HKBP Yogyakarta - Resort Yogyakarta

Acara Partangiangan Gabungan Sektor & Kategorial dan

dirangkai dengan Acara Pangapulion/Penghiburan
Tu Keluarga: Pdt. Desquart T. Ompusunggu, M.Si.
Inganan: Gereja HKBP Yogyakarta.
Kamis 23 November 2017 pukul 19:00
-------------------------------------------------------------------------------------------------

TUHAN Pangapul na Sumurung

Tuhan Penghibur Sejati
00. Hata Huhuasi & Pangaradeon: (→ tangiang na hohom)
01. Ende Pamuhai: BE 3: 1+3 Puji Jahowa Ale Tondingku → do
= as
 Puji Jahowa ale tondingku, puji Ibana Debatami.
Tagan so suda dope bohalhu, naeng pujionku basa-Na i.
Sitompa daging tondi pe, ingkon dipuji sasude.
Haleluya, Haleluya.
 Martua halak na niondingan ni Debatanta Jahowa i.
Angka na hot marhaporseaon di Jesus Kristus Tuhanta i.
Molo Debata donganmu, ndang adong hurang tuamu.
Haleluya, Haleluya.
02. Invocatio – Intro - Tangiang: (L = Liturgis; H= Huria; S =
Sude)
L: Marhitehite goar ni Debata Ama, dohot goar ni Anak-Na, Tuhan
Jesus Kristus, dohot goar ni Tondi Parbadia na manompa langit
dohot tano.

S: A m e n.
L: Songon on do Hata ni Tuhan Jesus: “Ro ma hamu tu AHU, hamu
angka na loja jala na sorat, asa Hupasonang hamu! Jangkon hamu
ma augangKu, marguru ma hamu tu AHU, ai na lambok do AHU
jala na serep marroha, asa dapotan hasonangan tondimuna.
(Mat. 11:28-29)
H: ‘Tung sura ditadingkon damang dohot dainang ahu, alai
dijangkon Jahowa do ahu’.
 (Psalm 27:10)
L: Ai di banua ginjang do sambulonta; sian i do tapaimaima
Sipangolu hita, Tuhan Jesus Kristus i.
(Pilippi
3:20)

H: Jahowa do parjambaranku, ninna tondingku,

dibahen i marhaposan tu Ibana ma ahu.
(Andung 3:24)
L: Martangiang ma hita:
Ale Jahowa Amanami na di banua ginjang. Pujipujian dohot
hasangapon ma husombahon hami tu adopan-Mu ala asi ni rohaM
di hami. Sai bahen ma ibadah pangapulion on laho padungohon
dohot pahothon haporseaon dohot panghirimonnami di hangoluan
na manongtong dohot di hadodomu ni angka na porsea i muse di
adopan ni TUHAN Debata.

Ale Jesus Kristus naung mate jala hehe manaluhon hamatean. Ho

do TUHAN ni angka na mate nang angka na mangolu.
Na mangolu do angka na porsea di Ho, atik pe mate ibana.
(Roma 14:9; Joh. 11:25b)
Ale Tondi Parbadia, Pangapul na sumurung. Apuli ma angka na
marsak roha; lehon ma tumpal singkat ni sirabun; miak las ni
roha singkat ni arsak ni roha, ulos na marhadohoan singkat ni
tondi na tahuton’. Ala ni Kristus Jesus, Tuhannami, asi marohaM.
Amen (bnd.
Yes. 61:2-3)
03. Marende: BE 211:2 Tuhan Jesus Siparmahan → do =
g
 Tuhan Jesus Siparmahan, au birubiruNa do,
Jesus gok di Ho rohangku, sai ihuthononku Ho
Sai ihuthononku Ho, sai ihuthononku Ho
Jesus gok di Ho rohangku, sai ihuthononku Ho
 Jumpa masa sorimago, tung Pangapul Ho gogo;
ia bogasMi huida, sai ihuthononku Ho.
Sai ihuthononku Ho, sai ihuthononku Ho.
Ia bogas-Mi huida, sai ihuthononku Ho.
04. Manjaha Bibel: Mateus 25:31-46 (Responsoria)
05. Marende: BE 775:1 UNANG HOLSOAN (PKJ 302)
Unang holsoan unang tahutan. Di Debatanta soada na hurang.
Unang holsoan, unang mabiar, haposi Debata.
Jangan kuatir, janganlah takut. Di tangan Tuhan tiada yang kurang.
Jangan kuatir, janganlah takut. Tuhan jaminanMu!
06. Informasi na Jempek:
→ Taringot tu Parsorion/Kedukaan sian Keluarga na
Bersangkutan:
(--molo une, asa dipatolhas--)
07. Mandok Hata Apulapul (Ucapan Penghiburan/Penguatan):
a. Mewakili Ruas: Parompuan/Ama
b. Mewakili Diakonia/Parhalado
c. Pandita
08. Marende: BE 707:1 Hagogoon dohot Apulapul →
do = es
 Hagogoon dohot apulapul do dilehon Tuhan i tu au.
Ganup ari au ditogutogu, ganup tingki diondingi au.
Ai hombar tu lomo ni rohaNa do dilehon Tuhan i tu au.
Ro marsorin arsak las ni roha, haporseaonhu dipatau.
09. Tangiang Parpangondianon (Doa Syafaat):
10. Marende: BE 221:1 Saleleng Jesuski → do =
as
 Saleleng Jesuski na mandongani au;
Maporus holsoholsongki; sai di Ibana au.

