PARTORDING NI PARMINGGUON

PARNINGOTAN ARI HAMAMATE NI TUHAN JESUS

NAPOSO NI DEBATA NA TUMAON NA BERNIT
EV. Jesaya 52 : 13 – 15 EP. Heber 4 : 14 - 16
Jumat, 15 April 2022
=================================================================
01. PAMUHAI :
U: Hamu angka dongan sahuria, marpungu do hita nuaeng di Bagas Joro on patupahon
parpunguan PARNINGOTAN ARI HAMAMATE NI TUHAN JESUS.
R: Tongon do angka sahitta diusung Ibana, jala angka pardangolanta diporsan.
U: Ala ni pangalaosionta Ibana tartullang, binahen ni hajahatonta Ibana mabugang.
Ampe tu Ibana pinsangpinsang parhitean ni hasonanganta, jala binahen ni
bugangNa malum itahilala.
R: Taida ma induk ni haporseaonta na manaon haporsuhon dohot haleaon ala ni
hita.
U: Hita hian do na ingkon hona bura ni patik alai sude bura i nunga dituhuk Jesus, Anak
ni Debata Parholong roha na so hatudosan i. Antong, beta ma hita marsomba tu
Ibana, marsinggang ma hita tu adopan ni sihophop hita. Tapatubegehon ma
soaranta, marende ma hita :
02. Marende BE No. 83 : 1 - 3 NA LAO DO BIRUBIRU I
 Na lao do Birubiru i Mamorsan angka dosa. Ni nasa hajolmaon i Di benget ni
rohana. Diporsan do sahitta i Di lehon do DiriNa i. Tu tangan ni pamunu Ditaoni do
na bernit i. Ro di na tos hosaNa i Didok : Naeng porsanonku.
 Ianggo Birubiru i , Ima alealengku. Na paluahon tondingki Disuru Debatangku.
Didok mandok AnakNa i Sai topot ma pardosa i. Naung sun tinoruanku Balga tutu
do rimashi. Alai tarbaen do mombun i Horhonon ni mudarMu
 Na olo au, ale Amang . Sian sandok rohangku. Pasauthon lomo ni rohaM, RohaM
sambing do guru”. O holong ni rohaNa i Tung aha do tudosanmi. Na songon ho
margogo ? Dilehon Debata hape. AnakNa lao manaon sude Sitaonon ni na mago
03. VOTUM – INTROITUS – TANGIANG:
U : Marhitehite Goar ni Debata Ama dohot Goar ni AnakNa Tuhan Jesus Kristus dohot
Goar ni Tondi Parbadia, na tumompa langit dohot tano on. Amen. Sintua ni malim
si songoon i do tama di hita, na badia, na so jahat, na so marlindang, na so
marbolat sian angka pardosa, naung gabe tumimbo sian angka banua ginjang.
R : Na so pola ganup ari songon angka sintua ni malim i mamboan jumolopelean
taringot tu angka dosana sandiri, dungi taringot tu dosa ni natorop i,
U : Ai sahali do i diulahon, di na mamelehon diriNa Ibana. Haleluya.
R : (Mangendehon): Haleluya, Haleluya, Haleluya!
U : Martangiang ma hita! Ale Amanami jala Debatanami! Parasiroha na sumurung do
Ho di sude jolma Manisia. Nunga dilehon Ho AnakMu, Tuhan Jesus Kristus
Tuhannami, manaon haleaon, dohot siak ni bagi, pola mate tersilang, asa malua
hami sian gomgoman ni sibolis. Sai parrohai ma hami mamingkiri panaonon ni
anakMi, asa maruli hami marhite sian i di hasesaan ni dosa dohot di haluaon sian
hamatean paduahalihon, asa dapot hami hangoluan salelenglelengna marhitehite
Tuhan Jesus Kristus Tuhannami, Anak haholongan ni rohaM. Amen.
