PARTORDING NI ACARA

PARTANGIANGAN PAMUHAI
PUNGUAN RAJA NAIPOSPOS-
SIPOHOLON

MINGGU, 26 FEBRUARI 2023

Pukul: 15.00 WIB
 Di Bagas ni Keluarga S. Siregar/ Br Pasaribu

1. Marende BE. No. 9 : 1 – 2         “Hupuji Holong Ni Rohamu”      

Hupuji holong ni rohaMu, O Tuhan Jesus, Rajangki
Tu Ho hulehon ma tondingku, ai i do pinangidoMi
Hu halupahon ma diringku, mamingkir holong ni rohaMu 
Sai dilului Ho do au, au pe huhalungunhon Ho
Ditaiti rohaMi rohangku, di bahen i hulehon do
Dipillit Ho hian tondingku, i pe hutodo Ho Tuhanku.
2. Votum – Introitus: (U = Uluan, P = Punguan; S = Sude; Sude jongjong)
U : Dibagasan goar ni Debata Ama dohot AnakNa Tuhan Jesus Kristus dohot Tondi
Parbadia, na manompa langit dohot tano on. Amen. Mandok mauliate ma hamu
tu Jahowa, ai na basa do Ibana, ai ro di salelenglelengna do Asi ni rohaNa i.
P : Sai urupi ma hami ale Jahowa Debatanami. Sai tumpahi ma ngolunami hombar tu
asi ni rohaM.
U : Sai halomohon Jahowa, jadi lehononNa ma tu ho pinangido ni rohaM. Pasahat ma
dalanmu tu Jahowa jala haposi Ibana asa Ibana paturehon.
P : Taoloi ma Jahowa marhitehite las ni roha, ro be ma hita tu joloNa marhitehite
olopolop.
U : Taboto ma: Jahowa do Debata; Ibana do na jumadihon hita, jala Ibana nampuna
hita, bahen bangsoNa dohot birubiruNa.
P : Martua ma ganup na manghabiari Jahowa, na marparange di angka dalanNa i. Sai
panganonta do na niula ni tanganta, martua ma hita jala sonang.
S : Tapuji ma Jahowa, ai Pardenggan basa do Ibana; taendehon ma goarNa, ai
hasudungan ni rohanta do Ibana.
U : Martangiang ma hita Ale Tuhan Debata, huboto hami do, ndada ala ni gogo
dohot habisuhonnami sambing umbahen na tarbahen hami tolhas tu taon 2023
on; tung holan ala asi ni rohaM sambing do. Hupasahat hami ma ngolunami tu
Ho mandalani ariari na pinasahatMu tu hami di taon 2023 on. Manang
dibagasan las ni roha manang arsak ni roha hami, holan Ho sambing ma
huhaposi hami. Ala ni i, sai lam patogu ma nang haporseaonnami, asa tongtong
hami marsigantung tu Ho. Unang mandele hami molo ro pangunjunan tu hami.
Hupagomgomhon hami ma nang punguannami on tu adopanMu nabadia i, asa
anggiat punguannami on lam tu sadana tau mamparbuehon godang angka na
denggan tu saluhut ruasna nang na humaliang hami pe. Hupasahat hami ma
tangiang nami on tu Ho, marhite-hite Tuhan Jesus Kristus na pasadahon hami
mandok mauliate tu Ho. S: Amen!
3. Marende BE No. 64 : 5 “Naung moru do muse sataon”
Dibahen i antong hupuji Denggan basaM sadari on
Ai pineakkon rujiruji I do na dapot sai tongtong
 O Jesus na marholong roha Ingkon hupuji goarMi
Dibaen saluhut denggan basa Tu ahu pinasahatMi

