PARTORDING NI PARMINGGUON

PESTA PARJOLO PARNINGOTAN ARI HAHEHEON NI TUHAN JESUS (PASKAH I)

 Ev. Lukas 24: 1-12 “NUNGA HEHE JESUS I!”  Ep. Psalmen 103: 1-5
17 APRIL 2022
====================================================================
01. Marende BE HKBP No. 93: 1-3 “Pesta Paska Hatuaon” BL 94
 Pesta Paska hatuaon Pesta Paska haluaon. Sian hamatean i sian hamatean i
Tuhan Jesus do pasuang  hangoluan hasonangan  . Tu saluhut jolma i
 Talu ho banua toru  ndang tarbahen tiopanmu. Raja Siparngolu i Raja Siparngolu i.
Hamatean hamagoan  na so pola habiaran. Nunga talu i sude
 Tuhan Jesus do na monang Tuhan Jesus do pasuang. Las ni roha dame pe las ni roha
dame pe. Dongan golom ma hataNa na porsea di Ibana. Ndang tagamon mago be
02. Votum-Introitus-Tangiang: (U: Uluan; H: Huria)
U : Marhitehite Goar ni Debata Ama dohot Goar ni AnakNa Tuhan Jesus Kristus dohot
Goar ni Tondi Parbadia, na tumompa langit dohot tano on. Amen.
Nunga hehe Tuhan i, nunga tutu hehe Ibana. Ari on do na jinadihon ni Jahowa,
marolopolop jala marlas ni roha ma hita disi. Batu naung binolongkon ni angka pande
bagas, i ma gabe batu parsuhi. Pinamasa ni Jahowa do i, halongangan do i anggo di
matanta. Haleluya!
H : (Mangendehon): BE HKBP No. 852: 1 Haleluya HKBP (3x) BL 852
Haleluya, Haleluya, Haleluya!
U : Martangiang ma hita! Ale Tuhan Jesus, Tuhannami! Na mandok mauliate do hami tu
Ho, ala ditaluhon Ho do dosa dohot hamatean marhitehite hamamateM i, ala
disondangi Ho tanomannami, asa marpangkirimon na mangolu hami ala ni
haheheonMi. Ndang pola mabiar hami mida hamatean, ai Ho do ulunami, ruasMu do
hami. Dipaunsat Ho do hami sian haholomon tu hatiuron, sian hamatean tu
hangoluan. Antong pargogoi ma hami mamuji dohot mangoloi Ho ariari,
pasangaphon Ho dibagasan haporseaon na mangolu, paima sahat hami tu
lambungMu. Amen.
03. Marende BE HKBP No. 96: 1+3 “Nunga Talu Hamatean” BL 101
 Nunga talu hamatean dibaen Tuhan Jesus i. Ai na hehe do Ibana songon na nidokNa i
[Haleluya, haleluya nunga hehe Jesus i] 2 x
 Marlasroha be ma hita ala hehe Jesus i. Ai malua sude hita sian hamagoan i
[Haleluya, haleluya nunga hehe Jesus i] 2 x
04. Patik ni Debata :
U : Tatangihon ma patik ni Debata, i ma sian 1 Korint 6: 20, “Ai arga do hamu ditobus,
dibahen i pasangap hamu ma Debata marhitehite dagingmuna dohot marhitehite
tondimuna; ai Debata do nampuna i.” I ma sahatna.

1
 Antong rap mangido gogo ma hita sian Tuhan Debata laho mangulahon na hombar tu
patikNa i.
U+H : Ale Tuhan Debata! Sai pargogoi ma hami mangulahon na hombar tu patikMi.
Amen.
05. Koor : Ina Kamis
06. Marende BE HKBP No. 242: 2+5 “Rahis Jala Maol” BL 76
 Upa na sumurung i dapot na burju marroha. Maralohon dosa i dohot hisap ni dagingna
Na tongtong mangkirim di sanggul hamonangan i
 Dongan pir ma tondimu maralohon hisapmuna. Tatap Jesus naung tutu manggarari
dosamuna. Ai marhite Jesus i sahat hamonangan i
07. Tangiang Manopoti Dosa – Bagabaga:
U: Tatopoti ma dosanta. Martangiang ma hita! Ale Tuhan Debata, Amanami, Parasiroha
na sumurung! Na pungu do hami di joloM martangiang tu Ho; ndada mangasahon
hatigorannami, na mangasahon asi ni rohaM na godang i do. Sai asi ma rohaM mida
sandok bangsonami, sesa ma dosanami saluhutna. Sai sungguli ma rohanami, asa
muba roha dohot pangalahonami, ala ni Tuhan Jesus Kristus Tuhannami,
Sipangoluhami. Amen.
Bagabaga ni Debata taringot tu hasesaan ni dosa:
Parasiroha jala pardengganbasa do Jahowa, lambat tarrimas jala Parasiroha godang.
Ndang dibahen tu hita hombar tu angka dosanta, jala ndang dibaloshon tu hita hombar
tu angka hajahatonta. Songon asi ni roha ni amaama mida angka anakna, asi ni roha ni
Jahowa di angka na manghabiari Ibana.
Hasangapon ma di Debata na di ginjang!
H: Amen.
08. Koor : Punguan Ama
09. Marende BE HKBP No. 94 : 1+3 “Ale Tondingku Naung Hehe” BL 44
 Ale tondingku naung hehe Tuhanmu. Nunga ditaban do banuatoru
Las ma roham ai martua ma ho. Rap dohot Jesus mangolu ma ho
Rap dohot Jesus mangolu ma ho
 Tahaburjuhon mangalo dosanta. Jala tabaen Tuhan Jesus donganta. Pos ma rohanta di
Tuhanta i. PamonangonNa do hita sude  . PamonangonNa do hita sude
10. Epistel:
U : Tatangihon ma Hata ni Debata turpuk Epistel di Ari Minggu Pesta Paskah Parjolo on,
tarsurat di Psalmen 103: 1-5. Tajaha ma marsorinsorin!
Ende sian si David. Puji ma Jahowa, ale Tondingku, jala nasa rohangku di bagasan
mamuji goarNa na badiai.
H : Puji ma Jahowa, ale Tondingku, jala unang tung halupahon denggan ni basaNa
sudena.
U : Ibana do manesa dosam sudena, Ibana pamalum angka sahitmu sudena.

