ACARA PELETAKAN BATU PERTAMA

BAGAS NI KELUARGA H. HUTAGALUNG/BR. NAINGGOLAN

Selasa, 16 Mei 2017

1. Marende B.E No. 309 : 1 + 4 ”Raphon Tuhan Jesus i”

1. Raphon Tuhan Jesus i pungka ulaonmu, Ingkon tu Ibana i parguruhononmu
Baen Ibana donganmi hehe manang modom, Degema bogasNa i,
rohami pahohom
4. Hupasahat ma antong saluhut langkaku, Tu Tuhanku na tongtong mian di rohangku.
Manang aha pe hubaen Ho hu pangasahon, Ale Tuhan tulus baen saluhutna, amen
2. Tangiang pamuhai
U: Mangasahon goar ni Debata Ama, AnakNa Tuhan Jesus Kristus dohot Tondi
Parbadia do pungkaon ulaon on. Amen. Mariaria do tondingku mida Debata sipalua
ahu. Ai ditatap do haetehon ni naposona on. Parhatuaon ma ahu olat ni on
marsundut-sundut. Ai habalgaon do dibahen pargogoi tu ahu, nabadia do Goarna.
R: Pinuji ma Debata pardenggan basai na tau partanobatoan di ari hagogotan dohot
ditonga ni angka na serep marroha
U: Oloi hamu ma Jahowa marhite las ni roha, ro be ma hamu tu joloNa marhitehite
olopolop. Mandok mauliate ma hamu di Ama i naung patauhon hamu manjalo tohap
dibagasan hatiuron i, siteanon ni angka nabadia.
R: Tu Ho do ahu joujou ale Jahowa sai tangihon ma soara ni sombasombangku, molo
hupaherbang tanganku tu bilut ni habadiaonMu.
U: Martangiang ma hita: Ale Jahowa Debata parasiroha na sumurung, mauliate
hudok hami tu Ho, ala dijou Ho hami tu angka punguan na badia di tonga ni alaman
on. Na marsangkap do dongannami on ale Tuhan laho pajongjongkon bagas
parmianan nasida, asa laos parmianan ni asi ni rohaM ma ale Tuhan. Pasupasu ma
kel. H. Hutagalung/br. Nainggolan dohot sude keluarga asa di bagasan hahipason
sian na mamungka paulihon bagas on sahat tu na sidung. Pasupasu jala pargogoi
angka pande bagas on, padao mara. Sahat tu tanganMu ma hami on sude, asi ma
rohaM ala ni AnakMu Tuhan Jesus Kristus, Tuhan nami, Amen.
3. Marende BE No. 463: 1 ”PasupasuM TongosonMu”
1. PasupasuM tongosonMu, ido didok hataMi, Suru tondiM na badia, bosur ma baen
rohangki.
Reff: HagogoonMu songgop ma tu rohangkon.
Unang sai holan manetek, gohi sandok diringkon.
4. Hata ni Debata na marojahan na tarsurat di Mateus 7: 24 – 27
U : Didok Tuhanta Jesus: Asa na umbege hatangki jala diulahon, sipatudoson ma i tu
halak na marroha, na paulihon bagasna diatas batu mamak.
H : Ia ro pe udan potir, mangalantap pe tangkuju jala pur pe habahaba manondong
bagas i, ndang na marumpak, ai batu mamak do haojahanna.

1
 U : Alai na umbege hatangki, hape ndang diulahon, i ma sipatudoson tu halak na oto,
na paulihon bagasna di atas rihit.
H : Dung i ro ma udan potir, mangalantap ma tangkuju, pur ma dohot habahaba
manondong bagas i, gabe marumpak ma, pola tung marongso.
H : Ia ojahan na hot ima Batu mamak, Batu mamak i, ima hata ni Debata. Alani di
sandok ulaonta naeng hita marojahan tu hata ni Debata.
U : HataMi do Sulusulu ni pathu jala hatiuron di dalanku.
H : Onpe, hamu angka donganku na hinaholongan, marsihohot jala so mubauba ma
hamu, jala lam sumurung ma tongtong di bagasan ulaon ni Tuhan i, ai diboto hamu
do: Ndang magopo halojaonmuna di bagasan Tuhan i. Dipasupasu Tuhan ma ulaon
on di na mamungka tingkion mameakhon batu ojahan di na paulihon bagas on.
Dipatulus Tuhan saluhut angka pinarsinta ni rohamuna, dipasupasu ulaonmuna
saluhutna.
U : 0Ido sahatna, Martua do na tumangihon hata ni Debata jala na umpeopsa. Amen.
5. Marende BE No. 463: 2 ”PasupasuM TongosonMu”
2. Buat ma angka pangambat, unang songsong dalan i. Mual ni aek hangoluan ringkot
do di rohangki.
Reff: HagogoonMu songgop ma tu rohangkon.
Unang sai holan manetek, gohi sandok diringkon.

6. Jamita :

7. Marende BE No 425:1” Batu Mamak Di Au On”

1.Batu mamak di au on, hupasat tondikon, tu aek dohot mudarMi,
Na ro sian lambungMi ; Sipalua au do I sian pardosaonki.
8. Peletakan Batu Pertama: [Diatur Keluarga]...
9. Marende B.E. No. 36 : 1+3 “Pasu-pasu hami”
1. Pasu-pasu hami , O Debatanami, Sai sondangkon bohiMi, tu na punguon sude
3. Amen hudok hami, ale Tuhan nami, Na marasi roha i, sangapma di goarMi
10. Tangiang Pangondianon.

11. Marende BE.691 :1-2 Hupasahat ma tu Jesus (Pasahathon Pelean IA +IB)

1. Hupasahat ma tu Jesus saluhutna ngolungki,Roha nang pambaenanku saluhutna
tingkingki, Hupasahat ma tu Jesus saluhutna diringki, Hupasahat ma tu Jesus saluhutna
ngolungki.
2. Pangkeonku ma tanganku, mangula lomoNa i, Langka nang simanjojakku mangihuthon
Tuhanki. Hupasahat ma ………
3. Nang pamereng ni matangku, mandompakkon Jesus,Soara ni pamanganku,
mamuji goarNa i.Hupasahat ma ………
4. Tangiang Panutup.
2