RADE LAHO MANANDA DIRI JALA hita taringot tu parsaoranta tu angka donganta.
Tarlobi ma i taringot tu na
RADE MAMATAMATAHON NA DI DONGAN
“LUKAS 6 : 37 – 47”
Hamu angka dongan punguan Situmorang Sipitu Ama na hinaholongan
dibagasan Jesus Kristus..
Selamat Ulang Tahun ma di hamu saluhutna…
Bona taon sadarion tutu ndada holan sejauh program tahunan manang
hasomalan sambing on , alai tung bagas do tahilala pandonganion ni
Tuhantai di hamu amang inang… di punguan tuan Situmorang on amang
inang. Ditumpak Debata pola nunga….taon punguan on di parserahan on.
mungkin terkadang kita mengatakan, ahhhh….biasa saja. Hape sasintongna
ulaon sadarion ima ulaon na luar biasa ima ALA DIDONGANI DEBATA
PUNGUANTAON, ALA DILEHON HAHIPASON DI SUDE ANGGOTA, ALA
DILEHON HABISUHON DI PENGURUS, ALA DILEHON LAMBAS NI ROHA DI
PENASEHAT… alani i bona taon sadarion bukanlah ajang sekedar untuk
melunasi utang iuran yang sudah menunggak dan bukan hanya sekedar
makan bersama, alai siala DITUMPAK DEBATA alani i MAULIATE MA DI HO
TUHAN.
Hamu angka dongan!
Molo tamba umurta sandiri tarlobi umur ni Punguanta sadarion, naeng ma
nian lam tang, dewasa di angka ulaon paradaton, parsaoran, pergaulan,
dohot sikap hidup maradophon angka dongan tarlobi donganta sapunguan.
Turpuk jamita di bona taon sadarion ima pangajarion ni Jesus na mangajari
manguhumi (menghakimi). “Unang ma hamu manguhumuhumi, gabe ndang
uhumanNa hamu..” (Janganlah kamu menghakimi, maka kamupun tidak akan
dihakimi). “Ai parsuhatan na sinuhathonmuna do suhathononNa tu hamu ”
(Ukuran yang kamu pakai untuk mengukur akan diukurkan kepadamu)
Diida Jesus do bahaya i di angka parsaoranta siganup ari. Tapamanat ma
jolo. Molo tapapungupungu angka topik pembicaraan, manang angka na
tahatai ganup ari molo pajumpang dohot donganta, taringot tu aha ma na
gumodang? Ra, na gumodang ima manghatai halak na asing. Ai ringkot do di
hita umboto keadaan ni dongan dohot tondong. Lomo do rohanta manopot
jabu ni dongan asa binoto keadaanna. Kita selalu ingin tahu tentang orang
lain. Jala ala ni sikap ingin tahu tentang orang lain on ma gabe mangararati,
sampe sahat ma tu gossip. Molo dung sahat tu gossip, disi ma masa angka
na manguhumuhumi (menghakimi).
Ra on ma sahit naung merasuk masyarakat-ta nuaeng, na ro sian angka
televisi. Sude televisi Indonesia, paling sedikit sajom sadari menyiarkan
gossip, pola so binoto be angka goar-goarna. Anehnya, on do na paling
dihalomohon pemirsa, tarlobi ninna di angka ina. Songon i nang gossip na
disurathon di tabloid-tabloid. On ma membangun mental menggosip, jala i
ma cikal bakal, manang boni ni na manguhumuhumi.
Memang, sipata mansai tabo do panghilalaanta molo boi hita menilai halak
na asing, pintor hira na adong do rasa puas. Ala memang, sai lomo do
rohanta asa hita jumago, lebih hebat sian halak na asing. Jala cara na paling
hatop jala mura asa humebat hita, ima marhite na menilai halak. Molo dung
tapunten sasahalak pintor adong do rasa puas di hita, ala pintor tahilala
jumago hita sian ibana, dumenggan hita sian ibana. Molo tahatai: “ Hula-
hula nasada an siginjang roha do i …” pintor adong do panghilalaanta paboa
na serep do anggo ahu.
