ACARA IBADAH PEMBUKAAN

RAPAT ANGGOTA TAHUNAN

KOPERASI CUM SOLAGRATIA
HKBP SUKAJADI
TAHUN 2021

AULA HKBP SUKAJADI – PEKANBARU

1
 JUMAT, 12 FEBRUARI 2021
1. PANGARADEON DIRI : MARTANGIANG NAHOHOM!
2. JOUJOU TU PARSAORAN MAMUJI DEBATA
U : Punguan na hinaholongan, saluhutna Keluarga Besar Koperasi CUM Solagratia .
Tama do hita mandok mauliate tu Tuhanta Debata, siala marhite pangurupionNa
boi hita margogo laho manghobasi ulaon na ringkot dingolu perekonomian ni
masyarakat secara khusus ruas ni huria.
H : Mauliate ma di Debata. Natongtong mamarmahani hita di taon na salpu, Ibana
nang mamarmahani hita nuaeng, nang dohot ditaon 2021 sibolusantaon dope.
U : Antong hamuna angka dongan, asa ingotma hita tongtong dinalaho manjalo gogo
tongtong sian Debata na maniroi hita. Antong, dibagasan las ni roha ma hita
marsomba tu joloNa, ai Ibana do Parmahan di hita jala dipasahat tu hita tuaNa i
na sian anakNa Tuhan Jesus Kristus.
2. MARENDE BE. NO. 14: 1 + 5 “PUJI HAMU JAHOWA TUTU”
Puji hamu Jahowa tutu
Pardengganbasa, parasiroha salelengna i
Pardengganbasa i, parasiroha I ==Jongjong==
Somba hamu Jahowa burju
Marhapantunon ma hita di Tuhanta Debata
Burju tasomba ma Tuhanta Debata
3. VOTUM – INTROITUS – TANGIANG (U= Uluan        H=Huria)
U : Marhitehite Goar ni Debata Ama, dohot goar ni AnakNa Tuhan Jesus Kristus,
dohot Tondi Parbadia, na manompa langit dohot tano on. Amen. Mandok
mauliate ma hamu di Jahowa, ai na basa do Ibana, ai ro di salelenglelengna do
Asi ni rohaNa i
H : Marlasniroha jala marolopolop ma ahu mida Ho ale Debatangku, endehononku
ma goarMu, ale Natumimbul rodi salelengnilelengna.
U : Endehon hamu ma Jahowa, na marhabangsa di Sion, baritahon hamu ma angka
pambahenanNa tu angka bangso.
H : Timbul  do Tuhanta i jala pargogo situtu, ndang habilangan parbinotoan-Na i.
U : Dihalomohon roha ni Jahowa do tahe angka na manghabiari Ibana, angka na
manghalungunhon asiniroha-Na i. Haleluya. Martangiang ma hita……..Amen
4. MARENDE BE. NO. 690 : 1 “HIBUL ROHANGKU”
Hibul rohangku tu Tuhan Jesus, sude ngolungku di Tuhan Jesus.
Ihuthononku do Tuhan Jesus, ndang olo au sumurut be.
5. MANAILI TU PUDI JALA MARROHA MAULIATE
U : Molo tarimangi pardalanan ni ngolunta diangka ari naung salpu i, godang do na
masa ditongatonga ni Pardalanan ni parngoluonta siganup ari suang songon i nang
ditongatonga ni Koperasi CUM Solagratia on.Antong dia ma dohononta?
H : Sai parrohaima hami mamilangi angka ariarinami,asa dapotan roha na bisuk
hami.