2
H : Ibana paluahon ngolum sian hamagoan, Ibana martumpalhon tu ho denggan basa
dohot asi ni roha.
U : Ibana pamahap roham marhitehite denggan basa, asa mulak poso ho, songon pidong
raja wali.
I do sahatna. Martua do angka na tumangihon Hata ni Debata jala na umpeopsa.
Amen.
11. Koor : Ina Eklesia
12. Marende BE HKBP No. 635: 1+3 “Ro ma Tuhan Jesus” BL 635
 Ro Tuhan Jesus Anak sasada parasiroha parholong i
Mate Ibana humophop hita  rumar tanoman i ai hehe Jesus i
Ala hehe Jesus ro do ari sogot mangolu au ndang mabiar au
Huboto do  sonang au raphon Jesus sonang ma au ala naung hehe Jesus i
 Molo marujung muse ngolungku mansohot do nang sitaononki
Ai nunga talu banua toru  ditomu Jesus au na tinobusNa i
Ala hehe Jesus...
13. Manghatindanghon Haporseaon :
14. Koor : Remaja - Pemuda
15. Tingting :
16. Marende BE HKBP No. 633:1--- “Nunga Hehe Kristus i” (Pelean Ia doht Ib) BL 633
 Nunga hehe Kristus i Haleluya. Sian hamatean i Haleluya
Parlangitan jouhon ma Haleluya.Tano on alusi ma Haleluya
 Singkop panghophopNa i Haleluya. Gok hamonanganNa i Haleluya
Sondang haluaon i Haleluya. Patiur dalanta i Haleluya
 Tartaban naroko i Haleluya. Dibaen Tuhan Jesus i Haleluya
Nunga mungkap surgo i Haleluya. Di na tinobusNa i Haleluya
17. Jamita: (Lukas 24: 1-12)
18. Marende BE HKBP No. 627: 1--- “Jesus Naung Hehe” BL 627
(Pelean II: Pelean Tu Ulaon Kategorial Parompuan HKBP)
 Jesus naung hehe Haleluya puji endehon Haleluya. Hamonangan ni Tuhanta na
manaluhon sibolis i. Las ma roham puji ma Tuhan i ala naung talu hamatean i
Sesa dosanta Haleluya mangolu Jesus Haleluya
 Di ari patoluhon i maloha do tanomanNa i. Jesus Raja hangoluan i na patundukhon
sibolis i. Las ma roham puji ma Tuhan i ala naung talu hamatean i. Sesa dosanta
Haleluya mangolu Jesus Haleluya
 Bege nidok ni suruan i, I da hamu ma ulosNa on. Ndang ditanoman be Tuhan i unang
mabiar be hita on. Las ma roham puji ma Tuhan i ala naung talu hamatean i
Sesa dosanta Haleluya mangolu Jesus Haleluya

3
19. Pangujungi: (Jongjong)
U: Hamuna angka dongan na hinaholongan ni Debata, Naeng dohot hita rap dohot angka
sisean i mandok “Nunga huida hami Tuhan i” Martua ma angka na porsea atik pe so di
ida.
R: Dame ma di hamu, nina Jesus tu angka sisean i. Ai naung dipadame Ibana do hita tutu
dohot Debata Ama i, songon i ma naeng mardame hita, marhite haheheon ni Jesus i.
U: Mauliate ma di Kristus Jesus naung ro tu portibion songon tanda Asiniroha ni Debata tu
hita jolma na tinompaNa, alani i ndang be mabiar ahu, borhat ma ahu mamaritahon asi
ni rohaNa i.
R: Antong, hibul ma rohangku manghaporsea i Jesus i, ai nunga huida hami Tuhan i,
naung ditobus do ahu, gabe malua ahu sian dosangku. Amen
16. Tangiang Pelean - Tangiang Hari Hananaek - Tangiang Ale Amanami - Pasupasu: