ACARA PENGHIBURAN SIAN KELUARGA

A.      Hata Huhuasi

1.     Hata Huhuasi
2.     Marende Huria BE. No. 227: 1-2 Jesus Ngolu Ni Tondingku
                1.     Jesus ngolu ni tondingku, Ho do haporusanki
                        Gok di Ho na ma diringku, ro di nasa langkaki
                2.     Lam tangkas ma patuduhon, tu au on panghophopMi
                        Asa i huhalungunhon, hot ma au di lambungMi

      3.   Tangiang Pamuhai

      4.   Marende BE. No. 474 : 1-2 "Ingkon Jesus Do Donganku”

            1)    Ingkon Jesus do donganku, sahalangku lilu do.
                   Raphon Jesus boi au monang, talu musu i na ro.
                   Ndang mabiar au disi, Tuhan Jesus donganki,
                   Sai ihothononku Jesus, oloanku nama i.
          2)     Ingkon Jesus do donganku, molo marsitaonon au.
                   Tu Ibana hutinggangkon, nasa na pasorat au.
                   Ndang mabiar….
     
      5.   Mandok Hata Mewakili:
a.     Ruas Parompuan
b.     Ruas Ama
c.     Parhalado
d.     Mangampu Hasuhuton
                                                      
        6.       Marende Huria BE. No. 707: 1 Hagogoon Dohot Apulapul ...
         1.     Hagogoon dohot apulapul do dilehon Tuhan i tu au.
                 Ganup ari au ditogutogu jala sai dipargogoi do au.
                 Ai hombar tu lomo ni rohaNa do dilehon Tuhan i tu au.
                 Ro marsorin arsak las ni roha, haporseaonku dipatau.

 7.     Renungan:

 8.     Marende Huria BE. No.280: 1+3 Tongtong Tutu Na Denggan Do

   1.   Tongtong tutu na denggan do pambaen ni Debatanta
         Matua so solsolan do sude do i  marhata
         Pos ma roham di Debatam ihuthon  ma Ibana. Na bonar do rohaNa
              3.    Diboto Debatanta i na denggan i di hita
                     Na so tagamon baenon ni na so ture di hita
                     Dibahen i di rohangki denggan do unduk hita. Di hata ni Tuhanta.
     
      9 .   Tangiang Ale Amanami – Pasupasu
 B.    Hata Huhuasi

         2.    Marende BE. No. 279 : 1-2 "Pasahat Ma Sudena” 

            1)      Pasahat ma sudena Na hinolsohonmi
                     Tu Debata Jahowa Pardenggan basa i
                     Ai guru di Ibana Do tano dohot laut
                     Lan pe di tahi jolma Roha na do na saut
            2)     Tung ingkon haposanmu Jahowa Debatam
                     Disi ma dapotonmu Sinangkap ni roham
                     Ai ndang adong gunana Nang pe holsoan ho
                     Tangiang do dalanna Asa taruli ho.

       3.  Tangiang Pamuhai

       4.  Marende BE No. 474 : 1-2 "Ingkon Jesus Do Donganku” 

            1)     Ingkon Jesus do donganku, sahalangku lilu do.
                     Raphon Jesus boi au monang, talu musu i na ro.
                     Ndang mabiar au disi, Tuhan Jesus donganki,
                     Sai ihothononku Jesus, oloanku nama i.
            2)     Ingkon Jesus do donganku, molo marsitaonon au.
                    Tu Ibana hutinggangkon, nasa na pasorat au.
                    Ndang mabiar….

          5.   Mandok Hata

            1)      Hata Huhuasi sian Hasuhuton
            2)      Sian boru
            3)      Siang Punguan
            4)      Mangampu Husuhuton
             
       6.   Marende BE No. 806 : 1+3  "Aha Pe Masa Dingolumon “ 
             1)  Aha pe masa dingolumon Tuhan manjagaho. HolongNa do mangondihon ho
                    Tuhan manjaga ho. Tuhan manjaga ho las pe roham marsak pe ho,
                    Sai diramoti ho. Tuhan manjaga ho.
             2)    Molo borat siporsanonmi Tuhan manjaga ho, Tung pe golap parnidaanmi
                    Tuhan manjaga ho. Tuhan manjaga ho las pe roham marsak pe ho,
                    Sai diramoti ho. Tuhan manjaga ho.

        7.  Jamita

           8.   Marende BE No. 504 : 1-2  "Ditogu Tuhan Jesus Au” 

             1)   Ditogu Tuhan Jesus au, i do na mangapuli au.
                   Diganup dalan nang tung maol,
                   tanganNa do tongtong huhaol,
                   Ditogu togu Jesus au, tanganNa sai maniop au,
                   Tongtong ma siseanna au, paima baoi tu surgo lao.
             2)   Holom pe angka dalan i, dilinggom hamatean i,
                   Tiur pe angka ari i, tung guru do di Tuhanki.
                   Ditogu togu Jesus au,...............

        9.       Tangiang Penutup

JAMITA :
Jesaya 55 :  6 - 9  “Marhamubaon asa Unang Mago”

Adong ma sada Ama ro mandapothon sada parpangkas. Dung sahat ama I,

disuruh parpangkas on ma ama I asa hundul asa dipangkas obukna. Ditingki
dipangkas, manghata-hata I nasida jala sahat ma manaringoti Debata. Didok
parpangkas on ma tu ama I “ Dang huhaporseai adong Debata, Amang”, “Boasa?”
didok ama i. “Ida ma di salah satu bukti, di duru an, molo adong do Debata boasa
godang angka sahit dohot na marsahit, holsoan, hatahuton dohot parporangan. Molo
adong do Debata, pasti ndang masa na songon on”, didok parpangkas i. Ndang adong
nanggo saotik dialusi amanta on parpangkas I, jolo sidung ma dipangkas baru ma asa
hudok hatangku, inna ama I ma dibagasan rohana.

Dung sidung dipangkas, baru dope haruar amanta on sian inganan parpangkas I, diida
ibana ma adong sada ama na obukna ganjang, kotor, huhut misena pe dohot janggutna
ndang diatur dohot denggan. Didapothon amanta on ma parpangkas I, huhut di dok,
“Ndang adong parpangkas di portibi on, Amang, bah!” “Ai boasa didok hamu songon I,
Amang? Ai baru dope hamu marpangkas, kan?” Ninna parpangkas I ma tu ibana. “Molo
adong do parpangkas, ndang songon I jorbut ni amanta I, Ida ma na di duruan” ninna
amanta i. Haruar ma parpangkas I jala diida ma na nidok ni amanta i. “Oh..Ndang na so
ada parpangkas, Amang, amanta I do na so ro tu hami, mandapothon hami, asa
marpangkas nasida”. Didok parpangkas i. “Immada, pas do nian anggo alusmuna I,
Amang. Jala songon I do alushu tu na nidokmuna I, Adong do Debata, Amang, jolma I
do na so olo ro tu adopanna, umbahen masa ma angka sahit, holso, porang dohot
ragam angka na asingna i.” ninna amanta I ma huhut manadinghon parpangkas I na
mangarimang rimangi na nidok amanta i.

