ACARA BONA TAON 2019

LUMBANTORUAN – BORU-BERE
IBABERE MINAS
Sabtu, 05 Januari 2019

Thema : MASIURUPAN JALA MARSADA NI ROHA ( 1 Petrus 3 : 8 – 9

)

Sub Thema : Marhite Pesta Bona Taon Jumpang ma di hita na

sapanghilalaan.

I. PANGARADEON:
1. Marende No. 67: 2+7 “Tapuji ma Tuhanta”
 Sai sangon na mardalan tabolus angka taon.
Disi dope hosanta, Diudut Debatanta
 Ramoti hosanami Ro di pamatang nami
Padao ma parsahiton, nang jea pe, o Tuhan
2. Responsoria U=ULUAN S=SUDE
U : Dihita namarsihaholongan, Punguan Lumbantoruan
Boru, Bere, Ibabere, sadari on tapatupa do
partangiangan, I ma dalanta laho mamuji dohot
pasangaphon Debata ala ni godang ni pasu-pasuNa
dohot asi ni rohaNa naung tajalo. Ala ni I, taparade ma
rohanta dibagasan unduk-serep ni roha dohot toruk ni
roha laho marsomba Debata.
S : Sude rap mangendehon Ende No.223 : 1 “HUSOMBA HO
TUHAN”
“Husomba Ho Tuhan tangihon ahu, sangkapMu ma
tongtong pasaut tu ahu. Lam ganda baenonMi
holong ni rohangki, sai lam gandai holong tu Ho.”

1
 U : Antong paboa naung sada rohanta laho umpungka
partangiangan on, jala paboa naung sada rohanta laho
marsomba tu Tuhan i, rap ma hita martangiang di
bagasan rohanta be laho mangido gogo sian Ibana, asa
tung di urupi hita laho patulushon partangiangan on.
.……… (Hening …….. Martangiang di bagasan rohana
be) ……....

II. IBADAH
1. Marende No.753 : 1-2. “Dipardalanan Jesus dijolongku”
 Di pardalanan Jesus dijolongku, Holong ni tanganMi manogu
au.
Nang di ngolungku Ho do sombaonku, Tung sonang
mardalan raphon au.
Reff Huboto do tangkas panoguonMu, di iring-iring Ho do
langkangki sahat
Ro di ujung ni pardalanku togu ma au, jonok tu
lambungMi.
2 .VOTUM + INTROITUS + TANGIANG : (Jongjong ma hita sude)
U : Marhite-hite goar ni Debata Ama dohot goar ni Anakna
Tuhan Jesus Kristus dohot goar ni Tondi porbadia,
namanompa langit dohot tano on. Mandok mauliate ma
hamu tu Jahowa ai pardenggan basa do Ibana, ai rodi
salelenglengna do asi ni rohaNa. Amen.
S : Puji ma Jahowa ale tondingku, jala unang tung
halupahon denggan ni basaNa sudena.
U : Ai Ibana do manesa dosam sudena Laos Ibana pamalum
angka sahitmu sudena.
S : Ari on do na jinadihon ni Jahowa, marolop-olop jala
marlas ni roha ma hita disi.
U : Ibana pamahap roham marhite-hite denggan basa,
mulak poso ho songon pidong rajawali.

2
S : Godang ma tongon angka na binaen ni Tuhan I tu hita,
ala ni i tama hita manghamauliatehon i saluhutna.
U : Sai ingot ma angka denggan ni basam ale Jahowa, dohot
asi ni rohaM, sian na robi do angka i.
S : Ndang na marujung hatuaon na sian Debata. Ndang na
hasudaan denggan ni basaNa, sai mulak rata do i ganup
manogot. Tung nabalga situtu do asi ni rohaNa i.
U : Puji ma Jahowa, hamu ale angka naniasianNa. Jala
endehon hamu ma barita ni habadiaon-Na i.
S : Jahowa do Debata, jala Ibana manondangi Punguanta
“Lumbantoruan, Boru,Bere, dohot Ibabere” di Minas
on, sahat ro di salelengnilelengna.
U : Ai ise boi paganda ari-ari ni ngoluna, nanggo saasta pe
ganjangna?
Antong ramoti ma dirim, asa unang lupa roham di
Jahowa Debatam.
S : Ale Debata mandok mauliate ma hami tu Ho, jala hupuji
hami goarMu, ala ni denggan ni basaM dohot asi ni
rohaM tu hami, diurupi Ho do hami. Sai Ho ma ale
Jahowa pangalu-aluan nami, arian dohot borngin. Ai sai
natangihononMu do angka tangiang nami. Ho ale Tuhan
Debata sitangihon tangiang i, marhite Jesus Kristus
Tuhan nami.
U : MARTANGIANG MA HITA :
Mauliate ma hupasat hami tu Ho, O Debata Amanami,
naung marmuduhon dohot mamasu-masu hami angka
na marsihaholongan. Ai holan ala ni asi ni rohaM do
umbahen boi tolhas ngolunami sahat tu sadarion, sai asi
ma roham di hami, sai lam tambai ma di hami angka
pasu-pasumi dohot angka denggan ni basami, asa lam
sada rohanami, masi-asi-asian jala marsihaholongan
marsipajolo-joloanan mangulahon angka na denggan di

3
 punguan nami : “Lumbantoruan, Boru, Bere Dohot
Ibabere”. Na mangido do pe hami tu Ho, sai lam tambai
ma asi ni roham tu hami, tu pinompar nami jala lehon
ma tongtong hahipason dohot pos ni roha tujoloan on,
lumobi tahe dameM dohot holong ni roham di hami
saluhutna. Amen.