2
 U : Gabe sejarah ma ariarinta naung salpu i huhut laos gabe sada parsiajaran tu joloan
ni ari. Mansai godang do na mambahen hita masuk tu las ni roha na sian Debata,
alai ndada holan i, masa do nang arsak ni roha ima secara khusus Pandemi Covid
19, godang do tantangan na ingkon taadopi dipardalanan ni ngolunta, secara
khusus ma i pangontak ni Pandemi Covid 19 tu ngolu perekonomian ni deba
anggota ni punguanta. Sudena i na laho paingothon hita ”Debata do nampuna
ngolunta, ndada ala rohanta sambing” ala ni i, diama dohononta?
H : Ale Tuhan, guru di Ho do saluhutna, sai togu jala parrohai ma hami asa unang
mabiar rohanami marnida saluhut angka na masa i. Sai togu jala dongani ma hami
dipardalanan ni ngolunami. Asa lam pos rohanami tu Ho marhitehite
haporseaonnami tu AnakMu, Tuhan Jesus Kristus Tuhannami.
U : Dipardalanan ni Koperasi CUM ni hurianta on, dibagasan hahipason do pengurus
nang angka pegawai dinalaho mangulahon ulaon di tongatonga ni pardalanan ni
Koperasi CUM on. Antong diama dohononta?
H : Ale Tuhan, Mauliatema diholongMu na balga i. lam parbisuhima angka
parhobasMi jala lam pahinsatma hatauonna.
U : Sipata sugkunsungkun rohanta taringot tu pardalanan ni masa depan ni ngolunta,
tarlumobi laho mangadopi parngoluon na mansai maol dohot parhusoron ni tingki.
Antong diama dohononta?
H : Ale Tuhan, guru di Ho do saluhutna, sai paingot hami asa unang dirinami sandiri
na hupingkiri hami, alai asa lam margogo hami laho manarihon na ringkot di
dongan name jala marsihohot hami dingolu na masiurupan. Asa lam pos rohanami
tu Ho marhitehite haporseaonnami tu AnakMu Tuhan Jesus Kristus Tuhannami.
Amen.
6. MARENDE BE. NO. 707 : 2 “HAGOGOON DOHOT APULAPUL”
Ganup tingki Tuhan raphon ahu jala sai dipasupasu au. / Sai ditogu au molo
madabu, talu musu jala monang au. / Ai pargogo na so hatudosan, Debatangku
salelengna i. / Mangalehon dame dohot tua, tu angka na bojok roha i.
7. NGOLU NA MARPANGHIRIMON
U : Debata do na mamuhai ulaon na denggan ditongatonganta, ndang paloasonNa hita
tartuktuk. Molo dilehon Debata dope angka partingkian di hita, lam tapareahi ma
hasadaon ni roha songoni nang semangat dinamangula nasa ulaonta asa lam
margogo hita laho mandalani gulmit ni ngolunta na so binoto dope tangkas aha na
naeng masa.
H : On do na hupangido hami, naeng ma lam sumurung holong ni rohanta, marurat
diparbinotoan, dohot di nasa panimbangion partondion laho manangkasi na
rumingkot, asa polin hami, tampar sian partuktuhan. Asa ramos marparbuehon
hatigoran bahen hasangapon jala pujipujian di Debata.
U : Molo nunga salpu ariarinta sian ngolunta, ndang tagamon be boi hita mulak,
molo boi tasalpuhon saluhut hahurangan nang hasalaan ni donganta, ndang
tagamon be hita tarurak, molo boi tatinggalhon saluhut hahurangan ni dirinta,
3
 ndang tagamon be ro mara. Ala ni i, lam tu hembangna ma haburjuonta di
tongatonga ni pardalanan ni Koperasi CUM ni hurianta on, lam tu sadana ma hita
dibagasan na saroha sapingkiran. Asa taon na gok las ni roha ma taon on
ditongatonganta.
H : Tangkas do huboto hami marhitehite haporseaonnami tu Debata, na dipaimbaru
Debata do saluhutna, ai didok do: Ida ma, saluhutna do Hupaimbaru! I ma tutu, asa
salpu ma na buruk i, soluk ma haimbaruon i dibagasan ngolu nang parsaoranta.
U : Antong, sangap ma di Debata na marmulia rodi salelengnilelengna!
H : Amen
8. MARENDE BE. NO. 309 : 1 “RAPHON TUHAN JESUS I”
Raphon Tuhan Jesus i pungka ulaonmu. / Ingkon tu Ibana i parguruhononmu. /
Baen Ibana donganmi, hehe dohot modom. / Dege ma bogasNa i, rohami pahohom
9. EPISTEL: EPESUS 4 : 22 – 24
U :”Tanggali hamu ma jolma na buruk i, isara dipangalaho na jolo, ai laho mago do i
hinorhon ni angka hisaphisap sipaotooto.
H : Alai paimbaru hamu ma dirimuna dibagasan tondi ni rohamuna.
U : Jala solukhon hamu ma jolma na imbaru, na tinompa suman tu Debata, dibagasan
hatigoran dohot hapolinon na marhasintongan. I do sahat na. Martua do halak na
tumangihon hata ni Debata, jala na umpeopsa.
S : Amen
10. MARENDE BE. No. 281:1 “MARTUA DO NA MARHAPOSAN”
Martua do na marhaposan Tu Debata Amanta i./ Ai i do dapot pangapulan Di nasa
parsorion i./ Ndang rihit haojahan ni Na manghaposi Tuhan i
11. TANGIANG PANGONDIANON
12. MARENDE BE. NO. 750: 1-2 “TU TONDINGKI O JESUS”
Tu tondingkon O Jesus, patolhas HataMi
Asa sonang rohangku unang sai ganggu i.
Rohangkinon dohot tondingkon naeng tumangihon Ho,
Dison do au NaposoMon rade tumangihon Ho.
  Rohangkinon O Jesus ndang au nampuna I,
Sandok ngolungku Jesus sahat tu Ho ma i. Rohangkinon ………
13. JAMITA
14. MARENDE BE. No 792:1 .. “Pasupasu hami O TUHAN” (P.PELEAN)
Reff: Pasupasu hami O Tuhan sai usehon dameMi.
Sai ampehon tanganMi Tuhan, lehon tu au gogoMi”.
Di portibion, baen ma au Tuhan, habaoran ni las ni roha.
Tu na dangol i, tu na marsak i gabe pangapuli i. (mulak tu reff)
Di portibion, baen ma au Tuhan monang maralohon dosa.
Dibaen gogoMi, talu musu i sibolis pangago i. (mulak tu reff)
Di portibion baen ma au Tuhan sipatupa hadameon.
Baen ma hataMi saor tu roha ni na masihosoman i. (mulak tu reff).

4
15. TANGIANG PANUTUP – ALE AMANAMI – PASUPASU –AMEN