Huria ni Tuhanta, Hata ni Debata on mandok tu hita, asa taparhaseang tingki na

dipasahat Debata tu hita asa tongtong mangalului Jahowa di tingki las rohanta
tarlumobi ma di tingki di bagasan hasusaan hita, godang angka haporsuhon na masa di
hita, kegagalan, na boi mambahen hita stress.  Alani I ringkot do hita mangalului Tuhan
I, huhut dibagasan unduk dohot serep ni roha mangongkui jolma na gale do hita, jala
ingkon marhaposan dohot marhaporusan do hita tu Ibana

Boasa ma ingkon mangalului Tuhan I do hita?  Ala Ibana do na boi mangurupi hita. Ai
dang boi portibion mangalehon alus dohot jaminan di angka na taadopi di portibi on.
Alani I unang mangondolhon dohot marsigantung hita tu angka na adong di portibi on
isara hepeng , hamoraon, pangkat, jabatan, hapistaran dohot gogonta, ala marisuang
do saluhutna i. Ingkon tu Debata Jahowa do hita ro mangido pangurupion, ala Ndang
adong na so tarpatupa Debata (Luk. 1:37), Ai songon timbo ni angka langit sian tano
on, songon I do tumimbo angka dalanHu sian dalanmuna I, jala angka pingkiranHu sian
pingkiranmuna I (Jes 55:9). Jala ingkon taingot, molo talului Debata, tujuanna
asa mangolu hita (Amos 5 : 4, 6a). Alai dang holan mangalului Jahowa jolma I, huhutma
ingkon diingot, jolma pardosa do ibana, ringkot do manesa dosa, jala manadinghon
angka dosa dosana, angka hajahatonna, angka na disangkapi rohana na so
dihalomohon Debata, jala mulak tu Debata, marhitehite tangiang dohot pangalaho nang
hata na patuduhon adong hamubaon ni roha di ngolu siganup ari asa mulak ma roha ni
Debata ala buas do rohaNa manalesei, asa mangolu jolma i.

Pardalanan dohot pengalaman ni ngolu ni halak Israel/ halak Juda, gabe sada
parsiajaran na arga ma on di hita na mangolu di zamanta saonari on, na masa angka
sahit covid 19, ancaman porang nuklir, senjata biologi, ekonomi, bencana alam dohot
angka lan na asingna dope. Di tingki bangso Juda tutu situtu mangalului Jahowa,
dipauba rohana, masa ma di bangso I, keamanan, dohot hamonangan. Alai molo
manandinghon Debata, haporsuhon ma jambarnasida. Alani I ma talului ma Jahowa
ganup ari, ganup tingki marhitehite tangiang, manangihon Hata ni Debata, manjaha
Hata ni Debata, huhut marpangalaho na ture hombar tu lomoNa. Alai talului pe Debata
ala jolma pardosa do hita, ndang tolapta malua sian dosa, sibolis dohot hamatean,
holan Debata sajo. Mauliate ma dilehon Jesus Kristus tu hita, asa malua hita sian
hamatean. Alani I ro ma hita tu Ibana, muba ma hita asa unang mago manang mate,
asa mangolu hita. Mulai ma saonari, unang paima ari sogot be asa mangolu tondinta I,
di portibi on dohot di inganan na diparade Tuhan i. Amen

(Sai Tong do Mangaranap Mataku tu Jahowa)

 
& Ev: Jesaya 55:6-9                      & Ep: Lukas 13:1-9
 
TOPIK:
MARHAMUBAON NI ROHA, ASA UNANG MAGO
 
HKBP PARGODUNGAN DOLOK SANGGUL
 RESSORT DOLOK SANGGUL
RABU, 16 Maret 2022
 
1.  Joujou mamuji Debata:    
U  :Horas ma di hita saluhutna ruas ni huria ni Tuhanta na hinaholongan! Manongtong
ma hita mamuji dohot pasangaphon Tuhanta I, na sai mangaramoti hita, na
mangalehon asi ni roha, pangurupion dohot haluaon di hita  sahat tu  ari sadari on. 
R  :Hupuji hami ma Ho ale Tuhan,  na mangalehon tingki parasian dohot ari
haluaon di hami na tinompaMi.
U  :Marharoroan sian Tuhanta i do ianggo holong ni roha na so marpangansi. Naeng
mian i di hita angka naung porsea di bagasan Jesus Kristus, anggiat lam ringgas hita
martangiang tu Tuhan I mangido hasesaan ni dosa dosanta I, asa tama hita diadopan ni
Tuhan i.  Dibahen i ingkon tapauba ma rohanta dohot pangalahonta songon na 
nitonahon ni topik partangiangan hita bodarion, MARHAMUBAON NI ROHA, ASA
UNANG MAGO. Antong tapuji ma Debata  Ama ni Tuhanta Jesus Kristus, rap dohot
Tondi Parbadia. Marende ma hita! 
2. Marende BE No 677 : 1 – 2 “Mansai Lambok”

 Mansai lambok Tuhan Jesus manjou, Manjou ho dohot au / Ida Ibana paima
haroromu, Mulak ma ho dohot au / Antong sai ro ma ho, Angka na sorat sai
ro ma ho / Mansai lambok Tuhan Jesus manjou, Pardosa mulak ma ho
 (Jongjong) Unang ho ganggu dapothon Tuhanmu, Na manjou ho dohot au /
Jangkon asi ni roha ni Tuhanmu, Sihophop ho dohot au /

3. Votum     
U  :Marhitehite Goar ni Debata Ama dohot Goar ni AnakNa Tuhan Jesus Kristus dohot
Goar ni Tondi Parbadia, na tumompa langit dohot tano on. Amen.
R  :Sai tong do mamerengi matangku tu Jahowa, ai Ibana do mangenet pathu
sian jorgong. Sai dompakhon ma ahu, jala asi rohaM di ahu, ai punjung jala na
dangol do ahu.
U  :Ho do ale Jahowa, dihalungunhon rohangku. Ale Debatangku, marhaposan tu Ho
do ahu, sai unang paila ahu. Haleluya!
R  :(Mangendehon BE 851) Haleluya, Haleluya, Haleluya!
U  :Martangiang ma hita! Ale Amanami na di banua ginjang, Parasiroha na sumurung di
sude jolma! Ndang diolani Ho AnakMu na sasada i, dilehon Ho do Ibana humophop
hami mamorsan dosanami sahat tu hau na pinarsilang i. Sai patogu ma rohanami, asa
unang ganggu rohanami manghaporseai hasesaan ni dosanami, asa unang mandele
hami ala ni dosanami, alai asa pos situtu rohanami di asi ni rohaM na godang i
marhitehite Tuhan Jesus Kristus Tuhannami, Anak haholongan ni rohaM i. Amen.
4. Marende BE 675 : 1 “Hamu Sude Na Sorat I”

