ACARA PARTANGIANGAN BONA TAON RAJA OLOAN BORU, BERE DOHOT IBEBERE AURDURI SEKITARNYA MINGGU, TANGGAL 11 MARET

2012 I. KEBAKTIAN 1. Uluan Nungga diramoti Tuhanta hita manalpuhon taon 2011, jala nunga masuk hita tu taon 2012. Ala ni i tama hita mandok mauliate tu Debata jala mangido pangaramotion na mamungka nang na mandalani taon naimbaru on. Taparade ma rohanta asa masuk hita tu parsaoaran diadopan ni Debata Martangiang ma hita dibagasan rohanta be...... 2. Marende Huria BE. No. 70 : 1 + 3 Naung salpu taon na buruki, Ho ma hu puji Tuhanki Ai diramoti Ho tongtong tondingku dohot dagingkon Sai tong pain hataMi, na mangapuli roha i Alai pangagosasude padao ma sian hami be

2X 2X

3. Votum Tangiang (U = Uluan, H = Huria) U : Dibagasan Goar ni Debata ama dohot Anakna Tuhan Jesus Kristus dohot Tondi Parbadia, ta pungka ma partangiangan ta on. Ibana do manompa jala na marmuduhon hita sian tingki tu tingki nang sahat tu ombas on, Ibana do Tuhan sisombaon jala nang tu taon 2012. H : Amen. U : Mandok mauliate ma hamu tu Jahowa, ai pardenggan basa do ibana ai ro disaleleng ni leleng na do asi ni RohaNa. H : Jahowa do pargogongku dohot endengku, jadi gabe hutuaonku do Ibana. U : Soara ni olopolop dohot hatuaon marsaringar di undung-undung ni angka partigor, di siamun ni Jahowa do sibahen hamonangan. H : Ho do Debatangku, jadi Ho do pujionku. Ale Debatangku, sai Ho do patimbulongku. Haleluya. U : Martangiang ma hita. Ale Debata Amanami , Debata parasi roha na somurung mida hami. Mauliate dohot puji-pujian ma hupasahat hami tu Ho, di bahen asi dohot denggan ni basaM, naung mandongani,

mangiringiring dohot manarihon hami di taon naung salpu i. Ho do namangalehon gogo diganup hami, nang roha na tiur mandalani dohot mangula ulaon nami saleleng ditaon 2011 na salpu i. H : Mauliate Tuhan sasude asi dohot denggan ni basam. Manongtong ma holongMu di hami nang di taon 2012 on. U : Didongani Ho do hami Tuhan dipardalanan nami saleleng taon na salpu i. Di pargogoi jala dilehon Ho do habengeton di hami ditingki marungkil asa monang, ditungkoli Ho do hami diangka hagogotan nami. H : Mauliate Tuhan disude asi dohot denggan ni basaM, manontong ma holongMu nang di taon 2012 on. U : Ale Tuhan Ho do tongtong mangalinggomi hami sian angka tahi ni parjahat. Nang pe manggasa angka porang dohot angka na pajolo gogo papudi uhum, alai dilehon Ho do dame di hami be. H : Mauliate Tuhan di sude asi dohot denggan ni basaM. Manontong ma holongMu di hami nang di taon 2012 on. U : Ale Tuhan holongMu na manontong i ma sijaloon nami nang di bagasan taon 2012 on. Patiur ma tongtong roha nami jala sungguli hami ale Tuhan laho mangoloi Ho, asa holan Ho huoloi hami jala husomba hami saleleng ngolu nami. H : Amen. 4. Marende Huria No. 15 : 1 + 4 Aut na saribu hali ganda , saringar ni soarangki Naeng nasa gogo bahenonku, mamuji Debatantai Paboa las ni rohangki, Hinorhon ni pambahenannai Mauliate ma rohangku, di Ho o Debata tongtong Di baen sude denggan basaMu, naung nilehonmu di au on. Ai di patongon Ho tongtong, sude naringkot di au on. 5. Jamita : Psalm 23 : 1 6. Marende Huria No. 194 : 1 2 Aut so asi roham, aut so denggan basam , tudia au? Alai di baen basam, dohot asi roham, tu surgo au Mauliate ma di Ho o Debata, ala basam! Sibahen dalani, marhite Anakmi tu banuam.

7. Tangiang Pangondianon 8. Marende Huria No. 74 : 1 2 Sai marlas ni roha hita, ale dongan Kristeni Sai tapuji ma Tuhanta, na pasaehon dosa i ! Ditogihon Jesus i, hita tu huria i Naung dijangkon Debatanta, hitaon baen anakkonna. Tuhan Jesus do Rajanta, na manggomgom sasude Niramotan ni tanganna, do luhut parhosa pe Molo lao hatana i, ndang tarbaen so saut bei Sai na tulus do nidokna, di saluhut manisia. 9. Borhat mandalani taon 2012, mangasahon Debata (sude jongjong) U : Dihita saluhutna, nunga di paloas Debata hita masuk tu taon 2012 on. Silehon-lehon ni Debata do on tu hita, sihamauliatehononta. Alai ingkon pangkeonta do taon na binasabasahon ni Tuhani dibagasan hasatiaon tu Ibana marhite ngolu nang pambahenanta. H : Alai anggo ahu dohot donganku sajabu, ingkon Jahowa do oloan nami. U : Sai jagahon dirim asa unang dihalupahon roham Jahowa naung manogihon ho ruar sian taon 2011 masuk tu taon 2012 on. H : Alai anggo ahu dohot donganku sajabu, ingkon Jahowa do oloan nami. U : Ingkon habiaranmu Jahowa, Debatam jala oloanmu Ibana, Jala maruari ho tu goarNa. Ingkon burju hamu mangaradoti angka taon di Jahowa, ro di angka panindangionNa dohot aturanNa angka naung tinonahonna tu ho. H : Alai anggo ahu dohot donganku sajabu, ingkon Jahowa do oloan nami. U : Unang meret buku patik ni Jahowa sian pamanganmu, sai pikirpikir ma i arian dohot borngin, asa diradoti ho jala dipatupa ho hombar tu sude na tarsurat dibagasani, asa maruntung ho diangka dalanmu, jala marmulia parulanmu. H : Alai anggo ahu dohot donganku sajabu, ingkon Jahowa do oloan nami. 10. Tangiang Ale Amanami & Pasu - Pasu II. Acara Bona Taon Selanjutnya Diatur Oleh Pengurus

ACARA PARTANGIANGAN BONA TAON RAJA OLOAN BORU, BERE DOHOT IBEBERE AURDURI SEKITARNYA

MINGGU, TANGGAL 11 MARET 2012