PARTORDING NI ACARA PARTANGIANGAN

Ulang Tahun Punguan

TOGA SIMATUPANG
Boru,Bere, Ibebere
Ni Hasuhuthon Ni: Kel. Op.si Vania Togatorop/br. Silaban
Kamis 13 Januari 2022, Pukul 11.00 Wib
============================================================
Thema: “ Di tanganna siamun do ganjang ni umur, jala di
hambirangna do hamoraon dohot hamuliaon”. Poda 3 :16

1. Marende No. 802:1-2

 Pangke tingkim saonari dapothon ma Tuhan i, / unang godang sidalian ingot

jempek ngolumi,/Ref...Nunga rade hasonangan, di surgo i, di surgo i, unang
adong nanggo sada na so parjambar di si.
 Suan ma holong ni roha, tiru ma Tuhanta i. / Las ma roham di gotilon jalo ma
balos ni i. / Nunga rade, d.u.

2. Votum-Introitus [ U: Na manguluhon, R:Ruas ]

U : Marhitehite goar ni Debata Ama, dohot goar ni Anakna Tuhan Jesus Kristus
dohot goar ni Tondi Parbadia.
R : Amen
U : Puji hamu ma Jahowa, baritahon hamu ma goarNa i.
R : Pabotohon hamu ditongatonga ni angka bangso pambahenanNa i.
U : Endehon hamu ma Ibana, palu hamu ma parhinaloan umpuji Ibana.
R : Jahowa do partanobatoanhu dohot haporusanhu, jala sipalua ahu,
Debatangku. Sitiopanhu, marhaposan tu Ibana do ahu, lombulombungku
dohot tanduk ni partuaonku, haporusanhu.
U : Tunggulhon hamu ma goarNa na badia i, marlas ni roha ma angka na mangalului
Jahowa.
R : Puji ma Jahowa ale tondingku, jala unang tung halupahon denggan ni
basaNa sudena.
U : Jahowa do Debatanta, sar tu liat portibion do angka uhumNa.
R : Haleluya
U : Martangiang ma hita: Ale Debata parasiroha na sumurung, tung so hasigatan do
angka dalanMu, jala tung so habilangan do asiasiM di ngolunami. Nunga
1
 dilehon Ho umur na ganjang tu Punguan nami TOGA SIMATUPANG na adong
di Falmboyan Sekitarna on, gonop umur ni Punguannami on 24 Taon. Dilehon
Ho do angka basabasaM dohot sude pasupasuM. Pinuji ma Ho Tuhan siala
denggan ni basaM na mangaramoti dohot mangiringiring hami saleleng 24 Taon
on. Tung diparmudumudu Ho do hami jala talup marlas ni roha. Sapala naung
diasi i Ho hami, tung parorot ma hami asa tongtong mangolu dibagasan asi ni
rohaM. Pasupasu Punguannami on songon I nang keluarga ganup marsadasada
nang sisolhotnami, ro di sude na pungu di inganan on, asa Homa na tongtong
hupuji hami, hupasahat hami tangiang pamujionnami on di bagasan goar ni
AnakMu Tuhan Jesus Kristus Tuhannami. Amen.

3. Marende BE. No. 753 : 1

1. Dipardalanan Jesus di jolongku, holong ni tanganMi manogu au /
 nang di ngolungku Ho do sombaonhu, tung sonang mardalan raphon au.
/ huboto do tangkas panoguonMu, diiringiring Ho do langkangki. / Sahat
ro di ujung ni pardalanhu, togu ma au jonok tu lambungMi.

4. MARLASNIROHA DIBAGASAN DEBATA ( Responsoria )

U : Sai marlas ni roha, marolopolop di jolo ni Debata do ianggo angka partigor, sai
marhasonangan ma nasida dibagasan las ni roha.
R : Mauliate ma di Ho ale Tuhan, marolopolop ma hami sude ala diain Hodo
hami gabe iankhonMu.
U : Ingkon marolopolop ma pamanganhu, ai endehononku ma Ho, nang tondingku,
naung tinobusMi.
R : Mauliate ma di Ho ale Tuhan, mauliate ma di Ho.
U : Martua ma halak ia di bagasan Ho hagogoonna, ia rohanasida di bagasan manuju
dalan na tigor.
R : Mauliate ma di Ho ale Debata parasi roha bolon.
U : Sai parrohai ma hami mamilangi angka ariarinami, asa dapotan roha na bisuk
hami.
U+R : Sai saut ma Lomoni rohaM dihami. Amen!