 Hamu sude na sorat i binaen ni dosa I, Hatop ma ro tu Jesus i, sonang ho

baenonni I / Sai porsea ma tu Jesus Sipalua I, Molo pos roham di Jesus dame
rohami

5. Epistel:
U:      Hata ni Debata Epistel di Partangianganta on  tarsurat di Lukas 13 : 1 -
9                       tajaha ma marsingkat soring: Adong ma na ro uju i paboahon tu Ibana
taringot tu angka halak Galilea, na didurushon si Latus do mudarnasida, gabe saor tu
na pinelehonnasida
R:      Jadi ninna Jesus ma mangalusi nasida: Na diagam rohamuna do pardosaan
halak Galilea i martimbangkon saluhut halak Galilea, ala songon i diahap nasida?
U:      Hudok ma di hamu: Ndang; anggo so muba rohamuna, laos songon i do hamu
mago muse!
R:      Manang na dirimpu hamu, anggo na sampuluualu halak, na mate
ditinggang palaspalas na di Siloam, parsalaan sian sude pangisi ni huta
Jerusalem?
U:      Hudok ma di hamu: Nda tung; anggo so muba rohamuna, laos songon i do hamu
mago muse!
R:      Dung i dihatahon ma umpama on: Adong ma di sada halak hau ara na
sinuanna tu porlak anggurna; jadi ro ma ibana mangalului parbuena, hape ndang
adong jumpangsa
U:      Gabe ninna ma mandok siula porlak anggurna: Nunga pola patolutaonhon ahu ro
mangalului parbue di hau ara on, laos so jumpang. Taba ma i; aha pola magopo tano i
bahenonna!
R:      Alai didok i ma mangalusi: Tuannami, loas ma i disi sataon on, asa sanga
hupangkur humaliang bonana, mambahen napa tusi,
U: anggiat olo marparbue tu jolo on; alai anggo soada, tabaon ma! I ma sahatna:
Martua do angka na tumangihon hata ni Debata jala na umpeopsa.
R;      Amen.
6. Marende BE No 678 : 1 – 3 “Pauba Roham Tu Jahowa”

 Pauba roham tu Jahowa, Pauba roham tu Debata./ Pauba roham tu Jahowa,

Pauba roham tu Debatam.
 Marhaposan ho tu Jahowa, Marhaposan ho tu Debatam, / Marhaposan ho tu
Jahowa, Marhaposan ho tu Debatam.

7.  JAMITA: Jesaya 55 :  6 - 9  “Marhamubaon asa Unang Mago”

Ayat : 6 Sai lulu i hamu ma Jahowa, binsan tarbahen dope jumpang ibana; jou
hamu ma ibana, binsan jonok dope ibana.
Ayat : 7 Sai ditadingkon halak parjahat i ma dalanna, jala jolma pargeduk i, angka
sangkapna, sai mulak ma ibana tu Jahowa, asa marpangulahi rohana
mida ibana; dohot tu Debatanta, ai buas do rohana manalesei.
Ayat : 8 Ai ndada pingkiranku pingkiranmuna i, jala ndada dalanmuna angka
dalanku, ninna Jahowa.
Ayat : 9 Ai songon timbo ni angka langit sian tano on, songon i do tumimbo angka
dalanku sian dalanmuna i, jala angka pingkiranku sian pingkiranmuna i.
 Adong ma sada Ama ro mandapothon sada parpangkas. Dung sahat ama I,
disuruh parpangkas on ma ama I asa hundul asa dipangkas obukna. Ditingki dipangkas,
manghata-hata I nasida jala sahat ma manaringoti Debata. Didok parpangkas on ma tu
ama I “Dang huhaporseai adong Debata, Amang”, “Boasa?” didok ama i. “Ida ma di
salah satu bukti, di duru an, molo adong do Debata boasa godang angka sahit dohot na
marsahit, holsoan, hatahuton dohot parporangan. Molo adong do Debata, pasti ndang
masa na songon on”, didok parpangkas i. Ndang adong nanggo saotik dialusi amanta
on parpangkas I, jolo sidung ma dipangkas baru ma asa hudok hatangku, inna ama I ma
dibagasan rohana.

Dung sidung dipangkas, baru dope haruar amanta on sian inganan parpangkas I,
diida ibana ma adong sada ama na obukna ganjang, kotor, huhut misena pe dohot
janggutna ndang diatur dohot denggan. Didapothon amanta on ma parpangkas I, huhut
di dok, “Ndang adong parpangkas di portibi on, Amang, bah!” “Ai boasa didok hamu
songon I, Amang? Ai baru dope hamu marpangkas, kan?” Ninna parpangkas I ma tu
ibana. “Molo adong do parpangkas, ndang songon I jorbut ni amanta I, Ida ma na di
duruan” ninna amanta i. Haruar ma parpangkas I jala diida ma na nidok ni amanta i.
“Oh..Ndang na so ada parpangkas, Amang, amanta I do na so ro tu hami, mandapothon
hami, asa marpangkas nasida”. Didok parpangkas i. “Immada, pas do nian anggo
alusmuna I, Amang. Jala songon I do alushu tu na nidokmuna I, Adong do Debata,
Amang, jolma I do na so olo ro tu adopanna, umbahen masa ma angka sahit, holso,
porang dohot ragam angka na asingna i.” ninna amanta I ma huhut manadinghon
parpangkas I na mangarimang rimangi na nidok amanta i.

Huria ni Tuhanta, Hata ni Debata on mandok tu hita, asa taparhaseang tingki na

dipasahat Debata tu hita asa tongtong mangalului Jahowa di tingki las rohanta tarlumobi
ma di tingki di bagasan hasusaan hita, godang angka haporsuhon na masa di
hita, kegagalan,  na boi mambahen hita stress.   Alani I ringkot do hita mangalului Tuhan
I, huhut dibagasan unduk dohot serep ni roha mangongkui jolma na gale do hita, jala
ingkon marhaposan dohot marhaporusan do hita tu Ibana
Boasa ma ingkon mangalului Tuhan I do hita?  Ala Ibana do na boi mangurupi hita. Ai
dang boi portibion mangalehon alus dohot jaminan  di angka na taadopi di portibi on.
Alani I unang mangondolhon dohot marsigantung hita tu angka na adong di portibi on
isara hepeng , hamoraon, pangkat, jabatan, hapistaran dohot gogonta, ala marisuang
do saluhutna i. Ingkon tu Debata Jahowa do hita ro mangido pangurupion, ala Ndang
adong na so tarpatupa Debata (Luk. 1:37), Ai songon timbo ni angka langit sian tano on,
songon I do tumimbo angka dalanHu sian dalanmuna I, jala angka pingkiranHu sian
pingkiranmuna I (Jes 55:9). Jala ingkon taingot, molo talului Debata, tujuanna
asa mangolu hita (Amos 5 : 4, 6a). Alai dang holan mangalului Jahowa jolma I, huhutma
ingkon diingot, jolma pardosa do ibana, ringkot do manesa dosa, jala manadinghon
angka dosa dosana, angka hajahatonna, angka na disangkapi rohana na so
dihalomohon Debata, jala mulak tu Debata, marhitehite tangiang dohot pangalaho nang
hata na patuduhon adong hamubaon ni roha di ngolu siganup ari asa mulak ma roha ni
Debata ala buas do rohaNa manalesei, asa mangolu jolma i.

