ACARA MINGGU KELUARGA HKBP

MINGGU JUDIKA
LULUHON AHU ALE JAHOWA (Psalmen 43: 1a)

 Ev: Psalmen 25 : 1 – 7          Ep: Johannes 15 : 9 ­ 15

TOPIK:
MANGOLU DIBAGASAN ASI NI ROHA NI DEBATA
 

0
 MINGGU, 07 April 2019

I. PROSESI:
a. Intap ni na tarbahen, Sahundulan ma ganup na sa keluarga.
b. Mardalan ma Prosesi ni Parhalado laho masuk tu Inganan Parmingguon, laos
marende ma Song Leader sian Buku Ende HKBP No. 860 “Mauliate Puji
Tuhan”
c. Molo tarbahen, sian sada keluarga ma na gabe song leader (Ama-Ina-Anakhon)

II. ACARA KEBAKTIAN:

(U=Uluan; R=Ruas; A=Ama; I=Ina; RN=Remaja/Naposo; SL=Songleader)
U : Horas Ari Minggu ma di hita saluhutna.
R : Horas ari Minggu ma nang di hamu.
U : Huria na hinaholongan ni Tuhanta, tasomba ma Tuhanta na manompa hita.
Beta hita manungkap dohot marsomba tu Jahowa, marsinggang ma hita tu jolo
ni Jahowa.
R : Ai Ibana do Debatanta, hita do bangso na pinarmahanNa, jala birubiru
ni tanganNa.
U : Huria na hinaholongan ni Tuhanta, Topik Minggu Keluarga di Bulan April
2019 on mandok : HOLAN MANGASAHON ASI NI ROHA NI DEBATA,
Alani i, tapuji ma asinirohaNa, marende ma hita.

1. Marende BE No. 783: 1 – 3 “TUHAN SITOMPA SALUHUT” BL. 783

♫♪♫
Tuhan sitompa saluhut, Ho do na marmulia i
Ndang na tarasam saluhut, nilehonMi
♫♪♫
Patar do asi rohaMi di sinondang ni ari i
Di gogo ni hauma i, nilehonMi
............Musik..........(Jongjong)
♫♪♫
Mauliate o Tuhan di ruma tangga na sonang
Godang do pasupasu i, nilehonMi.
2. VOTUM:
U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Parbadia, na tumompa langit dohot tano on. Amen.

1
 Luluhon ma ahu, ale Debata, jala badahon badangku dompak bangso na
so daulat roha,
R : Sai palua ma ahu sian baoa siulahon sipaotooto dohot hajengkelon.
U : Ai Ho do Debata haroroan ni hagogoonku. Tongos ma hatiuronMu
dohot hatigoranMu, angka na manogu ahu, pataru ahu tu dolok ni
habadiaonMu dohot tu ingananMu. HALELUYA!
R : Mangendehon : HALELUYA.....HALELUYA....HALELUYA.
U : Martangiang ma hita: Ale Tuhan Debata, Amanami na di banua
ginjang, Parasiroha na sumurung! Na mandok mauliate ma hami tu Ho
sian nasa rohanami, ala dilehon Ho AnakMu na sasada i tu hamatean
humophop hami, asa unang mago na porsea di Ibana, alai asa
hangoluan na saleleng ni lelengna di nasida. Tatap ma hami, ale
Amanami di bagasan AnakMu Tuhan Jesus Kristus, na gabe habadiaon
dohot hatigoran di hami. Sai sesa ma dosanami saluhut ala ni pelean na
sun denggan, na pinelehonNa i humophop hami. Sai paeleng ma
pinggolMu tu tangiangnami jala asi ma rohaM di hami marhitehite
AnakMu, Tuhan Jesus Kristus, Tuhannami. Amen.
(hundul).
3. Marende BE No. 111: 2 “PATIMBUL BE MA SANGAP” BL.129
♫♪♫
Tongtong sombaonnami Ho mamuji salelengna
Dibaen na digomgomi Ho, huriaMu sudena
Na so tardodo gogoMi, sai ingkon saut do rohami, on pe martua hami.
4. PATIK NI DEBATA:
U : Patik ni Debata di hita di Minggu sadari on, tarsurat di Rom 3 : 23 - 26,
Songonon ma didok : Ai ndang adong imbar ni i: Tung saluhut do nasida
mardosa jala ndang dapot pujion ni Debata nasida.
R : Gabe dipintori do nasida dalan basabasa binahen ni asi ni rohaNa
hinorhon ni panobusion na di bagasan Kristus Jesus.
U : Ibana do dipadiri Debata bahen habangsa parasian marhite sian haporseaon
di mudarna i, asa dipapatar Debata disi hatigoranNa, ala naung dibolus
mataNa angka dosa najolo marhite lambas ni rohaNa.
R : Ai naeng papataron ni Debata hatigoranNa apala nuaeng, asa pintor
Ibana jala dipintori na marhaporseaon di Jesus
U : Antong rap mangido gogo ma hita tu adopan ni Debata.
S : Ale Tuhan Debata, sai pargogoi ma hami mangulahon na hombar tu
patikMi. Amen.
5. Marende BE No. 194 :1 + 3 “AUT SO ASI ROHAM” BL. 62
2
 ♫♪♫
Aut so asi rohaM, aut so godang basaM, tudia au ?
Alai dibaen basaM dohot asi rohaM, tu Surgo au
♫♪♫
Anggiat ma holong rohangku sai tongtong, burju tu Ho
Sai dongananMu au manang tudia lao sonang tutu.