Hape, molo tauji manguhumi halak na asing, secara tidak sadar kita sudah
menempatkan diri pada posisi yang lebih baik dari orang lain. Hita gabe
hakim, jala halak na asing i gabe terdakwa, jala ukuran na tapake ima ukuran
ni dirinta sandiri. Manguhumuhumi dos do i menempatkan diri sebagai
hakim maradophon halak, jala mambahen halak sebagai terdakwa manang
orang bersalah. Halak na sai olo manguhumuhumi, ima halak na merasa
dirina dumenggan sian halak.
On ma na nioraan ni Jesus. Harus hati-hati! Mangihuthon Jesus, molo
tauhumi halak, satingkosna dirinta do na tauhumi. Semakin banyak kita
menilai orang lain, sebenarnya itu membuat semakin banyak kekurangan
kita yang tersingkap. Ai didok situatua manang orang bijak do: molo sada
jarijarim manudu hasalaan ni halak, satingkosna jarijarim na opatnari
manudu hasalaanmu sandiri. On do jinamothon ni Jesus: aha ukuran na
tapake mangukur halak na asing, i do muse ukuran bahenon ni Debata tu
hita (ay.38). Ai adong do Debata, ima Debata na mangolu, namarnida sude
na tabahen. Alani i ringkot do nang na bagas mamangke ukuran ni Debata
na marpunguan on unang pangke ukuranmu sandiri.(UKURAN
KEBERHASILANTA NAMARPUNGUAN ON, DIADO?..Tuhan katakan ketika kita
mampu memberi dan mengenal diri sindiri (who am I?), bukan ketika kita
mampu menilai orang dan bukan ketika mampu menghakimi orang…kita
berhasil ketika kita banyak memberi dan mengenal siapa diri kita..)
Molo boti, asa unang madabu hita tu na manguhumuhumi jala asa tangkas
lam taeahi tongtong na lam tu tang na parsaoranta, aha ma sibahenon?
Parjolo: TANDA DIRIM. Cara yang terbaik melihat diri adalah jangan pakai
ukuranmu, tetapi pakai ukuran TUHAN. Denggan do memang molo didok
halak Batak: “hotang binebe, hotang pinulospulos; unang ho mandele, ai
godang do tudos-tudos” Mangalehon semangat do i, unang kecil hati
(minder), unang menek rohanta. Alai ingkon tajagahon, sotung gabe hakim,
gabe besar kepala hita. Asa unang sahat hita tu na songon i, adophon ma
dirim tu Debata. Ianggo i pintor idaonmu ma hametmetonmu. Metmet do
ahu hape, ninnaonmu ma. Botoonta ma, ternyata “ahu pe gok dosa,
hasalaan, dohot hahurangan do” Di Rom 3:23, didok: luhutna do mardosa. Di
B.E. no 164 i didok do: ‘nang mata, nang pat, gok dosa do’. Ingkon ingot do
hita dison!
Hamu angka dongan! Tung bagas do i dijamothon Tuhan Jesus. Alana,
mansai godang do angka na negatip tubu molo sanga adong halak na sai olo
manguhumuhumi. Roha dohot sikap na manguhumuhumi (menghakimi), i do
salah satu sifat na manegai parsaoran. Ala halak na manguhumuhumi
donganna, ima na manghilala na tumimbo, na dumenggan ibana sian
donganna. “Dongan do na sala, ianggo ahu ndang”, ima pingkiranna.
“Dongan do na sala, ianggo ahu denggan do”. On ma manegai parsaoran,
persekutuan. Sursar do keluarga, molo olo ama gabe hakim, mandok sude
sala ni halak, sude sala ni inanta. Molo olo ina merasa paboa sude sala ni
dakdanak. Sursar do punguan situmorang sipitu ama on, molo masiuhuman,
molo adong na mandok: halak do na sala, anggo ahu tingkos do.
