Hatorangan : U: Uluan; H; Huria

1. Pangaradeon : Martangiang Dibagasan Roha na be……………..Amen

2. Marende BE. No. 9 : 1+3 “ HUpuji Holong ni RohaMu”
Hupuji holong ni rohaMu, O Tuhan Jesus Rajangki
Tu Ho hulehon ma tondingku ai ido pinangidoMi
Huhalupahon ma ma diringku mamingkir holong ni rohaMu.
Huhilala ingkon marTuhan, ingkon mangolu au di Ho
Ndang jumpang au be hangoluan aut unang dipatupa Ho
Sai Ho do paradiananhu, sai gok di Ho na ma langkangku
3. Votum
U : Marhitehite Goar ni Debata Ama, dohot Goar ni AnakNa Tuhan
Jesus Kristus dohot dohot Goar ni Tondi Parbadia na tumompa
langit dohot tano on, Amen. Mandok mauliate ma hamu tu
Jahowa, ai padenggan basa do Ibana, ai rodi salelengna do asi
ni rohaNa.
H : Ari on do najinadihon ni Jahowa, marolopolop jala marlasniroha
ma hita disi.
U : Habiari ma Jahowa, hamu ale angka nabadiaNa, ai ndang
hurangan angka namanghabiari Ibana.
H : Sai endehononku ma angka asi ni roha ni Jahowa
salelenglelengna, sai pabotohonon ni pamanganhu ma
hasintonganMi marsundut sundut.
U : Sai hapogani ma ale Jahowa mangurupi hami, ai Ho do
pangondianhu dohot na marmahani ngolu nami.
Haleluya;Martangiang ma hita: Ale Tuhan Debata Amanami
pardenggabasa na sumurung, mauliate ma husombahon hami
tu adopanMu. Hupanghilalahon hami tung singkop do angka las
ni roha huparsaulihon hami sian Ho tarbahen hami angka na
pungu dison mandok mauliate rap dohot keluarga ni
dongannami di son. Ditumpahi Ho nasida diangka ulaon nasida
sahat tu ombas on, tarbahen nasida manghalashon pasupasu
napinasahatMu ima naung singkop manjalo pasupasu
parbagason anak dohot boru ni huriaMi di angka tingki naung
 salpu I, nuaeng dipasada Ho rohanami laho manghalashon I
marhite ulaon adat na hombar disihabatahon nami. Sai
Tumpahi ma uloan sadarion dalan manangianghon anak dohot
boru ni huriaM di namangalugahon solu ni ruma tangga nasida
tujoloan on. Ho ma manumpahi ulaon nasida asa boi tulus jala
denggan mardalan angka na sinangsangkap ni roha nasida. Ala
ni i sai ramoti ma saluhut keluarga dison, dao sian angka ragam
ni parmaraan. Ho ma napadaohon nang ragam ni angka abat-
abat. Sai tangihon ma tangiangnami marhite Kristus Jesus
Tuhannami. Amen.
4. Marende BE. No. 723:1 “Tu Jolom O Tuhan”
Tu joloM O Tuhan sahat ma diringkon pangke ma au hombar tu
lomoM. Molo ndang Ho Tuhan, maringanan di au, diringkon ndang
mararga be i. Tung pogos pe dison manang sonang tahe
marsigantung tu Ho sasude. Holan Ho huihuthon ndang be
diringkon, togu togu ma tu na ture.
5. Manjaha Turpuk Epistel Patujolo ni Jamita ima natarsurat di
Psalmen 28:6-9 marsingkat sorin ma hita manjahasa
U : Pinuji ma Jahowa, ai nunga ditangihon soara ni
sombasombangki.
P :Jahowa do pargogongku dohot lombulombungku, marhaposan
tu Ibana do rohangku, jadi dapotan pangurupion ahu asa
marolopolop ma rohangku jala pujion ni endengku ma Ibana.

U : Jahowa do pargogonasida jala partanobatoan ni angka

hatuaon ni mesiasNa I do Ibana..
P : Sai tumpahi ma bangsoMi jala pasupasu bangso na niainMi,
sai parmahani jala usungi ma nasida ro di salelenglelengna.

U : Ima sahatna. Martua ma na tumangihon hata ni Debata jala

naumpeopsa.
U+H : Amen.
6. Marende BE. No. 697 : 1 “ Molo Ho do huihuthon”
 Molo Ho do huihuthon dame sonang rohangki
Sai horas jala martua nasana hinophopMi
Ho tongtong ihuthononku Jesus na palua au
Ho sambing do uloanku alani i martua au.
7. Jamita : C.Pdt. Susetio Lumbantoruan S.Th
8. Marende No. 463:1-2 “PasupasuM tongosonMu”
 PasupasuM tongosonMu, ido didok hataMi. Suru tondiM
nabadia, bosur ma baen rohangki. HagogoonMu songgop ma tu
rohangkon. Unang sai holan manetek, gohi sandok diringkon
 Buat ma angka pangambat, unang songsong dalan i. Mual ni aek
hangoluan ringkot do di rohangki. HagogoonMu songgop ma tu
rohangkon. Unang sai holan manetek, gohi sandok diringkon.
9. Martangiang Sian Hulahula/Tulang
10. Marende BE No. 753:1+3 “Di pardalanan Jesus di jolongku”
( Papungu Pelean )
Dipardalanan Jesus di jolongku,
Holong ni tanganMi manogu au
Nang di ngolungku Ho do sombaonku,
Tung sonang mardalan raphon au
Huboto do tangkas panoguonmu
Diiringiring Ho do langkangki
Sahat ro di ujung ni pardalanku
Togu ma au jonok tu lambungMi
Patoguma Tuhan haporseaonku
Asa polin tu Ho manghirim au
Tu surgo i patulus pardalanku,
TondiMi maringan ma di au
Huboto do tangkas panoguonmu
Diiringiring Ho do langkangki
Sahat ro di ujung ni pardalanku
Togu ma au jonok tu lambungMi
11. Tangiang Panutup : Amen…..Amen…Amen…
 IBADAH SYUKURAN
ATAS PERNIKAHAN
GOVINDA SIHOL
DAN
SANTI YUNITA Br. TARIGAN

PERANGINAN
SENIN, 26 FEBRUARI 2018