Pardalanan dohot pengalaman ni ngolu ni halak Israel/ halak Juda, gabe sada
parsiajaran na arga ma on di hita na mangolu di zamanta saonari on, na masa angka
sahit covid 19, ancaman porang nuklir, senjata biologi, ekonomi, bencana alam dohot
angka lan na asingna dope. Di tingki bangso Juda tutu situtu mangalului Jahowa,
dipauba rohana, masa ma di bangso I, keamanan,  dohot hamonangan. Alai molo
manandinghon Debata, haporsuhon ma jambarnasida. Alani I ma talului ma Jahowa
ganup ari, ganup tingki marhitehite tangiang, manangihon Hata ni Debata, manjaha
Hata ni Debata, huhut marpangalaho na ture hombar tu lomoNa. Alai talului pe Debata
ala jolma pardosa do hita, ndang tolapta malua sian dosa, sibolis dohot hamatean,
holan Debata sajo. Mauliate ma dilehon Jesus Kristus tu hita, asa malua hita sian
hamatean. Alani I ro ma hita tu Ibana, muba ma hita asa unang mago manang mate,
asa mangolu hita. Mulai ma saonari, unang paima ari sogot be asa mangolu tondinta I,
di portibi on dohot di inganan na diparade Tuhan i. Amen

              
8. Marende BE 680 : 1 – 2 “Sai Togihon Au Mulak”
  Sai togihon au mulak tu Ama I, Nunga loja au di parjalanganki / Unang loas
mago au di dosangki, Sai togihon mulak au tu bagas ni Ama I / Sai togihon au,
asa mulak au, Ale Tondi Parbadia togihon mulak au
 Ale Debatangku baen ma au naposoM, Taiti ma rohangku lao mangoloi Ho /
Haporseaonku baen gomos tu Ho, Ale Jesus togu ahu, asa jonok tu Ho / Sai
togihon au, asa mulak au, Ale Tondi Parbadia togihon mulak au

9. Tangiang Pangondianon ;
10. Marende BE No 437 : 1… “Tung Na Muba Rohangku”               (Pelean)

 Tung na muba rohangku dibaen Tuhanki, Dung Jesus maringan di au / Nunga

sonang au on, tung dame rohangki, Dung Jesus maringan di au / Dung Jesus
maringan di au, Dung Jesus maringan di au / Tung na sonang do au dung
tu Jesus au lao, Dung Jesus maringan di au
 Au na lilu hian dapot sambulongki, Dung Jesus maringan di au / Nunga sae
dosangki dibaen mudarNa I, Dung Jesus maringan di au / Reff…. Intro…
 HaroroNa hutagam, ndang uhum tahe, Dung Jesus maringan di au / Dohot au
ma partohap di sangap muse, Dung Jesus maringan di au / Reff….tu ayat 1

11.  Tangiang Panutup
SHALOM !!!!

MANGAPULI (PENGHIBURAN)
ACARA MANGAPULI
HKBP PONDOK GEDE RESSORT PONDOK GEDE
Tu Kel. Ev. St. Retia br. Manullang (Op. ni si Jesica boru)
Di naung jumolo LEMERTI DEBATARAJA SIMAMORA (Op. ni si Jesica Doli)
(21 Januari 1957 – † 09 Agustus 2015) 58 Taon
Komp. Housing I Jl. Cipta Utama Blok K No. 9 Wijk II, Jumat 28 Agustus 2015

1. Hata Huhuasi

2. Marende Huria BE. No. 227: 1-2 Jesus Ngolu Ni Tondingku BL.26  As=Do

                                Jesus ngolu ni tondingku, Ho do haporusanki

                                Gok di Ho na ma diringku, ro di nasa langkaki
                Lam tangkas ma patuduhon, tu au on panghophopMi
                Asa i huhalungunhon, hot ma au di lambungMi

3. Tangiang Pamuhai
4. Mandok Hata Mewakili:
1. Pahompu
2. Boru/Hela
3. Anak/Parumaen
                                                      
5.       Marende Huria SDJ.No. 707: 1 Hagogoon Dohot Apulapul  Es=Do

Hagogoon dohot apulapul do dilehon Tuhan i tu au.

Ganup ari au ditogutogu jala sai dipargogoi do au.
                             Ai hombar tu lomo ni rohaNa do dilehon Tuhan i tu au.
                             Ro marsorin arsak las ni roha, haporseaonku dipatau.

6. Renungan:

7. Marende Huria BE. No.280: 1+3 Tongtong Tutu Na Denggan Do  BL. 173 F=Do

                      Tongtong tutu na denggan do pambaen ni Debatanta

                      Matua so solsolan do sude do i marhata
                      Pos ma roham di Debatam ihuthon  ma Ibana. Na bonar do rohaNa.
                                Diboto Debatanta i na denggan i di hita
Na so tagamon baenon ni na so ture di hita
Dibahen i di rohangki denggan do unduk hita. Di hata ni Tuhanta.

Tangiang Ale Amanami – Pasupasu

SIAN DIA DO BOI TADAPOT PANGAPULION

Cara ni Debata Mangapuli

Apostel Paulus patorangkon, Jahowa* do ”Debata, Sipangapul na
 

sumurung”, na mangapuli di sude sitaononta. (2 Korint 1:3, 4) Dipaboa

di Bibel, boi do Debata mangurupi jala mangapuli sude jolma tingki
marsitaonon.
Jahowa, i ma goar ni Debata na disurat di Bibel.
Tontu, ingkon adong do na taulahon asa tadapot pangapulion sian
Debata. Umpamana, songon dia ma dokter mangurupi hita molo ndang
tajumpangi ibana? Panurirang Amos mandok, ”Tung udur ma tagamon
mardalan dua halak, nda jolo sian dos ni rohanasida?” (Amos 3:3) Didok
muse, ”Pajonok hamu ma tu Debata, dung i pajonohonna ma tu
hamu!”—Jakobus 4:8.
Sian dia do taboto na olo Debata pajonokkon diriNa tu hita? Na parjolo,
jotjot dipaboa di Bibel, lomo do roha ni Debata mangurupi hita. (Ida
ma kotak.) Na paduahon, adong do pengalaman ni angka halak na
 

mandapot pangapulion sian Debata.