On do ra naung masa di bangso on nuaeng. Sude marsiadu mangalului
hasalaan ni halak, torus manorus adong demonstrasi; angka kritikus-kritikus
menuduh/menghakimi, si adui do na sala, si adui ndang mampu memimpin,
si pejabat adui ndang becus, ima roha na menghakimi. Negara ini akan
hancur oleh sikap demikian. Sursar do huria molo songon i; sursar do
keluarga molo songon i. Sega do pardonganon molo songon i.
On ma napinaingothon ni Jesus di turpuk on tarlobima di Bona taonta
sadarion na gabe si renunghononta di na lam mangeahi hasadaaan. “Unang
manguhumuhumi”. Ai molo tauhumi halak, hita do na parjolo hona uhum, ai
hita pe pardosa do. Ndang na adong tung otik hasintonganta. Holan asi ni
roha ni Debata do na tapangasahon. Ala ni i, molo tauhumi halak, nunga
tapadao dirinta sian asi ni roha ni Debata. I do ala didok Jesus: ai parsuhatan
na sinuhathonmuna do suhathononNa tu hamu”. Ndang manguhumi hita
disuru, alai mamboan halak do mananda asi ni roha ni Debata dibagasan
Kristus.
Ala ni i, na dumenggan ima: Tanda dirim di jolo ni Debata. On ma
mambahen mangolu ma hati nurani, mangolu ma panggora ni roha.Diingot
hamu do na binahen ni Jesus tu natorop, uju diboan nasida boruboru na
tardapot marlangka pilit (Johannes 8). Didok nasida ma tu Jesus: Aha ma
uhuman tu halak on?” Alai didok Jesus ma tu natorop i: ‘Ise hamu na so
mardosa, i ma parjolo mandanggurhon batu tu parompuan on”. Dung i,
unduk ma Jesus manurati tu tano. Dungkon i, aha na masa? Di Joh.8 : 9
didok: sude ma natorop i laho sadasada, pininsang ni panggora ni rohana,
hati nurani. Bila hati nurani bekerja, kita tidak akan berani menghakimi
orang lain, alai molo so mangolu be i, masiuhumuhuman ma, jala hancur ma
parsaoran. Alai pengenalan diri marhite na berkaca tu TUHAN i, i ma
mambahen mangolu hati nurani, gabe tatanda ma dirinta, pardosa do au
hape. Gabe dohononta ma: “adong do tiang di mataku, jumonok do i, jumolo
ma i huumpat, jumolo ma hupature diringku, asa hubuat silbaksilbak na di
simalolong ni dongan. Angka halak na songon on do naginoaran ni Jesus
halak na serep roha, halak na pogos tondi, na jumolo mananda dirina di jolo
ni Debata.
Jadi nasala do marnida hasalaan ni dongan??...daong..alai manguhumi
dongan sala..
Ala ni i Napaduahon siulaonta ima: Molo tajaha Bibleta i, tugasta didok
ndada manguhumi dongan, alai MAMATAMATAHON do, gabe simatamatai, i
do (Tajaha di Ulaon Apostel 20, 28=Antong Ramoti hamuma dirimuna ai
dipatindang do hamu gabe simatamatai). Lapatanna, mamereng hasalaan ni
dongan, alai huhut manogu asa malua, asa selamat. Ianggo masiuhuman, i
ma mambahen halak gabe mago. Alai mamatamatahon, ima manjamothon
unang madabu, dohot paluahon asa selamat (ay.37). Paluahon do siulaonta.
Molo taboto naung sala halak, urupanta ma i asa malua.
Antong: Lam magodang ma hita di haporseaon, songon i nang di parsaoran.
Tapatogu ma parsaoranta marhite na mangambolonghon roha na
manguhumuhumi. Tapatogu ma parsaoranta marhite na saling
mamatamatahon, manjagahon dongan unang madabu dohot paluahon molo
dung sanga madabu.
Hamu situmorang namardongan Tubu: Roha na manjagahon dongan unang
madabu ima patuduhon dinamanat mardongan tubu