04. Marende BE No. 81 : 2 + 6 JESUS, MUAL NI NGOLUNGKU
 Haleaon, insakhinsak, reherehe, tijur pe. Tali dohot pastappastap, tung ditaonhon Ho
sude. Paluahon au na pogos, sian tangan ni sibolis. Alani hupuji Ho, tung marribu
hali do.
 Sai pinuji ma GoarMu Ala ni na bernit i . Dohot ala ni mudarMu Jesus na nilehonMi
Lao pasaehon dosanami Asa unang mago hami . Ho hupuji ala ni Salelenglelengna i.
05. PATIK : Rom 6 : 13
06. Marende BE No. 412 : 1 + 2 NDI DI DOLOK ADUI
 Ndi di dolok adui silang ni Tuhan I, Sap mudar, sap tijur do i. Jesus mate disi asa
malum dibaen sude angka gondok roha i. Dibaen i, tung holong rohangki mida
silang di Golgata i, Hupasolhot diringku tusi. Dompak surgo pardalanan ki.
 Dileai jolma i silang ni Tuhan I, Hape, haluaon do i. Nang godang dosangki, alai
sesa do i, Dibaen mudar na durus disi. Dibaen i,………
07. MANOPOTI DOSA:
U : Tatopoti ma dosanta na godang i tu adopan ni Debata, martangiang ma hita! Ale
Tuhan Debata, Ama ni Tuhan Jesus Kristus, Ho do Debata pagogo na so hatudosan,
sitompa nasa na adong, paruhum na tigor, na manguhumi jolma manisia! Na ro do
hami tu joloM manopoti dosanami, angka na huula hami marhite sian
pangalaosionnami di patikMu, i ma marhite sian hatutubu ni rohanami na roa i,
nang sian pangkataionami na so ture, ro di pangoloionnami di hisaphisap ni
rohanami. Na tama situtu do hona uhum hami ala ni dosanami i, alai natarsolsol
bagi do hami nuaeng ala ni i. Asi ma roham di hami, ale Debatanami.
Pardengganbasa jala parasi roha do Ho ala ni Anak haholongan ni rohaM, Tuhan
Jesus Kristus Tuhannami. Sai sesa ma dosanami saluhutna, jala suru ma Tondi
Parbadia tu rohanami be, asa tarbahen hami tu hangoluan na so ra suda, na
pinarbagabagaM di angka na porsea di anakMu, Tuhan Jesus Kristus Tuhannami.
Amen
R : (Mangendehon) BE No. 686 : 1 “RAMUN DO AU“ BL. 686
 Ramun do au di joloMi, gok dosangki urasi au. O Jesus birubiru i, dison do au patau ma au.
1
U : Bagabaga ni Debata Taringot tu hasesaan ni dosanta: “Ala ni pangalaosionta do
umbahen na tartullang Kristus, jala binahen ni hajahatonta do Ibana mabugang.
Ampe tu Ibana pinsangpinsang parhitean ni hasonanganta, jala binahen ni
bugangNa malum itahilala.” Hasangapon ma di Debata na di ginjang.
R : Amen.
08. KOOR : Ina Kamis
09. Marende BE No. 426 : 2 + 4 TUTU NA MATE JESUS I
 Tutu na mate Jesus i siala dosangki?. Na lao pasaehon utangki dibahen holongNa i?
Songon i tutu, songon i tutu. Umbaen na mate Jesus i siala dosam i.
 Tama huhuphup bohingkon marsinggang di joloM. Mariluilu matangkon marningot
basaMon. Songon i tutu, songon i tutu. Umbahen na mate Jesus i siala au tongon.
10. E P I S T E L : HEBER 4 : 14 – 16
11. KOOR : Punguan Ama
12. Marende BE No. 622 : 1 + 2 MANSAI NALNAL DI ANGKA PARTINGKIAN
 Mansai nalnal di angka partingkian, Sinondang ni silangMu Tuhanki,
Sian hatiuron na marsinondang, HolongNa na so halampoan I
Sude na bangso do marpanghirimon, tu sondang ni asi ni roha I,
Songon parluga na manghalungunhon parbinsar ni mata ni ari i.
