P : Pinuji ma Tuhan i ganup ari, ai ro di saleleng ni lelengna do asi ni rohaNa.
Nunga ACARA PARTANGIANGAN PANUTUP HKBP EKO 2
tapanghilalahon denggan basa ni Jahowa na mandongani jala na marmudumudu
hita dibagasan partangiangan wiyk di taon 2022 on. Antong saluhut poda,
pangajarion, jamita naung itabege marhitehite partangianganta saleleng on,
bahen bohal jala patoguhon haporseaonta ma i mangadopi angka ragam ni na
masa dibagasan ngolunta.
H : Bahen ma hataMi sulusulu ni pathu jala hatiuron di dalanku. Amen.
08. MARENDE BE NO. 791 : 1 “O HAMU PARANGAN”
♫ hamu parangan ni Tuhanta i, Borhat ma hamuna tu tongtangan i. Kristus Ulu
Balang do partogi i. Na marhamonangan di mandera silang i. O hamu parangan
ni Tuhanta i, Borhat ma hamuna tu tongtangan i.
09. TANGIANG PANGONDIANON
10. MARENDE BE. NO.458 : 1-2 “BARITA NA UMULI”
♫ Barita na umuli i, na sian Tuhan Jesus. Sai i do margogoihon au, nang arsak pe
hubolus. On mangapuli rohangki : Sai Tuhanki na basa i do donganki.
♫ Ai ndang adong di rohangki na so hinilalaNa. Ditanda hagaleonhi, nang pe so
dung marsala. Hujalo hamonangan i, ai Tuhanki na basa i do donganki
11. JAMITA: PARJAMITA 8 : 9 – 17
12. MARENDE BE. NO.539 : 1-..“SAI HUTAGAM DO TUHANKU” (Pang Pelean)
♫ Sai hutagam do Tuhanku, sai masihol rohangki. Diharoro ni Tuhanku, songon na
nidokNa i. Sai mardongan olopolop, huriaM managam Ho. Maranata, ro, O
Tuhan, Amen, sai tibu ma ro!
♫ Las ni roha ndang hapalang, do manggohi rohangki.Dung binege soaraNa, di na
ro Tuhanta i. Sai mardongan olopolop huriaM managam Ho. Maranata, ro, O
Tuhan, Amen, sai tibu ma ro!
♫ Sai rade, ale tondingku, tagam panjouonNa i, sai tu langit an manomu, ho di
Jesus Tuhanmi.Sai mardongan olopolop huriaM managam Ho. Maranata, ro, O
Tuhan, Amen, sai tibu ma ro!
13. Panimpuli : Tangiang Pelean – Tangiang Ale Amanami - Pasupasu
Doc.Bvr.IY.Manalu. Uluan HKBP Eko 2
Topik : “DIPAMONANG DEBATA HITA MARHITE JESUS”
“ALLAH MEMBERIKAN KITA KEMENANGAN OLEH YESUS”
Ev: Parjamita 8 : 9 - 17 Rabu, 16 November 2022 Ep: 1 Korint 15 : 50 - 58
01. PANGARADEON DIRI:
P : Hamu angka dongan na hinaholongan dibagasan Kristus! On ma tingki na
parpudi di hita patupahon partangiangan wijk dibagasan taon on. Mandok
mauliate do hita tu Debata, ala asi dohot holong ni rohaNa, boi hita marpungu
dibagasan sada ni roha paujunghon partangiangan wijk ditaon on. Ala ni i, tapuji
ma Tuhanta na paloashon hita marpungu di inganan on. Taendehon ma ende
pujipujian di goarNa “Puji Hamu Jahowa Tutu”
H : (mangendehon : BE. No. 14 : 1 “Puji hamu Jahowa Tutu”)
Puji hamu Jahowa tutu, pardenggan basa
Parasi roha salelengna i, Pardenggan basa i, Parasiroha i
P : Mauliate ma tapasahat tu Tuhanta, di sude denggan basaNa naung tajalo
dingolunta dibagasan taon on, Ibana do na mangalehon hahipason dohot angka
na ringkot dibagasan ngoluntasiganup ari. Alani itapuji ma Tuhanta dibagasan
gok las ni roha.
H : (mangendehon BE. No. 14:5 “Puji Hamu Jahowa Tutu”)
Somba hamu Jahowa burju, Marhapantunon ma hita di Tuhanta Debata
Burju tasomba ma Tuhanta Debata
P : Godang ma tongon na binahen ni Debata Jahowa tu hita, jadi marlas ni roha ma
hita mamuji goarNa na badia i. Nunga dipasada hita saluhutna angka na
masihaholongan di ingananan on; Antong jongjong ma hita saluhutna, tapahibul
ma rohanta marsomba tu Ibana jala tapuji ma Ibana.
H : (mangendehon BE. No. 14: 6 “Puji Hamu Jahowa Tutu”)
Sai burju be marende sude, Mamujimuji Tuhanta Debata Jahowa i
Parasiroha i, na marmulia i
02. VOTUM – INTROITUS – TANGIANG
P : Marhitehite Goar ni Debata Ama dohot Goar ni Anakna Tuhan Jesus Kristus
dohot Goar ni Tondi Parbadia.Amen.Songon duhutduhut do saluhut daging jala
songon bungabunga ni duhutduhut i do saluhut hasangapon ni jolma.
H : Nunga malos duhuduhut i jala nunga marurus bungabungana i, alai na hot do
Hata ni Tuhan i ro di saleleng ni lelengna.
