Partangiangan Ulaon Pasahat Batu Sulang

Kel St. U. Sitorus/ L.br. Tampubolon

Bulu Inas, Sabtu 8 Juli 2017

1. Marende BE No. 10: 1+2 “Puji Jahowa na Sangap”

 Hupuji hupasangap Ho Amang pardenggan basa. Ai jadijadianMu do sude angka na

masa. Ditompa Ho do sasude daging hu rodi tondipe, pinuji ma goarMu

 Saluhut na tinompaMi naeng sonang di rohaMu. Arian dohot borngin pe disarihon

rohaMu. Nang uhum di gomgomanMi na tigor, na sintong do i, pinuji ma goarMu

2. VOTUM ( U: Uluan, S: Sude)

U : Marhitehite goar ni Debata Ama, dohot goar ni AnakNa Tuhan Jesus Kristus, dohot goar
ni Tondi Parbadia.

P : Amen !

U : Pelehon ma tu Debata hamauliateon, jala garari ma angka bagabagaM tu na Timbul i.

Manang ise na mamelehon hamauliateon, i do pasangap Ahu, jala mambahen lapang, asa
hupatuduhon di ibana hatuaon ni Debata, haleluya !

P : ( Mangendehon) Haleluya.... Haleluya.... Haleluya!

U : Martangiana ma hita ! Ale Tuhan Debata amamami pardenggan basa na sumurung! Na

ro do hami tu joloM mamboan pujipujian dohot mauliate ni rohanami, ai dilehon Ho di
hami las ni roha, hahipason, gabe na ni ula sinur ni pinahan. Dipasupasu Ho do hami
sonang so hariboriboan, mardamedame jala mardenggandenggan di angka parsaoran
siganup ari.

S : Tung balga do las ni rohanami sadarion, ala dipaloas Ho keluarga Amanami U. Sitorus
dohot inanami L.br. Tampubolon patupa ulaonna di ari sadarion

Keluarga: Sai pasupasu ma Tuhan ulaonnami sadarion, asa marsangap jala marmulia
tongtong goarMu marhite ulaon sadario. Sai patongon jala sai tambai ma pansarian dohot
pangabahan na tama di hami, asa lam tau hami mamuji jala pasangaphon Ho, marhitehite
Jesus Kristus Tuhannami.

U : Mauliate ma rohanami tu Ho Debata Amanami, ala asi dohot holong ni rohaM na

mandongani jala mangaramoti daging tondinami. Tarlumobi di keluarga hasuhotonnami
na patupa ulaon las ni roha dibagasan sadarion. Diloas Ho dope nasida pataridahon holong
ni roha nasida tu Ho marhite natuatua nasida. Gararon nasida ma bagabaga ni roha nasida
na hombar tu paradatonnami halak Batak. Sai parrohai ma nasida asa dipangke nasida
denggan ni basaM marhite ulaon na denggan bahen hasangapon di goarMu. Jalo ma
tangiangnami on marhite Jesus Kristus Tuhannami.

[1]
3. Marende BE No. 467: 1 “Asi ni roham Hupuji”

 Asi ni rohaM hupuji, ala Ho manobus au, dipaias Ho rohangku gabe soranganMu au,
ingananMu rohanami,TondiMi manggohi i, pangke dohot ngolunami gabe ulaulaMi

4. Manjaha Hata ni Debata : PSALMEN 23

U : Jahowa do Siparmahan ahu, dang tagamn hurangan au.

P : Dipatongon do ahu tu jampalan angka na lomak, ditogutogu do ahu di lambung ni aek

hasongan

U : Dipasabam rohangku, ditogu do ahu di dalan hatigoran, ala ni goarna i

P : Ai nang pe mardalan ahu di rura linggoman ni hamatean, ndang huhabiari parmaraan, ai

Ho do mandongani ahu tungkotmuu dohot batahim mangapuli au.

U : Ho do manutup meja di jolongku maradophon angka musungku, dimiahi Ho do ulungku,

suksuk do panginumanki.

P : Tongon tahe denggan basa dohot asi ni roha mangihutihut ahu saleleng ahu mangolu, jala
dung mulak ahu masuhanku ma bagas ni Jahowa salelenglengna. Amen.

5. Marende BE No. 14 : 1-2 “Puji Hamu Jahowa Tutu”

 Puji hamu Jahowa tutu, pardenggan basa, parasiroha salelengna i, pardenggan basa
i, parasiroha i.

 Ingot tongtong ale tondingkon, sude na denggan Na dipasonggop Debata tu ho,

denggan basaNa do na pangoluhon ho.

6. JAMITA:

7. Marende BE 435 : 1-2 “Marolopolop Tondingki”

 Marolopolop tondingki, ai naung ditobus Jesus i, hamu sude bege ma i, sai las
rohangki mandok i. ( Ref.) Sonang ni tingki i dung jumpang Jesus Tuhanhi, Tondi na
mangajari au, tarbaen marlas ni roha au. Sonang ni tingki i dung jumpang Jesus
Tuhanhi.

 Dihaol holongNa rohangki, tung na so boi be mago i. mataNa do manatap au,

pinggolNa tumangihon au. (Ref) Sonang ni.......

8. Tangiang Panutup

U : Ale Tuhan Debata , parasiroha na sumurung ! Mauliate ma rohanami tu Ho, ala godang
asi ni rohaM. Diurupi Ho do keluarga dongannami on paulihon bagas on sian na
mamungka sahat tu na paujunghonsa. Dang tagamon so godang halojaan, parungkilon
dohot holsoholso ni rohanasida papungupungu sinamot na ringkot tu pembangunan ni
bagas on; ra humasusa nang pingkiran nasida. Alai tung dipasingkop Ho do na ringkot tu

[2]
 ulaon i, gabe dimpos jala sirsir saluhutna songon na hubereng hami nuaeng. PasupasuM
sambing do saluhutna i, jala hupuji hami ma goarMu ala ni saluhutna!

Keluarga : Ima tutu ale Tuhan, di Ho ma pujipujiannami, ari on ro di salelengna!

U : Di naeng gohannasida ma adat nasida sadarion hupasahat jala hapagomgomhon hami

saluhut ulaon i sian na mamuhai sahat ro di mangujungisisa. Huboan hami tongtong angka
sisolhot, ale-ale nang angka tondong nasida, ramoti ma nasida asa dibagasan las ni roha
saluhutna sahat tu inganan on.

Keluarga: Ima tutu Tuhan, suru ma tondiM Tondi Parbadia i tu ganup hami asa dibagasan
pangajarion ni tondiM hami mangulahon ulaon asa jumpang hami dame, las ni roha
hatuaon, parsaoran na tama asa masa di hami holong masihaholongan marhitehite Tuhan
Jesus Kristus Tuhannami.

U : Antong rap mangido ma hita marhite tangiang hatopanta i + Panutup.

[3]