6. REFLEKSI:
U : Hamuna saluhut dongan na hinaholongan ni Tuhanta, taparhatopot do :
Marhite asi ni roha ni Tuhan Jesus do tahe umbahen na malua hita
dihaporseai rohanta.
R : Hinorhon ni asi ni roha ni Debata, godang ma panumpakna diangka
naporsea i.
U : Tarulahon hita do ragam ni ulaonta, ala taboto naung dula Debata do i dihita.
Holong ni rohaNa i do naung patauhon hita. Asa saluhut na denggan di
dirinta on, marharoroan sian Holong ni Tuhanta i tu hita.
R : Mangendehon BE. No. 699 : 1 “Singkop do asi ni rohaM” BL. 699
♫♪♫
Singkop do asi ni rohaM tu au na dangol on.
Na lilu ahu na hinan, nuaeng jumpang do.
U : Hamuna angka dongan na hinaholongan ni Tuhan i, jolma angka naung
ginohan ni asi ni roha dohot holong ni roha ni Tuhan i, ingkon
jamothononna dirina asa unang marisuang angka najinalona sian Tuhan i.
Alani i ingkon argahononton, pangkeon tu angka ulaon na hinalomohon ni
Tuhan i.
R : Mangendehon BE. No. 699 : 3 “Singkop do asi ni rohaM” BL. 699
♫♪♫
Di dalanhi na rahis i, gok mara ngolungki
Ala pangurupionMi malua tondingki
U : Songon i do naung niulahon ni Apostel Paulus, jala hinorhon ni i do asa diula
ibana ulaon i sian nasa rohana jala marguna do na niulana i. Ihut tusi, di na
lam godang diula ibana ulaon i, lam tangkas diulahon ibana angka na
denggan i, laos disi do dipatutoro ibana dirina, asa tarhatindanghon ibana
lambas ni roha ni Debata maradophon ibana. Ima parbue ni holong ni
Debata na jinalona. Gabe didok ibana do : Alai na di ahu nuaeng, sian asi ni
roha ni Debata do umbahen na dapot, jala ndang na magopo asi ni rohana na
tu ahu i, ai gumodang do na huulahon sian nasida saluhutna; alai ndada ahu
tahe, asi ni roha ni Debata na tu ahu, i do.
R : Mangendehon BE. No. 699 : 4 “Singkop do asi ni rohaM” BL. 699
♫♪♫
Hutiop bagabagaMi di pardalananhi
Ho Tuhan lombulombungki, di paraloan i
3
 U : Marsangap jala marmulia ma Debata ala Holong dohot AsinirohaNa na
nilehonNa di hita. Amen.
7. Marende BE No. 172: 2 – 3 “O JESUS PANONDANG” BL. 143
♫♪♫
Sesa ma dosangku, ale Tuhanhi, ala ni mudarMu na nilehonMi.
Asal ma rohangku salelengna i, ingot di hansitMu dohot mudarMi
(Jongjong)
♫♪♫
Tondi, daging, roha, nang gogona i. Unang tu naroa, sai di Ho ma i
Ingkon gok di Ho ma au hinophopMon, asa saut martua au siseanMon.

8. TANGIANG MANOPOTI DOSA:

U : Tapaunduk ma dirinta laho marningot saluhut pardosaonta di adopan ni
Tuhan i, tatopoti ma i, jala tapangido hasesaan ni dosa i sian Tuhanta.

------------ tingki na hohom / musik angonangon BE. No.221 -------------

Ale Tuhan Debatanami, huboto hami do na sai dihaholongi Ho hami on,

alai sai jotjot do hami mangulahon na so hinalomohon ni rohaM. Godang
situtu hahurangannami maradophon Ho, songoni maradophon dongan,
maradophon natuatua, maradophon dongan sabagasnami, nang
maradophon angka anakhonnami, na mambahen sogo rohaM marnida
hami. Ndang tarbahen hami dope gabe ulaulaM na pinabangkitMu di
portibi on. Husolsoli hami do nuaeng dirinami di hajahaton dohot
pardosaonnami i.
R : Sai asi ma rohaM di hami ale Tuhan, holan asinirohaM do na paluahon
hami.
A : Hutanda hami do hadirionnami, gumodang do tingkinami
marambolongan so huulahon hami angka ulaon na marguna. Jotjot
ndang hulehon hami roha dohot pingkirannami mamingkirhon ruma
tangganami be, pardihuta nang angka nakhonnami. Jotjot do
hugabusi hami Ho ala so huulahon hami parsuruonMu songon na
pinangido ni rohaM.
R : Sai asi ma rohaM di hami ale Tuhan, holan asinirohaM do na paluahon
hami.
I : Di na jinouM hami gabe angka ina di tonga ni ruma tangganami be,
tung mansai arga situtu do i. Alai gabe jotjot do huhalupahon hami
ulaonnami songon ina na manghobasi angka ulaon di ruma tangga i,
manogunogu gellengnami tu poda hasintongan na sian hataM.
Huboto hami do Tuhan, dihirim Ho do sian hami, asa ina na pantas
marroha hami on di parngoluon on.

4
 R : Sai asi ma rohaM di hami ale Tuhan, holan asinirohaM do na paluahon
hami.
RN : Hinorhon ni roha na marsiadu laho manjalahi pandaraman sogot di
tongatonga ni partingkian na maju di bangsonta Indonesia on, gabe
jotjot do hupasuda hami tingki marsiajar dohot mangula ulaon na
hombar tu hamajuon i, gabe jotjot ma huhalupahon hami mangurupi
natorasnami, gabe marroha diri hami di ngolunami on. Sai asi ma
rohaM di hami ale Tuhan, holan asinirohaM do na paluahon hami.
U : Sai lehon ma gogo marhitehite TondiM tu hami, asa togu rohanami, jala
unang ganggu haporseaonnami tu Ho. Togutogu jala ajari ma hami on asa
sintong hupasahat hami dirinami tu Ho songon peleannami di naung
tinobusMu hami marhitehite mudar ni Kristus Jesus Tuhannami. Amen.
R : (Mangendehon) BE. No. 221 : 5 “Saleleng Jesushi” BL. 5
♫♪♫
Saleleng Jesushi na mandongani au
Maporus holsoholsongki, sai di Ibana au
U : Tatangihon ma bagabaga ni Debata taringot tu hasesaan ni dosanta.
Songon on do Hata ni Tuhan Jahowa: Nunga diarsahi Ho Ahu marhite
sian angka dosam, jala nunga dilojai ho Ahu marhite sian angka
hajahatonmu. Ahu tutu, Ahu sandiri manalesei angka pangalaosim ala ni
hadirionKu, jala ndang be Hupaingotingot angka dosam. Hasangapon ma
di Debata na di ginjang!
R : Amen (hundul)

9. Marende BE No. 829 : 1 “PATIK NA IMBARU” BL. 829

♫♪♫
Patik na imbaru Hulehon tu hamu asa masihaholongan hamu sama hamu
Songon holong ni rohangKu maradophon hamu
Sian on do ditanda halak hamu siseanHu molo hamu masihaholongan
Sian on do ditanda halak hamu siseanHu molo hamu masihaholongan

10. EPISTEL:
U : Tajaha ma Hata ni Debata Turpuk Epistel di ari Minggu sadari on, na
tarsurat di Johannes 15 : 9 – 15. Songon holong ni roha ni Damang di
Ahu, songon i do holong ni rohangku di hamu. Mian ma hamu di bagasan
holong ni rohangki! Radoti hamu ma angka patikku; i ma dalanna, asa
mian hamu di bagasan holong ni rohangku:
R : Songon Ahu pe na mangaradoti angka patik ni Damang, gabe mian di
bagasan holong ni rohana.
U : Umbahen na huhatahon i tu hamu, asa di bagasan hamu halalas ni
rohangki, jala asa gok halalas ni rohamuna.

5
 R : On ma patikku: Naeng ma masihaholongan hamu, songon Ahu na
mangkaholongi hamu.
U : Na sumeahon hosana humongkop angka alealena, i do parholong ni roha na
so halompoan.
R : Alealengku ma hamuna, molo diula hamu na hupatikkon i tu hamu.
U : Ndang hugoar be hamu anak somang, ai ndang diboto anak somang na
niula ni indukna; aleale do hamu hudok, ai nunga hupabotohon tu hamu
saluhutna na hubege sian Damang. Ima sahatna. Martua ma natumangihon
Hata ni Debata, jala na umpeopsa.
R : Amen
11. Marende BE No. 791: 3 + 5 “O HAMU PARANGAN” BL. 791
♫♪♫
Parangan na monang, na porsea i, na tongtong mardalan raphon Tuhan i
Pamatang ni Kristus do huria i, sada panghirimon nang haporseaon i
O hamu parangan ni Tuhanta i, borhat ma hamuna tu tongtangan i
(Jongjong)
♫♪♫
Sai udur ma hita raphon Kristus i, rap marsurak hita pasangaphon i
Puji ma goarNa na badi ai, rap dohot suruan lao manomba Tuhan i
O hamu parangan ni Tuhanta i, borhat ma hamuna tu tongtangan i
12. MANGHATINDANGHON HAPORSEAON:
U : Tahatindanghon ma haporseaonta i songon na hinatindanghon ni donganta
sahaporseaon di sandok portibi on, rap ma hita mandok!
S : Ahu porsea . . .
13. KOOR: a…….. b……… c………
14. TINGTING DOHOT TANGIANG:
15. KOOR: d…….. e……… f………
16. Marende BE. No. 186 : 1 - - “JAHOWA DO HAPOSANHI ” [Pel.Ia,Ib]
BL. 173
 Jahowa do haposan hi na mangapoi rohangku
Na patiurhon dalanki Bulus dibaen langkangku
Sonang tongtong Rohangkinon Binaen ni Debatangku PatikNa do lomongku
 Na tau haposan situtu do Ho, o Debatangku
Ai Ho do na tongtong burju mambaen hangoluanku
Na gogo Ho sai tulus do, sinangkap ni rohaMu, pasaut na pinungkaMu
-----Musik--------
 Ndang dung dihalupahon Ho sude na holong roha
Di Ho ai sai dapotsa do na tau apulapulna
Tung sonang do dibahen Ho na sai tongtong porsea malua sia jea
 Sai tatap sitiruonmi binaen ni Tuhan Jesus
Andorang na di Golgata mudarNa i lao durus
6
 Sai pos disi RohaNa i ditiop do AmaNa, sai tiru ma Ibana.
-----Musik-----
 Antong sai sahat ma tu Ho au on, o Debatangku
Asi rohaM, sai tait gogo tu Ho sandok rohangku
Sai togu i tu SurgoMi ai di na tos hosangku Ho do dapothononku.
17. JAMITA: Psalmen 25: 1 – 7
18. Marende BE. No. 117 : 1 - - “JAHOWA DEBATANTA DO” [P.II]
BL.205
 Jahowa Debatanta do Partanobatoanta
Musunta ingkon talu do dibaen pangondinganta
Ianggo musu i, i ma sibolis i, jorbut do tahi ni mangago jolma i;
Ndang dapot na mangatup
 Gogonta ndang haposan i, tibu do mago hita;
Pinillit ni Jahowa i, na tuk pamonang hita
Ai ise goar ni ? ima AnakNa i, Tuhanta Jesus i Sigomgom sasude
Na so tarbahen so monang
------Musik-----
 Gok begu pe portibi on na naeng mamolgak hita
Nda tung mabiar hita on ai ingkon monang hita
Ai nang tarrimas pe sibolis i tahe ndang habiaran be ai nang sahata pe
Tuk do manaluhonsa.
 Ai hata ni Jahowa i ndang dapot ungkitonna
Tuhanta manjagahon i ditungkol naposona
Hosanta arta pe ugasan sasude dirampas musu i antong mahua i
Hot do harajaonNa.
19. PARSURUON:
U : Hamuna angka dongan na hinaholongan, nunga tatangihon Hata ni Tuhan i na
tajalo sadari on, Antong taulahon ma nanidokNa di parngoluonta siganup ari.
R : Sai dipargogoi TondiMi ma hami.
U : Idama, sai nolnol do mata ni Jahowa tu angka na manghabiari Ibana, angka na
manghalungunhon asi ni rohaNa.
R : Mangendehon BE. No. 363 : 14 “ Mauliate dok hamuna ” BL. 194
♫♪♫
Ho Debatangku pujionghu, patimbulonhu sai tongtong
Mauliate ma rohangku di Ho dibaen basaM inon
Hamu sude pe ale dongan, dok ma mauliate i
Ai ndang hea marpansohotan do denggan ni basaNa i

20. PANGUJUNGI: Tangiang Pelean, Ale Amanami, Pasupasu

7
8