
ngolu na maduma, amen. [Hundul]
12. Liturgi V : Parhalado
2 Kor. 5: 17 Rom 10: 4 Rom 8: 17 2 Kor. 4: 6 Gal. 6: 10
Gal. 5: 22 1 Kor. 6: 20 Pang. 2: 7+10c Gal. 3: 28 1 Tim 6: 12

6
13. Marende BE. No. 62 : 1 – - - “Halalasnirohagodang” [PP-Ia,Ib]
♫ Halalas ni roha godang, na hubaritahon on,
Nunga tubu sipalua di hita jolmaon.
Reff. Hasangapon di Debata, laos dame-dame-dame ma di jolma,
Lomo ni roha ni Debata do hita jolma on.
♫ Ai sabornginon do binsarbintang di naholomi,
Sumondangihagolaponna di rohantai,
Hasangapon di Debata……………..
-----Musik------
♫ Tuhan Jesus hadomuan, na disuru Debata.
Na pasaehon sude dosa di dolok Golgata
Hasangapon di Debata,............
♫ Sai sondangi ma rohangku ale Tuhan Jesus i
Asa dohot au maruli di hatutubuMi
Hasangapon di Debata,............

14. Jamita : Lukas 1 : 26 - 38

15. Marende BE. No. 605 : 1 –-- “Las ma roham” [PP,II tu STT/S.Pandita]
♫ Lasma roham Tuhanta ro, gumonggom sasude.
Ungkap roham janghon Rajam,
Marende ma sude, marende ma sude, marende marende ma sude
♫ Tano nang laut, nang awangawang i
Hauma i, nang sunge i,
Olophon Raja i, Olophon Raja i, olophon olophon Raja i
------Musik-----
♫ Bura binaen ni dosa i, marujung ma di si
Ai nunga ro Mesias i
Mamboan dame i, mamboan dame i, mamboan mamboan dame i.
♫ Ibana do Rajanta i, parasi roha i
Na tigor I, na bonar I
Parholong roha I, parholong roha I, parholong parholongroha I.

16. Tangiang Panutup dohot Pasupasu