Songon si Daud, godang do halak na mangido pangurupion tu Debata
ala jotjot marsitaonon. Didok si Daud, ”Sai tangihon ma soara ni
sombasombangku.” Ditangihon Debata do si Daud? I do. Didok ibana
muse, ”Dapotan pangurupion ahu . . . marolopolop ma rohangku.”—
Psalmen 28:2, 7.

JESUS MANGAPULI NA
MARSITAONON
Disuru Debata do Jesus laho mangapuli jolma. Asing ni tugas i, Jesus
pe ”pauliuli halak parroha na bojok [mandele]” jala ”mangapuli saluhut
halak na marsak roha”. (Jesaya 61:1, 2) Songon na nidok ni ayat i,
diparrohahon Jesus do halak na ”loja jala na sorat”.—Mateus 11:28-30.
Tingki Jesus mangapuli, lambok do ibana, dipodai do nasida, jala olo do
ibana pamalumhon na marsahit. Hea do na marsahit kusta mandok tu
Jesus, ”Molo na olo Ho, tarpamalum Ho do ahu!” Ala asi roha ni Jesus,
didok ma, ”Na olo do Ahu; ias ma ho!” (Markus 1:40, 41) Gabe malum
ma sahitna.
Saonari, ndang di portibi on be Jesus laho mangapuli hita. Alai Jahowa,
”Sipangapul na  sumurung”, tongtong dope mangapuli halak na
marsitaonon. (2 Korint 1:3) Parrohahon ma opat cara ni Jahowa
mangapuli hita.
 Bibel. ”Nasa na tarsurat hian, bahen poda di hita do, umbahen na
tarsurat; asa marpangkirimon hita binahen ni habengeton dohot
pangapulon na di bagasan Surat i.”—Rom 15:4.
 Tondi Parbadia. Dung mate Jesus, dame do huria Kristen di tingki
i. Boasa? Ala nasida ”mamarangehon hatahuton mida Tuhan i, jala
lam tu toropna nasida hinorhon ni pangapoion ni Tondi Parbadia”.
(Ulaon ni Apostel 9:31) Tondi parbadia, i ma gogo ni Debata na
sun hinagogo, jala dipangke do i mangapuli sude halak na
marsitaonon.
 Tangiang. Dipaboa do di Bibel, ”Unang holsohon hamu agia aha”,
alai ”pabotohon hamu ma tu Debata pangidoanmuna . . . Jala
dame ni Debata na sumurung sian saluhut roha, i ma mangaramoti
angka ateate dohot pingkiranmuna”.—Pilippi 4:6, 7.
 Dongan Sahaporseaon boi gabe aleale na mangapuli hita tingki
masa sitaonon. Apostel Paulus paboahon, dongan sahaporseaon i
”gabe apulapul” di tingki adong ”hagogotan dohot haporsuhon”.—
Kolosse 4:11; 1 Tessalonik 3:7.

Alai, tutu do i boi mangapuli hita? Taparrohahon ma pengalaman ni

dongan na marsitaonon na dipaboa di artikel na parjolo. Songon nasida,
hamu pe boi do mangkilala janji ni Jahowa na mandok, ”Songon baoa,
na niapul ni inana, songon i do ahu mangapuli hamu.”—Jesaya 66:13.
^ Jahowa, i ma goar ni Debata na disurat di Bibel.
Sian dia do Taboto na Lomo Roha ni
Jahowa Mangapuli Hita
 ”Ho sandiri, ale Jahowa, mangurupi dohot mangapuli ahu.”—
Psalmen 86:17.
 ”Apuli, apuli hamu bangsongki ninna Debatamuna.”—Jesaya 40:1.
 ”Songon on do hata ni Jahowa: . . . Songon baoa, na niapul ni
inana, songon i do ahu mangapuli hamu.”—Jesaya 66:12, 13.
 ”Martua ma na marsak roha, ai siapulon do nasida!”—Mateus 5:4.
 ”Tinggangkon hamu ma nasa na hinolsohon ni rohamuna tu Ibana
[Debata], ai disarihon do hamu!”—1 Petrus 5:7.
Andorang so

Na Mangihut

Mungkin Lomo do Rohamuna Mamboto

ALUS NI BIBEL
Adong do Ayat ni Bibel na Boi Menghibur Rohamuna?
Akka ayat ni Bibel na menghibur halak tikki menghadapi situasi na maol jala tikki lungun
rohana.
Barita Mardongan Poda ( illustrasi )

AI SONGONI DOPE PARHALADONTA?

Adong ma sahalak parhalado na tongon laho mangurus siurusonna. Diparkir ma hondana, laho masuk tu
jabu ni parjabu. Ndang pola sadia leleng di jabu i, hape dinalaho mulak, nunga dibuat panangko hondana
i.

Ala ni na masa i, ditelepon ma tu amanta na karejo di kota na asing. Dungi pintor ditelepon ma tu
amanta i ma tu laena, jala laena i pe parhalado do. Adong ma na mandok sabar jala huhut ditangiangkon
asa muba roha ni panangkoi. Alai ala ni hormat dohot niar ni laena on marhulahula pintor dibahen do
usaha laho manungkun na malo (datu), ingkon urupan do hulahulaniba, nina rohana. Dibahen datui
ramalanna, huhut diparade siboanon ni na manungkun i, asa dipaulak panangko i honda i. Adongma
siinumon, adong sipispishonon tu alaman, adong si simpanon di ginjang ni pintu. Nungi diboan ma sude
na nilehon ni datu i, pintor hatop ma diparidi, dipispishon tu alaman, disimpan diginjang ni pintu.
Sudema diulahon na ni dokni datu i, didok rohana asa hatop ditaruhon hondana i, ala didok datu i mulak
do i borngin on asal ma naung dibahen hamu na hudok i.

Hamu angka dongan panjaha, asa taida jo: sahalak parhalado magoan honda, dungi donganna parhalado
muse manungkun datu. Marlapan do i, parhalado i do na laho tu datu, jala diulahon parhalado i do na
nidok ni datu i.

Sega ni na masa i ate dongan? Ai songon i dope haparhaladoonta dipartingkian on? Hape tangkas do hita
manjamitahon asa unang mardatu, tu Debata ma mangalualu asa dipatuduhon na dumenggan. Molo
holan na manjamitahon do hita, didok ma i angka na paotooto dirina (Jak.1:22). Nunga tangkas anak
hatiuron do hita jala ingkon mangolu songon anka anak hatiuron, didok do: Ai na holom do hamu
najolo; alai tiur do anggo nuaeng di bagasan Tuhan i: Marparange ma hamu, songon angka anak
hatiuron! (Epesus 5:8).

ALA NI LIPSTICK GABE NGANGANG

Tongon di ari natal laho pajojorhon ma angka dakdanak. Didok roha ni sahalak inantama, sahali sataon
do songon on, apala tamba uli ni borungkon berengon ni natorop laho pajojorhon, ninna roha ni inanta i.

Bagak ma antong idaon boruna i ai rara bibir ni boruna i.