11. Mangampu Keluarga:

12. Koor: Ama/Parompuan/Naposobulung

13. Marende: BE 227:1+6 Jesus Ngolu ni Tondingku → do =
as
 Jesus ngolu ni tondingku, Ho do haporusanki.
Gok di Ho nama diringku, ro di nasa langkangki.
 TondiMi sai tong paian di au on tinobusMi.
Tung patau ma au manean pinarbagabagaMi.

14. Jamita/Renungan :
15. Marende: BE 753:1 Di Pardalanan Jesus di Jolongku → do =
es
(Papungu Pelean)
 Di pardalanan Jesus di jolongku, Holong ni tanganMi manogu au.
Nang di ngolungku Ho do sombaonku, Tung sonang mardalan raphon au.
(Ref.):
Huboto do tangkas panoguonMu,Diiringiring Ho do langkangki.
Sahat ro di ujung ni pardalanku, Togu ma au jonok tu lambungMi.

 Patogu ma Tuhan haporseaonku, asa polin tu Ho manghirim au.

Tu surgo i patulus pardalananku, TondiMi maringan ma di au.

16. Panutup: Panindangion, Tangiang, dohot Pasupasu

L: Hamu angka dongan sahaporseaon di bagasan goar ni Tuhan
Jesus Kristus. Sihangoluhononta do na tarsurat di Panindangion
Haporseaon (Konfesi) ni Hurianta.
Ia tapatupa pe ibadah apulapul tu keluarga on huhut marningot
hita di dongan naung jumolo monding, na padungohon dohot
pahothon haporseaonta do di hangoluan na saleleng ni lelengna
naung pinatupa ni Tuhan Jesus di hita angka na porsea di Ibana.
Ala ni i, taalo do pikiran na mandok:
boi na mangolu manjalo pasupasu sian na mate.
H: Taalo do nang pingkiran na mandok paboa na adong pardomuan
ni na mate dohot na mangolu marhite tangiang dohot na
manangianghon angka tondi ni na mate.
L: Taalo do nang pingkiran na mandok ingkon pajongjong tugu laho
pasangaphon na monding, dalan pangalapan pasupasu tu
pinomparna.
H: Tahamauliatehon ma tu Debata Jahowa, marningot angka
(ulaon) na denggan uju di ngoluna, anggiat gabe jamita na
mangolu di hita saonari.
L: Antong, tapasingkop ma elekelek dohot pangidoanta, mardongan
tangiang na niajarhon ni Tuhan Jesus tu hita:
S: “Ale Amanami na di banua-ginjang …………..”. (Mat. 6:9-
13)
 L: Asi ni roha ni Tuhan Jesus Kristus, dohot holong ni roha ni
Debata Ama, dohot parsaoran ni Tondi Parbadia ma mandongani
dohot mangapuli hamu saluhutna. Amen. (bnd. 2
Kor. 13:13)

S: (Mangendehon:) → Amen, Amen, Amen.***

--------------------------
TUHAN mendapatkan para serdadu terbaik-Nya
dari pegunungan penderitaan.
------------
(Charles Haddon Spurge)
II. Ramah-Tamah di Sopogodang