Ev. Job 12 : 13 - 25 Ep.

1 Korint 1 : 26 - 31

Minggu, 29 Januari
2023
1
1. Marende BE HKBP No. 17 : 1 - 3 “RAJA NA TUMIMBUL”
¯ Raja na tumimbul sigomgomi hami, jalo ma pujiannami. Denggan ni basaM do
pangoluhon hami, atik pe mardosa hami. Sai apoi pargogoi hami mangendehon,
sangapMi o Tuhan
¯ Sai dipuji langit jadijadianMu, saluhut pambahenanMu. Parsinondang bolon na
marpamongguri, Ho o Tuhan do dipuji. Bulan i bintang pe Ho do pinujina, dohot
sinondangna. ---Musik---
¯ (Jongjong) Dohot do tondingku tungkap di adopan ni habangsaMi o Tuhan. Nang
sude donganhu, nasa na marhosa pujionna do Jahowa. Sai tongtong na sintong
holan Debatanta do sipujionta.
2. Votum – Introitus – Tangiang :
U: Marhitehite Goar ni Debata Ama, dohot Goar ni anakNa Tuhan Jesus Kristus,
dohot Goar ni Tondi Parbadia na tumompa langit dohot tano on. Amen. Sai
pabotohononMu do tu ahu dalan hangoluan, gok do las ni roha di adopan ni
bohiM, angka hasudungan ni roha do di siamunMu saleleng ni lelengna.
Haleluya!
H: (Mangendehon): Haleluya, Haleluya, Haleluya
U: Martangiang ma hita! Ale Tuhan Jesus Kristus, Ho do panondang na sintong, na
manondangi ganup jolma na di portibi on! Sondanghon ma bohiM tu hami jala
parbadiai ma rohanami, asa hutanda hami dalan hangoluan marhite sian i. Sai
rajai ma hami, asa unang manimbil hami sian dalan na sintong i. Ale Tuhan
Jahowa, patongtong ma rohanami marhaporseaon tu Ho marhitehite Tondi
Parbadia! Amen. ( Hundul )
3. Marende BE No. 72 : 4 “HEHE MA HAMU PARBEGU”
¯ Jesus sondang ni tondingku na patiur sasude. Sai palua ma rohangku, sian dosa
sasude. Taiti dohot rohangkon tu na tiur i tongtong.
4. P a t i k :
U: Tatangihon ma Patik ni Debata na tarsurat di Mateus 11 : 29. “Jangkon hamu ma
augangKu, marguru ma hamu tu Ahu, ai na lambok do Ahu jala na serep
marroha, asa dapotan hasonangan tondimuna.” Antong, rap mangido gogo ma
hita tu Debata.
H: Ale Tuhan Debata sai pargogoi ma hami mangulahon na hombar tu patikMi. Amen.
5. Marende BE No. 481 : 1 - 2 “GODANG DOPE”
¯ Godang dope siguruhononMi asa tudos ho dohot Tuhanmi. Sai tong na hurang
hatigoranmi, so tuk dope haporseaonmi. Dirim sambing dihaholongi ho,
donganmu laos dihalupahon ho. (Jongjong)
¯ Tuhanta Jesus tiruanmu do, na holong roha di au nang di ho. Ai diseahon do
diriNa i, singkatta lao tu hamatean i. Ndang na dialang holong roha i, ai naeng di
hita hangoluan i.
2
6. Tangiang Manopoti Dosa:
U: Tatopoti ma dosanta, martangiang ma hita! Ale Amanami jala Debatanami, na di
banua ginjang, Pargogo na so hatudosan! Pardengganbasa do Ho, jala ro di
salelenglelengna do asi ni rohaM. Sai marpamuati ma rohaM di hajahatonnami,
jala sai unang be ingot angka dosanami.
H: Ai jotjot do hami mardosa maradophon Ho, jala jotjot do husungguli hami
rimasMu marhite sian pangalaosionnami, di hataM.
U: Ale Tuhan Jahowa, sai unang paingotingot pangalaosionnami, unang alang asi ni
rohaM, sai urupi ma hami, Ho ale Tuhan Debata hatuaonnami, palua hami, jala
sesa dosanami, ala ni AnakMu, Tuhan Jesus Kristus, Tuhannami.
H: Amen.
U: Tabege ma bagabaga taringot tu hasesaan ni dosa! Songon on do Hata ni Tuhan
Jesus: Ro ma hamu tu Ahu, hamu angka na loja jala na sorat, hupasonang pe
hamu. Buat hamu ma augangKu tu hamu, guruhon hamu ma sian Ahu, ai na
lambok do Ahu jala na serep marroha, asa dapotan hasonangan tondimuna. Ai
lambok do augangKu jala neang do dohot na hupaporsanhon. Hasangapon ma di
Debata na di ginjang!
U + H : Amen. (Hundul)
7. Marende BE HKBP No. 699: 1 + 4 “SINGKOP DO ASI NI ROHAM”
¯ Singkop so asi ni rohaM tu au na dangol on. Na lilu ahu na hinan nuaeng
jumpang do.
¯ Hutiop bagabagaMi di pardalananhi. Ho Tuhan lombulombungki di paraloan i.