5. Marende BE. No. 723 : 1

1. Tu joloM o Tuhan sahat ma diringkon, pangke ma au hombar tu lomoM
/ Molo ndang Ho Tuhan maringanan di au, diringkon ndang mararga be
i. / tung pogos pe dison, manang sonang tahe marsigantung tu Ho sasude.
/ Holan Ho do huihuthon ndang be diringkon, togutogu ma tu na ture.
6.  Epistel. Psalmen 23:1-6 “Pujipujian dipanarihonon ni Debata”

2
 U : Jahowa do siparmahan ahu ndang tagamon hurangan ahu.
R : Dipatongon do ahu tu jampalan angka na lomak, ditogutogu do ahu di
Lambung ni aek hasonangan.
U : Dipasabam do rohangku, ditogu do ahu di dalan hatigoran, ala ni goarNa i.
R : Ai nang pe mardalan ahu di rura linggoman ni hamatean, ndang
huhabiari parmaraan.
U : Ai Ho do mandongani ahu tungkotMu dohot batahiM mangapuli ahu.
R : Ho do manutup meja dijolongku maradophon angka musungku, dimiahi
Ho do ulungku, suksuk do panginumanhu.
U : Tongon tahe denggan basa dohot asi ni roha mangihutihut ahu saleleng ahu
mangolu, jala dung mulak ahu masuhanku ma bagas ni Jahowa
salelenglelengna. Martua do angka na manangihon hata ni Debata, jala na
umpeopsa.
R : Amen.

7. Marende BE. No. 188:1+5

1. Jahowa Siparmahan au, ndang hurang manang aha. / Ai nasa jea dipadao do
sian dorbiaNa. / Tongon dibaen na lomak i, lao pangoluhon tondingki, /
dibaen asi rohaNa.

8. Tangiang Pangondianon Utusan Sian : HULAHULA

9. Marende BE. No. 178: 1 Ro Ma Tu Jesus
1. Ro ma tu Jesus ro ma tibu Bege hataNa jangkon burju, Na ro do Jesus pangolu
ho Asal porsea ho. Mansai las rohanta i muse Molo ias sian dosa pe Sai ro ma
hita tu surgo i Laos sonang ma disi

10. Tangiang Pangondianon Utusan Sian : BORU

11. Marende BE. No. 28:1-2 Hata ni Jahowa

1. Hata ni Jahowa, sipadame jolma hangoluan i.
Halalas ni roha, siapuli roha ni na marsak i.
Gogo ni Debatangki, paluahon na porsea sian nasa jea.
2. Nasa tinahina, tagan so ditompa tano on dope,
nang na tinuduan ni sude pelean, jumpang do muse.
Sangkap ni Amana i dipatulus Jesus kristus. Jolma i ditobus.

3
12. Renungan:

13. Marende BE. No. 435 : 1, 2, 4 ( Pasahat Pelean )

1. Marolopolop tondingki, ai naung ditobus Jesus i. Hamu sude, bege ma i,
sai las rohangku mandok i. / Ref..sonang ni tingki i, dung jumpang Jesus
Tuhanki! / Tondi na mangajari au, tarbaen marlas ni roha au! / sonang ni
tingki i, dung jumpang Jesus Tuhanki.

2.  Dihaol holongNa rohangki, tung na so boi be mago i. / MataNa do

manatap au, pinggolNa tumangihon au. / Ref..Sonang ni, d.u.

4.  O rohangki sai tahan ma, sitobus Ho ihuthon ma. / I ma tutu, nang mate
ho, tu surgo do ditogu ho. / Ref..Sonang ni, d.u.

12. Tangiang Panutup

SELAMAT ULANG TAHUN

PUNGUAN
TOGA SIMATUPANG
Flamboyan Sekitarna