3. Marende No. 443 : 1 “ Dung Tuhan Jesus Nampuna au”

 Dung Tuhan Jesus nampuna au, songgop damena, biarhu
lao;
Taripar gogo, ngoluna i; Nasa dosangku naung sae do i
Tabaritahon holongNa I; Didia Tuhan, tudoshon i
Tuk manumpahi, tarlobi da ? Sasada Jesus, Pinuji ma !
4. Epistel : Mateus 12 : 46 – 50 (Responsoria)
46. Jadi di na manghatai dope Ibana dohot na torop i, nunga
jongjong di duru inaNa rap dohot angka anggina naeng
manghatai dohot Ibana.
47. Dung i adong ma na paboahon, di balian an do inangMu
dohot angka anggim Naeng manghatai dohot ho.
48. Alai ninna ma manglusi na paboahon i, ise do goaron
dainang, jala ise do dohonon anggingku ?
49. Jadi dipaherbang ma TanganNa tu ginjang ni angka
siseanNa, huhut ma didok : Angka on do dainang dohot
anggingku.
50. Ai na mangulahon lomo ni roha ni Damang na di banua
ginjang i do anggingku, i do ibotongku, i do da inang

Martua do angka namanangihon Hata ni Debata, na

umpeopsa jala na mangulahonsa. Amen.

5. Marende No. 165 : 1+4 “O Jesus Na Pangolu au”

 Na basa do roham di au. O Jesus Tuhanki,
Diihuthon Ho au tu nadao, mambuat rohangki.

4
 O Jesus sai tangihon on, sude na jat padao,
Lam ias bahen rohangkon, asa sai sonang au.
6. JAMITA : 1 Petrus 3:8-9 (Pdt. H. Pakpahan, S.Th)
7. Marende No. 435 : 2 “ Marolopolop tondingki”
 Dihaol holongna rohangki, tung na so boi be mago i .
MataNa do manatap au, pinggolNa tumangihon au. Sonang
ni tingki i,
Dung jumpang Jesus Tuhanki. Tondina mangajari au, tarbaen
marlas ni roha au.
Sonang ni tingki i, dung jumpang Jesus Tuhanki.

8. TANGIANG SIAN HULA-HULA

9. Marende No. 763 : 1. “Molo Jesus DonganMi”
 Molo Jesus donganMi las roham, Jesus i pangurupim,
Las roham hot haporseaonMi dohot pos ni roham i,
Mardonganhon Jesus i las roham.
Reff : Las roham … 2x mardonganhon Jesus i,
Las roham marsinondang ma di ho bintang
Panghirimon i, mardonganhon Jesus i las roham.
10. TANGIANG SIAN BORU
11. Marende No. 512 : 2-3. “Didalani Jesus tano”
 Nunga monang di jabum hatana i ? Hata i di pangke Ho
sinjatami ?
i do hapistaran na sumurung i. Jumpang do mura sudena
baenon ni i.
Ref Hahaanggi, ro hamu sude Taarahon ma donganta be;
Hahaanggi, dao nang jonok be. Hara tu jolona
donganmu sude
12. TANGIANG SIAN BERE/ IBABERE
13. Marende No. 848 : 1-3 “Di son adong hu boan Tuhan”
(Huhut papungu durung-2)
1. Dison adong huboan Tuhan, parbue ni ngolungku na so
tardok nian;

5
 sadia ma argana Tuhan molo sai ni rajuman sude
denggan basam;
jalo ma Tuhan, sai las ma roham.
2. Tanganku na metmet da Tuhan, na so hea mansari dope
au on Tuhan.
Rohangku ma hulehon Tuhan, na boi pelehononku gabe
las ni roham.
Jalo ma Tuhan, sailas ma rohaM
3. Hu ingot do HataM da Tuhan, ingkon sarihononhon
anggim
Na metmet an. Ampehon ma tanganMu sangkan,
itak na otik i unang suda nian, Jalo ma Tuhan, Sai las ma
rohaM.

14. RESPONSORIA : “PANIMPULI”

U : Nuaeng naeng paujungonta ma partangiangan on, sai asi
ma roha ni Debata sai di dongani ma hita di sude
pardalanan ni ngolunta, dao ma mara dohot angka
parsahiton sian hita, sai lam tu sadana ma hita.
S : Sapala naung diasi i Ho hami Tuhan, sai rap dohot Ho
ma hami di ngolunami on, sai unang tinggalhon hami
punjung.
U : Molo tung adong sian tonga-tonganta na hurang hipas
pamatangna, sai asi ma roha ni Debata, sai dipasupasu
ma angka ubat napinangkena asa tumibu hipas. Molo
tung adong na marsak, Debata ma na mangapuli. Sai
marhaposan tu Jahowa ma ho sian nasa roham jala
unang marpangunsandean ho tu pingkiranMu sandiri.
S : Ai angka na marhaposan tu Jahowa, maruli hagogoon
mardapot-dapot gabe marhabong ni lali laho manaek,
marlojongi nasida ndang olo loja, mardalani nasida
ndang olo mandate.

6
U : Antong sai pos ma rohanta, sai na donganan ni Debata
do hita. Debata do marporang laho humongkop hita asal
ma hohom hita. Mangasahon asi ni roha ni Debata ma
hita mandok “POS MA ROHANTA LAHO MANDALANI
TAON 2019 “ on, tung so tarhahua manang aha hita laho
mangagohon hosanta . Amen .
Antong rap ma hita mangidohon tangiang :“ALE
AMANAMI” ………

S : “Ale Amanami na di banua ginjang … dst …

U : PASU-PASU ...
S : Marende Singkat ni amen-amen. No.36 : 1+3.
“Pasupasu hami”
1. Pasupasu hami o Debatanami.
Sai sondangkon bohiMi tu napungu on sude
3. Amen hudok hami ale Tuhannami.
Namarasi roha i sangap ma di goarMi