8. E p i s t e l:
U: Tatangihon ma Hata ni Debata turpuk Epistel di Minggunta sadari on, tarsurat di
1 Korint 1 : 26 – 31. Bereng hamu ma, angka dongan, panjouonNa di hamu:
Ndang piga hamu na bisuk mangihuthon sibuk, ndang piga na gogo, ndang piga
na sangap hian.
H: Alai na oto di roha ni portibi on dipillit Debata, laho pailahon angka na bisuk;
jala na gale di portibi on dipillit Debata, laho pailahon na gogo.
U: Angka na teuk di portibi on jala na marlea dipillit Debata: Tung sisoada i do, asa
soadahononNa naung jongjong hian,
H: Asa unang manenganenga agia ise jolma maradophon Debata.
U: Alai sian Ibana do umbahen na di bagasan Kristus Jesus hamu, ai Ibana do gabe
habisuhon di hita sian Debata dohot hatigoran dohot habadiaon dohot haluaon.
H: Asa saut na tarsurat i: "Na naeng mamuji dirina, mangasahon Tuhan i ma ibana
mamuji!"
U: I do sahatna. Martua do angka na tumangihon Hata ni Debata jala na umpeopsa.
Amen.

3
9. Marende BE HKBP No. 471: 1 + 3 “HUPILLIT JESUS DONGANHI”
¯ Hupilit Jesus donganhi lao mangoloi Ibana. Nang muruk pe torop disi labangku
do Ibana. Di Ho ngolungku ro diajalhu, Jesus di Ho au mate, mangolu. Di Ho
ngolungku ro diajalhu, Jesus di Ho au mate, mangolu. (Jongjong)
¯ Rohangku baen ingananMi, patiur ma langkangku. Huhatindanghon ma disi Ho
Jesus palitongku. Di Ho ngolungku ro diajalhu, Jesus di Ho au mate, mangolu. Di
Ho ngolungku ro diajalhu, Jesus di Ho au mate, mangolu.
10. Manghatindanghon Haporseaon:
11. Tingting – Tangiang Pangondianon
12. Koor : MANNEN
13. Marende BE HKBP No. 232 : 1. SIAN SUDE PARULIAN NA ARGA (Pel.Ia, Ib)
¯ Sian sude parulian na arga, sada huboto hutiop tongtong. Jesus Tuhanhu Ho arta
na arga, na mangatasi sudena antong. Tangkup Tuhanmu tung tiop hataNa, sai
pangasahon ma bagabagaNa.
¯ Naeng ho pistar? Sai dapothon Tuhanmu, nasa na hurang sai boan tusi. Tu
pamodaiNa paunduk rohamu, asa tiur sasude bogasMi. Tangkup Tuhanmu tung
tiop hataNa, sai pangasahon ma bagabagaNa. ---Musik---
¯ Naeng ho tigor? Pangasahon Tuhanmu, na tuminggalhon sangapNa sude. Na
gabe jolma pasaehon dosamu, golom ma, aithon panghophopNa i. Tangkup
Tuhanmu tung tiop hataNa, sai pangasahon ma bagabagaNa.
¯ Naeng ho mangolu salelenglelengna? Di Tuhan Jesus do jumpang ho i. Nunga
torang ditaluhon sibolis, nang hamatean sigomgom sude. Tangkup Tuhanmu tung
tiop hataNa, sai pangasahon ma bagabagaNa.
14. J a m i t a: Job 12 : 13 – 25.
15. Marende BE HKBP No. 288:1…“NA MARGURU DO LUHUTNA” (Pelean II)
¯ Na marguru do luhutna di Jahowa Debatanta dohot panumpakNa i. Nasa na
marpos ni roha, na manghirim di Jahowa i do na martua.
¯ Na marmudu nasailaon au umbaen marhatuaon, Debatangku i tongtong. Na ture
manogu ahu, mian do tongtong di ahu, dohot tu joloan on. ---Musik---
¯ Lan do dipasari jolma na so tau hasonanganna, jala na so hot muse. Anggo
sangkap ni rohangku, Debata naeng haposanhu na manompa sasude.
¯ Panghirimon do pasonang roha ni na marhaposan tu Jahowa Debata. Ai tu asi ni
rohaNa hupasahat do sudena, sai dibaen do na tama. ---Musik---
¯ Debata do na umboto na ture di au na oto, na martingki do sude. Tung
Ibanajaranhu ? Tagonan undukhononhu nasa sibaenonNa pe.
¯ Tingki ni ariaringku guru do di Debatangku, sai rohaNa ma na saut. Asal sahat au
tu surgo, lao tusi do au manggogo songon batang aek tu laut.