 SilangMu Kristus tanda ni holongMu pahisar tondi na magopu I
Mangalononghon sasude dosangku mabaor tu laut asi ni rohaMi.
Naung tubu hami gabe na imbaru, Na ni urasan sian dosa I
Ala mudarMu na ni usehonMu Di Golgota di hamamateMi.
13. MANGHATINDANGHON HAPORSEAON :
14. KOOR : Ina Eklesia
15. SUNGGULSUNGGUL dohot TANGIANG PANGONDIANON
16. KOOR : Remaja - Naposo
17. Marende BE No. 84 : 1 – 3 “AUT NA GINORGA TU ROHANGKU” (Pelean)
 Aut na ginorga tu rohangku, bohiM di na lao mate Ho. Aut na huingot o Tuhanku,
tongtong pangkophopMi di au. Ai Ho do paluahon ahu, dosangku do pinorsanMi
Didaoni Ho parsahitonku, martua au binahen ni i.
 Sai jalo ma’au ale Tuhanku. Baen upa ni na tinaonMi. Sai naeng ingoton ni rohangku,
tung sasude na binaenMi. Humophop au pardosa godang, dibahen holong ni
rohaM. Hinorhon ni tarbaen au sonang, laho mandapothon banuaM
2
 Mauliate ma rohangku, di Ho o Jesus Tuhanki. Ho naeng tongtong haholonganku
Marningot denggan basaMi. Antong sai tiop ma tanganku, manogu au tu
lambungMi. Dijalo Ho do tangiangku, sai pos do rohangki di si.
14. JAMITA: JESAYA 52 : 13 – 15
15. Marende BE No. 86 : 1 - - - “SILANG NA BADIA I” ( Papungu Pel. II)
 Silang na badia i Ho do lombulombungki. Maralohon dosa i dohot pandelean i. Di
sude sitaonon i Ho ma lombulombungki
 Nasa na huula i ndang tau hasonanganki. Nang ringkot pe rohangki pola ro nang
ilungki. Holan asi ni rohaM pangurupi o, Tuhan
 Ro do au nuaeng tu ho, sai palambas ma rohaM. Nunga pola mate Ho, ala asi ni
rohaM.Jangkon au na dangol on, sai ulosi tondingkon.
 Dosa patundukkon au, ho ma mangondihon au. Ramun situtu do au, mudarMi
mamuri au, Na pogos, Dangol au on. Ho ma artangki tongtong.
16. ULAON NA BADIA
1. Marende BE No. 152 : 1 “Jesus Na Mamorsan”
 Jesus na mamorsan, dosa ni portibi on. Pangolu hami. Jesus na mamorsan, dosa ni
portibi on. Pangolu hami. Jesus na mamorsan, dosa ni portibi on, sai pasonang
hami. Amen, Amen, Amen.
2. Agenda/Liturgi Ulaon Na Badia
3. Marende BE No. 153 : 1 “O Jesus naung sineat”
 Jesus naung sineat di hau na pinarsilang. RohaM tongtong daulat, nang uju Ho
tarhilang. Marutang hosa hami, ditaon Ho dosanami, asi rohaM o Jesus.
4. Agenda/Liturgi Ulaon Na Badia
5. Marende BE No. 702 : 1 “Panganma roti on”
 Panganma roti on, Ima daging ni Tuhan Jesus. Inum ma siani, mudar ni Tuhan do
i.
6. Marende BE No.435 : 1 “Marolopolop Tondingki”
 Marolopolop tondingki, ai naung ditobus Jesus i. Hamu sude, bege ma i, sai las
rohangku mandok i. Sonang ni tingki i, dung jumpang Jesus Tuhanki. TondiNa
mangajari au, tarbaen marlas ni roha au. Sonang ni tingki i, dung jumpang Jesus
Tuhanki.
17. TANGIANG PANUTUP