PARTORDING NI PARTANGIANGAN MAMEAKHON BATU OJAHAN

Bagas ni Keluarga : A. Nesya Sinaga/ br Hutabarat

Siopatsosor, Sabtu 23 Maret 2024
1. Marende BE HKBP No. 125: 1 – 2, “MARLAS NI ROHA HITA ON”
♫♪♫
Marlas ni roha hita on, mamuji debata. Ai asi ni rohana i do bongot tu rohanta
i. Umbaen nuaeng mardomui dison sadarion, dison sadarion.
♫♪♫
dibahen i manggogo be ma hita on sude. Mamuji tuhan jesus i, parasiroha
godang i. Sibaen las ni rohanta i. Nuaeng nang sogot pe, nuaeng nang sogot pe
2. VOTUM – INTROITUS – TANGIANG :
U : Marhitehite Goar ni Debata Ama, dohot Goar ni AnakNa Tuhan Jesus Kristus,
dohot Goar ni Tondi Parbadia na tumompa langit dohot tano on. Amen.
Mangasahon asi ni roha ni Jahowa Debata Ama, Dohot Anakna Jesus Kristus
Dohot Tondi Parbadia Do Singkop Ulaon On.
R : Nunga Jumpang Naniluluan Dapot Najinalahan Laos Tulus
Nasinangkapan Nasida.
U : Asa Pinompar Ni Angka Naposona I Tumeansa Sogot, Jala Angka Na
Manghaholongi Goarna Maringan Disi. Haleluya! Martangiang ma hita! Ale
Tuhannami Jesus Kristus, anak ni Debata Ama na so hatudosan. Ho do Tuhan
nami jala Ho do sillam di Hasangapon ni Debata Ama dohot suman ni
hadirionNa na ro tu portibion. Ho do batu parsuhi na tarpilit jala na arga dohot
ojahan na hot, namangido ma hami tu Ho, pahot ma batu parsuhi nanaeng
peakhononnami dibagasan goarmu na Badia I, songon mula dohot ujung ni nasa
na adong, laos Ho na mamungka, patorushon dohot paujunghon ulaon na
hupungka hami sadarion, asa gabe hasangapon dohot hamuliaon digoarmu
nabadia, hupasahat hami ma pangidoan namion tu Ho ale Jahowa Tuhannami
Jesus Kristus namangolu dohot na sintong I, namangarajai rap dohot Debata
Ama dohot Tondi Porbadia, rodi saleleleng ni lelengna, Amen.
3. Marende BE HKBP No. 159 : 4 “MARTUA DONGAN ANGKA NA”
♫♪♫
Martua Dongan, Angka Na Sajabu Parlas Ni Roha Dibagasan Ho. O Jesus Na
Ringkot Mamasumasu Angka Na Holong Roha I Di Ho. Martua Ma Tutu Sude
Nasida Nang Di Na Songop Hasusaan Pe. Ai Sai Diapul Ho Rohanasida Paima
Ditogu Ho Tu Jabumi.
4. LAPATAN DOHOT OJAHAN NI BAGAS DI ANGKA NA PORSEA:
U :Ende sian angka anak ni si Kora, Denggan nai angka ingananmi ale Jahowa!
H : Pola do langan jala malas rohangku, dibahen lungunna diangka alaman ni
Jahowa, marolopolop do rohangku dohot sibukku tu Debata na Mangolu i.
1
 U : Gari Apporik Jumpangan jabu jala leang - leang dapotan asarna bahen inganan ni
angka anakna mandok angka langgatan pamelean tu Ho ale Jahowa Zebaot
rajangku dohot Debatangku.
H : Martua ma angka namangingani bagasMu sai ho do pujion nasida.
U : Martua ma halak ia dibagasan Ho hagogoonna ia roha nasida dibagasan manuju
dalan na tigor.
H : Angka na umbolus rura partangisan, ibana do dibahen mualna gabe maruli
pasu – pasu nasida.
U : Lam gelleng lam balga do gogo nasida paima tolhas nasida tu jolo ni Debata di
Sion.
H : Ale Jahowa Debata Zebaot, sai tangihon ma tangiangkon, sai tangi ma ale
Debata ni si Jakkob, Sela .
U : Lombulombu nai do ho ale Debata, Asi ma Roham tatap ma bohi ni Mesias Mi.
H : Ai dumenggan do sadari dia angka alamanMu sian saribu ari na asing,
tagonan do dipangido rohangku sijaga pintu ahu dibagas ni Debatangku,
asa maringan di angka undung – undung ni parjahat.
U : Ai Debata Jahowa do mataniari dohot lombu – lombu dilehon Jahowa do asi ni
roha dohot hamuliaon, dang diholit na denggan I di angka naburju
marpangalaho, ale Jahowa Zebaot, martua ma jolma na marhaposan tu Ho.
5. Marende BE No. 467:1 “ASI NI ROHAM HUPUJI”
♫♪♫
Asi ni rohaM hupuji ala Ho manobus au. Dipaias Ho rohangku, gabe
soranganMu au. IngananMu rohanami, TondiMi manggohi i. Pangke dohot
ngolunami gabe ulaulaMi.
6. JAMITA
7. MAMEAKHON BATU PARSUHI
a. Pangula ni Huria d. Dongan tubu
b. Hasuhuton e. Pargomgom
c. Hula – Hula f. Pandebagas
8. Marende BE. HKBP No. 66 : 1 .... ”DEBATA BAEN DONGAN MI” (P.Pel )
Debata Baen Donganmi, lao mangula ulaonmu
Baen ibana haposanmu sai paserep rohami
Debata baen donganmi, Debata baen donganmi
Debata baen donganmi, sai na saut do ulaonmu
Sai na tulus do sangkapmu, jala sonang rohami Debata baen donganmi…..

9. TANGIANG PANUTUP