P : Sai burju ma ho rasirasa mate, dung i lehononKu ma tu ho tumpal hangoluan.
Haleluya.. Martangiang ma hita: Ale Tuhan Debata, Pargogo na so hatudosan!
Ho do na manjou hami jala Ho do na papunguhon angka na pinillitMu tu huriaM
na badia i.
H : Mauliate ma rohanami, ala naung dipasahat Ho hami tu AnakMu, asa Ibana
nampuna hami. Asi ma rohaM, sai pargogoi ma hami mangulahon na nidok ni
HataM, asa domu hami dohot naung tolhas tu lambungMu. Sai patogu ma
haporseaonnami sahat ro di ajalnami, asa sahat hami sogot tu halalas ni roha na
sumurung, na pinaradeM di angka na manghaholongi Ho,
P : Asa pujionnami Ho disi saleleng ni lelengna marhitehite Tuhan Jesus Kristus,
Tuhannami. Amen. (hundul)
03. MARENDE BE. NO. 544: 1 “ MOLO RO PANJOUNI TUHAN”
♫ Molo ro panjou ni Tuhan, molo salpu tingki on,molo binsar bintang sipaias i. Jala
sahat ma tu ginjang angka na tinobus i,dohot au dibaen Tuhanta lao tusi.Molo
jouon ni Tuhanta angka goar di pustaha,dibaen asi ni rohana, alusanku: O
Tuhanku, au dison.
04. MANJAHA TURPUK EVANGELIUM : 1 KORINT 15 : 50 – 58
P : On do na hudok disi, ale angka dongan: Ndang tarbahen sibuk dohot mudar
manean harajaon ni Debata, jala ndang tartean na olo busuk i hatongtongon i.
H : Hahomion do na hudok on tu hamu: Ndang na saluhut hita monding; alai
saluhut do hita paubaonna.
P : Tompu, di bagasan sanghidopmata, di pangkuling ni sarune na parpudi i; ai
mangkuling ma sarune, gabe hehe ma angka naung mate i tu hatongtongon, laos
paubaonna ma anggo hita.
H : Ai ingkon hatongtongon do manoluk na olo busuk on, jala hangongolu na
manongtong do manoluk na olo mate on.
P : Alai dung disoluk hatongtongon i na olo busuk on, jala disoluk hangongolu na
manongtong i na olo mate on, disi ma jumpang hata na tarsurat i: "Nunga
tarbondut hamatean; nunga soluk hamonangan!"
H : "Jo hamatean, didia hamonanganmi? Jo hamatean, didia soropmi?"
P : Alai dosa do sorop ni hamatean, jala patik i do gogo ni dosa i.
H : Alai mauliate ma di Debata, na pamonang hita marhitehite Tuhanta Jesus
Kristus!
S : Onpe, hamu angka donganku na hinaholongan, marsihohot jala so mubauba ma
hamu, jala lam sumurung ma tongtong di bagasan ulaon ni Tuhan i, ai diboto
hamu do: Ndang magopo halojaonmuna di bagasan Tuhan i.
P : I do sahatna:Martua do angka na tumangihon Hata ni Debata jala na umpeopsa.
Amen.
05. MARENDE BE. 251 : 1 “NA MONANG I DO”
♫ Na monang i do na muse manganhon, Parbue ni hau hangoluan i. Ndang jadi
idaonna hamagoan, nang hamatean paduahon i. Ai Debatana papos rohana.
Mambaen langkana tongtong tiur, Mambaen langkana tongtong tiur.
14. REFLEKSI : “PANDONGANION NI DEBATA DIBAGASAN NGOLU NI HURIA”
P : Hamu angka dongan na hinaholongan, dibagasan partangiangan wijk na parpudi
sadarion, tama do hita mandok mauliate marningot saluhut pandonganion ni
Debata dibagasan ngolu ni hurianta dohot dingolunta ganup marsadasada. Tung
so boi do porsoonta, molo ndang Debata na mandongani huriaNa jala na
masumasu hita, tung so tarbahen hita do hot jongjongsahat tu sadari on.
Marningot saluhutna i, aha ma sidohononta tu Debata ?
H : Mandok mauliate do hami di Ho ale Tuhan, na mamasumasu ngolunami jala na
mangaramoti ngolu ni ruas ni huriaM.
P : Godang do angka las ni roha dohot parungkilon na tabolus, jala godang do na
mambahen hita mengkel jala tumatangis di pardalanan ni ngolunta. Molo taida
angka ragam ni sibolusonta dohot hinaborat ni situhukonta mangadopi na masa
di tongatonga ni pardalanan ni ngolunta, tung so tarbahen hita do mangadopi i.
Alai sahat tu sadarion, boi do hita tolhas marsada ni roha di partangiangan wiyk
na parpudi ditaon on. Di saluhutnai, aha ma sidohononta tu Debata?
H : Mandok mauliate do hami di Ho Tuhan, na manghamonangkon hami sian
ragam ni angka na masa.
P : Hatindangkononta do, dingolu ni huria i, Debata do Ulu jala Raja ni huria i.
Debata do na marmudumudu huriaNa, jala dibagasan Ibana singkop do haluaon.
Di namardalan hurianta manipat dibagasan taon on godang do pasupasu
marhitehite panghobasion naung tajalo. Mardalan do partangiangan wiyk naung
tapatupa dibagas ruas ni hurianta. Di saluhut na i, aha ma sidohononta tu
Debata?
H : Mandok mauliate ma hami di Ho Tuhan, na mangalehon pasupasu tu hami
sude ruas ni huriaM.