16. Mangojakhon Guru Huria :
17. Marende B.E. No.701: 1 “Tu Ho do au marpadan”
4
 (Ro ma tu jolo na naeng diojakhon)
¯ Tu Ho do au marpadan, o Jesus Tuhanki, Asa burju haposan, au di adopanMi,
Sai Ho ma mandongani, au di ulaonki. Ajari pargogoi, ma au di dalanki
18. Hata Patujolo:
a) Praeses : Laho manguduti Panghobasion di Huria on, tabege ma Surat
Keputusan ni Ephorus HKBP taringot tu penempatan ni Gr. Ganda Pratama
Sibarani, S.Pd.K.
b) (Manjaha SK, na ni jahahon ni .....).
c) Praeses : Ihut tusi laos tabege ma di jahahon ulaon ni Guru Huria hombar tu
Agenda Huria Kristen Batak Protestan (HKBP),
d) Manjaha Ulaon ni Guru Huria:
1. Dongan ni Pandita do hamu manguluhon jala mamatamatahon ruas ni huria
na masuk tu Huria Kristen Batak Protestan. Hamu do dongan ni Pandita,
laho manjamitahon hata hangoluan na tarsurat di Padan na Robi dohot di
Padan na Imbaru di tongatonga ni Huria sipasahaton tu hamu be.
2. Ala parjamita di Huria hamu, bahenonmuna ma nasa gogomuna marmahani
birubiru ni Tuhanta, i ma angka ruas ni Huria na balga nang na metmet, na
poso dohot na matua, na marsahit dohot na hisar, na jengkel dohot na burju.
Apulanmuna ma angka na marsak, tungkolonmuna angka na mabalu dohot
angka na tading maetek.
3. Laos songon i apoanmuna halak sipelebegu dohot halak silom dohot sandok
angka na asing pe na manimbil sian Hata ni Debata dohot sian HuriaNa, asa
dohot nasida marsaulihon na pinatupa ni Tuhan Jesus, ojahan ni
haporseaonta i.
4. Ala guru hamu di Huria Kristen Batak Protestan, pasahaton ma muse tu
hamu angka dakdanak siajaranmuna/sitogutoguonmuna. Tamba ni angka
parbinotoan sikola ajarhononmuna ma tu nasida nang Hata ni Debata,
anggiat tartogu nasida tu panandaon di Tuhanta Jesus.
5. Asa saut angka na nidok ondeng, ingkon marparange na denggan ma hamu
di jolo ni Debata nang di jolo ni jolma. Tau tiruan ma hamu di angka
napinasahat ni Debata tu hamu. Sandok hata naung pinasahat tu hamu, radoti
hamu ma sian nasa rohamuna hombar tu Hata ni Debata na mamolin i.
e) Praeses: Nunga dibege hamu ulaon ni Guru Huria hombar tu na niaturhon ni
Agenda Huria Kristen Batak Protestan (HKBP) : Na olo do hamu mangaradoti
ulaon songon naung pinajojor i ?
f) Naniojakhon: Na olo do ahu, sai dipargogoi Tuhan i ma ahu patupahon
saluhutna i.
g) Mangojakhon (Masijalangan) Praeses : Di bagasan Goar ni Debata Ama, dohot
Goar ni AnakNa Tuhan Jesus Kristus, dohot Goar ni Tondi Parbadia, ahu Praeses
5
 HKBP Distrik V Sumatera Timur, mangojakhon hamu gabe Guru Huria
Fungsional HKBP Perdagangan Jln. Kartini Resort Persiapan Maranahta –
Perdagangan Resort Bandar Maratur Distrik V Sumatera Timur on. Dipargogoi,
diurupi, ditogutogu jala dipatau Tuhan i ma hamu mangulahon ulaon naung
pinasahat tu hamu sadari on. Amen.
h) Pasahathon tu Huria (Uluan Huria mangadop tu Ruas). Praeses : Di hamu
Amanami/Inanami dohot saluhut ruas ni huria ni Tuhanta, nunga ojak sadarion
Guru Huria laho manguduti panghobasion di Huria on, ala ni i jangkon hamu ma
nasida di bagasan holong dohot las ni roha, huhut tangiangkon hamu ma nasida
asa di patau Tuhanta patulushon lomo ni roha ni Tuhan i di huriaNa on, Amen.
Martangiang ma hita : Ale Tuhan Debata mauliate ma dipasahat rohanami tu Ho,
ala dihaholongi Ho do huriaM marhite parsuruonMu di angka naposoM.
Dihalashon rohanami do ala naung ojak naposoM sadarion on laho
manguduti panghobasion di Huria on, asi ma rohaM Ho ma na mangurupi
dohot napatauhon naposoM manghobasi ulaon na pinasahatMu tu nasida di
huriaMon, pasupasu nang keluarga asa parsidohot gabe sitindangi di huriaM on.
Amen.
i) Hata Patujolo Sian Gr. Ganda Pratama Sibarani, S.Pd.K.
j) Hata Sambutan sian :
 Mewakili Ruas
 Mewakili Parhalado
 Pandita Persiapan Resort / Pandita Resort
k) Marende No. 763 : 1 ”Molo Jesus donganmi”
¯ Molo Jesus donganmi las roham, Jesus i pangurupim, las roham, Hot
haporseaonmi dohot pos ni roha mi, Mardonganhon Jesus i las roham.
¯ Las roham, las roham mardonganhon Jesus i.Las roham, marsinondang ma
di ho,bintang pangkirimon i mardonganhon Jesus i las roham.
19. Tangiang Pelean dohot Pasupasu.