Alai dung dibahen lipstick i, gabe so pola be mangan boruna i laho tu Gereja. Manghatai pe ndang olo
be, sotung mago lipstick i, ninna rohana. Ndung sahat digereja pintor didapothon ma angka donganna
ma ibana ala nunga mansai uli asing sian na somal dohot asing sian angka donganna. Sude ma angka
donganna i manungkun, ise mambahen i, sian dia dapot hamu i? Alai ndang manghatai be holan
diundukhon, ditudu, diupirhon, angka ima alusna tu donganna i.

Sahatma muse tu napajojorhon, laho ma tu jolo rap dohot angka donganna. Dibahen guruna ma abaaba
asa mulai pajojorhon. Sian parjolo mansai tangkas do begeon angka sipajojoron i. Alai sahat ma tu
dakdanak on, didok do sipajojoranna i, alai ndang tangkas be habegean baliksa hira na ngungu ma
begeon. Sai didok ma tu ibana, dokhon sahali nari, gogo jala tangkas dok. Didokhon ma sahali nari alai
tong songon i soarana. Gabe tarsonggot ma natorasna, maboha do ulaning borungki? Dung i didapothon
ma jala disungkun, boasa songon i ho? Huhut ma ditudu bibirna na marrara i. Hape holan manjaga
lipstick i do hape unang sesa, gabe ndang domu be bibirna i manghatai, gabe so tangkas begeon.

Hamua angka dongan! Ndang sude hape na uli idaon gebe ulima sasintongna. Gabe manegaido haulion i
gabe so dihatahon be sipajojoronna i dohot denggan, ai nunga holan tu si rohana. Laos parsiajaran ma
on di angka natoras, unang holan pauliuli penampilan hita on, alai tauji ma mambahen uli apala roha
parbagasan i. Roha parbagasan i do na umporlu, ianggo na tarida on na laho salpu do i sude. Tangkasma
tahangoluhon hata i: ianggo jolma rupa do na niidana, alai anggo Jahowa roha di bagasan do na
niidana (Samuel 16:7b).

ANAKHU DO HAPE

Somal do di ari natal manang di taon na imbaru, sai mulak angka pangaranto tumopot natorasna asa rap
marlas ni roha di taon baru i. Adong ma sahalak dolidoli naung pola lima taon ndang hea mulak, alai
anggo na sahali on mulak ma ibana. Nunga sai dipapungupungu hepengna asa adong lehononna tu
natorasna dohot tu angka anggina, jala diboan ma angka sipanganon na tabo asa las roha ni natoras
dohot angka sisolhotna.

Tongon tar holang do huta nasida sian inganan na ribur jala ingkon mandalani gadugadu ni hauma dope
tolhas tu bagas nasida. Ala adong gangguan ni kendaraan  nasida dipardalanan, gabe ingkon borngin ni
ari ma ibana sahat, dung i mardalan di naholom ma muse. Didok rohana, sai na hurang tibu sahat asa
gira pajumpang dohot natorasna dohot angka sisolhot.

Hape dinaso panagaman, nunga adong sahalak amanta di inganan na holom i holan paimaima halak na
lewat. Didok roha ni amanta i, laho jumpang ma ari natal dohot taon baru, hape hepeng so adong.
Dongan marlas ni roha, mangllang jagal, manuhor roti dohot minuman, hape keluargangku ndang boi
manuhor manang ahaala soadong hepeng. Jadi nunga marsitutu amanta on paimahon halak na lewat,
hutodong ma annon asa dapotan hepeng iba, ninna rohana.

Mardalan ma antong dolidoli pangarantoi huhut sorat mamboan angka siboanonna. Dung dibege
amanta i adong jolma mardalan, didok rohana ma, on ma ibana, paruntungan ma on. Pintor dipasak ma
dolidoli i laos dabu tu hauma i jala pingsan. Dibuat ma sude na binoan ni dolidoli i dohot dompetna na
marisi hepengi. Lasma rohana, nunga dapotan ahu, laos mulak ma. Nangetnanget ma amanta on
mardalan jala sian pudi ni jabu ma ibana mulak unang adong na umbotosa.

Ndang sadia leleng, sadar ma dolidoli i jala dinunuti ma mardalan sa sahat tu huta. Dung i dituktukma
bagas ni natorasnai jala tung las ma roha nasida umbege soarai, ai anakhu do i ninna roha ni natorasna.
Dung dibuka pintu pintor marsihaolan ma nasida ala ni sombu ni sihol ni roha. alai tompu ma tarsonggot
natorasna i mamereng anakna i ai tung rotak paheanna, bohina, tanganna dohot patna, sudema tahe
pamatangna i nunga maraek jala margambo. Laos disungkun ma boasa songoni. Dipatorang anakna i ma
na hona samun do ibana jala dibuat do angka na huboan dohot dompethu marisi hepeng. Umbege na
masa i tarsonggot ma amanta ihuhut laho tu kamar tumatangis jala manolsoli pangalahonai, ai anakhu
do hape na husamuni i.

Hamu dongan! Tung hailaon bolon ma na masa i, ai anakna sandiri disamun. Goarna ma naung dibagas
hajahaton, ndang ditandai sisolhot, aleale. Disude partingkian, sai patupaonna do hajahatonna i.
Patut do ulahononna hajahaton i, ai sian diama tagamon adong hepengna, ai so hea mulaulaon, holan
na mabuk dohot marjuji do ulaonna ganup ari. Patut do lam tubu angka sangkap na jahat, ai nunga
dibagasan hajahaton ngoluna. Patut ma didok: Pasomalsomal ma dirim mangulahon hadaulaton.
Matahon dirim, ro di pamodaion i; mian ma ho disi! Ai molo i diula ho, paluaonmu ma dirim ro di
angka na tumangihon ho (1 Tim.4:7b,16). Antong hangoluhon ma hata ni Debata, jala sai i ma
halomohon arian dohot borngin.

MANSOADAHON UGAMONA

Tongon dibulan puasa mardalani ma dua halak dolidoli tu sada luat laho mangaluli parkarejoan.
Disungkuni ma pangisi ni luat i manang na adong karejo sikarejoon nasida. Alai sude mandok ndang
adong karejo di luat on. Hape nunga tung loja nasida huhut mauas male jala ndang adong lapo
panuhoran sipanganon. Nian adong hian do lapo na boi mangalompa supermi, alai ala tongon bulan
puasa gabe tutup do parlapo i ala marugamo silom do sude pangisi ni luat i.

Dungi dibaranihon nasidama manuktuk jabu ni parjabu pinomat inganan mangulon satongkin, ninna
roha nasida. Jala burju roha ni parjabu i, laos disuruma nasida masuk. Alai nunga manghatai hian nasida,
tadokma ugamonta silom asa diloas hitamarborngin jala dilehon hita mangan di jabu i. Alai nasada tung
maralo situtu do rohana mandoadahon ugamona, gabe tung marungkil do panghilalaanna ala ni i.