4. Manjaha Ayat Epesus 4:22-24 :

U :Tatangihon ma jolo Epistel di partangianganta di borngin on ima na tarsurat di
Epesus 4:22-24, songon on ma didok disi, jala marsorinsorin ma hita
manjahasa: ”Tanggali hamu ma jolma na buruk i, isara dipangalaho na jolo, ai
laho mago do i hinorhon ni angka hisaphisap sipaotooto.
H: : Alai dipaimbaru hamu ma dirimuna dibagasan tondi ni rohamuna.
U : Jala solukhon hamu ma jolma na imbaru, na tinompa suman tu Debata,
dibagasan hatigoran dohot hapolinon na marhasintongan. I do sahat na. Martua
do halak na tumangihon hata ni Debata, jala na umpeopsa.
U+H : Amen.
5. Marende sian BE. No. 504:1 ”Ditogu Tuhan Jesus au”
Ditogu Tuhan Jesus au, i do na mangapuli au
Diganup dalan nang tung maol, tanganna do tongtong huhaol
Ditogutogu Jesus au, tanganna sai maniop au
Tongtog ma siseanna au, paima boi tu surgo lao
6. Responsoria Marningot Denggan Basa Ni Debata
U : Puji ma Debata na manompa saluhutna, puji ma Ibana na mangaramoti
ngolunta. Puji ma Ibana, ai ro di saleleng ni lelengna do asi ni rohaNa.
P : Tung na balga do asi ni rohaM Tuhan, alanii pujionnami ma Ho di
tongatonga ni ngolunami.
U : Hamu angka dongan, tadok ma mauliate ala tongtong do di ramoti Tuhan i
hita ganup keluarga, nang angka ianangkon songon i nang punguanta on
saleleng hita mandalani taon 2022 naung salpu i.
P : Tung na balga do asi ni rohaMi Tuhan, alanii pujionnami ma Ho di
tongatonga ni ngolunami.
U : Di lehon Ibana do di hita angka na ringkot i di ngolunta, ganup ari ganup
tingki. Di lehon do di hita gogo, pos ni roha dohot panghirimon laho
mangalului ngolungolu.
P : Tung na balga do asi ni rohaMi Tuhan, alanii pujionnami ma Ho di
tongatonga ni ngolunami.
U : Tutu, ragam do angka na masa na boi mambaen hita mabiar mandalani
ngolu  di taon naung tabolus i. Ragam do nang angka na masa na boi
mambaen hita marungkil di tongatonga ni parngoluon i. Alai, saluhutna do
manumpak tu na denggan di angka na marholong ni roha di Debata. 
P : Tung na balga do asi ni rohaMi Tuhan, alanii pujionnami ma Ho di
tongatonga ni ngolunami.  
U : Ndang taboto angka na masa na naeng siadopanta. Ndang adong na hot
ianggo na di tano on, tung saluhutna do mubauba. Alai dohononta ma:
 Sude :    Sai na donganan ni Debata do hita ganup ari, rasi rasa ro ajal ni hasiangan
on. Amen
7. Marende BE. No. 755 :1 – 2                 “Haposan Ho Tuhan”             
Haposan Ho Tuhan hot do holongMu, di las ni roha tingki arsak pe.
Asi ni rohaMi nang pambaenanMu, Ho sipalua pangondingan pe.
Haposan Ho Tuhan, haposan Ho Tuhan, ndang na mansohot asi ni rohaM.
Nasa na ringkot di au diparade, tung ala ni asiM do i sude.
8. Tangiang Pangondianon
9. Marende BE No. 743 : 1 – 2 “O Tuhan Togu-togu”
O Tuhan togu-togu ma au tu dalan lomo ni rohaMi
Raphon Ho sonang mardalan au, Nang rahis maol sidalananki
TondiMi baen manggohi au on, Margogoihon au naposoMon
Pasangap Ho dingolungkon paima sahat tu surgo au on.
Panghulingi ma au o Tuhan, na rade tumangihon hataM
Sai tumpahi ruasMu Tuhan, Na uasan nuaeng di hataM
Sai patau ma au on naposoM, Manjou halak na dao sian Ho
Ro di na so tumanda Ho, muba gabe pangoloi di Ho.
10. Jamita
11. Marende BE. No. 753: 1 + 3         “Di Pardalanan Jesus di jolongku”           
Di pardalanan Jesus di jolongku, holong ni tanganMi manogu au.
Nang di ngolungku Ho do sombaonhu, tung sonang mardalan raphon au.
Huboto do tangkas panoguonMu, diiringiring Ho do langkangki.
Sahat ro di ujung ni pardalanhu, togu ma au jonok tu lambungMi.
Patogu ma Tuhan haporseaonhu, asa polin tu Ho manghirim au.
Tu surgo i patulus pardalanhu, TondiMi maringan ma di au.
Huboto do tangkas panoguonMu.....d,u...
12. Parsuruon
U : Hamu angka dongan na hinaholongan! Nunga tibu hian didok Tuhanta:
“Haholongan salelenglelengna Hubahen manghaholongi ho, di bahen i
Hutogutogu ho marhitehite asi ni roha.” Alani i, pos ma rohamuna, sai na
iringiringon ni Tuhan i do hamu di bagasan holong dohot asi ni rohaNa.
P : Ale Tuhan, sai na pos do rohanami di pangiringiringonMi
U : Dung i didok Tuhanta: “Ida ma, nunga pola Ahu manguhirhon ho tu
bagasan tanganHu duansa.”
P : Ale Tuhan, pos situtu do rohanami na tongtong paihutihutonMu hami di
pardalanan ni ngolunami. Pos situtu rohanami, ndada loasonMu hami lilu di
pardalanannami, ala naung di uhirhon Ho hami di tanganMi.
U : Dung i didok Tuhanta: “Ai nunga tangkas Huboto sangkap angka na
Husangkapi taringot tu hamu, sangkap hasonangan do tahe ndada tu
hamagoan, asa Ahu mangalehon tu hamu ujung na hinalungunhonmuna.”
P : Ale Tuhan, pos situtu do rohanami, saluhutna angka na masa na naeng
siadopannami, saluhutna i manumpak tu na denggan, hombar tu sangkap ni
rohaM.
U : Jala ingot ma: “Ai ndang adong na so tarpatupa Debata.”
Sude :  Ale Tuhan, naposom do hami; sai saut ma tu hami songon na nidokMi.
Tangiang Pelean –Ale Amanami – Pasupasu- Amen Amen Amen
------------- ooo-------------