Disungkun parjabu i ma nasida, sian dia do hamu? Nunga loja hamu ate? Dungi sungkun-sungkun na
parpudi, aha do ugamomuna? Pintor hatop do sahalak mangalusi asa pintor las roha ni amanta on, ninna
rohana, silom do amang. Alai nasada nari tung so barani do mansoadahon ugamona, tung pe marungkil
didok do, molo ahu Kristen do amang.

Dungi didok amanta ima, ala silom do hape ho laho ma ho tu kamar an, di si majolo ho istirahat paima
dapot marbungka puasa annon. Tu namandok Kristen i, didok do, laho ma ho tu dapur, adong do
sipanganon disi, mangan ma ho jala minum, nunga maus male ho nuaeng. Pintor dialusi na mangaku
silom i ma, ahupe mauas male do amang. Alai didok amanta i ma, ai bulan puasa do nuaeng, marpuasa
ma ho. Donganmon na Kristen do ibana, jadi ndang marpuasa.

Pintor lam gale ma panghilalaan ni na so barani manghajongjonghon ugamona i, nirimpu do gabe

parsaulian hape gabe harugian do. Ue, loakna i, ndang hape soadaon ugamoniba.

Singkop ma na nidok ni turpuk i: Onpe, unang ho maila, mangkatindangkon Tuhanta i, jala unang
hailahon ahu, na tarhurung humongkop Ibana; dohot ma ho tahe mangkongkop barita na uli, sian
hagogoon ni Debata  (2 Tim.1:8). Sai tahatindanghon ma Tuhanta i, baritahon ma di tingki na une dohot
di tingki na so une.

NDANG DOHOT DITANGIANGKON

Somal do molo di taon na imbaru sai dipatupa partangiangan keluarga. Di si ma marhata sipodaon,
marsisesaan dosa. Songon i ma na masa di sada keluarga, tongon di taon na imbaru mulak do sude
gellengna sian pangarantoan. Torop ni gellengna adong do pitu halak, adong ma i naung marhasohotan,
jala adong dope naso marhasohotan.
Dung sidung marsisesaan dosa, martangiang ma amantai manangianghon sude gellengna i. Mansai jojor
sude goar ni gellengna i ditangianghon  sian na umbalga sahat ro di na ummetmet. Mulai sian anak
panggoaran didokma goarna, ditangianghon ma hahipason, pahompu, pansarian asa lam tu dengganna.
Sahat tu napaduahon, didokma goarna jala tong ma jojor ditangianghon. Alai pintor mangalangka ma tu
anak na paopathon, didok goarna jala jojor ditangianghon haporluonna. Alai anggo anak na patoluhon
nunga sungkunsungkun, boasa ndang didok goarhu? Ninna rohana!

Sahat ma muse tu na palimahon, didok goarna jala jojor ditangianghon haporluonna. Laho
manangianghon anak na paonomhon Pintor marsoara ma anakna na patoluhon i, ahu dope bapak
anakmu na patoluhon, goarhu ndang didok dope bapak, ndang ditangianghon ho ahu. Alai pintor dialusi
bapakna i ma, Pasip ma disi, ndang hasea ho, so hea manghirim ho, apala baritam pe so hea dipaboa ho.
Ditorushon bapakna i ma manangianghon na paonomhon sahat tu na papituhon.

Aian barita i boi idaonta, sudedo ianakhon hape manghasiholi asa ditangianghon natorasna. Alai ala
naung hansit roha ni natorasna i tu anakna na patoluhon i, songonima pambahenanna. Jala sai unang
ma masa nasongon i, molo pe tung tarajumi na mambahen dogo nirohanta i, baliksa ingkon
tangianghonon do asa muba rohana. Jala ndang boi hansit ni roha bahenon di namartangiang. Ai didok
do: Alai molo jongjong hamu martangiang, sai sesa hamu ma, molo adong pangkurangi ni rohamu di
halak, anggiat disesa nang amamuna na di banua ginjang i salamuna  (Mark 11:25).

SUDE NDANG SANGA

Somal do manjonokhon hari natal, angka natoras manuhor baju baru ni ianakhon, asa bagak di na
pajojorhon di gereja. Hinorhon ni baju baru i, tung tamba do las ni roha ni angka dakdanak, jala tamba
uli do idaon.

Alai adong ma sahalak ianakhon gabe marsak ala celana panjang na so pas ukuranna. Annon bodari ma
marnatal angka dakdanak di sada gereja, jadi nunga ingkon rade hian angka na porlu i di dakdanak.
Dimanogot ni ari, diuji dakdanak i ma mamangke celana panjang na i hape tung mansai manganjanghu.

Didapothon ma omakna, paboahon na manganjanghu celana panjang i asa dipotong nian deba. Alai
dialusi omakna i ma, annon ma da, adong dope karejongku. Dungi didapothon ma muse ompungna,
ompung potong jo celana panjanghon ala manganjanghu. Dialusi ompungna i ma, annon ma da, adong
dope ulaonku. Dungi didapothon ma muse kakakna asa dipotong celana panjangna i, hape didok
kakakna i ma, satongkinnari ma da asa jolo sidung karejonghu.

Ala ni alus i sude, gabe marsak ma dakdanak i huhut laho tu podoman laos tarpodom. Hape tompu ma
diingot angka omakna i celana panjang ni anakna i ingkon potongon. Dipotong ma dungi dijahit muse,
laos dilompit denggan. Diingot ompungna i ma muse, dipotong ma jala dijahit muse, dungi dilompit
denggan. Diingot kakakna ma muse, dibuat celana i, dipotong laos dijahit jala dilompit denggan.

Sahat ma tu bodari, laho mangarade ma dakdanak i asa borhat tu Gereja, dipangke ma celana panjangna
i, hape ndang be tardok celana panjang be , jala dohonon celana pendek, hape manganjanghu. Celana
panjang ndang, celana pendek pe ndang. Gabe tangis ma dakdanak i, ala nung maila mamangke
celanana i.
Ioma hasesega molo ndang adong be tingki tu ianakhon, naeng marlas ni roha do ibana rap dohot angka
donganna hape gabe arsak ni roha do na ro. Didok hata ni Debat do ... Unang gintali hamu angka
nakkhonmuna, pagodanggodang hamu na sida di bagasan ajar dohot poda ni Tuhan i  (Epesus.6:4).

NDANG SONGONI HIAN

Hira sude do manghatai inanta na sada an, ndang hea senyum, hira na dodongon idaon, holan na
hohom. Somalna, maol do antusan hadirion ni na songon i. Panghorhonna, sai torop do jolma
paholanghon diri sian i.

Songon i ma pandok ni torop halak tu sahalak inanta na adong di sada luat, sai hira na mansai borat
patuduhon engkelna. Di sada tingki laho ma inanta i tumopot gellengna di pangarantoan, pola sahat tu
dua bulan lelengna asa mulak.

Dapot ma tingkina, mulak ma inanta i tu huta jala nunga mansai muba be pangalahona. Nunga mura
senyum, mura manghatai jala sai ihut do bergerak tanganna molo manghatai. Jala ala pangalaho i, sai
sungkunsungkun ma natorop. Naung boha do dibaen gellengna ibana, pola manasai  godang
haimbaruon. Na so pola siparengkelan, nunga pintor mengkel; na so pola ingkon mardongan gerakan
tangan molo manghatai nunga sai pintor bergerak.

Alai dapot ma muse sialana, patut ma songon i, ai naung mamangke ngingi sere (gigi emas) dohot
mamangke tintin sere do hape. Jadi sai senyum pe ibana na patuduhon gigi emasna i do; molo sai
bergerak pe tanganna na patuduhon cincin emas na di jarina i do. Saonari gabe didok halak ma muse,
singinjang roha, tuit pangalahona, ndang suman be natutua songon i. Aut sura adong mobil ni i ndang
dibagasan be i hundul, di tarup ni mobil i nama asa dibereng halak na ibana do nampuna mobil i.

Hamu angka dongan! Porlu do adong hamubaon alai unang gabe tu ginjang ni roha. porlu do adong
tanba arta, alai ndang pola sai patudutuduhonnonhon. Baliksa gabe lam toruk ma roha molo lam tamba
siadongan, hisaphisap ni danging i do i, sipasidingon do na songon i. Ai didok do: Ai nasa na di portibi
on, i ma lomolomo ni roha ni daging, giotgiot ni roha ni mata dohot na manenagnengahon
sinaadongan, ndada sian Ama i anggo i, tung sian portibi on do  (1 Joh.2:16).

              
BARITA MARDONGAN PODA

Adong ma sahalak baoa na margoar si Lambok, tung mansai burju do ibana jala nunga tung
denggan ngoluna di pangarantoanna. Di nasahali marpingkir ma ibana, ingkon hubalos jolo
angka na denggan sude naung pinatupa ni natua-tuangku tu ahu ninna rohana. Ditonahon ma
natua-tuana sian huta laos ditongos ma ongkos pesawatna asa ro nasida mandapothon
ianakhonna dohot parumaenna suang songoni nang pahompuna. Ro ma tutu natua-tuana sian
huta mandapothon ibana tu Jakarta, tung mansai las rohana. Bodarina i diboan ibana ma natua-
tuana i mardalani tu mall dohot mangan tu restoran mewah na adong di Jakarta, laos di na
mangan i nasida disungkun ibana ma natua-tuana na dua i:
“Aha do bahenonhu bapa/oma asa boi hubalos naung binahenmuna tu ahu?” Alai sip do natua-
tuanai, dang pola dialusi holan mengkel suping do nasida huhut songon na marpingkir.
Dungi mulak ma nasida tu jabu, jala saborngin i sai manetek ma ilu ni natua-tuana, alai huhut
do huroa diparrohahon parumaenna i nasida. Disungkun parumaenna i ma tu amantana, ninna
ma: “Ai boasa holan na manetek ilu ni inong i, pa?, mulai mulak sian restoran i hita songon na
asing do huida natua-tua i?” Pintor didapothon si Lambok ma natua-tuana i, jala disungkun aha
do alana umbahen songoni lungun ni roha nasida. Dungi didok natua-tuana i ma tu si Lambok :
“Molo sungkun-sungkunmu si nabodari i do anaha, on ma alusna…” ninna huhut ma songon na
ditarik hosana jala didok muse : “Anggo angka na denggan naung hubahen hami dang na
tarbalos ho i amang, ai sian na manubuhon ho, mangaramoti ho di sihaetehonmu, dohot
pagodang-godanghon ho, nunga tung godang na hupatupa hami” Pintor tarjolma ma si Lambok,
dungi tangis ma ibana tarilu-ilu ai tung toho do na nidok ni natua-tuana i. Songoni ma nang hita
sudena, dang na tarbaloshon hita angka na denggan naung binahen ni natorasta be tu hita,
holan na boi tarbahen hita ba taramoti ma angka natua-tuanta di sihatuaonna, tabahen ma tutu
angka si las ni roha, unang be sai taarsahi nasida. Molo boi nian songon hata ni sada ende na
di toru on ma :
Hamu  anakkon hu, tampukni pusu-pusuki
Pasabarma amang, pasabarma boru
Laho pature-ture au.
Nungnga matua au jala sitogu togu on i
sulangon mangan ahu, Siparidion au
alani parsahitokki.
reff
Somarlapatan marende, margondang, marembas hamu
Molo dung mate au.
Somarlapatan nauli, na denggan, patupaon mu
Molo dung mate au.
Uju di ngolukkon ma nian
Tupa ma bahen akka nadenggan
Asa tarida sasude
Holong ni rohami, namarnatua-tua i
Horas.

Barita mardongan poda

Posted on September 5, 2013 by charitypsb

 Adong Dope Ulaonku

Adong ma sahalak amanta. Siladenan mangan dohot minum do ibana, ala dirajumi
rohana hinatimbo ni huasona songon kepala rumah tangga. Haru partambuan naung di jolona
pe ingkon ro do inanta i laho mansendok tu piringna.

Adong do hondanasida, alai tung so hea do inanta i dibonceng. Hape angka mas ni
inanta i do digadis laho manuhor i. Molo tung adong ulaon, na sasintongna ingkon rap borhat
nasida, sai lalap ma, “adong dope ulaoku” ninna amanta i asa unang rap borhat nasida di
rohana. Alai molo adong halak mangido tolong laho taruhononna, tarlumobi ma molo anak
boru do na mangido tolong i, pintor hatop do dioloi amanta i.

Di sada tingki adong ma pesta ni keluarga na ingkon rap borhat nasida tu pesta i, jala
nunga dipahatop inanta i marhobas ai arop do rohana ingkon rap borhat nasida. Hape tong do
didok amanta i, “jumolo ma au borhat, adong dope ulaonku”. Nian didok inanta i do, “ia tung
paima ma asa rap borhat hita”, alai gabe gogo do soarana mangalusi mandok, “adong dope
ulaonku…!”.

Borhat ma jumolo amanta i, ai tumagon do di rohana halak na asing boncengonna sian

apala inanta i. Toho ma tutu adong sahalak anak boru mangambat amanta i mangido tolong asa
ditaruhon tu hutana. Burju hian do antong ibana mangoloi pangidoan ni anakboru i, ai sanga
dope taruhononku asa laho au tu pesta i, ninna di bagasan rohana.

Burjunai amanta i tu halak na asing, alai ianggo tu ripena ndang dianturehon. Unang
ma tatiru na songon i. Jumolo ma tahaholongi keluarganta ipe asa tu halak na asing. Didok hata
ni Debata do: On do pinangido ni roha ni Debata: Naeng ma badia hamu; harorangon i
naeng ma pasidingonmuna (1 Tessalonika 4: 3).